ఏ షో అయినా ఎప్పుడు సక్సెస్ అవుతుంది? ప్రేక్షకులకి నచ్చే ఎలిమెంట్లు ఉన్నప్పుడు. అయితే ఎలిమెంట్లు ఉంటే సరిపోతుందా? లేదు... షోని అందంగా, ఆసక్తికరంగా నడిపించే హోస్ట్ ఉండాలి. మాటలను వరదలా పారించాలి. మాట్లాడే ప్రతి మాటా ప్రేక్షకుడికి  నచ్చాలి. మళ్లీ మళ్లీ చూడాలనిపించేలా చేయాలి.
  
   అలా చేయడంలో నూరుశాతం సక్సెస్ అయ్యారు మంచు లక్ష్మీప్రసన్న. ‘బూమ్ బూమ్’ అనే గేమ్‌షోని సక్సెస్‌ఫుల్‌గా రన్ చేస్తున్నారామె. వారానికో సెలెబ్రిటీని పిలిచి, వారిని ఆడించి, వారిచేత ఆసక్తికరమైన విషయాలు చెప్పించి, టెన్షన్ పెట్టి, సందడి చేసి... షోకి ఎన్ని రకాల ప్లస్సులు యాడ్ చేయగలరో అన్నీ చేస్తున్నారు. ‘బూమ్ బూమ్... ఇట్స్ ఎన్ ఎక్స్‌ప్లోజివ్ గేమ్ షో’ అని అనడంలోనే ఆమె స్టయిల్ అంతా కనిపిస్తోంది. షో నడిచినంతసేపూ ప్రేక్షకుడు చానెల్ మార్చడం లేదంటే ఆ ఘనత కచ్చితంగా లక్ష్మిదే. అందుకే అది ఆమె షో!
  


  తెలుగు తెరపై అడపా దడపా విదేశీ తారలు కనిపిస్తుంటారు. తాజాగా థాయ్ చిత్రం ‘ఇన్ ది వన్’, రష్యన్ చిత్రాలు ‘ఐస్‌ల్యాండ్ ఆఫ్ ది లక్’, ‘అల్ట్రా’ తదితర చిత్రాల్లో నటించిన హాలీవుడ్ నటి చాచా పతుమ్‌తిప్ ‘బూమ్ బూమ్’ ద్వారా కథానాయికగా పరిచయం అవుతున్నారు. భరత్ భూషణ్ హీరోగా రూపొందిన ఈ చిత్రంలో రీతూ మరో నాయిక. నగేష్ నారదాశి దర్శకత్వంలో టి. చలపతి నిర్మించిన ఈ చిత్రం ఆడియో ఆవిష్కరణ త్వరలో జరగనుంది. ‘‘స్వార్థప్రయోజనాల కోసం మనుషులు ఎలా మారిపోతున్నారు? అనే కథాంశంతో ఈ చిత్రం రూపొందించాం’’ అని నిర్మాత చెప్పారు.