సరదాగా రెస్టారెంట్ నుంచి శాండ్విచ్ తెప్పించుకుని తిందామనుకుంటున్నారా? ఎందుకైనా మంచిది.. ఒకసారి దాని రెండు స్లైసులు ఒకసారి తీసి సరిచూసుకోండి. ఎందుకంటే, ప్రముఖ నటి ఖుష్బూకు ఒక చేదు అనుభవం ఎదురైంది. ఆమె చెన్నైలోని విరుంగబాకంలో ఉన్న సబ్వే రెస్టారెంట్ నుంచి ఓ శాండ్విచ్ తెప్పించుకున్నారు. సాధారణంగా ఆమెకు శాండ్విచ్ తినేముందు దాన్ని ఒకసారి తీసి చూడటం అలవాటు. అలాగే చూసేసరికి ఒక్కసారిగా దిగ్ర్భాంతి చెందారు. అందులో పురుగు కనిపించింది.
 
 I find a bug in my sandwich from Subway,virugambakkam branch..n I m filing a complain.. pic.twitter.com/Dbb86bWgqt
 — khushbusundar (@khushsundar) October 28, 2013
 సాధారణంగా శాండ్విచ్ని యథాతథంగా తినేయడం చాలామందికి అలవాటు. ఇలా చేస్తే మాత్రం ముప్పు పొంచి ఉందని అందరికీ తెలిసేందుకు ట్విట్టర్లో ఆ సమాచారంతో పాటు.. సదరు శాండ్విచ్ ఫొటోను కూడా పోస్ట్ చేశారు. ప్రమాణాలు పాటించేది ఇలాగేనా అంటూ నిలదీశారు. మనలో చాలామందికి లోపల ఏముందో చూసే అలవాటు ఉండదని, ఇకమీదట మాత్రం ఎట్టి పరిస్థితుల్లో మొహమాట పడకుండా చూడాలని, నాణ్యతలోపం ఏమైనా కనిపిస్తే వెంటనే ఫిర్యాదు చేయాలని తెలిపారు. తాను కూడా దీనిపై ఫిర్యాదు చేస్తానని స్పష్టం చేశారు.
 
 Thankfully I have the habit of opening the sandwich n eating. ..what if I had eaten it as it is? Why cant we maintain standards???
 — khushbusundar (@khushsundar) October 28, 2013
 ఇదే అంశంపై హీరో సిద్దార్థ కూడా స్పందించారు. సబ్వేలో ఆహార పదార్థాలు చాలా ఆరోగ్యకరమైనవి అనుకుని తింటామని, కానీ ఇంతకుముందు కూడా తనకు ఇలాంటి విషయాలు ఒకటి  రెండు తెలుసని ట్విట్టర్లో చెప్పాడు. ఖుష్బూ విషయంలో ఇలా జరగడం బాధాకరమని ఆవేదన వ్యక్తం చేశాడు.
  
 
 @khushsundar ironic. People eat subway thinking its healthy. I’ve heard of these insect & worse, bad lettuce stories before. Best to avoid!!
 — Siddharth (@Actor_Siddharth) October 28, 2013