విడపనకల్లు : మండల సరిహద్దులో ఉన్న కర్ణాటకలోని ప్రసిద్ధిగాంచిన ఎర్రితాత స్వామి పూల రథోత్సవం అంగరంగ వైభవంగా నిర్వహించారు. ఎర్రితాత స్వామి విగ్రహాన్ని వేద పండితుల మంత్రోచ్ఛారణల మధ్య మంగళవాయిద్యాలతో ఊరేగింపుగా తీసుకువచ్చి పూల రథోత్సవం ఉంచారు. అనంతరం భక్తులు పూల రథోత్సవాన్ని ముందుకు లాగారు. అంతకు ముందు ఆలయంలో భక్తులు ప్రత్యేక పూజలు నిర్వహించారు. 


 విడపనకల్లు (ఉరవకొండ) : విడపనకల్లు సరిహద్దులో ఉన్న కర్ణాటకలోని బళ్లారి జిల్లా చేళ్లగురికిలో బుధవారం ఎర్రితాత స్వామి మహా రథోత్సవం కనుల పండువగా జరిగింది. అర్చకులు ఎర్రితాత స్వామి ఉత్సవమూర్తిని కొలువు దీర్చాక భక్తులు రథాన్ని లాగారు. రథోత్సవాన్ని వీక్షించడానికి కర్ణాటక, ఆం‍ధ్రప్రదేశ్‌, తెలంగాణ రాష్ట్రాల నుంచి భక్తులు పెద్ద ఎత్తున తరలివచ్చారు. అవాంఛనీయ సంఘటనలు చోటు చేసుకోకుండా కర్ణాటక పోలీసులు గట్టి బందోబస్తు ఏర్పాటు చేశారు.