హైదరాబాద్: స్వాతంత్య్ర సమరయోధుడు, తెలంగాణ ఉద్యమకారుడు, మాజీ ఎమ్మెల్యే చెన్నమనేని రాజేశ్వర్‌రావు అంత్యక్రియలను అధికార లాంఛనాలతో  నిర్వహించాలని  తెలంగాణ ప్రభుత్వం నిర్ణయించింది. ఈ మేరకు ముఖ్యమంత్రి కె. చంద్రశేఖర్‌రావు ప్రభుత్వ ప్రధాన కార్యదర్శి రాజీవ్‌శర్మను ఆదేశించారు. రాజేశ్వర్‌రావు అంత్యక్రియలు హైదరాబాద్‌లోని మహా ప్రస్థానంలో మంగళవారం ఉదయం 10 గంటలకు జరుగుతాయి. ఈ మేరకు అధికారిక అంత్యక్రియలకు సంబంధించి ప్రభుత్వ ప్రధాన కార్యదర్శి ఆదేశాలు జారీ చేశారు. కాగా, గత కొంత కాలంగా అనార్యోగంతో బాధపడుతూ సోమాజిగూడలోని యశోద ఆస్పత్రిలో చికిత్స పొందుతూ రాజేశ్వర్‌రావు ఇవాళ తెల్లవారుజామును తుది శ్వాస విడిచారు.