సప్తవర్ణాలు ఆకాశాన  ఇంద్రధనుస్సులో ఇమిడి ఉంటాయి. నవవర్ణాలు దసరా నవరాత్రులలో  ఇల మీద కనువిందు చేస్తుంటాయి. దుర్గాదేవి ప్రతిరూపాలుగా  అవనిపై వెలిసిన స్త్రీ మూర్తులు  వర్ణరంజితమైన వస్త్రాలను  అలంకరించుకొని ఆనంద నృత్యాలతో  అమ్మవారి మనసును  పరవశింపజేస్తారు. తొమ్మిది రోజులు...  తొమ్మిది వర్ణాల అలంకరణలు చూసే కనులకు ఇవి  వర్ణించనలవి కాని  వర్ణాలంకారాలు. 1వ రోజు రాయంచ దేవికి రాయల్‌ బ్లూ మొదటి రోజు పాడ్యమి నాడు దుర్గాదేవి శైలపుత్రిగా భక్తుల నీరాజనాలు అందుకుంటుంది. శైలపుత్రి అంటే యువరాణిలా ఆమె అలంకారం ఉండాలి. రాయల్‌ బ్లూ (ముదురు నీలం రంగు) రాజసానికి పెట్టింది పేరు. అందుకే ఈ రోజు నీలం రంగు దుస్తులను ధరించాలి. ప్లెయిన్‌ టస్సర్, క్రేప్‌ లెహంగాల మీద అద్దాలు, చమ్కీలు, స్వరోస్కి, జర్దోసి వర్క్‌లు మరింత ముచ్చట గొలుపుతాయి.  2వ రోజు బంగారు మేనికి పసుపు పండగల్లో పసుపు రంగుది ప్రత్యేక స్థానం. పవిత్ర భావనతో మనసును కట్టిపడేస్తుంది. దుర్గాదేవి బ్రహ్మచారిణిగా పూజలు అందుకునే ఈ రోజు ఆమెకు నచ్చే రంగు పసుపు. సంప్రదాయ వేడుకలన్నింటిలోనూ పసుపు రంగు దుస్తులు చూపులను కట్టడి చేస్తాయి. పసుపు రంగుతో ఎరుపు, నీలం, పచ్చ.. ఇలా అన్ని రకాల కాంబినేషన్స్‌ని జత చేయవచ్చు.  3వ రోజు నిండైన జీవితానికి పచ్చ  కోటి నెలవంకలను పోలిన అందం ఈ రోజు అమ్మవారిది. అందుకే అమ్మవారు చంద్రఘంటగా భక్తులకు ఆశీస్సులు అందిస్తోంది. ఆకుపచ్చ రంగు వస్త్రాలంకరణ ఈ రోజు ప్రత్యేకం. çగ్రీన్‌కు ఎరుపు, గులాబీ, పసుపు మంచి కాంబినేషన్‌.  4వ రోజు విశ్వశక్తికి ప్రతీక బూడిద రంగు ఈ రోజు అమ్మవారు విశ్వశక్తిని నింపుకుని దర్శనమిస్తుంది.  ఆ అనంతశక్తి మనలో ప్రవహించేందుకు బూడిదరంగు సరైన వాహకం. గ్రేకలర్‌ ప్రత్యేకతను చాటుతుంది. ఎంబ్రాయిడరీ చేసిన దుస్తుల మీదకు అదేరంగును పోలిన సిల్వర్‌ ఆభరణాల అలంకరణ సరైన ఎంపిక. 5వ రోజు అగ్ని జ్వాలల ఉత్సాహం నారింజ స్కందుడు అంటే కార్తికేయుడు. అతని తల్లి దుర్గాదేవి స్కందమాతగా ఈ రోజు పూజలందుకుంటుంది. అగ్ని నారింజ (ఆరెంజ్‌) రంగులో గోచరమవుతుంటుంది. కనుక ఈ రోజు ఆరెంజ్‌ రంగు దుస్తులు ధరిస్తే సకల శుభాలు కలుగుతాయంటారు. ఈ కాన్సెప్ట్‌ను అందిపుచ్చుకొని ఈ రోజు ఆరెంజ్‌ రంగు దుస్తులు ధరించి దాండియా నృత్యాలలో పాల్గొంటే రెట్టించిన ఆనందం, మానసిక ఉద్దీపనలు కలుగుతాయి. 6వ రోజు  స్వచ్ఛమైన తెలుపు అమ్మవారు తెల్లటి వస్త్రాలు ధరించి కాత్యాయనిగా దర్శనమిస్తారు ఈ రోజు. అమ్మవారి స్వరూపులైన అతివలు తెలుపు వర్ణ దుస్తులు ధరించి గర్భానృత్యం చేస్తూ ఉంటే ఆ దేవి ఆశీస్సులు అపారంగా అందుతాయి. తెలుపు రంగు శాంతికి, మానసిక ప్రశాంతతకు, స్వచ్ఛతకు చిహ్నం. నెటెడ్‌ లెహంగా–చోలీ–దుపట్టా పూర్తిగా తెలుపు రంగు. అక్కడక్కడా తళుక్కుమనే అద్దాలు, చమ్కీలు.. నృత్యంలో ఎటూ చూసినా కలువపూల అందమే.   7వ రోజు  ఉత్సాహానికి రూపు ఎరుపు చెడుపై కాళికగా ధ్వజమెత్తిన దుర్గాదేవికి ఎరుపు రంగు దుస్తులను అలంకరించి ఆశీస్సులను అందుకుంటారు భక్తులు. ఆ అమ్మవారికి నచ్చిన దుస్తులను ధరించి ఆమె కృపకు పాత్రులు కావాలని కోరుకునే అతివలు ఎరుపు వర్ణం దుస్తులు అలంకరణకు ఉపయోగిస్తారు.   8వ రోజు నీలాకాశమే హద్దు నీలం  మహాగౌరిగా పరమేశ్వరుని ఇష్టసఖిగా నీరాజనాలు అందుకునే అమ్మవారు ఆకాశమే తనుగా భాసిల్లుతుంది. అందుకే ఈ రోజు  నీలాకాశం రంగు దుస్తులు «ధరిస్తే సకల శుభాలు కలుగుతాయంటారు. దీనికి ఆరెంజ్, ఎరుపు రంగుల కాంబినేషన్‌ సరైన ఎంపిక.   9వ రోజు సకల శుభాల అందం గులాబీ చివరి రోజున సిద్ధిధాత్రిగా కోరినవరాలు ఇచ్చే కల్పతరవుగా ప్రసన్నవదనంతో, గులాబీరంగు చెక్కిళ్లతో దర్శనమిస్తుంది అమ్మవారు. కాబట్టి ఈ రోజు గులాబీ రంగు వస్త్రాలంకరణ శ్రేష్టం.


 జూబ్లీహిల్స్ రోడ్ నం: 45లోని‘రూమర్’ బోటిక్ జంట నగరాల్లో గ్లామర్‌కు కేరాఫ్ అడ్రస్‌గా నిలుస్తోంది. ట్రెడిషనల్, అఫీషియల్, ఇండో-వెస్టర్న్, బ్రైడల్ వేర్, కస్టమైజ్డ్ వస్త్రాల రూపకల్పనలో మగువలను ఆకట్టుకుంటున్న ‘రూమర్’ మొదటి వార్షికోత్సవ కార్యక్రమంలో సోమవారం సెలిబ్రిటీలు, పేజ్ త్రీ ప్రముఖులు సందడి చేశారు. ఈ కార్యక్రమంలో హీరో మంచు విష్ణు భార్య వెరోనికా, హీరో నితిన్ సోదరి నిఖితారెడ్డి ప్రత్యేక ఆకర్షణగా నిలిచారు.
  
  తవు కస్టమర్లలో ఎక్కువమంది సెలిబ్రిటీలు, వివిధ రంగాల ప్రముఖులు, స్టూడెంట్స్ కావడంతో ఎప్పటికప్పుడు వారి అభిరుచులకు అనుగుణంగా సరికొత్త డిజైన్లను అందిస్తున్నామని, బోటిక్‌లోనే శారీలు, ఇతర డ్రెస్‌లపై మగ్గం వర్క్ చేయించడం త
 మ ప్రత్యేకత అని బోటిక్ వ్యవస్థాపకురాలు కవితారెడ్డి చెప్పారు. నిర్ణీత సమయానికి కచ్చితంగా డెలివరీ అందించడం వల్ల కస్టమర్లు తమ బోటిక్‌ను ఆదరిస్తున్నారని ఆమె తెలిపారు.
  
  అందుబాటు ధరలు..
  మిగిలిన బోటిక్స్‌తో పోల్చుకుంటే, ‘రూమర్’లో ధరలు చాలా తక్కువ. ఇందులో ఇండో-వెస్టర్న్ డ్రెస్‌లు చాలా ఆకట్టుకుంటాయి.
 ఇక్కడ నాకు నచ్చే డ్రెస్‌లు దొరుకుతాయి. ముఖ్యంగా బ్రైడల్ డ్రెసెస్‌ను ‘రూమర్’ అద్భుతమైన నాణ్యతతో అందిస్తోంది.
  - నిఖితారెడ్డి
  
 మంచి కలెక్షన్..
  మంచి కలెక్షన్, వస్త్రాల నాణ్యత, అందుబాటు ధరలు ‘రూమర్’ ప్రత్యేకత. కస్టమర్లకు నప్పే దుస్తులను సూచించడం, వారి ఆకృతికి సరిపోయే కస్టమైజ్డ్ వస్త్రాలను రూపొందించడం ఈ బోటిక్ విలక్షణత. ఈ ప్రత్యేకతలే ‘రూమర్’ సక్సెస్‌కు కారణం
  - మంచు వెరోనికా