ఆత్మకూరు : నియోజకవర్గంలో పలు ఆరోగ్య సమస్యలతో బాధపడుతున్న పలువురు బాధితులకు ముఖ్యమంత్రి సహాయ నిధి చెక్కులను ఎమ్మెల్యే మేకపాటి విక్రమ్‌రెడ్డి అందజేశారు. నెల్లూరులోని మేకపాటి నివాసంలో శనివారం పార్టీ సీనియర్‌ నాయకుడు, మాజీ ఎంపీ మేకపాటి రాజమోహన్‌రెడ్డి, ఎమ్మెల్యే విక్రమ్‌రెడ్డి చేతుల మీదుగా 38 మంది బాధితులకు రూ.40.17 లక్షల చెక్కులను అందజేశారు. ఓ వైపు ఆరోగ్యశ్రీ పథకంతో ఎందరో పేదలు ఉచిత వైద్య సేవలు పొందుతుంటే, సీఎంఆర్‌ఎఫ్‌ కింద మరింత మందికి బాసటగా నిలవడం దేశంలో ఎక్కడా లేదని మాజీ ఎంపీ మేకపాటి రాజమోహన్‌రెడ్డి అన్నారు. 

సాయం చేయాలనే మనసుంటే చాలు. అందుకు తగిన డబ్బులు సమకూర్చడానికి మార్గాలు చాలానే ఉంటాయి. దర్శకుడు సుశీంద్రన్‌ అలాంటి కార్యానికి శ్రీకారం చుట్టారు. వెన్నిల కబడ్డీ కుళు చిత్రంతో దర్శకుడిగా పరిచయమైన సుశీంద్రన్‌ ముఖ్యమంత్రి స్టాలిన్‌ విజ్ఞప్తి మేరకు కరోనా నివారణ నిధికి తన వంతు సాయం అందించాలని భావించారు. వెన్నిలా ఫీచర్‌ సినిమాస్‌ పేరుతో ఇటీవల పది రోజులు నటన, దర్శకత్వ శాఖలో ఆన్‌లైన్‌లో శిక్షణ తరగతులు నిర్వహించారు. తద్వారా వచ్చిన రూ.5 లక్షలను చెక్కు రూపంలో కరోనా నివారణ నిధికి ఆదివారం నటుడు, శాసనసభ్యుడు ఉదయనిధి స్టాలిన్‌కు అందజేశారు. చదవండి: మాస్‌ టైటిల్‌.. మైండ్‌ బ్లోయింగ్‌ లుక్‌

సాక్షి, వైఎస్సార్‌ జిల్లా: సీఎం రిలీఫ్‌ ఫండ్‌ నకిలీ చెక్కులు సృష్టించిన భాస్కర్‌రెడ్డి అనే వ్యక్తి ప్రొద్దుటూరు పోలీసుల ముందు గురువారం లొంగిపోయారు. 25 వేల విలువ గల మూడు పాత చెక్కులను మార్ఫింగ్‌‌ చేసి 9 లక్షల 95 వేలతో నిందితుడు దొంగ చెక్కులను తయారు చేశాడు. కర్ణాటకలోని హోసూర్‌లో ఉండే సుబ్బిరామిరెడ్డి ద్వారా చెక్కులను మార్పింగ్‌ చేశారు. నకిలీ చెక్కులను గుర్తించిన బ్యాంకుల అధికారులు పోలీసులకు ఫిర్యాదు చేయడంతో బండారం గుట్టురట్టయిం ఈ కేసును ప్రొద్దుటూరు డీఎస్పీ సుధాకర్‌ లోతుగా విచారణ చేపట్టారు.

సాక్షి, ప్రొద్దుటూరు : ఆర్థిక ఇబ్బందులతో అవస్థలు పడి మంజూరు చేయించుకున్న ముఖ్యమంత్రి సహాయ నిధి చెక్కులను సైతం బ్యాంకుల్లో డబ్బు లేక బౌన్స్‌ చేయించిన ఘనత నాటి ముఖ్యమంత్రి చంద్రబాబునాయుడిదని ఎమ్మెల్యే రాచమల్లు శివప్రసాదరెడ్డి పేర్కొన్నారు. అలాంటి పేదవారికి తమ ప్రభుత్వ హయాంలో ముఖ్యమంత్రి వైఎస్‌ జగన్‌మోహన్‌రెడ్డి ద్వారా మళ్లీ చెక్కులు మంజూరు చేయించేందుకు కృషి చేస్తున్నానన్నారు. స్థానిక వైఎస్సార్‌సీపీ కార్యాలయంలో శనివారం ఆయన 60 మంది బాధితులకు రూ.21.90లక్షల విలువైన సీఎం రిలీఫ్‌ఫండ్‌ చెక్కులను పంపిణీ చేశారు. ఈ సందర్భంగా ఆయన మీడియాతో మాట్లాడుతూ జగన్‌మోహన్‌రెడ్డి ప్రభుత్వంలో ఇప్పటికే సుమారు రూ.కోటి వరకు సీఎం రిలీఫ్‌ఫండ్, ఎల్‌ఓసీ లెటర్లను మంజూరు చేయించామన్నారు. చౌడూరు గ్రామానికి చెందిన ఎర్రంరెడ్డి స్రవంతికి ఈ ఏడాది మార్చి 5న అప్పటి ముఖ్యమంత్రి చంద్రబాబు నాయుడు మంజూరు చేసిన రూ.1,02,722 విలువగల చెక్కును చూపించారు. ఎంతో ఆశతో బాధితురాలు బ్యాంకుకు వెళితే డబ్బు లేదని బౌన్స్‌ అయినట్టు తెలిపారన్నారు. ఇలాంటి కేసులు నియోజకవర్గంలో సుమారు 100 వరకు ఉంటాయని, జిల్లాలో, రాష్ట్రంలో వేల సంఖ్యలో ఉన్నాయన్నారు. అనారోగ్యంతో చికిత్స చేయించుకున్న బాధితుల చెక్కులు కూడా బౌన్స్‌ అయితే ఇంతకంటే దయనీయ పరిస్థితి మరొకటి ఉంటుందా అన్నారు. బౌన్స్‌ అయిన చెక్కులకు సంబంధించి మాజీ ఎమ్మెల్యేలు వరదరాజులరెడ్డి, మల్లేల లింగారెడ్డి 25 శాతం చొప్పున చెల్లిస్తే తాను మిగతా 50 శాతం చొప్పున చెల్లించి డబ్బు పంపిణీ చేసేందుకు సిద్ధంగా ఉన్నానని తెలిపారు. వైఎస్‌ జగన్‌మోహన్‌రెడ్డి ప్రభుత్వంలో అలాంటి పరిస్థితి రాదని తెలిపారు. అలాంటి పరిస్థితి వస్తే తాను రాజీనామా చేయడానికి వెనుకాడనన్నారు. కార్యక్రమంలో మాజీ మున్సిపల్‌ చైర్మన్‌ ఉండేల గురివిరెడ్డి, వైఎస్సార్‌సీపీ మహిళా విభాగం కడప పార్లమెంటరీ అధ్యక్షురాలు జింకా విజయలక్ష్మీ, వైఎస్సార్‌సీపీ జిల్లా ప్రధాన కార్యదర్శి కల్లూరు నాగేంద్రరెడ్డి, రాజుపాళెం మండల కనీ్వనర్‌ ఎస్‌ఏ నారాయణరెడ్డి, కొనిరెడ్డి శివచంద్రారెడ్డి, నియోజకవర్గ అధ్యక్షురాలు గజ్జల కళావతి, పోసా భాస్కర్, మద్దూరి దేవి, షమీమ్‌బాను పాల్గొన్నారు.

సాక్షి, విజయవాడ : ముఖ్యమంత్రి వైఎస్‌ జగన్‌మోహన్‌రెడ్డి ఇతర రాష్ట్రాలలో సైతం ఆరోగ్యశ్రీని అమలు చేసేలా చర్యలు చేపట్టారని దేవాదాయశాఖ మంత్రి వెల్లంపల్లి శ్రీనివాస్‌ పేర్కొన్నారు. బుధవారం విజయవాడ పశ్చిమ నియోజకవర్గ వైఎస్సార్‌సీపీ కార్యాలయంలో సీఎం రిలీఫ్‌ ఫండ్‌ చెక్కులను ఆయన పంపిణీ చేశారు. ఈ సందర్భంగా 51 మంది లబ్ధిదారులకు ఈ చెక్కులు అందించారు. అనంతరం మంత్రి మాట్లాడుతూ.. దివంగత నేత వైఎస్‌ రాజశేఖర్‌రెడ్డి ప్రజల ఆరోగ్యానికి పెద్దపీట వేస్తూ ఆరోగ్యశ్రీని ప్రవేశ పెట్టారని ప్రస్తావించారు. గత పాలనలో చంద్రబాబు ఆరోగ్యశ్రీని నిర్వీర్యం చేసి అందులో కొన్ని వ్యాధులను తొలగించారని విమర్శించారు. సీఎం జగన్‌.. తండ్రి వైఎస్‌ రాజశేఖర్‌రెడ్డిని ఆదర్శంగా తీసుకొని రెట్టింపు ఉత్సాహంతో పనిచేస్తున్నారని ప్రశంసించారు. వైఎస్‌ జగన్‌ నాయకత్వంలో తాము పనిచేయడం అదృష్టంగా భావిస్తున్నామన్నారు. ఆర్థికంగా ఇబ్బంది ఉన్నా మద్యపానం నుంచి ఆదాయం పోతున్నా.. ముఖ్యమంత్రి దశల వారీగా మద్యపాన నిషేధం అమలు చేస్తున్నారని మంత్రి పేర్కొన్నారు. వైఎస్‌ జగన్‌ పాలన చేపట్టి అయిదు నెలలు కాకముందే ప్రతిపక్షనేత చంద్రబాబు, పవన్‌ కల్యాణ్‌ అర్థం లేని విమర్శలు చేస్తున్నారని మండిపడ్డారు. 40 ఏళ్ల చరిత్రలో చంద్రబాబు చేయలేని పనిని సీఎం జగన్‌మోహన్‌రెడ్డి నాలుగు నెలల్లో చేసి చూపారని, చంద్రబాబు తన 40 ఏళ్ల రాజకీయ జీవితంలో ఇలాంటి పథకాలు ప్రవేశ పెట్టరా అని ప్రశ్నించారు. సంక్షేమ పథకాలు ప్రవేశ పెట్టడమే కాకుండా లబ్ధిదారులకు అందేలా గ్రామ, వార్డు వాలంటీర్ల ద్వారా చర్యలు చేపట్టామని వివరించారు. రానున్న ఉగాది నాటికి ఇళ్ల పట్టాలు అందిస్తామని, జనవరి నుంచి అమ్మఒడి పథకానికి శ్రీకారం చుడుతున్నట్లు మంత్రి వెల్లంపల్లి శ్రీనివాస్‌ తెలిపారు. 

మిర్యాలగూడ : ఫోన్‌ చేసి ఎటీఎం నంబర్‌ చెప్పమనడంతోపాటు పిన్‌నంబర్‌ చెప్పాలని అమాయకులను సైబర్‌ నేరగాళ్లు మోసం చేస్తున్నారు. కానీ ఏకంగా సీఎం కార్యాలయ అడ్రస్‌ పేరుతోనే సైబర్‌ నేరగాళ్లు ఆన్‌లైన్‌ మోసాలకు పాల్పడుతున్నారు. ముఖ్యమంత్రి సహాయ నిధి (సీఎం రిలీఫ్‌ ఫండ్‌) కోసం కనీసం దరఖాస్తు కూడా చేసుకోకపోయినా సీఎంఆర్‌ఎఫ్‌ మంజూరైందని ముఖ్యమంత్రి కార్యాలయం పేరుతో లెటర్‌  వచ్చింది. అది చూసిన గిరిజనులు అవాక్కయ్యారు. అడవిదేవులపల్లి మండలం ముల్కచర్ల గ్రామ పంచాయతీ పరిధిలోని బంగారుకుంట తండాకు చెందిన ఐదుగురు గిరిజనులు కరోం టోతు సేవా, అజ్మీరా శ్రీను, కుర్రా సేవ, మేరావత్‌ బోడ్కా, కుర్రా మంగ్తాల పేరున స్పీడ్‌పోస్టు ద్వారా సీఎం రిలీఫ్‌ ఫండ్‌ ఐదు లక్షల రూపాయల మంజూరైనట్లు లెటర్లు (ఎల్‌ఆర్‌.70/సీఎంఆర్‌ఎఫ్‌ – ఎల్‌ఓసి 2018, 12–05–2018) వచ్చాయి.  అందుకు ఈ నెల 21వ తేదీ లోగా 47 వేల రూపాయలు ఎకౌంట్‌లో వేయాలని (సెక్రటేరియట్‌ ఆఫీసర్‌ కిరణ్‌ కుమార్‌ ఎకౌంట్‌ నెం. 6220181 2298 ఎస్‌బీఐ) కోరారు.  47 వేల రూపాయలు ఎకౌంట్‌లో వేసిన తర్వాత ఈ నెల 26వ తేదీ వరకు ఐదు లక్షల రూపాయల చెక్‌ స్పీడ్‌ పోస్టు ద్వారా ఇంటికి వస్తుందని లెటర్‌లో పేర్కొన్నారు.  ప్రతులు కేటీఆర్‌కు పంపినట్లుగా: సీఎం రిలీఫ్‌ ఫండ్‌ చెక్కులు గిరిజనులతో పేరున పంపడంతోపాటు తెలంగాణ ఐటీ మంత్రి, కల్వ కుంట్ల తారక రామారావుకు కూడా పంపినట్లుగా లెటర్‌లో పేర్కొన్నారు. ఈ లెటర్‌ను కిరణ్‌కుమార్, సెక్రటేరియట్‌ బిల్డింగ్, 5వ అంతస్తు, సీ–బ్లాక్, హైదరాబాద్‌ పేరుతో ఉంది. దానిలో ఫోన్‌ నెం, 040–23450461 ఉండటం, లెటర్‌పైన ప్రభుత్వ అధికారిక రాజముద్ర ఉండడం గమనార్హం.  తెలిసిన వారే ఉండవచ్చునని అనుమానం బంగారికుంట తండాకు చెందిన ఐదుగురు గిరిజనులకు సీఎం రిలీఫ్‌ఫండ్‌ చెక్కులు మంజూరైనట్లుగా వచ్చిన లెటర్‌లను పరిశీలిస్తే తెలిసిన వారే ఈ పనిచేశారని అర్థమవుతుంది. గిరిజనుల పేరుతోపాటు వారి తండ్రి పేరును పూర్తి అడ్రస్‌ను లెటర్‌లో పేర్కొన్నారు. పోలీసులు లెటర్‌లో ఉన్న ఎకౌంట్‌ నంబర్, పూర్తి వివరాలను సేకరిస్తే బయటపడే అవకాశాలు ఉన్నాయి. పోలీసులను, జూలకంటిని ఆశ్రయించిన గిరిజనులు ఐదు లక్షల రూపాయల సీఎం రిలీఫ్‌ ఫండ్‌ చెక్కు మంజూరైనట్లు లెటర్‌ రావడంతో బంగారికుంట తండాకు చెందిన ఐదుగురు గిరిజనులు స్థానిక పోలీసులకు ఫిర్యాదు చేశారు. అదే విధంగా మా జీ ఎమ్మెల్యే జూలకంటి రంగారెడ్డిని ఆశ్రయిం చారు. దీంతో నకిలీ లెటర్‌గా గుర్తించారు. సీఎం రిలీఫ్‌ ఫండ్‌ చెక్కు మంజూరైతే డబ్బులు ఎకౌంట్‌లో ఎందుకు వేయమంటారని భావించిన వారు నకిలీ లెటర్‌ అని తెలుసుకున్నారు. ఇంటికి లెటర్‌లు వచ్చాయి  మాకు సీఎం రిలీఫ్‌ ఫండ్‌ 5 లక్షల రూపాయలు మంజూ రైనట్లు ఇంటికి లెటర్‌లు వచ్చాయి. ముందుగా 47 వేల రూపాయలు కిరణ్‌కుమార్‌ ఎకౌంట్‌లో వేయాలని కోరారు. ఆ తర్వాత ఐదు లక్షల రూపాయలు పోస్టులో పంపుతామని లెటర్‌లో ఉంది. మొదట్లో ప్రభుత్వం పేరుతో లెటర్‌ రావడం వల్ల మేము కూడా నమ్మాము. కానీ ముందుగా ఎకౌంట్‌లో డబ్బులు వేయాలని ఉండటం వల్ల జూలకంటి రంగారెడ్డి వద్దకు వచ్చాం. – అజ్మీరా శ్రీను, మేరావత్‌ బోడ్కా, అడవిదేవులపల్లి విచారణ జరిపించాలి  సీఎం కార్యాలయం పేరుతో సీఎం రిలీఫ్‌ ఫండ్‌ చెక్కులు మంజూరయ్యాయని వచ్చిన లెటర్‌పై పూర్తి స్థాయి విచారణ జరిపించాలి. లెటర్‌లో ఉన్న కిరణ్‌కుమార్‌ ఎకౌంట్‌ను కూడా పరిశీలించాలి. సీఎం కార్యాలయం పేరుతో వచ్చిన లెటర్‌ కావడం వల్ల పోలీసులు పూరి ్తస్థాయి విచారణ జరిపి ఇలాంటి లెటర్‌లు పంపిన వారిపై కఠిన చర్యలు తీసుకోవాలి. గి రిజనులు నమ్మకపోవడం వల్లే మోసపోలేదు.  – జూలకంటి రంగారెడ్డి, మాజీ ఎమ్మెల్యే 


 సాలూరు: ‘నేను మంజూరుచేయించిన సీఎం రిలీఫ్ ఫండ్ చెక్కులను నేను లేకుండా పంపిణీ చేస్తారా?, అంటూ సాలూరు ఎమ్మెల్యే పీడిక రాజన్నదొర తెలుగుదేశం పార్టీ నేతలపై మండిపడ్డారు. సాలూరు  తహశీల్దార్ ఆధ్వర్యంలో ఎమ్మెల్సీ సంధ్యారాణి, మున్సిపల్ చైర్‌పర్సన్ గొర్లె విజయకుమారి, మాజీ ఎమ్మెల్యే ఆర్‌పీ భంజ్‌దేవ్ తదితరులు అనారోగ్యంతో ఉన్న వారికి సీఎం రలీఫ్ ఫండ్ చెక్కులు శుక్రవారం  పంపిణీ చేసిన విషయం తెలియడంతో రాజన్నదొర తీవ్ర ఆగ్రహం వ్యక్తం చేశారు.
  
 అనారోగ్య పీడితులకు కిరణ్‌కుమార్ రెడ్డి ముఖ్యమంత్రిగా ఉన్న హయాంలో ఆర్థిక సాయం మంజూరయ్యేలా తాను కృషి చేస్తే ఇప్పుడు తాను లేకుండా తామేదో మంజూరు చేయించినట్లు అధికార పార్టీ నేతలు చెక్కులు పంపిణీ చేస్తున్నారని మండిపడ్డారు.  ఆపదలో ఉన్న వారికి కూడా పైసా మంజూరుచేయని  నియోజకవర్గంలో తాను గత ప్రభుత్వ హయాంలో మంజూరుచేయించిన భవణాలు, వంతెనలు, రోడ్లను ప్రారంభిస్తున్నారే తప్ప వారు మంజూరుచేయించిన ఒక్క అభివృద్ధి పనిని చూపగలరా అని ప్రశ్నించారు.
  
 మాజీలను పిలిస్తే ఊరుకునేది లేదు
 ఇంతవరకు తాను ప్రోటోకాల్ విషయంలో చూసీచూడనట్టు వ్యవహరించానని, ఇకపై ఊరుకునేది లేదని రాజన్నదొర అధికారులను హెచ్చరించారు. అధికారిక కార్యక్రమాలకు అధికార పార్టీకి చెందిన మాజీ నేతను ఆహ్వానిస్తున్నారని, ఇకపై అలా జరిగితే మర్యాదగా  ఉండదని తేల్చిచెప్పారు.