చిలమత్తూరు : మండలంలోని చెక్‌పోస్టు ప్రాంతంలో కాంగ్రెస్‌ పీసీసీ అధ్యక్షుడు రఘువీరారెడ్డి శనివారం పర్యటించనున్నట్లు స్థానిక కాంగ్రెస్‌ నాయకులు నాగరాజు యాదవ్‌ తెలిపారు. ఆయన శనివారం ఉదయం 8.30 గంటలకు చెక్‌పోస్టుకు చేరుకుంటారని అనంతరం మండలంలో ఎండిపోయిన వేరుశనగ పంట పరిశీలిస్తారని పేర్కొన్నారు. కార్యక్రమానికి అభిమానులు, కార్యకర్తలు, నాయకులు తరలిరావాలని ఆయన కోరారు.


 అనంతపురం అర్బన్‌ / కదిరి : ముఖ్యమంత్రి చంద్రబాబు నాయుడు ఆదివారం జిల్లా పర్యటనకు వస్తున్నారు.  ఉదయం 10.35 గంటలకు పుట్టపర్తి విమానాశ్రయం చేరుకుంటారు. అక్కడి నుంచి హెలికాప్టర్‌లో బయలుదేరి 10.50 గంటలకు పుట్టపర్తి నియోజకవర్గంలోని అమడగూరు మండల కేంద్రానికి చేరుకుంటారు. అక్కడ వేరుశనగ పంటను పరిశీలిస్తారు.
 
 పంట సంజీవనిపై రైతులతో మాట్లాడతారు. అక్కడి నుంచి హెలికాప్టర్‌ లో బయలుదేరి మధ్యాహ్నం 12.05 గంటలకు కదిరి నియోజకవర్గంలోని తనకల్లు మండలం కోటపల్లికి చేరుకుంటారు. ఇక్కడా క్షేత్ర స్థాయిలో వేరుశనగను పరిశీలించి.. రైతులతో మాట్లాడతారు. మధ్యాహ్నం 1.15 గంటలకు ఇక్కడి నుంచి బయలుదేరి వెళతారు.