రిషికేశ్: డెహ్రాడూన్ జాలీ గ్రాంట్ విమానాశ్రయంలోకి ప్రవేశించిన ఓ చిరుతపులిని బుధవారం బోనులో బంధించినట్లు ఫారెస్ట్ అధికారులు తెలిపారు. అటవీ ప్రాంత నుంచి విమానాశ్రయ ప్రాంగణంలోకి వచ్చిన చిరుత విమాన రాకపోకల భారీ శబ్దాలకు భయపడి అక్కడే ఉన్న కొత్త టెర్మినల్ భవనం సమీపంలోని ఓ పైపులో దాక్కుందని, దాదాపు పది గంటలు అందులోనే ఉండిపోయిందని సబ్ డివిజనల్ ఫారెస్ట్ అధికారి జి.ఎస్.మార్తోలియ అన్నారు. మంగళవారం సాయంత్రం చివరి విమానం బయల్దేరిన తరువాత శబ్దాలు తగ్గడంతో చిరుత బయటకి వచ్చి అక్కడి సిబ్బందిని భయాందోళనకు గురిచేసింది. సమాచారం అందుకున్న ఫారెస్ట్ అధికారులు దాదాపు 10 గంటలు శ్రమించి చిరుతను బోనులో బంధించారు. చిరుతపులిని డెహ్రాడూన్ అటవీ విభాగానికి చెందిన బాడ్కోట్ పరిధిలో ఉంచారు, వైల్డ్ లైఫ్ ఇన్స్టిట్యూట్ ఆఫ్ ఇండియా నిపుణులు దానికి సంబంధిత పరీక్షల తరువాత అడవిలోకి విడుదల చేస్తారని డెహ్రాడూన్ డిఎఫ్ఓ రాజీవ్ ధీమన్ చెప్పారు.

డెహ్రాడూన్‌: ఉత్తరాఖండ్‌ రాష్ట్రం ఉద్దమ్‌సింగ్‌నగర్‌ జిల్లాలో ఒక ర్యాలీలో ప్రసంగించాల్సిన ప్రధాని నరేంద్రమోదీ వాతావరణం అనుకూలించకపోవడంతో నాలుగు గంటలకుపైగా డెహ్రాడూన్‌లోని జాలీ గ్రాంట్‌లో విమానాశ్రయంలో వేచిఉండాల్సి వచ్చింది. గురువారం ఉదయం ఏడుగంటలకు విమానాశ్రయానికి చేరుకున్న మోదీ తెల్లవారుజామునుంచే ఇక్కడ వర్షం పడుతుండడంతో దాదాపు నాలుగు గంటలకుపైగా అక్కడే నిరీక్షించారు. హెలికాప్టర్‌లో ఆయన రుద్రాపూర్‌ బయల్దేరాలని అనుకున్నప్పటికీ ప్రతికూల వాతావరణం కారణంగా కుదరకపోవడంతో ఫోన్‌లోనే ర్యాలీనుద్దేశించి ప్రసంగించారు. రుద్రాపూర్‌ రాలేకపోయినందుకు చింతిస్తున్నానంటూ క్షమాపణ కోరారు. ర్యాలీలో పాల్గొనడంతోపాటు, రాష్ట్ర సమీకృత సహకార అభివృద్ధి సంస్థను ప్రధాని ప్రారంభించాల్సి ఉంది.


 డెహ్రాడూన్: టీమిండియా స్టార్‌ క్రికెటర్‌ విరాట్‌ కోహ్లి, బాలీవుడ్ నటి అనుష్కశర్మ మరోసారి వార్తల్లో నిలిచారు. క్రిస్మస్ సంబరాలను కలిసి జరుపుకున్న వీరిద్దరూ న్యూ ఇయర్ వేడుకలను జరుపుకున్న విషయం తెలిసిందే. డెహ్రాడూన్ లో విమానంలో వీరు ఉండగా క్లిక్ మనిపించిన ఓ ఫొటో సోషల్ మీడియాలో హల్ చల్ చేస్తోంది. తమ సెలబ్రేషన్స్ పూర్తి చేసుకున్న వీరు తిరిగి తమ ప్రాంతాలకు తిరుగు పయనమవగా ఈ ఫొటో తీసినట్లు కనిపిస్తోంది. తన ప్రేయసి అనుష్క భుజంపై కోహ్లీ చేయి వేసినట్లు ఫొటోలో చూడవచ్చు. మరోవైపు ఇంగ్లండ్ తో టీమిండియా టెస్ట్ సిరీస్ ముగియడంతో కోహ్లీ, తన ప్రేయసి అనుష్కతో కలిసి వారం రోజుల వెకేషన్ కోసం డెహ్రాడూన్ వెళ్లాడు. న్యూ ఇయర్ కోసం ముందే ప్లాన్ చేసుకున్న అనుష్క కొన్ని రోజులపాటు షూటింగ్ నుంచి విరామం తీసుకుంది.
 
 ఇద్దరు సెలబ్రిటీలు ఈ విధంగా కనిపించడంతో ఎయిర్ పోర్ట్‌లో ఉన్న కొందరు ఓ ఫొటో క్లిక్ మనిపించి పోస్ట్ చేయడంతో వైరల్ గా మారింది. న్యూతన సంవత్సరం తొలిరోజున కోహ్లీ, అనుష్క ఎంగేజ్ మెంట్ జరగనుందని భిన్న కథనాలు ప్రచారం కాగా, నిశ్చితార్థం, పెళ్లి ఇలాంటి వార్తలను అందరికీ చెప్పే సెలబ్రేట్ చేసుకుంటామని, ఇందులో దాపరికం లేదని కోహ్లీ న్యూ ఇయర్ కు ముందే ట్వీట్ చేశాడు.