మహిళలపై జరుగుతున్న అఘాయిత్యాలకు అంతమే లేదన్నట్లుగా నేరాలు జరుగుతున్నాయి. ఈ అఘాయిత్యాలకు పాల్పడే వాళ్లంతా సమాజంలో మంచి స్థానంలో ఉన్న ప్రముఖులు లేదా ప్రుముఖుల పిల్లలే కావడం బాధకరం. స్టార్‌ హీరోయిన్‌ దగ్గర నుంచి మంచి ఉ‍న్నతస్థాయి ఉద్యోగం చేస్తున్న మహిళలందరూ ఏదో ఒక సందర్భంలో లైంగిక వేధింపులను ఎదుర్కొంటున్నారు. కొంతమంది ప్రబుద్ధులు చట్టాలను సైతం లెక్కచేయకుండా మహిళలపై అయిత్యాలకు తెగబడుతున్నారు. అచ్చం అలానే ఇక్కడొక రచయిత్రి అత్యాచారానికి గురైంది.  వివరాల్లోకెళ్తే....ముంబైలోని ఉంటున్న ఒక రచయిత్రి అత్యాచారానికి గురైంది. ముంబైలోని జుహు ప్రాంతంలో ఫైవ్‌స్టార్‌ హోటల్‌లో 35 ఏళ్ల రచయిత్రి పై 75 ఏళ్ల వ్యాపారవేత్త అఘాయిత్యానికి పాల్పడ్డాడు. పైగా ఆ వ్యాపారవేత్త ఈ విషయాన్ని ఎవరికైన చెబితే చంపేస్తానంటూ డాన్‌ దావుద్‌ ఇబ్రహీం పేరుతో బెదిరించాడు. దీంతో ఇక ఆమె చేసేదిలేక ఎట్టకేలకు పోలీసులకు ఫిర్యాదు చేసింది. ఐతే సదరు నిందితుడు బాధిత మహిళ వద్ద రూ.2 కోట్లు రుణం తీసుకున్నట్లు వెల్లడించింది. ఆమె పలుమార్లు పోలీసులకు ఫిర్యాదు చేసేందుకు ప్రయత్నించగా... నిందితు డాన్‌ పేరుతో బెదిరించడమే కాకుండా చంపేస్తానని బెదిరించాడని పోలీసులకు తెలిపింది. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.  (చదవండి: చంపి.. బొందపెట్టారు: అమెజాన్‌ అడవుల్లో వీడిన మిస్టరీ.. బొల్సోనారో బలుపు వ్యాఖ్యలు)


 నిద్రపోతున్నాడని విలేకరికి ఫోన్‌లో చెప్పిన భార్య
 దావూద్‌కు 3 పాక్ పాస్‌పోర్టులు, పాక్‌లో 9 ఇళ్లు, భార్య పేరుతో ఫోన్ బిల్లు..
 భారత నిఘా వర్గాల వద్ద గట్టి ఆధారాలు
  
 న్యూఢిల్లీ: ముంబై పేలుళ్ల సూత్రధారి, అండర్‌వరల్డ్ డాన్ దావూద్ ఇబ్రహీం తమ దేశంలో లేడని అంటున్న పాకిస్తాన్ మాటలన్నీ బుకాయింపులేనని తేలిపోయింది. అతడు పాక్‌లోని కరాచీలోనే తిష్ట వేసినట్లు నిరూపించే గట్టి ఆధారాలు వెలుగు చూశాయి. డాన్ కరాచీలో ఉన్నాడని అతని భార్య ఓ టీవీ చానల్ శనివారం చేసిన ఫోన్ కాల్‌కు బదులిచ్చింది. మరోపక్క.. దావూద్‌కు పాక్ ఇచ్చిన పాస్‌పోర్టులు, కరాచీలోని అతని భార్య పేరుతో ఉన్న ఫోన్ బిల్లు కూడా బహిర్గతమయ్యాయి. పాక్ జాతీయ భద్రతా సలహాదారు(ఎన్‌ఎస్‌ఏ)తో జరపాలనుకున్న చర్చల్లో  భారత ఎన్‌ఎస్‌ఏ..ఆయనకు అందివ్వడానికి ఈ ఆధారాలు(డోసియర్) సిద్ధం చేశారు.
 
 గడ్డం తీసేసి.. 59 ఏళ్ల దావూద్, అతని కుటుంబం పాక్‌లోని కరాచీలోనే ఉన్నట్లు తెలిపే గట్టి ఆధారాలను భారత నిఘా సంస్థలు సేకరించాయి. వీటిలో పాక్ దావూద్‌కు 1996లో ఇచ్చిన పాస్‌పోర్టు(నం. సీ-267185), ఇతర డాక్యుమెంట్లు ఉన్నాయి. ఈ పాస్‌పోర్టులో దావూద్ గడ్డం లేకుండా, తలపై పల్చని వెంట్రుకలతో ఉన్నాడు. అతనికి  మరో రెండు పాక్ పాస్‌పోర్టులూ ఉన్నాయి. వీటితో తరచూ ప్రయాణాలు చేస్తున్నాడు. అతని భార్యాపిల్లలకూ, ఇద్దరు సోదరులకూ పాక్ పాస్‌పోర్టులు ఉన్నాయి. దావూద్ భార్య మెహజబీన్ షేక్ పేరుతో ఉన్న ఏప్రిల్, 2015 నాటి టెలిఫోన్ బిల్లు మరో ఆధారం. అందులో ఫోన్ చిరునామాను ‘డి-13, బ్లాక్-4, కరాచీ డెవలప్‌మెంట్ అథారిటీ, ఎస్‌సీహెచ్-5, క్లిఫ్టన్’గా పేర్కొన్నారు. దావూద్ దంపతులతోపాటు వారి కొడుకు మొయీన్, కూతుళ్లు మెహ్రుఖ్, మెహ్రీన్, మాజియాలు కూడా పాక్‌లో ఉన్నారని, వారు కరాచీ-దుబాయ్ మధ్య ప్రయాణాలు చేస్తున్నారని కూడా తెలిసింది. మెహ్రుఖ్‌ను పాకిస్తాన్ మాజీ క్రికెటర్ జావేద్ మియాందాద్ కొడుకు జునాయిద్ పెళ్లి చేసుకున్నాడు. మెహజబీన్, మాజియాలు ఈ ఏడాది జనవరి 4న విమానంలో కరాచీ నుంచి దుబాయ్ వెళ్లారు.  దావూద్ సన్నిహితులైన జబీర్ సిద్దిక్, జవైద్ చోటానీ, ముంబై పేలుళ్ల నిందితుడు జావేద్‌పటేల్ అలియాస్ చిక్నా తదితరులు కూడా పాక్‌లో ఉన్నారని నిఘా వర్గాలు కనిపెట్టాయి. డీ-కంపెనీ పాక్‌లోనే ఉన్నా భారత్‌లో బలవంతపు వసూళ్లు వంటి నేరాలకు పాల్పడుతోందని  నిఘా వర్గాలు చెబుతున్నాయి.
 
 పాక్‌లో 9 ఇళ్లు..
 దావూద్‌కు పాక్‌లో 9 ఇళ్లు ఉన్నట్లు భారత్‌కు ఆధారాలు లభించాయి. డాన్ రెండేళ్ల కిందట కరాచీ క్లిఫ్టన్‌లో ఒక ఇళ్లు కొన్నాడు. అది పాక్ మాజీ ప్రధాని బేనజీర్ భుట్టో తనయుడు బిలావల్ ఇంటికి దగ్గర్లోనే ఉంది. ఈ ఇంటితోపాటు, క్లిఫ్టన్‌లోనే ఐదు ఇల్లు, నగరంలో ఐఎస్‌ఐ సురక్షిత స్థావరమైనడిఫెన్స్ హౌసింగ్ ఏరియాలో మరో ఇల్లు, ఇస్లామాబాద్‌లో రెండిళ్లు ఉన్నాయి. అతడు పాక్‌లో చాలా ఆస్తులు కూడబెట్టాడని, పాక్ భద్రతా సంస్థ రక్షణలో ఉన్నాడని భారత డోసియర్‌లో పేర్కొన్నారు. కాగా, తాజా ఆధారాలపై హోం మంత్రి రాజ్‌నాథ్ స్పందిస్తూ.. దావూద్ పాక్‌లో పలుచోట్ల స్థావరాలు మారుస్తున్నా ఆ దేశంలోనే ఉన్నాడని స్పష్టం చేశారు.
  
 ‘ఆయన నిద్రపోతున్నారు..’
 దావూద్ భార్య మెహజబీన్ షేక్ పేరుతో ఉన్న టెలిఫోన్ నంబర్ ఆధారంగా టైమ్స్ నౌ టీవీ చానల్ విలేకరి శనివారం కరాచీలోని మెహజబీన్‌కు  ఫోన్ చేయగా, డాన్ అక్కడే ఉన్నట్లు తేలింది. ఫోన్ సంభాషణ ఇలా సాగింది.
  
 తొలి ఫోన్ కాల్..
 విలేకరి: వాలేకుమ్ అస్సలామ్: నేను మెహజబీన్ షేక్‌తో మాట్లాడొచ్చా?
 మెహజబీన్: ఎస్. నేను మెహజబీన్నే. మీరెవరు?
 విలేకరి: మేడమ్, మీరు కరాచీ నుంచే మాట్లాడుతున్నారా?
 మెహజబీన్: ఎస్.
 విలేకరి: మేడమ్, మీరు దావూద్ ఇబ్రహీమ్ భార్యేనా?
 మెహజబీన్: అవును, ఆయన నిద్రపోతున్నారు.
 రెండో ఫోన్ కాల్..
 విలేకరి: నేను దావూద్‌తో మాట్లాడాలి, ఆయన అక్కడున్నారా?
 మెహజబీన్: నాకు తెలియదు. తర్వాత ఫోన్ చేయండి(కాల్  కట్ అయింది)


 1993 మార్చి 12వ తేదీ.. ముంబై నగరం ఉగ్రరక్కసి కరాళనృత్యంతో నెత్తురోడిన రోజు. ఆ రోజు మధ్యాహ్నం 1:30 గంటలకు మొదలుకొని 3:40 గంటల వరకూ 13 చోట్ల వరుస విరామాలతో బాంబు పేలుళ్లు సంభవించాయి. 257 మంది అమాయకులు చనిపోగా,  713 మంది గాయపడ్డారు. ఈ పేలుళ్ల కుట్ర పన్నింది మాఫియా డాన్ దావూద్ ఇబ్రహీం అని.. అతడికి  సహచరుడైన టైగర్ మెమన్, అతడి సోదరులైన యాకూబ్ మెమన్, ఈసామెమన్, యూసుఫ్‌లు సాయం చేశారని దర్యాప్తు సంస్థలు నిగ్గుతేల్చాయి.
      
 అంతకు 4 నెలల ముందు 1992 డిసెంబర్ 6వ తేదీన అయోధ్యలో బాబ్రీమసీదు విధ్వంసం.. తదనంతరం దేశంలోని పలు ప్రాంతాలతో పాటు ముంబైలోనూ చెలరేగిన మతఘర్షణలు ఈ బాంబు దాడులకు కారణంగా చెప్తారు. ముంబై అల్లర్లలో దాదాపు 900 మంది చనిపోయారు. దీంతో ముంబైలో బాంబు పేలుళ్లతో రక్తపాతానికి పాక్‌కు చెందిన నిఘా సంస్థ ఐఎస్‌ఐ వ్యూహరచనతో దావూద్ ముఠా కుట్రపన్నింది. నగరంలో మైనారిటీ వర్గానికి చెందిన 19 మంది యువకులను ప్రలోభపెట్టి.. తొలుత దుబాయ్‌కి, అక్కడి నుంచి పాక్‌కు తరలించి.. బాంబులు, మారణాయుధాల వినియోగంలో శిక్షణనిచ్చారు. వారు ముంబైకి తిరిగివచ్చి నగరంలో బాంబు పేలుళ్లకు పాల్పడ్డారు.
 
 ముంబై పోలీసులు.. రెండు రోజుల్లోనే మాఫియా డాన్ దావూద్ హస్తాన్ని గుర్తించారు. వందలాది మందిని అరెస్ట్ చేశారు. వారిలో బాలీవుడ్ నటుడు సంజయ్‌దత్‌ను 1993 ఏప్రిల్ 19న అరెస్ట్ చేశారు. ఆయన అక్రమంగా ఆయుధాలు కలిగివుండటం, సాక్ష్యాలను ధ్వంసం చేయటం అభియోగాల కింద అరెస్ట్‌చేశారు. 1993 నవంబర్ 4వన.. 189 మంది నిందితులపై 10 వేల పేజీలతో ప్రత్యేక టాడా కోర్టులో అభియోగపత్రం నమోదుచేశారు.
 
 అప్పటికే దావూద్, టైగర్ మెమన్‌లు పాక్‌లో తలదాచుకుని ఉండటం.. కేసు తీవ్రత దృష్ట్యా అదే ఏడాది నవంబర్ 19న దర్యాప్తు సీబీఐకి బదిలీ అయింది. టాడా కోర్టు.. 1995 ఏప్రిల్ 10వ తేదీన నిందితుల్లో 26 మందిని నిర్దోషులుగా విడిచిపెట్టింది. సుప్రీం మరో ఇద్దరిని నిర్దోషులుగా వదిలిపెట్టింది.  ఇద్దరు నిందితులు అప్రూవర్లుగా మారారు.  1996 మార్చి 26న టాడా కోర్టు జడ్జీగా పి.డి.కోడె నియమితులయ్యారు.  684 మంది సాక్షుల పరిశీలన 2000 అక్టోబర్ వరకూ కొనసాగింది.
 
 2006 సెప్టెంబర్ 12 నుంచి కోర్టు తీర్పులు వెలువరించింది. మెమన్ కుటుంబంలో నలుగురిని దోషులుగా ప్రకటించింది. మరో ముగ్గురిని సందేహలాభం (బెనిఫిట్ ఆఫ్ డౌట్) కింద నిర్దోషులుగా వదిలిపెట్టింది. మొత్తం 100 మందికి శిక్షలు ప్రకటించింది. వారిలో యాకూబ్ సహా 12 మందికి మరణశిక్ష, 18 మందికి జీవితఖైదు విధించింది. అయితే దావూద్ ఇబ్రహీం, టైగర్‌మెమన్ పరారీలోనే ఉన్నారు. సుప్రీంకోర్టు.. యాకూబ్ మెమన్‌కు విధించిన మరణశిక్షను ఖరారు చేసింది. మిగతా వారికి విధించిన మరణశిక్షను జీవిత ఖైదుకు తగ్గించింది. సంజయ్‌దత్‌కు కోర్టు క్లీన్ చిట్ ఇచ్చింది. కానీ.. అక్రమంగా ఆయుధాలు కలిగివుండటం, సాక్ష్యాలను ధ్వంసం చేయటం నేరాల కింద టాడా కోర్టు ఆయనకు ఐదేళ్ల జైలు శిక్ష వేసింది. సుప్రీం శిక్షను ఖరారు చేయడంతో జైలు శిక్ష అనుభవిస్తున్నారు.
  
 →101   2015 జూలై నాటికి 101 దేశాల్లో  మరణశిక్షను రద్దు చేశారు. ఎంత ఘోరమైన నేరానికైనా మరణశిక్ష ఉండదు.
 →22   2014లో ప్రపంచవ్యాప్తంగా  22 దేశాలు మరణశిక్షను అమలు చేశాయి.
 →2,466   2014లో ప్రపంచవ్యాప్తంగా వివిధ దేశాల్లో 2,466 మందికి మరణదండన విధించారు. 2013తో పోలిస్తే ఇది 28 శాతం ఎక్కువ.
  
  


 బెంగ ళూరు (బనశంకరి) : బహత్ బెంగళూరు మహా నగర పాలికె (బీబీఎంపీ) చోటు చేసుకున్న అక్రమాలపై పోరాటం చేస్తున్న పాలికె అధికార పక్ష నేత ఎన్.ఆర్.రమేష్‌కు మాఫియా డాన్ దావూద్ ఇబ్రహీం సోదరుడి నుంచి బెదిరింపులు వచ్చాయి. అనవసరమైన వ్యవహారాల్లో జోక్యం చేసుకోకుండా మంచిదని హెచ్చరించినట్లు సమాచారం.
 
 అజ్ఞాతంలో ఉంటునే బెంగళూరులో వ్యవహారాలను దావూద్ నడిపిస్తున్నారు. వంద ఎకరాల డీ నోటిఫికేషన్ గోల్‌మాల్‌ను రమేష్ వెలుగులోకి తీసుకువచ్చిన వైనం విదితమే. నిబంధనలను తుంగలో తొక్కి వంద ఎకరాల భూమిని ఓ ప్రైవేట్ సంస్థ వశం చేసుకుంది. దీనికి సంబందించి 97.26 ఎకరాలకు ఒకే ఖాతా ఏర్పాటు చేసుకున్నారు. దీనిపై విచారణకు చేపట్టాలని బీఎంటీఎఫ్‌కు రమేష్ ఫిర్యాదు చేశారు.
  ఈ చర్య అనంతరమే రమేష్‌కు బెదిరింపులు రావడం గమనార్హం. డీ నోటిఫికేషన్ అయిన స్థలం దావుద్ ఇబ్రహీం సోదరుడిదని అనవసరంగా జోక్యం చేసుకుంటే పరిణామాలు తీవ్రంగా ఉంటాయని బెదిరించినట్లు తెలుస్తోంది.
  


 ఎర్రచందనం స్మగ్లింగ్‌లో దావూద్ ముఠా హవా 
 కీలక ఆధారాన్నిచ్చిన  సీసీఎస్ పోలీసులు
  
  రైల్వేకోడూరు సహా తొమ్మిది గ్రామాల్లో నెట్‌వర్క్
  ఈశాన్య సరిహద్దుల గుండా అక్రమ రవాణా
  ముఠా కోసం ఆంధ్రప్రదేశ్ స్పెషల్ టాస్క్‌ఫోర్స్ వేట
  
 హైదరాబాద్: దుబాయ్‌లో తలదాచుకున్న మాఫియా డాన్ దావూద్ ఇబ్రహీం కన్ను శేషాచలం అడవుల్లో లభించే అతి విలువైన ఎర్రచందనంపై పడింది. శేషాచలం అడవుల్లోని తొమ్మిది గ్రామాలతో పాటు కడప జిల్లా రైల్వేకోడూరు, పొరుగున ఉన్న కర్ణాటక సహా వివిధ ప్రాంతాల్లో నెట్‌వర్క్ ఏర్పాటు చేసుకున్న ఈ మోస్ట్ వాంటెడ్ క్రిమినల్ తన అనుచరుల సహకారంతో సముద్ర మార్గంలో గుట్టుచప్పుడు కాకుండా ఎర్రచందనాన్ని దుబాయ్‌కి తరలించేస్తున్నాడు. ఈ నెట్‌వర్క్‌లో భాగమైన ముఠాను హైదరాబాద్ సెంట్రల్ క్రైమ్ స్టేషన్ అధికారులు మంగళవారం అరెస్ట్ చేశారు. ఈ స్మగ్లింగ్ వ్యవహారానికి సంబంధించిన సమాచారాన్ని ఆంధ్రప్రదేశ్ పోలీసులకు అందించారు. దీంతో మిగిలిన నిందితుల్ని పట్టుకోవడం కోసం ఎర్రచందనం స్మగ్లింగ్ నిరోధానికి ఏర్పాటైన స్పెషల్ టాస్క్‌ఫోర్స్ వేట ప్రారంభించింది.
 
 గ్రామీణ యువతకు చోటా భాయ్ గాలం...
 
 దావూద్ ఇబ్రహీం ముఠాలో కీలకమైన వ్యక్తిగా ఉన్న కర్ణాటక వాసి చోటా భాయ్ ఇక్కడి ఎర్రచందనం స్మగ్లింగ్ నెట్‌వర్క్‌కు నేతృత్వం వహిస్తున్నాడు. శేషాచలం అడవులు విస్తరించి ఉన్న కడప, చిత్తూరు జిల్లాల్లో యువతను ఆకర్షించడం ద్వారా అనేక మందిని ఎంపిక చేసుకున్నాడు. ఈ సభ్యులెవరికీ తాము పని చేస్తున్నది దావూద్ గ్యాంగ్‌లో అనే విషయం తెలియకుండా జాగ్రత్తపడుతున్నాడు.
 
 విహారయాత్రల ముసుగులో...
 
 శేషాచలం అడవుల్లోని ఎర్రచందనాన్ని తమిళనాడుకు చెందిన కూలీలతో నరికిస్తున్న ముఠా సభ్యులు వాటిని ఆయా గ్రామాల్లో ఏర్పాటు చేసుకున్న మధ్యవర్తుల వద్ద నిర్ణీత కాలం భద్రపరుస్తున్నారు. ఆపై వివిధ ప్రాంతాల్లో ప్రమాదాలకు లోనైన వాహనాలను మారు పేర్లతో కొనుగోలు చేయడంతో పాటు చోరీ వాహనాలను సేకరించి అక్రమ రవాణాకు వినియోగిస్తున్నారు. ఈ వాహనాల్లో ఎక్కువగా తమ వల్లో పడిన విద్యాధికులు, విద్యార్థులను ఉంచి, విహారయాత్రకు వెళ్తున్న ముసుగులో రోడ్డు మార్గంలో అనంతపురం మీదుగా కర్ణాటకలోకి కోలార్, చిత్తూరు మీదుగా తమిళనాడులోని మధురై ప్రాంతాలకు తరలిస్తున్నారు. మార్గమధ్యంలో పోలీసు తని ఖీలు ఎదురైతే వాహనాల్లోని వారు వాటిని వదిలి పారిపోయినా ద ర్యాప్తులో ఎలాంటి ఆధారాలు చిక్కకుండా ఈ జాగ్రత్తలు తీసుకుంటున్నారు. వాటిలోని విద్యార్థులు పట్టుబడినా లింకు అక్కడితో తెగిపోవడంతో దర్యాప్తు ముందుకు సాగకుండా పక్కా ఏర్పాట్లు చేస్తున్నారు.
 
 స్క్రాప్‌తో పాటు ఎర్రచందనం రవాణా...
 
 రోడ్డు మార్గంలో ఎర్రచందనం లోడుతో వెళ్తున్న వాహనాలకు కాస్త ముందో, వెనుకో ముఠాకు చెందిన వ్యక్తులు ద్విచక్రవాహనాలు, కార్లలో వెళ్తుంటారు. వివిధ విభాగాలకు చెందిన చెక్‌పోస్టులతో పాటు హైవే పెట్రోలింగ్ సిబ్బందినీ లోబరుచుకుని, వారికి భారీ మొత్తం చెల్లిస్తూ ఎలాంటి అవాంతరాలు లేకుండా ఎర్రచందనాన్ని కర్ణాటకలోని మంగుళూరు, తమిళనాడులోని వీఓసీ పోర్టులకు తరలిస్తున్నారు. ఓడల్లో ఎర్రచందనాన్ని దుబాయ్‌కు పంపిచేస్తున్నారు. ఎర్రచందనం అక్రమ రవాణా కోసం దుబాయ్ కేంద్రంగా పని చేస్తున్న దావూద్ ప్రధాన అనుచరుడు బడా భాయ్ ఈ పోర్టుతో పాటు నేపాల్, బర్మా, ఈశాన్య రాష్ట్రాల మీదుగానూ ఎర్రచందనాన్ని అక్కడకు రప్పిస్తున్నాడు. కాగా, చోటా భాయ్, అతని అనుచరులను పట్టుకోవడానికి ప్రత్యేక బృందాన్ని కర్ణాటక పంపాలని పోలీసుఅధికారులు నిర్ణయించారు.