ఈరోజు మీతో పాటు పుట్టినరోజు జరుపుకుంటున్న ప్రముఖులు: ఎ.కోదండరామ్‌రెడ్డి (దర్శకుడు) అఖిలేష్ యాదవ్ (యు.పి. ముఖ్యమంత్రి)
  
 ఈ రోజు పుట్టిన రోజు జరుపుకుంటున్న వారి సంవత్సర సంఖ్య 7. ఇది కేతుగ్రహానికి సంబంధించిన సంఖ్య కావడం వల్ల మీరు ఆధ్యాత్మికంగా ఉన్నతిని పొందుతారు. నాస్తికులు కూడా ఆధ్యాత్మిక చింతనతో దేవాలయాలు, అనాథాశ్రమాలకు విరాళాలు ఇచ్చి తమ ఉదారతను చాటుకుంటారు. మీ డేటాఫ్ బర్త్‌లో 7 ఉన్నందువల్ల తాంత్రిక విద్యలపై ఆసక్తి, వైద్యవృత్తిపై ఆపేక్ష పెంచుకుంటారు. గొప్ప, మానసిక, ఆధ్యాత్మిక పరిణతిని సాధిస్తారు. విద్య, ఉద్యోగాల పరంగా విదేశాలకు వెళ్లాలన్న కోరిక నెరవేరుతుంది. వీరి మనసు ఆశ, నిరాశల మధ్య ఊగిసలాడుతుంది. అందువల్ల సానుకూలధోరణిలో ఉండే ఆలోచనలు పెంచుకోవడం మంచిది. భాగస్వామ్య వ్యాపారాలు మొదలు పెట్టడం మంచిది కాదు. ఆధ్యాత్మికతలో పడి కుటుంబాన్ని పట్టించుకోకపోవడం వల్ల సంసార జీవితంలో కొన్ని చిక్కులు వచ్చే అవకాశం ఉంది.
 
 గురువులు, పీఠాధిపతులు, జ్యోతిష్యరంగంలో ఉన్న వారికి మంచి గుర్తింపు లభిస్తుంది. వైద్యవృత్తిలో ఉన్న వారికి విదే శాల నుంచి ఆహ్వానాలు అందుతాయి. లక్కీ నంబర్స్: 1,6,2,7; లక్కీ డేస్: ఆది, బుధ, శుక్రవారాలు; లక్కీ కలర్స్: రోజ్, ఆరంజ్, గ్రీన్, గోల్డెన్; సూచనలు: ఈ సంవత్సరం వీరు ఓర్పు, సహనం, ఆశావహ దృక్పథంతో వ్యవహరించడం మంచిది. అనాథలకు అన్నదానం చేయడం, వేదపాఠశాలలకు, మదరసాలకు, మిషనరీస్‌కు ఆర్థిక సాయం అందించడం, సూర్యారాధన, కేతుజపం కలిసి వస్తాయి.
  - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు: అల్లరి నరేష్ (నటుడు); మైక్ టైసన్ (బాక్సర్)
 
 ఈరోజు పుట్టిన రోజు జరుపుకుంటున్న వారి సంవత్సర సంఖ్య 8. ఇది శనికి సంబంధించిన సంఖ్య కావడం వల్ల పనులు కొంచెం ఆలస్యంగా జరుగుతాయి. అయితే ఉద్యోగంలో, వ్యాపారంలో స్థిరత్వాన్ని పొందుతారు. పెద్దల ఆశీర్వచనం వల్ల మనోబలం పెరుగుతుంది. వివాహ, ఉద్యోగ ప్రయత్నాలు ఫలిస్తాయి. ఎం.బి.ఎ; ఎల్.ఎల్.బి; సి.ఎ. చదవాలనుకునే విద్యార్థులకు ఇది మంచి కాలం. మేనేజిమెంట్ రంగంలో రాణిస్తారు. అవిశ్రాంతంగా పని చేయడం వల్ల కొద్దిపాటి అనారోగ్య సమస్యలు తలెత్తే అవకాశం ఉంది.
 
 ముక్కుసూటిగా వ్యవహరించడం వల్ల తోటివారితో భేదాభిప్రాయాలు ఏర్పడతాయి. రాజకీయ నాయకులకు ఉత్సాహకరంగా ఉంటుంది. సామాజిక పరమైన ఉన్నతి, గుర్తింపు లభిస్తుంది. కొత్తప్రాజెక్టులు మొదలు పెట్టడానికి ఇది మంచి తరుణం. విద్యార్థుల ప్రతిభ వెలుగులోకొస్తుంది. ఐ.ఎ.ఎస్‌లు తదితర అధికారులకు ప్రమోషన్లు లభిస్తాయి. లక్కీ నంబర్స్: 1,3,8,9; లక్కీ కలర్స్: ఎల్లో, గోల్డెన్, బ్లూ, బ్లాక్; లక్కీ డేస్: గురు, శుక్ర, శనివారాలు.
  సూచనలు: దక్షిణామూర్తి ఆరాధన, శనికి తైలాభిషేకం, శివునికి మహన్యాసపూర్వక రుద్రాభిషేకం చేయించుకోవడం, అనాథలకు అన్నదానం చేయడం, వృద్ధులను ఆదరించడం. ఆరోగ్యం విషయంలో జాగ్రత్త వహించాలి. మాట్లాడేటప్పుడు సంయమనం పాటించాలి.  
  - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపు కుంటున్న ప్రముఖులు: కార్తిక్ రాజా (మ్యూజిక్ కంపోజర్), నికోల్ షెర్జింజర్(అమెరికన్ పాప్ గాయని)
  
 ఈ రోజు పుట్టిన రోజు జరుపుకుంటున్న వారి సంవత్సర సంఖ్య 7. ఇది కేతు సంబంధమైన సంఖ్య కావడం వల్ల ఈ సంవత్సరం వీరు ఆధ్యాత్మిక తపై మొగ్గు చూపుతారు. పుణ్య క్షేత్రాలను సందర్శిస్తారు. విద్యార్థులకు విదేశాలలో చదువు కోవాలనే కోరిక, ఉద్యోగులకు విదేశాలలో ఉద్యోగం చేయాలనే కోరిక తీరతాయి. ప్రాపంచిక విషయాలపై ఆసక్తి తగ్గడం వల్ల భార్యాభర్తల మధ్య సఖ్యతలోపించవచ్చు. ఉద్యోగులకు కోరుకున్న చోటికి బదిలీ అవుతుంది. పండితులు, జ్యోతిష్యులకు గుర్తింపు వస్తుంది. వైద్య విద్యార్థులకు, వైద్యులకు బాగా పేరు వస్తుంది. సంతానం కోసం చేసే ప్రయత్నాలు ఫలిస్తాయి. భూమిని, ఇంటిని అమ్మాలనే ఆలోచన వచ్చినప్పటికీ ఆ ప్రయత్నాన్ని విరమించుకోవడం మంచిది. చాలా కాలంగా దూరంగా ఉన్న బంధువులను, స్నేహితులను కలుస్తారు. లక్కీ నంబర్స్: 1,2,6,7; లక్కీ కలర్స్: వైట్, క్రీమ్, గోల్డెన్, గ్రే, శాండల్ , బ్లూ; లక్కీ డేస్: ఆది, సోమ, శుక్రవారాలు సూచనలు: కేతు జపం చేయించు కోవడం, సుబ్రహ్మణ్యేశ్వర స్వామిని ఆరాధించడం, పండితులను, గురువులను గౌరవించడం, వికలాంగులను ఆదరించడం మంచిది.
  - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు.


 ఈరోజు మీతో పాటు పుట్టినరోజు జరుపుకుంటున్న ప్రముఖులు: సురేష్ గోపి (నటుడు); అర్జున్ కపూర్ (నటుడు)
  
 ఈ రోజుపుట్టిన వారి సంవత్సర సంఖ్య 4. ఇది రాహువుకు సంబంధించినది. పుట్టిన తేదీ శనికి సంబంధించినది. ఈ సంవత్సరం మంచి ఆదాయాన్ని కళ్లజూస్తారు. వ్యాపారం చేయాలనే కోరిక నెరవేరుతుంది!  అన్నింటా అభివృద్ధి సాధిస్తారు. స్థలాలు, పొలాలు కొంటారు. ఈ సంవత్సరం పెట్టిన పెట్టుబడులు  మీకు బంగారు బాట వేస్తాయి. కోర్టు కేసులు మీకు అనుకూలంగా మారతాయి. సంతానం కోసం ఎదురు చూస్తున్న వారి కలలు నెరవేరతాయి.
 
 ఉద్యోగులు ప్రమోషన్‌తోబాటు వృత్తి నైపుణ్యాన్ని పెంచుకోవడం కోసం కొత్త సబ్జెక్టులు నేర్చుకుంటారు. న్యాయవాదులకు, న్యాయమూర్తులకు మంచి పేరు ప్రతిష్ఠలు వస్తాయి. రాజకీయ నాయకులకు చాలా ఆశావహంగా ఉంది. ప్రతి విషయాన్ని ముక్కుసూటిగా మాట్లాడటం, ఆరునూరైనా సరే, నమ్మిన సిద్ధాంతం మీదే నిలబడటం వలన మొండివాళ్లన్న పేరు తెచ్చుకుంటారు. లక్కీ నంబర్స్: 1,4,5,6,8; లక్కీ డేస్: శుక్ర, శని, ఆదివారాలు; లక్కీ కలర్స్: బ్లూ, వయోలెట్, క్రీమ్, గోల్డెన్; సూచనలు: నవగ్రహారాధన, పవిత్ర గ్రంథాలను పఠించడం, వృద్ధులకు, అనాథలకు సాయం చేయడం, వాదప్రతివాదనలను నేర్పుగా తప్పించుకోవడం.
  - డా. మహమ్మద్ దావూద్  జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు: మురళీమోహన్ (నటుడు) విజయశాంతి (నటి)
  
 ఈ రోజు పుట్టిన రోజు జరుపుకుంటున్న వారి సంవత్సర సంఖ్య 2. దీనికి చంద్రుడు అధిపతి కావడం వల్ల  సంవత్సరమంతా ఒడుదొడుకులతో కూడుకుని ఉంటుంది. ఈ సంవత్సరం కొత్త ప్రాజెక్టులు మొదలు పెట్టకుండా, గతంలో చేపట్టిన వాటిని కొన సాగించడం మంచిది. ఉద్యోగులు జాబ్ మారడం అంత మంచిది కాదు. ఒకవేళ మారిన ట్లయితే అధికారుల నుంచి ఒత్తిడి, చికాకులు తప్పవు. స్థిరాస్తి విక్రయంలో పునరాలోచన మంచిది. తల్లి లేదా భార్య తరఫు వారి నుంచి సహాయ సహకా రాలు అందుతాయి. చంద్రుడి ప్రభావం వల్ల కొత్త విషయాలు తెలుసుకుంటారు. వృత్తి ఉద్యోగాలలో  కొత్త కొత్త ఐడియాలు ప్రదర్శించి లాభపడతారు. హామీలు, మధ్యవర్తిత్వాలు తగవు. దంపతుల మధ్య సఖ్యత నెలకొంటుంది. మీలోని సృజనాత్మక తకు గుర్తింపు లభిస్తుంది. కవులు, కళాకారుల ప్రతిభ వెలుగులోకి వస్తుంది. నూతన పరిచయాలు ముఖ్యంగా ఆపోజిట్ సెక్స్‌వారితో జరిగే పరిచయాల వల్ల బాగా లబ్ధి పొందుతారు. మానసిక ఒత్తిడి లేకుండా శ్రద్ధ వహించాలి. లక్కీనంబర్స్: 1,2,6,9; లక్కీ కలర్స్: బ్లూ, వైట్, సిల్వర్, శాండల్; లక్కీ డేస్: సోమ, మంగళ, శుక్రవారాలు. సూచనలు: చంద్రకాంతమణిని ఉంగరంగా ధరించడం, పాలు, బియ్యంతో చేసిన పాయసాన్ని అనాథలకు పెట్టడం, చంద్రుని కాంతి తగిలేలా రోజూ కొద్దిసేపు గడపటం, అమ్మకాని, తత్సమానురాలైన వారిని కాని ఆదరించడం, గౌరవించడం మంచిది.  
 - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు: రాజ్‌బబ్బర్ (నటుడు); ముకేష్ ఖన్నా (టీవీ, సినీ నటుడు)
  
 ఈ రోజు పుట్టిన వారి సంవత్సర సంఖ్య 1. ఇది సూర్యునికి సంబంధించిన సంఖ్య కాబట్టి వీరికి ఇది ల్యాండ్ మార్క్ ఇయర్‌గా చెప్పవచ్చు. వీరికి ఈ ఏడాది నూతనోత్సాహం, ధైర్యం, తెగువ, ఏదైనా చేయగలననే ఆత్మవిశ్వాసం కలుగుతాయి. నిరుద్యోగులకు ఉద్యోగ ప్రాప్తి, అవివాహితులకు వివాహం, కొత్త పరిశ్రమలు, కొత్త వ్యాపారాలు చేయాలనుకునే వారి కోరిక నెరవేరుతుంది. కొత్త స్నేహాలు, కొత్త బంధుత్వాలు ఏర్పడతాయి. వాటి వలన కొన్ని ప్రయోజనాలు కలుగుతాయి. కష్టపడి పని చేయాలనే మనస్తత్వం ఉండటం వల్ల ఆర్థికాభివృద్ధి, అదృష్టం కలిసి వస్తాయి. ఈ సంవత్సరం పెట్టిన పెట్టుబడి భవిష్యత్తులో ఎంతో లాభాన్ని తెచ్చిపెడుతుంది. విద్యార్థులు కష్టపడి చదివి తమ లక్ష్యాలను చేరుకోగలుగుతారు. క్రీడాకారులకు, రాజకీయ నాయకులకు పేరు ప్రతిష్ఠలతోపాటు సన్మానాలు జరుగుతాయి. అయితే అహంభావం వృద్ధి చెందటం వల్ల సన్నిహితులు, స్నేహితులు దూరమయ్యే పరిస్థితి కనిపిస్తోంది. అందువల్ల సంయమనంతో వ్యవహరించడం మంచిది. లక్కీ నంబర్స్: 1,4,5,9; లక్కీ డేస్: మంగళ, బుధ, ఆదివారాలు; లక్కీ కలర్స్: గ్రీన్, రోజ్, ఆరంజ్, రెడ్, పర్పుల్. సూచనలు: ఆదిత్య హృదయ పారాయణం చేయడం, లక్ష్మీ అష్టోత్తరం పఠించడం, శివారాధన, నేత్రదానాన్ని ప్రోత్సహించడం, వృద్ధాశ్రమంలో సేవ చేయడం
 - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు:విజయ్ (హీరో), దేవయాని(నటి)
 
 ఈ రోజు పుట్టిన రోజు జరుపుకుంటున్న వారి సంవత్సర సంఖ్య 9. ఆస్తులు కొనాలన్న వీరి కోరిక ఈ సంవత్సరం తీరుతుంది. నిరుద్యోగులకు ఉద్యోగం లభిస్తుంది. కోర్టు వ్యవహారాలు, తగాదాలు ఒక కొలిక్కి వస్తాయి. వాహనాలు కొంటారు. అయితే వాహనాలు నడిపేటప్పుడు జాగ్రత్తగా ఉండటం మంచిది. పుట్టిన తేదీలో రెండు రెండ్లు ఉండటం వల్ల మీ కల్పనాశక్తి వెలుగులోకి వస్తుంది. దూకుడుగా, నిర్మొహమాటంగా వ్యవహరించడం వల్ల సహోద్యోగులతోనూ, తోటివారితోనూ వివాదాలు తలెత్తవచ్చు. ప్రేమ వ్యవహారాలలో జాగ్రత్తలు అవసరం. లక్కీ డేస్: 1,4,6,9; లక్కీ కలర్స్: వయొలెట్, రోజ్, ఆరంజ్, రెడ్; లక్కీ డేస్: ఆది, సోమ, మంగళ, శుక్రవారాలు సూచనలు: మాట లలోనూ, చేతలలోనూ సంయమనం పాటించాలి. దుర్గాదేవి ఆలయాన్ని, సుబ్రహ్మణ్యేశ్వర స్వామి ఆలయాన్ని సందర్శించి, పూజలు చేయించుకోవాలి. ప్రసిద్ధమైన దర్గా లు లేదా చర్చిలను తప్పక సందర్శించండి. మత విశ్వాసం వున్న వారు ఆయా మతగ్రంథాలను పఠించడం మంచిది.
 - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు: పరుచూరి వెంకటేశ్వరరావు (సినీరచయిత), తుషార్‌కపూర్ (నటుడు)
 
 ఈ రోజు పుట్టిన రోజు జరుపుకుంటున్న వారి సంవత్సర సంఖ్య 8. మీ పుట్టిన రోజులో రెండు ఒకట్లు, రెండు రెండ్లు ఉండటం వల్ల నాయకత్వ లక్షణాలతోపాటు మంచి ఆలోచన, సమయస్ఫూర్తి ఉంటాయి. అందువల్ల ఈ సంవత్సరం మీరు చేపట్టిన పనులన్నీ విజయవంతం అవుతాయి. పెద్దల ప్రోత్సాహం వల్ల మనోబలం పెరుగుతుంది. కొత్త ప్రాజెక్టులు మొదలు పెడతారు. అంతకు ముందు నుంచి ఉన్న వాటిని మరింత అభివృద్ధి పరుస్తారు. వివాహ, ఉద్యోగ ప్రయత్నాలు ఫలిస్తాయి. ఎం.బి.ఎ; ఎల్.ఎల్.బి; సి.ఎ. చదవాలనుకునే విద్యార్థులకు ఇది మంచి కాలం. మేనేజిమెంట్ రంగంలో రాణిస్తారు. అయితే పనులు పూర్తి చేయాలన్న పట్టుదలతో అవిశ్రాంతంగా పని చేయడం వల్ల కొద్దిపాటి అనారోగ్య సమస్యలు తలెత్తే అవకాశం ఉంది. ముక్కుసూటిగా వ్యవహరించడం వల్ల కొంతమందితో మనస్పర్థలు రావచ్చు. ఆరోగ్యం విషయంలో జాగ్రత్త వహించాలి. పెద్దవారితోనూ, పై స్థాయివారితోనూ మాట్లాడేటప్పుడు సంయమనం పాటించాలి. లక్కీ డేస్: 1,3,8,9; లక్కీ కలర్స్: ఎల్లో, గోల్డెన్, బ్లూ, బ్లాక్; లక్కీ డేస్: గురు, శుక్ర, శని, ఆదివారాలు. సూచనలు: దక్షిణా మూర్తికి లేదా శివునికి మహన్యాసపూర్వక రుద్రాభిషేకం చేయించుకో వడం, అనాథలకు అన్నదానం చేయడం, వృద్ధుల ను ఆదరించడం వల్ల మరిన్ని మంచి ఫలితాలు ఉంటాయి.
  - డా. మహమ్మద్ దావూద్ , జ్యోతిష, సంఖ్యాశాస్త్ర నిపుణులు


  ఈరోజు మీతో పాటు పుట్టినరోజు జరుపుకుంటున్న ప్రముఖులు: కాజల్ అగర్వాల్ (నటి); అశిష్ విద్యార్థి (నటుడు)
  
 ఈరోజు పుట్టిన రోజు జరుపుకుంటున్న వారి వ్యక్తిగత సంవత్సర సంఖ్య 6. ఇది శుక్రుడికి సంబంధించిన సంఖ్య కాబట్టి వీరికి సంవత్సరమంతా ఉత్సాహకరంగా, ప్రోత్సాహవ ంతంగా ఉంటుంది. విదేశీ ప్రయాణం ఉండవచ్చు. కొత్త వాహనాలు కొంటారు. వస్త్రధారణలో మార్పు వస్తుంది. విలువైన వస్త్రాభరణాలకి ఖర్చు చేస్తారు. వివాహ ప్రయత్నాలు ఫలిస్తాయి. ప్రేమలో పడతారు. మీ బర్త్ డేట్ 19 అయినందువల్ల అధికారుల సహకారంతో, పట్టుదలతో అనుకున్న పనులన్నింటినీ సాధిస్తారు. వయసు పై బడుతున్నా, హుషారుగా, ఆకర్షణీయంగా కనిపిస్తూ, ఇతరులకు ఆదర్శంగా  నిలుస్తారు. ఇల్లు, ఆస్తులు కొనుక్కోవాలనే కోరిక తీరుతుంది.
 
 లక్కీ నంబర్స్: 1,5,6,9; లక్కీ డేస్: బుధ, శుక్ర, ఆదివారాలు; లక్కీ కలర్స్: రోజ్, ఆరంజ్, గ్రీన్, క్రీమ్. సూచనలు: శుక్రుడి ప్రభావం వల్ల మనసు కొంచెం చంచలమవుతుంది. కొత్త బంధాలు ఏర్పడవచ్చు. అందువల్ల కొంచెం జాగ్రత్త అవసరం. పెద్దవారైతే గుండెకు సంబంధించిన పరీక్షలు చేయించుకోవడం మంచిది. శుక్రజపం చేయించుకోవడం, ఆదిత్య హృదయం పఠించడం, భృగుపాశుపత హోమం చేయించటం, అనాథ అమ్మాయిలకు ఆర్థిక సాయం చేయటం.
  - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు:అవిల్లా హాలండ్ (అమెరికన్ టీవీ నటి)రవింద్ స్వామి (తమిళ నటుడు)
  
 ఈ రోజు పుట్టినరోజు జరుపుకుంటున్న వారి వ్యక్తిగత సంవత్సర సంఖ్య 5. ఈ సంవత్సరం వీరికి అన్ని విఘ్నాలు, ఆటంకాలు తొలగిపోయి, అనుకోని అవకాశాలు వస్తాయి. ఇది బుధునికి సంబంధించిన సంఖ్య అయినందువల్ల ఏ కార్యాన్నైనా తెలివితేటలతో చేసి, కార్యజయం పొందుతారు. విద్యార్థులు ఈ సంవత్సరం చదువులో చాలా మంచి మార్కులు సాధిస్తారు. కాంపిటీటివ్ పరీక్షలలో విజయం సాధిస్తారు. రచయితలకు, మీడియా వ్యక్తులకు, అధ్యాపకులకు, పాత్రికేయులకు, కంప్యూటర్ రంగ నిపుణులకు, సినీనటులకు అనుకూలమైన సమయం. విదేశాలలో విద్య, ఉద్యోగ, వ్యాపారాల కోసం చేసే ప్రయత్నాలు ఫలిస్తాయి. వాహనాలు నడిపేటప్పుడు అప్రమత్తంగా ఉండటం అవసరం.
 
 లక్కీ నంబర్స్: 1,3,5,6,9; లక్కీ కలర్స్: రెడ్, గ్రీన్, వైట్, శాండల్, బ్లూ; లక్కీ డేస్: మంగళ, బుధ, గురువారాలు.
 సూచనలు: సుబ్రహ్మణ్యేశ్వర స్వామికి అభిషేకం చేయటం, రక్తదానం చేయటం, పేదవిద్యార్థులకు పుస్తకాలు దానం చేయటం వల్ల మంచి ఫలితాలు వస్తాయి.
  - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు: లియాండర్ పేస్ (టెన్నిస్ క్రీడాకారుడు),అమృతారావ్ (నటి, మోడల్)
 
 ఈ రోజు పుట్టిన రోజు జరుపుకుంటున్న వారి వ్యక్తిగత సంవత్సర సంఖ్య 4. వీరికి ఈ సంవత్సరం పట్టిందల్లా బంగారమా అన్నట్లుంటుంది. మంచి భావవ్యక్తీకరణ, వాక్పటిమ కలిగి ఉండటం వల్ల ప్రతి అంశాన్నీ తమకు అనుకూలంగా మలచుకోగలుగుతారు. కొత్త పరిచయాలు ఏర్పడి, వాటిని లాభదాయకంగా మార్చుకోగలుగుతారు. కొత్త ఆస్తులు సమకూర్చుకుంటారు. రాహుగ్రహ ప్రతికూలత వల్ల కోర్టు వివాదాలు ఏర్పడే అవకాశం ఉంది కాబట్టి మొండిగా ప్రవర్తించకుండా, సామరస్య ధోరణి అవలంబించడం మంచిది. అవివాహితులకు ఈ సంవత్సరం మంచి సంబంధాలు కుదిరి, అనుకూలమైన జీవిత భాగస్వామి లభిస్తారు. అయితే, ప్రేమ వ్యవహారాలు అనుకూలించక పోవచ్చు. ప్రమోషన్ల కోసం ఎదురు చూస్తున్న వారి కోరిక నెరవేరుతుంది. రాజకీయనాయకులకు పదవులు వరిస్తాయి. మితిమీరిన క్రమశిక్షణ పాటించడం వల్ల తోటి ఉద్యోగుల అసహనానికి, విమర్శలకు గురవుతారు.
 
 లక్కీ నంబర్స్: 4,5,6,8; లక్కీ కలర్స్: వయొలెట్, క్రీమ్, పర్పుల్, బ్లూ, ఎల్లో; లక్కీడేస్: శని, ఆది, బుధవారాలు.
 సూచనలు: నవగ్రహారాధన, సుబ్రహ్మణ్యేశ్వర స్వామికి అభిషేకం చేయించుకోవటం, అనాథలను, వృద్ధులను ఆదరించడం.
 - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు: మిథున్ చక్రవర్తి (నటుడు); ఇంతియాజ్ అలి (దర్శకుడు, రచయిత)
  
 ఈరోజు పుట్టిన రోజు జరుపుకుంటున్న వారి సంవత్సర సంఖ్య 3. వీరు ఈ సంవత్సరమంతా సంతోషాలతో ఉత్సాహంగా, ఉల్లాసంగా గడుపుతారు. విషయ పరిజ్ఞానాన్ని పొందుతారు. కార్యదక్షులుగా పేరుతెచ్చుకుంటారు. నాస్తికులు కూడా ఆస్తికులుగా మారతారు. ధార్మిక, ఆధ్యాత్మిక విషయాలలో పట్టు సాధిస్తారు. సద్గురువుల సాంగత్యం ఏర్పడుతుంది. ఆర్థికంగా అభివృద్ధి చెందుతారు. రచయితలు, వక్తలు, సంగీత గురువులకు ప్రభుత్వ గుర్తింపు, ప్రోత్సాహకాలూ లభిస్తాయి. న్యాయపరమైన లావాదేవీలు, కోర్టుకే సులు అనుకూలించవు కాబట్టి, వాటి జోలికి వెళ్లకుండా ఉండటం మంచిది. కొత్త కొత్త కోర్సులు చేయాలని కోరిక కలుగుతుంది. అర్ధంతరంగా ఆపేసిన చదువును కొనసాగిస్తారు. ఆధ్యాత్మిక విషయాల్లో పడి సంసార జీవితాన్ని నిర్లక్ష్యం చేయడం వల్ల కొత్త ఇబ్బందులు ఎదురవుతాయి. భార్యాభర్తల మధ్య అన్యోన్యత లోపించే ప్రమాదం ఉంది.
 లక్కీ నంబర్స్: 1,2,5; లక్కీ కలర్స్: పర్పుల్, గ్రే, ఎల్లో, క్రీమ్, వైట్; లక్కీ డేస్: సోమ, మంగళ, గురువారాలు
 సూచనలు: కుటుంబానికి ప్రాధాన్యం ఇవ్వటం, గురుశ్లోకం చదవటం, దక్షిణామూర్తిని ఆరాధించటం, గురువులను, పెద్దలను గౌరవించటం, వృద్ధులను, అనాథలను ఆదుకోవడం.
  - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు: గిరిబాబు (నటుడు), శిల్పాశెట్టి (నటి)
 ఈరోజు పుట్టినరోజు జరుపుకుంటున్న వారి వ్యక్తిగత సంవత్సర సంఖ్య 4. వీరు ఈ సంవత్సరం స్థిరాస్తులు కొంటారు. వారసత్వంగా రావలసిన ఆస్తిపాస్తులు చేతికి అందుతాయి. ఉద్యోగం కోసం చేస్తున్న ప్రయత్నాలు ఫలిస్తాయి. ప్రమోషన్ల కోసం ఎంతోకాలంగా ఎదురు చూస్తున్న వారి ఆశలు నెరవేరతాయి.
 
 కోర్టుకేసుల నుండి విముక్తి లభించడంతోపాటు వివాదాలలో చిక్కుకున్న ఆస్తులను గెలుచుకుంటారు. అయితే రాహుగ్రహ ప్రభావం వల్ల ఈ సంవత్సరం న్యాయసంబంధమైన, చట్టసంబంధమైన వివాదాలలో ఇరుక్కుంటే వాటినుంచి బయట పడటం అంత సులభం కాదు కాబట్టి గోటితో పోయేదానికి గొడ్డలి దాకా వెళ్లకుండా రాజీ ధోరణితో వ్యవహరించడం మంచిది. మేనేజ్‌మెంట్ రంగంలోని వారికి, చార్టెర్డ్ ఎకౌంటెంట్లకు, ఫైనాన్స్ రంగ ంలోని వారికి బాగా కలిసి వస్తుంది. పారిశ్రామికవేత్తలు, రియల్ ఎస్టేట్ వ్యాపారులు తమ తమ రంగాలలో బాగా పుంజుకుంటారు. లక్కీ నంబర్లు: 4,5,6,8; లక్కీ కలర్స్: పర్పుల్, బ్లూ, వయోలెట్, గ్రీన్; లక్కీ డేస్: శుక్ర, శని, ఆది, సోమ వారాలు. సూచనలు: కోపాన్ని, నోటి దురుసుతనాన్ని తగ్గించుకోవడం, సర్పసూక్త సహిత మహన్యాసపూర్వక రుద్రాభిషేకం చేయించుకోవడం, వృద్ధులకు, అనాథలకు, వితంతువులకు సహాయం చేయడం.
  - డా. మహమ్మద్ దావూద్, జ్యోతిష, సంఖ్యాశాస్త్ర నిపుణులు


 ఈరోజు మీతో పాటు పుట్టినరోజు జరుపుకుంటున్న ప్రముఖులు: మహేష్ భూపతి (టెన్నిస్ ఆటగాడు), ఏక్తాకపూర్(టీవీ సినీ నిర్మాత)
 
 ఈరోజు పుట్టిన రోజు జరుపుకుంటున్న వారి వ్యక్తిగత సంవత్సర సంఖ్య 3. వీరు ఈ సంవత్సరం   చదువుల్లో రాణిస్తారు. విదేశాలలో చదువుకోవడం కోసం, ఉద్యోగం కోసం చేసే ప్రయత్నాలు ఫలిస్తాయి. ఎలక్ట్రికల్, ఎలక్ట్రానిక్స్, కెమికల్, రక్షణ రంగాలలోని వారు మంచి పేరు తెచ్చుకుంటారు. రిసెర్చ్ వర్క్‌లో ఉన్న వారి పరిశోధనలు వెలుగు చూస్తాయి. గతంలో వీరు ఎలాంటి వారయినప్పటికీ, బృహస్పతి ప్రభావం వల్ల ఈ సంవత్సరం వీరి మాట తీరులో, నడతలో మంచి మార్పు వ స్తుంది. అందరి చేతా మంచి వారనిపించుకుంటారు. సంగీతం, ఇన్‌స్ట్రమెంటల్ మ్యూజిక్ రంగాలలో ఉన్న వారికి గొప్ప పేరు ప్రతిష్ఠలు లభిస్తాయి. ఆధ్యాత్మికతపై మక్కువ పెరుగుతుంది. ఉద్యోగులకు ప్రమోషన్లు రాకపోయినా, జీతం బాగానే పెరుగుతుంది కాబట్టి నిరాశ పడనక్కరలేదు. అయితే వివిధ కారణాల వల్ల వీరు కొంతకాలం పాటు కుటుంబానికి, సంసార జీవనానికి దూరంగా ఉండవలసిన పరిస్థితి ఏర్పడవచ్చు.
 
 లక్కీ నంబర్స్: 1,2,3,7,9; లక్కీ కలర్స్: వైట్, ఎల్లో, క్రీమ్, గోల్డ్; సూచనలు: దక్షిణామూర్తికి అభిషేకం, గురువులను సేవించడం, ఆవుకు సెనగలు తినిపించడం.
 - డా. మహమ్మద్ దావూద్
 జ్యోతిష, సంఖ్యాశాస్త్ర నిపుణులు