సూపర్‌ స్టార్‌ మహేష్‌ బాబు హీరోగా తెరకెక్కిన తాజా చిత్రం భరత్‌ అనే నేను. కొరటాల శివ దర్శకత్వంలో తెరకెక్కిన ఈ సినిమా ప్రమోషన్‌ కార్యక్రమాల స్పీడు పెంచారు చిత్రయూనిట్‌. ఇప్పటికే టైటిల్‌ సాంగ్‌ ను రిలీజ్ చేసిన చిత్రయూనిట్‌ ఈ రోజు (ఆదివారం) ఉదయం ఐ డోంట్‌ నో అంటూ సాగే మరో పాటను విడుదల చేశారు. దేవీ శ్రీ ప్రసాద్ స్వరాలందించిన ఈ పాటను బాలీవుడ్ స్టార్‌ ఫర్హాన్‌ అక్తర్‌ ఆలపించగా.. రామజోగయ్య శాస్త్రీ సాహిత్యమందించారు. మహేష్ బాబు సరసన కైరా అద్వాని హీరోయిన్‌గా నటిస్తున్న ఈ సినిమాలో శరత్‌కుమార్‌, ప్రకాష్ రాజ్‌, పోసాని కృష్ణమురళీ ఇతర కీలక పాత్రల్లో నటిస్తున్నారు. తెలుగు రాష్ట్రాలు విడిపోకముందు జరిగే కథగా రూపొందుతున్న ఈ సినిమాలో మహేష్ బాబు ముఖ్యమంత్రిగా కనిపిస్తున్నాడు. శ్రీమంతుడు లాంటి బ్లాక్‌ బస్టర్ హిట్ ఇచ్చిన మహేష్‌, కొరటాల శివ కాంబినేషన్‌లో తెరకెక్కుతున్న సినిమా కావటంతో భరత్‌ అనే నేనుపై భారీ అంచనాలు ఏర్పడ్డాయి.

ఆమా (అవును)... తమిళ్‌ రీమేకే! తమ్మూ బేబీకి ఇంకో తమిళ్‌ రీమేక్‌లో నటించమని బీటౌన్‌ నుంచి పిలుపు వచ్చిందట! ఇంకొకటి ఏంటి? ఆల్రెడీ హిందీలో తెరకెక్కుతోన్న తమిళ్‌ రీమేక్‌లో ఎందులోనైనా తమన్నా నటిస్తున్నారా? అంటే... ఆమా! చక్రి తోలేటి దర్శకత్వంలో ప్రభుదేవా సరసన ‘ఖామోషి’ అనే హిందీ సిన్మా చేస్తున్నారు. తమిళ్‌లో నయనతార నటిస్తున్న ‘కొలైయుధిర్‌ కాలమ్‌’కి హిందీ రీమేక్‌ అది. ఇప్పుడు సేమ్‌ టైప్‌ ఆఫ్‌ ఆఫర్‌ ఇంకొకటి వచ్చిందట! ‘చిక్కడు దొరకడు’ సినిమా చూశారా? ఎన్టీఆర్, కాంతారావుల సిన్మా కాదు... ‘బొమ్మరిల్లు’ సిద్ధార్థ్, బాబీ సింహా హీరోలుగా చేసిన తమిళ్‌ సిన్మా ‘జిగర్‌తండా’ తెలుగు డబ్బింగ్‌ ఇది. మన తెలుగులో సరిగా చూడలేదు. కానీ, కార్తీక్‌ సుబ్బరాజ్‌ దర్శకత్వం వహించిన ఈ సినిమా తమిళంలో మంచి హిట్‌. ఇప్పుడా ‘జిగర్‌తండా’ను హిందీలో రీమేక్‌ చేస్తున్నారు. సంజయ్‌ దత్, ఫర్హాన్‌ అక్తర్‌ హీరోలు. మరో హీరో అజయ్‌ దేవగన్‌ నిర్మాత. ఇందులో తమ్మూ బేబీని నటించమని అడిగారట! ఈమె ఆల్మోస్ట్‌ ఓకే చేప్పేశారట! ఇప్పటివరకూ హిందీలో చేసిన సినిమాలేవీ తమన్నాకు పెద్దగా కలసిరాలేదు. ఇప్పుడీ రెండు రీమేక్స్‌ బ్రేక్‌ తీసుకొస్తాయేమో. వెయిట్‌ అండ్‌ సీ!!


 నిజజీవిత సంఘటనల ఆధారంగా తెరకెక్కిన మరో బాలీవుడ్ మూవీ లక్నో సెంట్రల్‌. ఫర్హాన్ అక్తర్ లీడ్ రోల్ లో నటించిన ఈ సినిమాకు రంజిత్ తివారీ దర్శకుడు. త్వరలో రిలీజ్ కు రెడీ అవుతున్న ఈ సినిమా ప్రమోషన్ కార్యక్రమాన్ని విభిన్నంగా నిర్వహించారు. స్వాతంత్ర్య దినోత్సవం సందర్భంగా ఓ పాటను ఎరవాడ జైల్లో రిలీజ్ చేశారు.
 
 తీన్ కబూతర్ అంటూ సాగే ఈ పాటకు చిత్రయూనిట్ పాటు జైల్ లోని 300 మంది ఖైదీలు కూడా డ్యాన్స్ చేయటం విశేషం. అంతేకాదు సినిమాను కూడా జైల్లో ప్రదర్శించేందుకు అనుమతి కోరినట్టుగా నటుడు ఫర్హాన్ అక్తర్ వెల్లడించారు. ఇప్పటికే ఎరవాడ అదనపు డీజీపీ భూషణ్ కుమార్ తో ఈ విషయం పై చర్చించామని, ఆయన ఉన్నతాధికారులతో ఈ విషయాన్ని చరిస్తామన్నారని తెలిపారు. లక్నో సెంట్రల్ సినిమాను సెప్టెంబర్ 15న రిలీజ్ చేసేందుకు ప్లాన్ చేస్తున్నారు.