దర్శకుడు సంపత్‌నంది నిర్మాతగా మారి, కిరణ్ ముప్పవరపు, విజయ్‌కుమార్ వట్టికూటిలతో కలిసి నిర్మించిన చిత్రం ‘గాలిపటం’. ఆది, ఎరికా ఫెర్నాండేజ్, క్రిస్టినా ఆకిహివా ప్రధాన పాత్రధారులు. నవీన్‌గాంధీ దర్శకుడు. ఆగస్ట్ తొలివారంలో ఈ చిత్రాన్ని విడుదల చేయడానికి సన్నాహాలు చేస్తున్నారు. ఈ సందర్భంగా సంపత్‌నంది మాట్లాడుతూ -‘‘పేరుకు తగ్గట్టే విభిన్నంగా ఉంటుందీ సినిమా. యువతరం పండుగ చేసుకునే అంశాలు పుష్కలంగా ఉన్నాయి.
  
  భీమ్స్ స్వరాలందించిన ఈ చిత్రం పాటలకు మంచి స్పందన వస్తోంది. ఆది నటన ఈ చిత్రానికి ప్రధాన ఆకర్షణ’’ అని చెప్పారు. ‘గాలిపటం’ తనకు ప్రత్యేకమైన సినిమా అని, సాంకేతికంగా ఈ సినిమా ఓ అద్భుతమని, తాను ఇష్టంగా చేసిన సినిమా ఇదని ఆది తెలిపారు. సంపత్‌నంది, ఆయన టీమ్ కలిసి అంకితభావంతో పనిచేసి, ఓ అందమైన అద్భుతంగా ఈ చిత్రాన్ని మలిచారని నిర్మాతల్లో ఒకరైన విజయ్‌కుమార్ వట్టికూటి అన్నారు. ఈ చిత్రానికి కెమెరా: కె.బుజ్జి, నిర్మాణం: సంపత్‌నంది టీమ్ వర్క్స్.
  


  ‘‘దర్శకునిగా నా వయసు రెండు సినిమాలు. ఇంత తక్కువ సమయంలోనే ఓ సినిమా నిర్మాణ బాధ్యతలు తలకెత్తుకున్నాను. ‘గాలిపటం’ చిత్రాన్ని ప్రొడ్యూస్ చేయాలనుకున్నప్పుడు... ఓ వైపు పెద్ద సినిమా చేస్తూ, మరో వైపు ఈ చిన్న సినిమాను నిర్మించడం భారమవుతుందని నా శ్రేయోభిలాషులు అన్నారు. అయితే... నేను ఈ సినిమాను భారంగా భావించడం లేదు. బాధ్యతగా ఫీలవుతున్నాను. ఎందుకంటే... నేను కష్టాల్లో ఉన్నప్పుడు నాకు అండగా నిలిచిన నా మిత్రులకు ఏదైనా చేయాలనుకునే తలంపుతో నేను నిర్మిస్తున్న సినిమా ఇది’’ అని సంపత్ నంది అన్నారు.
  
   ఆది, ఎరికా ఫెర్నాండెజ్, క్రిస్టినా అఖీవా, ప్రీతీరానా ప్రధాన పాత్రలు పోషిస్తున్న ‘గాలిపటం’ చిత్రానికి నవీన్ గాంధీ దర్శకుడు. కిరణ్ ముప్పవరపు, విజయ్‌కుమార్ వట్టికూటిలతో కలిసి సంపత్‌నంది ఈ చిత్రాన్ని నిర్మిస్తున్నారు. భీమ్స్ స్వరాలందించిన ఈ చిత్రం పాటలను హైదరాబాద్‌లో విడుదల చేశారు. దర్శకుడు వి.వి.వినాయక్ పాటల సీడీని ఆవిష్కరించి సంపత్ నందికి అందించారు. దర్శకుడు హరీశ్ శంకర్ ప్రచార చిత్రాలను విడుదల చేశారు. పదికాలాల పాటు నిలిచిపోయే సినిమా ఇదని ఆది చెప్పారు. సంపత్ నందితో తనది పన్నెండేళ్ల ప్రయాణమని, ‘గాలిపటం’ ద్వారా తనకు అద్భుతమైన అవకాశం ఇచ్చాడని సంగీత దర్శకుడు భీమ్స్ ఆనందం వెలిబుచ్చారు. ఇంకా దర్శక, నిర్మాతలు కూడా మాట్లాడారు.
  


 దర్శకుడు సంపత్‌నంది నిర్మాతగా మారి, కిరణ్ ముప్పవరపు, విజయ్‌కుమార్ వట్టికూటిలతో కలిసి నిర్మిస్తున్న చిత్రం ‘గాలిపటం’. ఆది, ఎరికా ఫెర్నాండెజ్, క్రిస్టినా అకీవా ప్రధాన పాత్రధారులు. నవీన్‌గాంధీ దర్శకుడు. ఈ చిత్రం పాటలను ఈ నెల 12న విభిన్నంగా విడుదల చేయనున్నారు. ప్రేక్షకుల చేతుల మీదుగానే ఈ పాటల విడుదల ఉంటుందని, ఈ చిత్రం విభిన్నంగా, వైవిధ్యంగా ఉంటుందని నిర్మాతలు చెప్పారు. పోసాని కృష్ణమురళి, భరత్‌రెడ్డి, కార్తీక్, ప్రాచి, సప్తగిరి, హేమ, ప్రగతి తదితరులు ఇతర పాత్రలు పోషిస్తున్న ఈ చిత్రానికి కెమెరా: కె.బుజ్జి, కళ: డి.వై.సత్యనారాయణ, కూర్పు: రాంబాబు, నిర్మాణం: సంపత్‌నంది టీమ్ వర్క్స్.