తన అందాన్ని అభిమానులు ఎంజాయ్‌ చేస్తున్నారని నాని జెర్సి మూవీ హీరోయిన్‌ శ్రద్ధా శ్రీనాథ్‌ అన్నారు. బ్యూటీ విక్రం వేదా చిత్రం ద్వారా హీరోయిన్‌గా కోలీవుడ్‌కు పరిచయమైందిఈ బెంగళూరు బ్యూటీ. ఆ మూవీ విజయంతో ఆమెకు ఇక్కడ అనేక అవకాశాలు వచ్చాయి. అలా ఆమె అజిత్‌ కథానాయకుడుగా నటించిన నేర్కొండ పార్వై చిత్రంలో ముఖ్య పాత్ర పోషించారు. ఆ చిత్రం సక్సెస్‌ అయ్యింది. అదేవిధంగా మాధవన్‌కు జంటగా మారా అనే చిత్రంలో నటనకు అవకాశం ఉన్న పాత్రలో నటించి మెప్పించింది.  జెర్సీ చిత్రంతో తెలుగు చిత్ర పరిశ్రమకు ఎంట్రీ ఇచ్చి అక్కడ సక్సెస్‌ అందుకుంది. అదేవిధంగా బాలీవుడ్‌కు పరిచయం అయ్యింది. చదవండి: ‘గీత ఆర్ట్స్‌’ బ్యానర్‌లో గీత ఎవరో చెప్పిన అల్లు అరవింద్‌ అయితే 2015లో నటిగా పరిచయమైన ఈ కన్నడ బ్యూటీ ఇంకా స్టార్‌ ఇమేజ్‌ను మాత్రం పొందలేదనే చెప్పాలి. అదేవిధంగా చేతిలో ప్రస్తుతం పెద్దగా చిత్రాలు కూడా లేవు. తమిళంలో ఓ చిత్రంలో నటిస్తోంది. దీంతో శ్రద్ధా శ్రీనాథ్‌ అవకాశాల వేటలో పడింది. అందుకు గ్లామర్‌ మార్గాన్ని ఎంచుకుంది. అందులో భాగంగా ప్రత్యేకంగా ఫొటో షూట్‌ ఏర్పాటు చేసుకుని తన ఫొటోలను సామాజిక మాధ్యమాల్లో పోస్ట్‌ చేస్తూ దర్శక, నిర్మాతలను దృష్టిలో పడే ప్రయత్నం చేస్తోంది. అదేవిధంగా ఫేస్‌బుక్‌ వంటి సామాజిక మాధ్యమాల ద్వారా తరచూ అభిమానులతో ముచ్చటిస్తోంది. దీంతో వారు ఫిదా అయిపోతున్నారు. దీని గురించి ఆమె ఇటీవల మాట్లాడుతూ తన అందమైన ముఖాన్ని చూసి అభిమానులు ఎంజాయ్‌ చేస్తున్నారని అందుకే గ్లామరస్‌ ఫొటోలను సామాజిక మాధ్యమాల్లో పోస్ట్‌ చేస్తున్నట్లు చెప్పుకొచ్చింది.  

‘‘మా కోసం స్ట్రాంగ్‌ ఉమెన్‌ రోల్స్‌ రాయండి. కేవలం మీ సినిమాలో డ్యాన్స్‌ నంబర్స్‌ వరకు వచ్చి గ్లామర్‌ కోసం స్కిన్‌ షో చేయడం మాకు అస్సలు ఇష్టం ఉండదు. ఆ ‘షో’ మాకు ఆనందాన్నివ్వదు’’ అని సంచలన కామెంట్స్‌ చేశారు నటి, ప్లేబ్యాక్‌ సింగర్‌ ఆండ్రియా. ఇటీవల ఓ ఈవెంట్‌లో పాల్గొన్న ఆండ్రియా కథానాయికలకు వస్తున్న అవకాశాల గురించి స్పందిస్తూ– ‘‘ఏ హీరోయిన్‌కి అయినా ఐడెంటిటీ వచ్చేది తను ఎవరి సరసన అయితే యాక్ట్‌ చేస్తుందో ఆ హీరో వల్లే. మనది మేల్‌ డామినేటెడ్‌ ఇండస్ట్రీ. పెద్ద పెద్ద స్టార్స్‌ పక్కన కనిపిస్తేనే ఆ హీరోయిన్‌కు పేరొస్తుంది. మొదటి నుంచి స్ట్రాంగ్‌ రోల్స్‌ చేయాలని హీరోయిన్‌ అనుకుంటే అలా ఒప్పుకోలేరు. ఇప్పుడున్న లేడీ సూపర్‌ స్టార్స్‌ దీపికా, నయనతారలు కూడా పెద్ద పెద్ద హీరోలతో డ్యాన్స్‌లు, గ్లామరస్‌ రోల్స్‌ చేసినవాళ్లే. కానీ వాళ్లు, నాలాంటి ఇతర కథానాయికలు  ముందు నుంచీ అలాంటి పాత్రలు చేయాలి అనుకుంటున్నాం. నేను ఇదివరకు సినిమాల్లో డ్యాన్స్‌లు చేశాను, గ్లామర్‌ పాత్రల్లో కనిపించాను. కానీ ఒక స్టార్‌ హీరోతో డ్యాన్స్‌లు చేసిన తర్వాత వచ్చే అవకాశాలు.. ఒక స్ట్రాంగ్‌ క్యారెక్టర్‌ ఉన్న సినిమాలు చేసిన తర్వాత ఉండకపోవచ్చు. మేం గ్లామర్‌గా కనిపించగలం. అయితే జస్ట్‌ అలా వచ్చి డ్యాన్స్‌లు, స్కిన్‌ షోలు చేయమంటే ఒకానొక దశలో ‘నో’ అనేస్తాం. మాకోసం స్ట్రాంగ్‌ క్యారెక్టర్స్‌ క్రియేట్‌ చేయండి, మంచి పాత్రలు రాయండి’’ అన్నారు.


 ‘‘నచ్చిన వ్యక్తితో అనుబంధం అనేది లెక్కల సబ్జెక్ట్ లాంటిది. లెక్కలెంత కష్టమోచ అనుబంధాన్ని కాపాడుకోవడమూ అంతే కష్టం. లెక్కల్లో తప్పినా జీవితం గడిపేయవచ్చు. కానీ, అనుబంధమనే లెక్క తప్పితే మాత్రం కష్టం. అందుకే, నాకు బాగా తీరిక ఉన్నప్పుడే అనుబంధం గురించి ఆలోచిస్తా’’ అని శ్రుతీహాసన్ అన్నారు. ప్రస్తుతానికైతే ప్రేమ గురించి ఆలోచించే తీరిక లేదంటున్న శ్రుతి ఎప్పుడూ ఒంటరిగా ఉండిపోలేం కాబట్టి, భవిష్యత్తులో తీరిక చిక్కడంతో పాటు, నచ్చిన వ్యక్తి తారసపడితే అప్పుడు ‘రిలేషన్‌షిప్’ గురించి ఆలోచిస్తాను అన్నారు. మీరెక్కువగా గ్లామర్ ప్రధానంగా సాగే పాత్రలే చేస్తున్నారెందుకని అనే ప్రశ్న శ్రుతి ముందుంచితే -‘‘కెరీర్ ప్రారంభించిన తర్వాత నన్నీ ప్రశ్న చాలామంది అడిగారు. కానీ, ఇప్పటివరకు నాకు ‘గ్లామర్’ అంటే ఏంటో అర్థం కావడం లేదు. అర్థం అయినప్పుడు ఈ ప్రశ్నకు సమాధానం చెబుతా’’ అన్నారు.