కెరీర్ గ్రాఫ్
  గ్రాడ్యుయేట్స్ స్పెషల్
  ఒక్కసారి ఎస్‌బీఐ పీఓగా ఎంపికై ప్రతిభ, పనితీరు చూపితే బ్యాంకు అత్యున్నత స్థాయి చైర్‌పర్సన్ హోదాను సైతం అందుకునేఅవకాశం ఉంది. ప్రస్తుతం చైర్‌పర్సన్ అరుంధతీ
  భట్టాచార్య సహా అంతకుముందు ఎస్‌బీఐ చైర్ పర్సన్‌లుగావ్యవహరించిన వారంతా బ్యాంకులో పీఓగా కెరీర్ ప్రారంభించినవ్యక్తులే. ఇటీవల ఎస్‌బీఐ 2200 పీఓ పోస్టులకు ప్రకటన విడుదల చేసిన నేపథ్యంలో పీఓ కెరీర్ గ్రాఫ్..
  
  
  మొత్తం ఏడు స్కేల్స్‌లో ఉంటుంది.
  స్కేల్-1 హోదా
  - ప్రారంభంలో పీఓగా ఎంపికైనవారికి రెండేళ్ల శిక్షణ తర్వాత స్కేల్-1 హోదా లభిస్తుంది. రెండేళ్ల శిక్షణ తర్వాత నిర్వహించే పరీక్షలో అత్యుత్తమ ప్రతిభ చూపితే నేరుగా స్కేల్-2 కేడర్ సొంతం చేసుకోవచ్చు.
  
  ఎస్‌బీఐ పీఓ - గత కటాఫ్‌లు
  ఎస్‌బీఐ పీఓ పరీక్షలో గత రిక్రూట్‌మెంట్ల కటాఫ్‌ల వివరాలు కేటగిరీల వారీగా
  
  ప్రతి స్కేల్‌కు పదోన్నతి లభించేందుకు మూడు నుంచి నాలుగేళ్ల సమయం పడుతుంది. పదోన్నతి ఇచ్చే క్రమంలో     ఎస్‌బీఐ అంతర్గత పరీక్షలు నిర్వహిస్తుంది.
  దాదాపు పీఓగా ఎంపికైన వారిలో అందరూ స్కేల్-7 స్థాయికి చేరుకోవడం సహజం.
  
  కెరీర్ పరంగా విధుల నిర్వహణలో అసాధారణ ప్రతిభ చూపితే పైన పేర్కొన్న ఏడు స్కేల్స్ దాటి టాప్ ఎగ్జిక్యూటివ్ గ్రేడ్ హోదాలు సొంతం చేసుకోవచ్చు.
  
  ఈ టాప్ ఎగ్జిక్యూటివ్ గ్రేడ్‌లో లభించే హోదాలు
  చీఫ్ జనరల్ మేనేజర్
  డిప్యూటీ మేనేజింగ్ డెరైక్టర్
  మేనేజింగ్ డెరైక్టర్
  చైర్‌పర్సన్
  
  గమనిక:      అన్ని రిక్రూట్‌మెంట్లలో 25 శాతం వెయిటేజీతో 50 మార్కులకు ఉండే జీడీ/పీఐకు జనరల్ కేటగిరీలో 20 మార్కులు; రిజర్వ్‌డ్ కేటగిరీల్లో 18 మార్కులు నిర్ణయించారు. ఈ నేపథ్యంలో 75 శాతం వెయిటేజీ ఉండే మెయిన్ ఎగ్జామినేషన్‌కు జీడీ/పీఐలో అభ్యర్థులు మార్కులను క్రోడీకరించి ఫైనల్ కటాఫ్‌లను పేర్కొన్నారు.
 


 గ్రాడ్యుయేట్స్ స్పెషల్
 ఇంజనీరింగ్‌కు ఐఐటీలు ఫేమస్.. మేనేజ్‌మెంట్ అంటే ఐఐఎంలే గుర్తొస్తాయి.. సాధారణ వృత్తి నుంచి కార్పొరేట్ స్థాయికి ఎదిగిన ఫుట్‌వేర్ రంగంలో  రాణించాలంటే.. ఫుట్‌వేర్ డిజైన్ అండ్ డెవలప్‌మెంట్  ఇన్‌స్టిట్యూట్ (ఎఫ్‌డీడీఐ)లో చేరాల్సిందే. ప్రస్తుతం ఇందులో వివిధ కోర్సులకు ప్రకటన విడుదలైంది. వివరాలు..
  
 ఎఫ్‌డీడీఐ..
 కేంద్ర వాణిజ్య, పరిశ్రమల మంత్రిత్వ శాఖ ఆధ్వర్యంలో ఎఫ్‌డీడీఐని 1986లో ఏర్పాటు చేశారు. ఫుట్‌వేర్, లెదర్ ఇండస్ట్రీలో పరిశోధనలు, అభివృద్ధితో పాటు ఈ రంగంలో మానవ వనరుల కొరతను తీర్చాలనే లక్ష్యంతో ఎఫ్‌డీడీఐని నెలకొల్పారు. ఎఫ్‌డీడీఐ ప్రధాన క్యాంపస్ నోయిడాలో ఉంది. హైదరాబాద్‌తోపాటు మరో పది నగరాల్లో క్యాంపస్‌లు ఉన్నాయి. ఎన్నో అంతర్జాతీయ, జాతీయ స్థాయి అవార్డులు, గుర్తింపులు పొందిన ఈ సంస్థ నుంచి ఏటా 1800 మంది సుశిక్షుతులు ఎంఎన్‌సీ స్థాయి కంపెనీలకు ఎంపిక అవుతున్నారు.
  
  
 బీఎస్సీ కోర్సులు..
 ఎఫ్‌డీడీఐ క్యాంపస్‌ల్లో బ్యాచిలర్ స్థాయిలో ఫుట్‌వేర్ డిజైన్ అండ్ ప్రొడక్షన్ కోర్సు; బీఎస్సీ రిటైల్ - ఫ్యాషన్ మర్చండైస్; బీఎస్సీ ఫ్యాషన్ లెదర్ యాక్సెసరీ డిజైన్ కోర్సులు అందుబాటులో ఉన్నాయి. వీటిని విజయవంతంగా పూర్తిచేస్తే ఉపాధి పరంగా మంచి అవకాశాలు అందుబాటులో ఉంటాయి. ఆసక్తి ఉంటే ఉన్నత విద్య దిశగా కూడా వెళ్లొచ్చు.
  
 అర్హత
 బ్యాచిలర్‌‌స డిగ్రీ కోర్సులకు ఇంటర్మీడియెట్ ఉత్తీర్ణులు, పీజీ కోర్సులకు బ్యాచిలర్‌‌స డిగ్రీ ఉత్తీర్ణులు అర్హులు. చివరి సంవత్సరం చదువుతున్న విద్యార్థులు కూడా దరఖాస్తు చేసుకోవచ్చు.
  
 చేరండిలా..
 ప్రవేశానికి అర్హత గల అభ్యర్థులు ఆల్ ఇండియా సెలెక్షన్ టెస్ట్ (ఏఐఎస్‌టీ) రాయాలి. ఆన్‌లైన్ పరీక్షలో బహుళైచ్చిక ప్రశ్నలు ఉంటాయి. దేశవ్యాప్తంగా సుమారు 36 కేంద్రాల్లో టెస్ట్ నిర్వహిస్తారు. పరీక్ష పత్రం ఇంగ్లిష్, హిందీ మీడియంలలో ఉంటుంది. ఏఐఎస్‌టీలో మెరిట్ ఆధారంగా కౌన్సెలింగ్ నిర్వహిస్తారు.
  
 సిలబస్..
 ప్రవేశ పరీక్ష 150 మార్కులకు ఉంటుంది. యూజీ కోర్సుల్లో మ్యాథమెటి క్స్ 45, జనరల్ సైన్స్ 30, ఇంగ్లిష్ 45, జనరల్ అవేర్‌నెస్ నుంచి 30 ప్రశ్నలు వస్తాయి. పీజీ కోర్సులకు రీజనింగ్ అండ్ క్యూఏ 45, ఇంగ్లిష్ 45, జనరల్ అవేర్‌నెస్ 30, బిజినెస్ ఆప్టిట్యూడ్‌లపై 30 ప్రశ్నలుంటాయి.
  
 ఆన్‌లైన్‌లో దరఖాస్తు..
 ఆన్‌లైన్‌లో దరఖాస్తు చేసుకోవాలి. అడిగిన ధ్రువపత్రాలను సబ్‌మిట్ చేయాలి. ఒకే దర ఖాస్తులో ఒకటి కంటే ఎక్కువ ప్రోగ్రామ్‌లకు దరఖాస్తు చేయొచ్చు. కోర్సు కోడ్‌లను ఎంపిక చేసుకుంటే సరిపోతుంది. చివరి సంవత్సరం చదువుతున్న విద్యార్థులు కూడా దరఖాస్తు చేసుకోవచ్చు.
 వెబ్‌సైట్: www.www.fddiindia.com
  
 పరీక్ష నుంచి మినహాయింపు
 పీజీ కోర్సుల్లో చేరాలనుకునేవారు క్యాట్, గ్జాట్, మ్యాట్, ఏఐఎంఏ, ఎన్‌మ్యాట్, ఏఎంసీఏటీ, స్నాప్, జీమ్యాట్, ఏఐఎం-క్యాట్‌ల్లో ప్రతిభ ఆధారంగా ఏఐఎస్‌టీతో సంబంధం లేకుండా చేరొచ్చు. బ్యాచిలర్ డిగ్రీ కోసం బిట్‌శాట్, ఐఐటీ జేఈఈ, జీజీఎస్‌ఐపీయూ, విట్, ఎస్‌ఆర్‌ఎం, బీసీఈసీఈ, యూపీఎస్‌ఈఈ, ఎంపీసీఈటీ, జీయూజేసీటీ, ఎంసెట్, సీఓఎంఈడీకే తదితర పరీక్షల్లో మెరుగైన ర్యాంకులు సాధించినవారు కూడా ప్రవేశపరీక్షతో సంబంధం లేకుండా నేరుగా యూజీ కోర్సుల్లో ప్రవేశం పొందొచ్చు.
  
 ముఖ్య తేదీలు
 దరఖాస్తుకు చివరి తేదీ: మే 20
 ప్రవేశ పరీక్ష: జూన్ 10, 11, 12
 ఫలితాల వెల్లడి: జూన్ 24  
 యూజీ కోర్సుల కౌన్సెలింగ్ తేదీలు: జూలై 13, 14, 15
 పీజీ కోర్సులు: జూలై 11, 12