బీజింగ్: చైనా శాస్త్రవేత్తలు మరో సంచలనానికి తెరతీస్తూ తొలిసారిగా గ్రాఫీన్‌తో ఎలక్ట్రానిక్ కాగితాన్ని తయారు చేశారు. దీన్ని ఈ-రీడర్లు, శరీరానికి ధరించే స్మార్ట్ పరికరాల్లో డిస్‌ప్లేగా ఉపయోగిస్తారు. గ్రాఫీన్ ప్రపంచంలోనే అత్యంత బలమైన, తేలికైన పదార్థం. దీని ఒక పొర కేవలం 0.335 నానోమీటర్ల మందం ఉంటుంది. ఇది ఉష్ణం, విద్యుత్తు శక్తిలకు మంచి వాహకం. ప్రస్తుతమున్న సంప్రదాయ ఈ-పేపర్లతో పోలిస్తే, గ్రాఫీన్ ఎలక్ట్రానిక్ కాగితం, అవసరానికి తగ్గట్టుగా వంగడంతోపాటు, బలంగా ఉంటుంది. కాంతిని ఎక్కువదూరం ప్రసరింపచేస్తుంది గనుక విషయం బాగా కనిపిస్తుంది. గ్రాఫీన్ కార్బన్ మూలకం అయినందున ధర కూడా తక్కువగా ఉంటుంది. మరో ఏడాదిలో ఉత్పత్తి ప్రారంభిస్తారు.