సాక్షి, తాడేపల్లి: పవన్‌ కల్యాణ్‌ వారాహి యాత్ర ఎందుకు చేస్తున్నారని మంత్రి గుడివాడ అమర్నాథ్‌ ప్రశ్నించారు.  మొన్నటి వరకు పార్ట్‌-1 అని, ఇప్పుడు పార్ట్‌-2 అంటున్నాడని మండిపడ్డారు. రాజకీయం అంటే ఓటీటీ వెబ్‌ సిరీస్‌ కాదని చురకలంటించారు. పవన్‌ సినిమాల్లో హీరో.. రాజకీయాల్లో సైడ్‌ క్యారెక్టర్‌ అని విమర్శించారు. పవన్‌ సినిమాలో చంద్రబాబు విలన్‌ అని దుయ్యబట్టారు.  ‘175 నియోజకవర్గాల్లో పోటీ చేసేందుకు మీకు అభ్యర్థులే లేరు. చంద్రబాబును భుజాన వేసుకొని తిరగడానికి రాజకీయ పార్టీ దేనికి? రాష్ట్ర రాజకీయాల్లో చంద్రబాబు విలన్‌. 2019 ఎన్నికల రిజల్ట్‌ మళ్లీ రిపీట్‌ అవుతుంది. నేషనల్‌ మీడియాలో పవన్‌ భార్యతో విడిపోయారని వార్త వస్తే.. వెంటనే భుజాలు తడుముకొని ఒక ఫోటోల విడుదల చేశారు’ అని మంత్రి అమర్నాథ్‌ పేర్కొన్నారు. చదవండి: తనకు బలం లేదని పవన్‌ కల్యాణే ఒప్పుకున్నారు:మిథున్‌రెడ్డి


 విశాఖపట్నం: పవన్ కల్యాణ్ దేనిమీద ప్రశ్నిస్తారో తెలియని పరిస్థితి నెలకొందని వైఎస్సార్ సీపీ నాయకులు గుడివాడ అమర్, ప్రసాద్ రెడ్డి విమర్శించారు. పశ్నిస్తానన్న పవన్ కల్యాణ్ ఏడాది కాలంలో కేంద్ర, రాష్ట్ర ప్రభుత్వాలను ఎన్నిసార్లు ప్రశ్నించారో అందరికి తెలుసునన్నారు. పవన్ కల్యాణ్ తాజాగా చేసిన ట్విటర్ వ్యాఖ్యల్లో సమాజం కోసం తాపత్రయం కనిపించలేదని ధ్వజమెత్తారు. పవన్ వ్యాఖ్యలు ఆయన మేధావితనానికి అద్దం పడుతున్నాయని ఎద్దేవా చేశారు.
 
 అభిమానులను అడ్డం పెట్టుకుని ప్రపంచంలో ఏ నటుడు చేయనంత అవినీతి చేస్తున్నారని ఆరోపించారు. అభిమానులను ఎర చూపి టీడీపీ, బీజేపీ కూటమికి ఓట్లు వేయించి డబ్బు సంపాదించారని అన్నారు. ట్విటర్ పోస్ట్ లో చేస్తే డబ్బులు వస్తాయని పవన్ కొత్తదారి కనిపెట్టారని వ్యంగ్యంగా అన్నారు.