గుంతకల్లు రైల్వే డివిజన్ మీదుగా బెంగళూరు వెళ్లే పలు రైళ్లను దక్షిణ మధ్య రైల్వే శాఖ రద్దు చేసింది. యలహంక - పెనుకొండ మధ్య డబ్లింగ్, నాన్ ఇంటర్ లాకింగ్ పనుల కారణంగా రద్దు చేసినట్లు వెల్లడించింది. 12, 13, 14 తేదీల్లో సికింద్రాబాద్ యశ్వంతపూర్ ఎక్స్‌ప్రెస్.. సోలాపూర్ హసన్ ఎక్స్‌ప్రెస్ రద్దు చేసినట్లు దక్షిణ మధ్య రైల్వే ప్రకటించింది. అలాగే మరో ఆరు ట్రైన్‌లను పాక్షికంగా రద్దు అవగా.. 12 రైళ్లను దారి మళ్లించింది. కాగా, ముందస్తు సమాచారం లేకపోవడంతో రిజర్వేషన్లు చేసుకున్న ప్రయాణికులు ఇబ్బందులకు గురవుతున్నారు. సికింద్రాబాదు - యశ్వంత్ పూర్ మధ్య నడిచే 12735 నెంబర్ గల రైలును డిసెంబర్ 12న దక్షిణ మధ్య రైల్వే రద్దు చేసింది. యశ్వంత్ పూర్ - సికింద్రాబాదు మధ్య నడిచే 12736 నెంబర్ గల రైలును డిసెంబర్ 12న దక్షిణ మధ్య రైల్వే రద్దు చేసింది. సోలాపూర్ - హసన్ మధ్య నడిచే 11311 నెంబర్ గల రైలును డిసెంబర్ 12, 13, 14న దక్షిణ మధ్య రైల్వే రద్దు చేసింది. హసన్ - సోలాపూర్ మధ్య నడిచే 11312 నెంబర్ గల రైలును డిసెంబర్ 12, 13, 14న దక్షిణ మధ్య రైల్వే రద్దు చేసింది. Cancellation / Partial Cancellation / Diversion of Trains due to Non-Interlocking Works on South Western Railway @drmsecunderabad @drmgtl @drmgtl @VijayawadaSCR pic.twitter.com/EWRctFm5FX — South Central Railway (@SCRailwayIndia) December 8, 2021


 అనంతపురం: అనంతపురం జిల్లాలోని గుంతకల్లు రైల్వేస్టేషన్‌లో మంగళవారం బాంబు కలకలం సృష్టించింది. గోవా నుంచి హౌరా వెళ్తున్న అమరావతి ఎక్స్‌ప్రెస్‌లో బాంబు పెట్టినట్లు సౌత్‌వెస్ట్రన్ రైల్వే ఉన్నత అధికారికి గుర్తుతెలియని ఆగంతకుడు ఫోన్ చేశాడు.   దీంతో రంగంలోకి దిగిన అధికారులు రైలు గుంతకల్లు రైల్వేస్టేషన్‌లో ఆపారు.
 
 నిఘా వర్గాల సమాచారంతో ఆర్‌పీఎఫ్, జీఆర్‌పీ, బాంబ్‌స్క్వాడ్, డాగ్‌స్క్వాడ్‌తో రైలును తనిఖీ చేశారు. కాగా, పేలుడు పదార్థాలు లాంటి ఏమీ లేదని తెలియడంతో ప్రయాణికులు ఊపిరి పీల్చుకున్నారు.