సాక్షి, హైదరాబాద్‌ : స్వామి స్వాత్మానందేంద్ర శారదాపీఠం ఉత్తరాధికారిగా భాద్యతలు స్వీకరించిన తర్వాత తొలిసారి పీఠాధిపతి స్వరూపానందేంద్ర స్వామి వారితో కలిసి హైదరాబాద్‌ విచ్చేశారు. ఈ సందర్భంగా తెలంగాణ ప్రభుత్వం జలవిహార్‌లో గురువందనం కార్యక్రమాన్ని ఏర్పాటు చేసింది. దీనికి ముఖ్యమంత్రి కేసీఆర్‌తో పాటు స్పీకర్‌, మంత్రులు కూడా హాజరయ్యారు. అనంతరం తెలంగాణ ప్రభుత్వం కోకాపేటలో శారదాపీఠానికి కేటాయించిన భూమి పత్రాలను కేసీఆర్‌ స్వరూపానందేంద్ర స్వామికి అందజేశారు. కార్యక్రమంలోభాగంగా  స్వాత్మానందేంద్ర, స్వరూపానందేంద్ర స్వాములకు పుష్పాభిషేకం చేశారు.


 తిరుమల: గురు పౌర్ణమి సందర్భంగా తిరుమలలో శుక్రవారం ఉదయం గురు వందన మహోత్సవం వైభవంగా జరిగింది. ఆస్థాన మంటపంలో జరిగిన కార్యక్రమంలో ప్రత్యేక పూజలు నిర్వహించారు. అనంతరం ఉత్తరాది మఠానికి చెందిన సత్యాత్మ శ్రీపాదులు, ఉడిపికి చెందిన విశ్వేశ్వర తీర్థులు, ప్రసన్న తీర్థులు అనుగ్రహ భాషణం చేశారు.కార్యక్రమంలో టీటీడీ చైర్మన్ కృష్ణమూర్తి, ఈవో సాంబశివరావు తదితరులు పాల్గొన్నారు.