సాక్షి,మియాపూర్‌(హైదరాబాద్‌): కరెంటు వైరుతో ఓ వ్యక్తి ఉరి వేసుకొని ఆత్మహత్య చేసుకున్న సంఘటన మియాపూర్‌ పోలీస్‌ స్టేషన్‌ పరిధిలో చోటు చేసుకుంది. ఎస్సై రవికిరణ్‌ తెలిపిన ప్రకారం వివరాలు ఇలా ఉన్నాయి. మియాపూర్‌లోని హాఫీజ్‌పేట్‌ ఆదిత్యానగర్‌కు చెందిన సంపత్‌ (51) అదే కాలనీలో సెంట్రింగ్‌ సామాగ్రి గోడౌన్‌లో సెక్యూరిటీ గార్డుగా పనిచేస్తున్నాడు. ఆరేళ్లుగా గోడౌన్‌లోని సెక్యూరిటీ రూమ్‌లోనే ఉంటున్నాడు. ఇతనికి సంబంధించిన బంధువులు, స్నేహితులు ఎవరూ లేరు. శనివారం మధ్యాహ్నం 1 గంటల సమయంలో సెంట్రింగ్‌ గోడౌన్‌లో పనిచేసే సిబ్బంది వచ్చి సెంట్రింగ్‌ సామగ్రిని తీసుకుపోయేందుకు వాచ్‌మెన్‌ డోరు తీసి చూడగా రూమ్‌లో సంపత్‌ వేలాడుతూ కనిపించాడు. దీంతో సిబ్బంది  సూపర్‌ వైజర్‌ కిశోర్‌ దేవోజీ, మియాపూర్‌ పోలీసులకు సమాచారం అందించారు. మియాపూర్‌ పోలీసులు సంఘటన స్థలానికి వచ్చి మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు. ఆత్మహత్యకు గల కారణాలు తెలియలేవని పోలీసులు తెలిపారు. గోడౌన్‌ సూపర్‌ వైజర్‌ కిశోర్‌ దేవోజీ ఇచ్చిన ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. చదవండి: వరద బాధితులను రక్షిస్తూ.. ఆశల దీపం ఆరిపోయింది

భోపాల్‌: ప్రాథమిక వ్యవసాయ సహకార సంఘాల ద్వారా రైతులకు అందించే రుణాల్లో అక్రమాలు, ఉన్నతాధికారుల వేధింపులతో బ్యాంకు మేనేజర్‌ ఆత్మహత్యకు పాల్పడ్డాడు. జిల్లా సహకార బ్యాంకు మక్డాన్ బ్రాంచ్ మేనేజర్ లాల్ సింగ్ కుశ్వాహా మంగళవారం ఆత్మహత్య చేసుకున్నారు. మధ్యప్రదేశ్‌లోని చిమంగంజ్ మండీ పోలీస్ స్టేషన్‌ పరిధిలో ఈ ఘటన  చోటు చేసుకుంది. ఖండేల్వాల్ నగర్‌లోని తన ఇంట్లో కుశ్వాహా  ఉరి వేసుకుని చనిపోయాడు. కుటుంబ సభ్యుల ఫిర్యాదు మేరకు పోలీసులు సంఘటనా స్థలానికి చేరుకుని మృతదేహాన్ని పోస్టుమార్టం నిమిత్తం జిల్లా ఆసుపత్రికి తరలించారు. ఈ సందర్భంగా ఒక సూసైడ్‌నోట్‌ను కూడా పోలీసులు స్వాధీనం చేసుకున్నారు. ఇందులో బ్యాంకు ఎండీ విశేష్ శ్రీవాస్తవ, అసిస్టెంట్ మేనేజర్హే‌ మహేష్ కుమార్ మాథుర్ పేర్లను పేర్కొన్నాడు. తమ అక్రమాలకు, అవినీతికి సహకరించాలంటూ ఉన్నతాధికారులు తనను వేధించారంటూ ఆ లేఖలో పేర్కొనడం కలకలం రేపింది. మరోవైపు ఈ విషయంలో గత ఆరు నెలలుగా తండ్రి మానసిక వేదన అనుభవించాడని కుమారుడు నరేంద్ర చెప్పారు. బ్యాంకులో అవినీతికి పాల్పడటం ద్వారా తమకు డబ్బులు ఇవ్వమని ఎండీ,  ఇతర ఉన్నతోద్యోగుల నుంచి ఒత్తిడి ఉండేదని ఆరోపించారు.   ప్రాథమిక వ్యవసాయ సహకార సంఘాల ద్వారా సున్నా శాతం వడ్డీ రేటుతో రైతులకు ప్రభుత్వం పంపిణీ చేసిన రుణాలకు సంబంధించి మక్డాన్ శాఖలో అక్రమాలు వెలుగు చూశాయి. మొత్తం ఎనిమిది ఏఈఎసిల ద్వారా రుణాల పంపిణీకి సంబంధించిన పోర్టల్‌లో అప్‌లోడ్ సబ్సిడీ షీట్‌లో సుమారు రూ .15 కోట్ల వరకు తేడా వచ్చింది.  దీనిపై పై అధికారులు వివరణ కోరారు. ఈ నేపథ్యంలో బ్యాంక్ ఎండీ, శ్రీవాస్తవ  కుశ్వాహాకు నోటీసులు జారీ చేశారు.  బహుశా ఈ విషయంలో అతను టెన్షన్‌ పడి ఉంటాడని పోలీసులు భావిస్తున్నారు. సూసైడ్‌నోట్‌ ఆధారంగా కేసు నమోదు చేసుకుని దర్యాప్తు మొదలు పెట్టామనీ, విచారణ పూర్తయిన తర్వాత ఖచ్చితమైన సమాచారాన్ని అందిస్తామన్నారు.

గాంధీనగర్‌ :  ప్రేమ వ్యవహరం  ఓ మైనర్‌ బాలిక ప్రాణం తీసింది. ప్రియుడితో సన్నిహితంగా గడపడం ఆమె పాలిట శాపంగా మారింది. సంతోషాన్ని పంచుతాడు అనుకున్న ప్రియుడే.. తన జీవితాన్ని రోడ్డున పడేయడంతో తట్టుకోలేని బాలిక తనువుచాలించింది. చివరికి తల్లిదండ్రులను శోకసంద్రంలో ముంచింది. గుజరాత్‌లోని అలహాబాద్‌ పోలీసులు తెలిపిన వివరాల ప్రకారం. 16 ఏళ్ల బాలిక ఓ యువకుడితో ప్రేమలో పడింది. ఈ క్రమంలోనే ఎవరికీ తెలియకుండా అతడితో రహస్యంగా గడుపుతూ, సన్నిహితంగా మెలిగింది. అయితే బాలికతో ప్రైవేటుగా గడిపిన వ్యవహారమంతా వీడియో తీసిన ప్రియుడు ఫోన్‌ కెమెరాలో బంధించాడు. అంతటితో ఆగకుండా ఆ వీడియోలను తన మిత్రులకు షేర్‌ చేశాడు. ప్రియుడు మిత్రులు ఆ వీడియోలను మరికొంతమందికి షేర్‌ చేశారు. ఇలా ఆ బాలిక వ్యక్తిగత జీవితానంతటినీ ప్రియుడు రోడ్డుమీద పడేశాడు. ఈ విషయం తెలిసిన బాలిక తల్లిదండ్రులు స్థానిక పోలీసులకు ఫిర్యాదు చేశారు. అయితే అప్పటికే తీవ్ర మనస్థాపానికి గురైన బాలిక ఇంట్లో ఎవరూ లేని సమయంలో ఫ్యాన్‌కు ఉరేసుకుని ఆత్మహత్యకు పాల్పడింది. విషయం తెలుసుకున్న పోలీసులు ఘటనాస్థలికి చేరుకుని కేసు నమోదు చేశారు. ప్రియుడిని అదుపుకులోకి తీసుకుని, బాలిక తల్లిదండ్రుల ఫిర్యాదు మేరకు మైనర్‌ బాలికపై అత్యాచారం, పోక్సో వంటి చట్టాల ప్రకారం కేసు నమోదు చేశారు. అలాగే బాలిక వ్యక్తిగత వీడియోలను ఇతరులకు షేర్‌ చేసిన ప్రియుడి స్నేహితులను కూడా పోలీసులు అరెస్ట్‌ చేశారు.


 దక్షిణ ఢిల్లీలోని మెహరౌలి ప్రాంతంలో దారుణం చోటుచేసుకుంది. డాన్స్ టీచర్గా పనిచేసే ఓ యువకుడు తన ప్రేయసి పీకకు కరెంటు వైరు చుట్టి చంపేసి, తర్వాత సీలింగ్ ఫ్యానుకు ఉరేసుకుని ఆత‍్మహత్య చేసుకున్నాడు. ఇండోర్కు చెందిన సోను ఢిల్లీలో డాన్స్ స్కూలు నడుపుతుంటాడు. అక్కడ డాన్స్ నేర్చుకోడానికి వచ్చిన యోగితతో అతడు ప్రేమలో పడ్డాడు. తర్వాత కొన్నాళ్లకు ఆమె వేరే మగాళ్లతో మాట్లాడుతుంటే వద్దని చెప్పాడు. దాంతో ఇద్దరికీ గొడవ అయ్యింది. ఆమెకు వేరేవాళ్లతో సంబంధం ఉందని సోను అనుమానించినట్లు ఇద్దరి స్నేహితుల ప్రకటనల ఆధారంగా పోలీసులు తెలిపారు.
 
 అతడు రెండు రోజుల ముందుగానే హత్య - ఆత్మహత్యలకు ప్లాన్ వేశాడు. ముందుగా ఓ కరెంటు వైరు తీసుకొచ్చి, క్లాసు సమయం కూడా మార్చాడు. రెండు రోజుల క్రితం తన వాట్సప్ స్టేటస్ను కూడా ‘నేను మరో తప్పు చేశాను’ అని మార్చాడు. చెప్పడానికి ఎవరూ లేకపోయినా డాన్స్ మాత్రం మానొద్దని విద్యార్థులకు చెప్పాడు. మర్నాటి ఉదయం అకాడమీని శుభ్రం చేయడానికి పనిమనిషి వచ్చినపుడు ఇద్దరి మృతదేహాలు కనిపించాయి. ఆమె పీకకు కరెంటువైరు బిగించి చంపి, ఆమె దుపట్టాతోనే ఉరేసుకున్నాడని, మృతదేహాలను పోస్టుమార్టంకు పంపామని పోలీసులు తెలిపారు.


 కొల్లాం: ఎన్నో కలలతో అజయ్ కృష్ణన్ (29) సినీ రంగంలోకి అడుగు పెట్టి, తొలి సినిమా నిర్మించాడు. చిత్రం బాగా రాలేదనే మనస్థాపంతో ఆత్మహత్య చేసుకున్నాడు. తాను నిర్మించిన తొలి చిత్రం ప్రివ్యూను చూసి నచ్చకపోవడంతో ఆదివారం తన ఇంట్లో ఉరి వేసుకొని ఆత్మహత్యకు పాల్పడ్డారు.
  
 అసిఫ్ అలీ, ఉన్ని ముకుందన్లు ముఖ్యపాత్రలో ‘అవరుడే రవుకల్’ అనే చిత్రాన్ని అజయ్ కృష్ణన్ నిర్మించారు. ఆ చిత్రం ప్రివ్యూను కొచ్చిలో రెండు రోజుల కిందే చూశారు. అప్పటి నుంచి ఆయన తీవ్ర మనస్తాపానికి గురైనట్లు పోలీసుల ప్రాథమిక దర్యాప్తులో తేలింది. చిత్రం విజయం సాధించడం కష్టమని పలుమార్లు తల్లిదండ్రులకు కూడా చెప్పినట్లు తెలిసింది. ఈ సినిమా కోసం ఆయన రూ.4 కోట్లు ఖర్చు చేసి, ప్రస్తుతం ఆర్థిక ఇబ్బందుల్లో ఉండటంతో ఆత్మహత్యకు పాల్పడ్డారని పోలీసులు భావిస్తున్నారు.