తెలుగమ్మాయి ఈషా రెబ్బా త్వరలోనే బాలీవుడ్‌కు హాయ్‌ చెప్పనున్నారని తెలిసింది. ఓ హిందీ సినిమాలో నటించే చాన్స్‌ కొట్టేశారట ఈషా. అనిల్‌ కపూర్‌ తనయుడు, సోనమ్‌ కపూర్‌ సోదరుడు హర్షవర్థన్‌ కపూర్‌ హీరోగా ఈ సినిమా తెరకెక్కనుందట. జాతీయ అవార్డు గ్రహీత రాజ్‌ సింగ్‌ చౌదరి దర్శకత్వంలో ఈ సినిమా రూపొందనుంది. ఆడిషన్స్‌ తర్వాత ఈషాను హీరోయిన్‌గా ఎంపిక చేసుకున్నారు. ఈ సినిమాలో రాజస్థానీ అమ్మాయి పాత్రలో ఆమె నటించనున్నారు. ఈషా పాత్ర చాలా ఎమోషనల్‌గా ఉంటుందట. త్వరలోనే ఈ సినిమా చిత్రీకరణ ప్రారంభం కానుంది.

పది మీటర్ల దూరంలో టార్గెట్‌ ఫిక్స్‌ చేసుకుని రైఫిల్‌ పట్టుకున్నారు బాలీవుడ్‌ హీరో హర్షవర్థన్‌ కపూర్‌. ఆయన ఏమైనా పోలీసాఫీసర్‌ పాత్ర చేస్తున్నారా? ఇంతకీ ఏ విలన్‌పై గురిపెట్టారు? అనే సందేహాలు అక్కర్లేదు. ఎందుకంటే ఇది యాక్షన్‌ మూవీ కాదు. 2008 బీజింగ్‌ ఒలింపిక్స్‌లో 10 మీటర్ల రైఫిల్‌ విభాగంలో గోల్డ్‌ మెడల్‌ సాధించిన అభినవ్‌ బింద్రా బయోపిక్‌ కోసం హర్షవర్థన్‌ రైఫిల్‌ పట్టుకున్నారు. ఇప్పుడు అర్థం అయ్యింది కదా. అయిన గురిపెట్టింది సిల్వర్‌స్క్రీన్‌పై గోల్డ్‌ మెడల్‌ కొట్టడానికి అని. కన్నన్‌ అయ్యర్‌ ఈ సినిమాకు దర్శకత్వం వహిస్తారని బీ టౌన్‌ టాక్‌. ఈ సినిమా షూటింగ్‌ను వచ్చే ఏడాది జనవరిలో స్టార్ట్‌ చేయనున్నట్లు హర్షవర్థన్‌ పేర్కొన్నారు. ‘‘ఈ సినిమా కోసం వచ్చే నెల 15 నుంచి ప్రాక్టీస్‌ స్టార్ట్‌ చేస్తా. రానున్న ఐదు నెలల్లో ప్రతి రోజూ నేను రైఫిల్‌ పట్టుకోవాల్సిందే. అలాగే ఈ సినిమాలో నాకు ఫాదర్‌గా మా నాన్న అనిల్‌కపూర్‌ నటించనున్నారు. చాలా హ్యాపీగా ఉంది. అభినవ్‌ బింద్రా జీవితానికి సంబంధించిన 15–35 ఏజ్‌ మధ్యలోనే ఈ సినిమా ఉంటుంది. సో.. నేను బరువు పెరగాల్సిన అవసరం లేదు’’ అన్నారు హర్షవర్థన్‌ కపూర్‌.

జూన్‌ 1 దగ్గర పడుతున్న కొద్దీ అనిల్‌ కపూర్‌కి ఎగై్జట్‌మెంట్, టెన్షన్‌ రెండూ పెరిగిపోతున్నాయట. కారణం ఏంటంటే..  అనిల్‌ కపూర్‌ పిల్లలు సోనమ్‌ కపూర్, హర్షవర్ధన్‌ కపూర్‌ నటించిన సినిమాలు ఒకే రోజు రిలీజ్‌ కావడమే. మొదట సోనమ్‌ నటించిన ‘వీరే దీ వెడ్డింగ్‌’ రిలీజ్‌ను జూన్‌ 1న, హర్షవర్ధన్‌ సూపర్‌ హీరో మూవీ ‘బావేష్‌ జోషీ’ సినిమాను మే 25న రిలీజ్‌ చేయాలనుకున్నారు. బట్‌ సడన్‌గా ‘బావేష్‌ జోషీ’ సినిమాను జూన్‌ 1కి రిలీజ్‌ డేట్‌ చేంజ్‌ చేశారు. పిల్లల సినిమా రిలీజ్‌ అంటే సాధారణంగా ఆత్రుతగా ఉంటుంది. కానీ ఇద్దరి సినిమాలూ ఒకే రోజు రిలీజ్‌ కానుండటంతో  కొంచెం టెన్షన్‌గా కూడా ఉంది అంటున్నారు అనిల్‌. ఈ విషయం గురించి అనిల్‌ కపూర్‌ మాట్లాడుతూ – ‘‘రిలీజ్‌ డేట్స్‌ ఎప్పుడూ యాక్టర్స్‌ చేతిలో ఉండవు. సినిమా నిర్మించిన స్టూడియోస్, డిస్ట్రిబ్యూషన్‌ కంపెనీల మీద ఆధారపడి ఉంటాయి. యాక్టర్‌గా నేనా విషయాన్ని గౌరవిస్తాను. పిల్లలిద్దరికీ ఆల్‌ ది బెస్ట్‌. అంతా మంచే జరుగుతుందని కోరుకుందాం’’ అని పేర్కొన్నారు. ‘వీరే దీ వెడ్డింగ్‌’కి అనిల్‌ కపూర్‌ మరో కూతురు రియా కపూర్‌ నిర్మాతల్లో ఒకరు కావడం విశేషం. ‘‘వీరే దీ వెడ్డింగ్‌’ రిలీజ్‌ డేట్‌ను రియా, ఏక్తా కపూర్‌ కలసి నిర్ణయించారు. నేను ఇన్వాల్వ్‌  అవ్వదలుచుకోలేదు’’ అని పేర్కొన్నారు అనిల్‌ కపూర్‌.  

2008... చైనా రాజధాని బీజింగ్‌లో రసవత్తరంగా జరిగిన ఒలింపిక్స్‌ గుర్తుండే ఉంటాయి. ఆ క్రీడల్లో భారతీయ షూటర్‌ అభినవ్‌ బింద్రా గన్‌ టార్గెట్‌ను రీచ్‌ అయ్యింది. ఇండియా ఖాతాలో గోల్డ్‌ మెడల్‌ వచ్చి చేరింది. ఆ క్షణం పౌరుల మనసంతా గర్వంతో ఉప్పొంగింది. ఇప్పుడా క్షణాలను వెండి తెరపై ఆవిష్కరించేందుకు  బాలీవుడ్‌లో సన్నాహాలు జరుగుతున్నాయి. అభినవ్‌ బింద్రా బయోపిక్‌లో అనిల్‌ కపూర్‌ తనయుడు హర్షవర్థన్‌కపూర్‌ నటించనున్నారు. ఈ విషయాన్ని హర్షవర్థన్‌ ఇన్‌స్టాగ్రామ్‌లో పోస్ట్‌ చేశారు. ‘‘ప్రపంచ వేదిక మీద జాతీయ గర్వాన్ని ఉప్పొంగేలా చేసిన వ్యక్తి క్యారెక్టర్‌లో నటించబోతున్నాను. అభినవ్‌ బింద్రా క్యారెక్టర్‌లో యాక్ట్‌ చేయడం ఆనందంగా ఉంది. లెజెండ్‌ అయిన ఆయన పాత్రకు న్యాయం చేస్తానన్న నమ్మకం ఉంది’’ అన్నారు హర్షవర్థన్‌. రీల్‌పై అసలు సిసలైన షూటర్‌గా కనిపించడానికి ఈ హీరోగారు కసరత్తులు చేస్తున్నారు.