కాబుల్: తూర్పు ఆఫ్ఘనిస్తాన్లో అమెరికా వైమానిక దళాలు జరిపిన ద్రోన్ దాడుల్లో అఫ్ఘనిస్తాన్-పాకిస్తాన్ పరిధిలో ఇస్లామిక్ స్టేట్ గ్రూప్(ఐఎస్) అధినేత హఫీజ్ సయీద్ మరణించినట్టు నిఘా అధికారులు నిర్ధారించారు. ఈ ఘటన పాకిస్తాన్ సరిహద్దు ప్రాంతమైన నన్ఘర్హర్ ప్రావిన్స్లో శుక్రవారం చోటుచేసుకుంది.
 
 హఫీజ్ సయీద్తో పాటు ఐఎస్తో సంబంధం ఉన్న మరో 30 మంది మరణించినట్టు నేషనల్ డైరెక్టరేట్ ఆఫ్ సెక్యురిటీ, అఫ్ఘనిస్తాన్ నిఘా అధికారులు శనివారం ధృవీకరించారు. ఈ దాడుల్లో పాకిస్తాన్ తాలిబన్ గ్రూప్ నుంచి ఐస్లోకి వచ్చి చేరిన మరో నేత షాహిదుల్లా షాహిద్ కూడా మృతిచెందినట్టు తెలుస్తోంది. ఇదిలా ఉండగా ఈ ఏడాది ఏప్రిల్లోనే హాఫీజ్ బాంబు పేలి మరిణించినట్టు వార్తలు వచ్చిన విషయం తెలిసిందే.