కొలంబియా: హిందూ మతంపై సమగ్ర విజ్ఞాన సర్వస్వం సిద్ధమైంది. దేశ విదేశీ నిపుణులు పాతికేళ్లపాటు శ్రమించి 11 సంపుటాలు రూపొందించారు. ఒక్కో దాంట్లో దాదాపు 700 పేజీలు ఉన్నాయి. స్వామి చిదానంద సరస్వతి స్థాపించిన భారతీయ సంస్కృతి పరిశోధన సంస్థ, సౌత్ కరోలిన వర్సిటీ ఉమ్మడి కృషితో ఇది రూపుదాల్చింది. వెయ్యికి పైగా ఫోటోలతోపాటు 7 వేల ఆంగ్ల వ్యాసాలు ఇందులో ఉన్నాయి. హిందూ మత సంస్కృతి, ఆధ్యాత్మిక విశ్వాసాలు, తాత్విక అంశాలు, చరిత్ర, భాషలు తదితర అంశాలు ఇందులో ఉన్నాయి. సౌత్ కరోలినలో వచ్చే వారం దీన్ని ఆవిష్కరించనున్నారు.