అమ్మ జోక్యం చేసుకోదు అయినా అన్ని విషయాలు అమ్మకు చెబుతాను అంటున్నారు యువ నటి కీర్తీసురేశ్. ఇటీవల కాలంలో కోలీవుడ్‌లో లక్కీ హీరోయిన్ ఎవరంటే టక్కున వచ్చే సమాధానం కీర్తీసురేశ్. రజనీమురుగన్ చిత్రంతో అనూహ్యంగా పెద్ద విజయాన్ని తన ఖాతాలో వేసుకున్న ఈ కేరళ కుట్టి తాజాగా ఇళయదళపతితో రొమాన్స్ చేసే బంపర్ ఆఫర్‌ను కొట్టేశారు. విజయ్‌తో నటించే అవకాశం వస్తుందని అసలు ఊహించలేదంటున్న కీర్తీసురేశ్ ఏమంటున్నారో చూద్దాం.
 
  తన తల్లి మేనక నటి కావడంతో తనకు చిన్న వయసు నుంచి నటనపై ఆసక్తి, నటి అవ్వాలనే కోరిక బలంగా ఉండేదన్నారు. బాల నటిగా కొన్ని చిత్రాల్లో నటించానని తెలిపారు.ఆ తరువాత గీతాంజలి అనే మలయాళ చిత్రంతో నాయకిగా పరిచయం అయ్యానన్నారు. విశేషం ఏమిటంటే తొలి చిత్రంలోనే ద్విపాత్రాభినయం చేశానని చెప్పారు. ఇక తమిళంలో ఇదు ఎన్న మాయం చిత్రం ద్వారా పరిచయం అయ్యానని తెలిపారు. రజనీమురుగన్ చిత్రం తరువాత శివకార్తికేయన్‌కు జంటగా రెండో సారి రెమో చిత్రంలో నటిస్తున్నానని చెప్పారు.
 
  బాబిసింహా సరసన పాంబుసండై, విజయ్‌కు జంటగా ఆయన 60వ చిత్రంలో నటిస్తున్నానని తెలిపారు. ధనుష్‌తో కలిసి నటించిన తొడరి చిత్రం ఆగస్ట్ 15న తెరపైకి రానుందని చెప్పారు. విజయ్‌కు జంటగా నటిస్తానని కలలో కూడా ఊహించలేదన్నారు. తమిళంలో ఏకకాలంలో పలు చిత్రాల్లో నటించడం సంతోషంగా ఉందన్నారు. అయితే కాల్‌షీట్స్ సమస్య రాకండా జాగ్రత్త పడుతున్నట్లు తెలిపారు. అమ్మ తన విషయంలో జోక్యం చేసుకోరని చెప్పారు. తను సీనియర్ నటి అయినందువల్ల అన్నీ అర్థం చేసుకుంటారని, అయినా అన్ని విషయాలు అమ్మతో పంచుకుంటానని అన్నారు.
  


  చిత్ర పరిశ్రమలో ఒక అనారోగ్యకరమైన అంశం ఏమిటంటే ఒకటి రెండు చిత్రాలు ఆశించిన విజయాలను సాధించకపోతే ఇక ఆ చిత్ర కథానాయకుడు లేదా కథానాయకి పనయిపోయిందనే అనే ప్రచారం జోరందుకుంటుంది. నిజానికి ఒక చిత్ర విజయానికైనా, అపజయానికైనా ఏ ఒక్కరో కారణం కాజాలరు. పలువురి సమష్టి కృషితోనే చిత్రం రూపొందగలదు అన్న విషయం అందరికీ తెలిసిందే. అందువల్ల చిత్ర అపజయానికి హీరోనో, హిరోయిన్‌నో బలి చేయడం సరైంది కాదు.
  
  ఈ ఉపోద్ఘాతానికి కారణం లేక పోలేదు. నటి కాజల్ అగర్వాల్ విషయానికే వస్తే ఇటీవల ఆమె ధనుష్ సరసన నటించిన మారి చిత్రం కమర్షియల్‌గా ఓకే అనిపించుకుంది. అయితే ఆ తరువాత విశాల్‌కు జంటగా నటించిన పాయుంపులి చిత్రం నిరాశపరచింది. దీంతో కాజల్ పని అయిపోయిందనే ప్రచారానికి తెరలేపేశారు. అదే సమయంలో విక్రమ్‌తో రొమాన్స్ చేయాల్సిన చిత్రం కాజల్‌కు దూరం కావడం, అలాగే లారెన్స్‌తో నటించాల్సిన మొట్టశివ కెట్టశివ చిత్ర షూటింగ్ వాయిదా పడటం ఆ ప్రచారానికి ఇంకా దోహద పడిందని చెప్పవచ్చు.
  
   అయితే జయాపజయాలు సర్వసాధారణం అనే విషయాన్ని మరచిపోరాదు. ఏదేమైనా కాజల్ కోలీవుడ్‌లో మరో రౌండ్‌కు రెడీ అవుతున్నారని తెలుస్తోంది. విక్రమ్‌కు జంటగా ఒక చిత్రం మిస్ అయినా మరో చిత్రంలో నటించే అవకాశం వచ్చినట్లు సమాచారం. తిరు దర్శకత్వంలో విక్రమ్, కాజల్ హీరోహీరోయిన్లుగా నటించనున్నట్లు తెలిసింది. తాజాగా ఈ బ్యూటీకి మరో భారీ అవకాశం వరించనున్నట్లు సమాచారం. ఇళయదళపతి విజయ్ 60 వ చిత్రంలో నాయకిగా కాజల్‌అగర్వాల్‌ను ఎంపిక చేసే పనిలో ఆ చిత్ర యూనిట్ ఉన్నట్లు తెలిసింది.
  
  విజయ్‌తో కాజల్ ఇంతకు ముందు తుపాకీ, జిల్లా చిత్రాల్లో నటించారు. ఆ రెండు ఘన విజయాలు సాధించాయి. దీంతో కాజల్ ముచ్చటగా మూడోసారి ఇళయదళపతితో రొమాన్స్‌కు సిద్ధం అవుతున్నారని చెప్పవచ్చు. ఈ చిత్రాన్ని ప్రముఖ చిత్ర నిర్మాణ సంస్థ విజయా ప్రొడక్షన్స్ భారీ ఎత్తున నిర్మించనుంది. విజయ్ ప్రస్తుతం తెరి చిత్రంలో నటిస్తున్నారు. ఇందులో సమంత, ఎమీజాక్సన్ నాయికలుగా నటిస్తున్నారు. విజయ్ 60వ చిత్రం ఏప్రిల్‌లో ప్రారంభం కానుందని, దీనికి సంబంధించిన వివరాలను యూనిట్ వర్గాలు సంక్రాంతి సందర్భంగా వెల్లడించే అవకాశం ఉన్నట్లు కోలీవుడ్ వర్గాల టాక్.
  


 సినిమాకు కథ ప్రధానం అన్నది ఎవరూ కాదనలేని అంశం. అయితే దానికి కథానాయకుడు ఎంత ముఖ్యమో కథానాయిక అంతే ముఖ్యం. కానీ కొంచెం తక్కువ అన్న సందాన పరిస్థితి ఉందని చెప్పవచ్చు. అలాంటిది ఒక హీరో ఒకటికంటే ఎక్కువ హీరోయిన్లు ట్రెండు మరో పక్క నడుస్తోంది. ఇక అసలు విషయానికి వస్తే ఇళయదళపతి విజయ్ తుపాకీ, జిల్లా, కత్తి లాంటి చిత్రాల్లో సింగిల్ హీరోయిన్లతోనే సూపర్ సక్సెస్‌లను సాధించారు.
  
  అలాంటిది ఇటీవల విడుదలయిన పులి చిత్రంలో హన్సిక, శ్రుతీహాసన్ మొదలగు ఇద్దరు ముద్దుగుమ్మలతో డ్యూయెట్లు పాడారు. ఈ చిత్రానికి మిశ్రమ స్పందన వచ్చింది. ప్రస్తుతం విజయ్ వీ.క్రియోషన్స్ పతాకంపై కలైపులి ఎస్.ధాను నిర్మిస్తున్న భారీ చిత్రంలో నటిస్తున్నారు. ఇది ఆయనకు 59వ చిత్రం అన్నది గమనార్హం. రాజారాణి చిత్రం ఫేమ్ అట్లీ దర్శకత్వం వహిస్తున్న ఈ చిత్రంలోనూ ఇద్దరు బ్యూటీస్ హీరోయిన్లుగా నటించనున్నారన్నది తాజా సమాచారం. ఇప్పటికే చెన్నై చిన్నది సమంత విజయ్‌తో రెండు డ్యూయెట్లు పాడేశారు.
  
   కొన్ని కీలక సన్నివేశాలతో పాటు ఒక ఫైట్ సీక్వెన్సీ చిత్రీకరణను పూర్తి చేసుకున్న ఈ చిత్రంలో మరో హీరోయిన్‌గా ఎమీజాక్సన్ ఎంటర్ అవుతున్నారన్నది తాజా సమాచారం. నటుడు ధనుష్, ఉదయనిధిస్టాలిన్ చిత్రాలలో నటిస్తున్న ఎమీ త్వరలో ఇళయద ళపతితో రోమాన్స్‌కు రెడీ అవుతున్నారు. అదే విధంగా ఈ చిత్ర యూనిట్ త్వరలో అబ్రాడ్‌కు బయలదేరనుందని సమాచారం. అన్నట్లు ఇందులో విజయ్ మరోసారి పోలీస్ అధికారిగా దుమ్మురేపనున్నారట.
  


 చెన్నై: అభిమానులు, ప్రేక్షకులు ఎప్పుడెప్పుడా అని ఆసక్తిగా ఎదురు చూస్తున్న 'పులి' చిత్ర ట్రైలర్ను గురువారం విడుదల చేశారు.  ఇటీవల విడుదలయిన ఈ సినిమా  ఆడియోకి శ్రోతల నుంచి మంచి స్పందన లభిస్తుంది. టీజర్, ప్రచార చిత్రాలు ప్రేక్షకులను ఆకట్టుకున్నాయి. విజయ్ హీరోగా  ఫాంటసీ అడ్వెంచర్ యాక్షన్ ఎంటర్‌టైనర్గా తెరకెక్కిన పులి చిత్రంలోని 114 సెకండ్ల నిడివి గల ట్రైలర్ను యూట్యూబ్లో చిత్రబృందం ఉంచింది. హాలీవుడ్ చిత్రం మెల్ఫిసెంట్లో నటించిన ఏంజెలినా జూలీ పాత్ర తరహాలో పులిలో అతిలోక సుందరి శ్రీదేవి కనిపించింది.
 
 ఇళయదళపతి విజయ్ నటించిన చిత్రాలన్నింటి కంటే పులి కొత్తగా ఉంటుందని ఆ చిత్ర నిర్మాత పి.టి.సెల్వకుమార్ ఇదివరకే చెప్పిన విషయం తెలిసిందే. ఎస్.కె.స్టూడియో పతాకంపై ఆయన నిర్మిస్తున్న అత్యంత భారీ చిత్రం పులి. విజయ్ సరసన హన్సిక, శ్రుతిహాసన్ హీరోయిన్‌గా నటిస్తున్న ఈ చిత్రంలో శ్రీదేవి రాణిగా ముఖ్యపాత్ర పోషిస్తున్నారు. కన్నడ ప్రముఖ హీరో సుదీప్ విలన్‌గా నటిస్తున్న ఈ చిత్రానికి కథ, కథనం, దర్శకత్వం బాధ్యతల్ని శింబుదేవన్ నిర్వహిస్తున్నారు.  పులికి సంగీత బాణీలను దేవిశ్రీ ప్రసాద్ అందించారు.
  
  


 పులి చిత్రం తమిళ గ్లాడియేటరా? ప్రస్తు తం కోలీవుడ్‌లో సాగుతున్న హాట్ టాఫిక్ ఇదే. ఇళయదళపతి విజయ్ నటిస్తున్న తాజా చిత్రం పులి. హన్సిక, శ్రుతిహాసన్ కథానాయికలుగా న టిస్తున్న ఈ భారీ సోషియో ఫాంటసీ చిత్రంలో అతిలోక సుందరి శ్రీదేవి మహారాణి పాత్రను పోషిస్తున్నారు. ఈమె దాదాపు రెండు దశాబ్దాల తరువాత తమిళంలో నటిస్తున్న చిత్రం ఇదే. కా గా కన్నడ చిత్రపరిశ్రమలో సూపర్‌స్టార్‌గా వెలుగొందుతున్న సుదీప్ ఈ చిత్రంలో ముఖ్య భూమికను పోషించడం విశేషం.
  
  శింబుదేవన్ దర్శకత్వం వహిస్తున్న ఈ చిత్రాన్ని పిటీ సెల్వకుమార్ నిర్మిస్తున్నారు. షూటింట్ కార్యక్రమాలు పూర్తి చేసుకున్న చిత్రం ఫస్ట్ లుక్ పోస్ట్‌ర్లు ఇటీవల విడుదలయ్యాయి. కాగా చిత్ర టీజర్‌ను విజయ్ పు ట్టిన రోజు సందర్భంగా విడదల చేయాలని చిత్ర దర్శకనిర్మాతలు భావించారు. ముందుగానే టీజర్ లీక్ అయ్యి కలకలం పుట్టించింది. వర్జినల్ టీజర్‌ను కూడా విడుదల చేయక తప్పలేదు. ఏదేమయినా పు లి టీజర్‌కు ఇటు చిత్రపరిశ్రమ నుం చి అటు విజయ్ అభిమానుల నుంచి అనూహ్య స్పం దన వస్తోంది.
  
  ఇదిలా ఉంటే పులి చిత్ర టీజర్‌లో విజయ్ కత్తి చేతపట్టి వీర విహారంచేసే దృశ్యాలు, శ్రీదేవి పట్టపురాణి గెటప్‌లో హుందాగా నడిచొచ్చే సన్నివేశం, మధ్య మధ్యలో శ్రుతిహాసన్, హన్సిక అందమైన నగుమోముల దృశ్యాలు చిత్రంపై ఆసక్తిని, అంచనాలను పెంచేలా ఉన్నాయి. కాగా ఈ చిత్రాన్ని నిర్మాతలు హాలీవుడ్ చిత్రం గ్లాడియేటర్‌తో పోల్చడం విశేషం. 2000 సంవత్సర ంలో తెరపైకొచ్చిన గ్లాడియేటర్ చిత్రం ఎప్పటికీ సంచలనమే. పులి చిత్రంలోనూ విజయ్ పోరాట దృశ్యాలు ఆ తరహాలో ఉంటాయంటున్నారు చిత్ర నిర్మాతలు.
  


 రీ ఎంట్రీతో హీరోయిన్‌గా రాణించడం అనేది కష్టసాధ్యం. అలాంటి దాన్ని సులభ సాధ్యం చేసింది నయనతార. ఇంతకుముందు కోలీవుడ్, టాలీవుడ్ అంటూ రౌండ్స్ కొట్టిన ఈ బ్యూటీ తాజాగా తమిళ చిత్ర పరిశ్రమ పైనే పూర్తిగా దృష్టి సారిస్తున్నారు. ఇప్పటికీ తన క్రేజ్ ఏ మాత్రం తగ్గలేదు కదా మరింత పెరిగిందని చెప్పక తప్పదు. స్టార్ నటులు సూర్య నుంచి యువ నటులు విజయ్ సేతుపతివరకు నయనతారతో జత కట్టడానికి మక్కువ చూపుతుండడం నయనతార గర్వపడాల్సిన విషయమే. ప్రస్తుతం సూర్య సరసన మాస్, ఉదయనిధికి జంటగా నన్భేండా, విజయ్‌సేతుపతి సరసన నానుమ్ రౌడీదాన్ తదితర చిత్రాల్లో నటిస్తున్న మలయాళ బ్యూటీతాజాగా ఇళయదళపతితో రొమాన్స్‌కు గ్రీన్ సిగ్నల్ ఇచ్చినట్లు సమాచారం.
  
  ఈ అమ్మడు విజయ్‌తో శివకాశి చిత్రంలో సింగిల్ సాంగ్ లోను విల్లు చిత్రంలో సోలో హీరోయిన్‌గాను నటించారు. ఇప్పుడు ముచ్చటగా మూడోసారి జోడీ కట్టేందుకు సిద్ధం అవుతున్నట్లు కోలీవుడ్ టాక్. విజయ్ ప్రస్తుతం శింబుదేవన్ దర్శకత్వంలో సోషియో మైథాలజికల్ చిత్రం చేస్తున్నారు. ఇందులో ఆయనతో శ్రుతిహాసన్, హన్సిక రొమాన్స్ చేస్తున్నారు. షూటింగ్ జరుపుకుంటున్న ఇది విజయ్ 58వ చిత్రం అవుతుంది. కాగా 59వ చిత్రానికి  కలైపులి ఎస్.థాను తన వి.క్రియేషన్ పతాకంపై నిర్మించడానికి సన్నాహాలు చేస్తున్నారు. రాజారాణి, దర్శకుడిగా పరిచయమైన యువ దర్శకుడు అట్లి ఈ చిత్రానికి దర్శకత్వం వహించనున్నారు. ఇందులో విజయ్ సరసన నయనతార నాయకిగా నటించనున్నట్లు సమాచారం.