న్యూఢిల్లీ: ఎఫ్‌ఎం రేడియో మూడో దశ వేలం వచ్చే నెలలో జరిగే అవకాశాలున్నాయని సమాచార, ప్రసార శాఖ మంత్రి మనీష్ తివారి చెప్పారు. ఎఫ్‌ఎం రేడియో వేలానికి 2011లోనే కేంద్ర కేబినెట్ ఆమోదం తెలిపిందని పేర్కొన్నారు. ఆ తర్వాత పరిశ్రమ వర్గాల నుంచి కొన్ని అభ్యంతరాలు వ్యక్తం అయ్యాయని, వాటిని టెలికాం రెగ్యులేటరీ అధారిటీ ఆఫ్ ఇండియా(ట్రాయ్)కు నివేదించామని వివరించారు. ఇక్కడి సీఐఐ బిగ్ పిక్చర్ సమిట్‌లో ఆయన మాట్లాడారు. వేలం పారదర్శకంగా జరగడానికి అన్ని జాగ్రత్తలు తీసుకున్నామని పేర్కొన్నారు.