ఇంట గెలిచి రచ్చ గెలవమంటారు. అనూప్ తేజ్ రచ్చ గెలిచారు. ఇప్పుడు ఇంట గెలవడానికి సిద్ధమయ్యారు. తమిళంలో మూడు చిత్రాల్లో కథానాయకునిగా నటించి, మంచి గుర్తింపు తెచ్చుకున్న అనూప్ తెలుగులో ‘కేక’ చిత్రం ద్వారా పరిచయమయ్యారు. ఈ యువహీరో నటించిన ‘జాబిల్లి కోసం ఆకాశమల్లె’ ఈ 13న విడుదల కానుంది. ‘యామినీ చంద్రశేఖర్’, ‘నిన్ను చూసి వెన్నెలే అనుకున్నా’లో కూడా నటించారు అనూప్. హీరో కాకముందు నృత్యశిక్షణాలయాన్ని నడిపానని, ఇప్పుడు నటన మీదే దృష్టి సారించానని అనూప్ చెప్పారు. కథ బాగుంటే రెండో హీరోగా, విలన్‌గా కూడా చేయడానికి సిద్ధమని స్పష్టం చేశారు.


  ‘‘ఇప్పటివరకూ తెలుగు తెరపై రాని ప్రేమకథ ఇది. స్వచ్ఛమైన ప్రేమకు అచ్చమైన నిర్వచనంగా నిలుస్తుంది. ప్రతి ఒక్కరూ చూడదగ్గ చిత్రమిది’’ అని దర్శకుడు రాజ్ నరేంద్ర చెప్పారు. అనూప్‌తేజ్, రితికా ఆచార్య, సిమ్మిదాస్ హీరో హీరోయిన్లుగా నటించిన చిత్రం ‘జాబిల్లి కోసం ఆకాశమల్లే’. ఇందులో  ‘రియల్‌స్టార్’ శ్రీహరి ముఖ్యపాత్ర పోషించారు. శ్రీ శివభవాని సినిమా పతాకంపై గుగ్గిళ్ల శివప్రసాద్ ఈ చిత్రాన్ని నిర్మించారు. ఈ నెల రెండో వారంలో ఈ చిత్రం విడుదల కానుంది. ఈ సందర్భంగా నిర్మాత మాట్లాడుతూ -‘‘శ్రీహరి నటన ఈ సినిమాకు మెయిన్ హైలైట్. ఆయన నటించిన ఆఖరి చిత్రమిది. ఆయన పాత్ర అందరి హృదయాల్లోనూ నిలిచిపోతుంది. ఈ చిత్రాన్ని ఆయనకే అంకితం ఇస్తున్నాం’’ అని తెలిపారు. ఈ చిత్రానికి కెమెరా: జీఎల్ బాబు, సమర్పణ: శశిప్రీతమ్, సహనిర్మాతలు: గుగ్గిళ్ల నాగభూషణం, రాము.
  


 శ్రీహరి ప్రధాన పాత్రలో రాజ్ నరేంద్ర దర్శకత్వంలో గుగ్గిళ్ల శివప్రసాద్ నిర్మించిన చిత్రం ‘జాబిల్లి కోసం ఆకాశమల్లె’. అనూప్ తేజ, స్మితికా ఆచార్య, సిమ్మిదాస్ హీరో, హీరోయిన్లు. వచ్చే నెల మొదటి వారంలో ఈ చిత్రాన్ని విడుదల చేయాలనుకుంటున్నారు. నిర్మాత మాట్లాడుతూ -‘‘కాసర్ల శ్యామ్ స్వరపరచిన ఈ చిత్రం పాటలకు విశేష స్పందన లభిస్తోంది. చందమామలాంటి అమ్మాయి కోసం ఓ ప్రేమికుడు ఏం చేశాడన్నదే ఈ చిత్రకథ. శ్రీహరి చేసిన పాత్ర ప్రత్యేక ఆకర్షణగా నిలుస్తుంది’’ అని చెప్పారు. ఈ చిత్రానికి కెమెరా: జి.ఎల్. బాబు, సమర్పణ: శశిప్రీతమ్.
  


 ‘‘శ్రీహరి వల్ల ఎంతో మంది దర్శకులూ నిర్మాతలూ అయ్యారు. మరెందరికో ఆయన జీవితాన్నిచ్చారు. ఆయన నటించిన ఈ సినిమా ఫంక్షన్‌లో ఆయనే లేకపోవడం బాధగా ఉంది’’ అని తమ్మారెడ్డి భరద్వాజ్ అన్నారు. శ్రీహరి కీలకపాత్రలో అనూప్‌తేజ్, స్మితిక ఆచార్య, సిమ్మిదాస్ ముఖ్యతారలుగా రాజ్ నరేంద్ర దర్శకత్వంలో గుగ్గిళ్ల శివప్రసాద్ నిర్మించిన ‘జాబిల్లి కోసం ఆకాశమల్లె’ పాటల ఆవిష్కరణ హైదరాబాద్‌లో జరిగింది. పాటల సీడీని సాగర్ ఆవిష్కరించారు. పాటల రచయిత కాసర్ల శ్యామ్ ఈ చిత్రం ద్వారా సంగీత దర్శకునిగా పరిచయమవుతున్నారు. సినిమా ఆద్యంతం వినోదాత్మకంగా ఉంటుందని అనూప్‌తేజ్ చెప్పారు. ఈ కార్యక్రమంలో శివబాలాజీ, చేతన్, సందీప్‌కిషన్, నిఖిల్, ఖయ్యూమ్ తదితరులు మాట్లాడారు.
  


 శ్రీహరి ప్రధాన పాత్రలో రూపొందుతోన్న చిత్రం ‘జాబిల్లి కోసం ఆకాశమల్లే’. రాజ్ నరేంద్ర దర్శకుడు. శ్రీ శివభవాని సినిమా పతాకంపై గుగ్గిళ్ల శివప్రసాద్ ఈ చిత్రాన్ని నిర్మిస్తున్నారు. 
  
  అనూప్‌తేజ్, స్మితిక ఆచార్య, సిమ్మిదాస్, సుమన్, ఆమని ఇందులో ముఖ్యతారలు. నిర్మాణానంతర కార్యక్రమాలు జరుపుకుంటోన్న ఈ సినిమా గురించి నిర్మాత మాట్లాడుతూ -‘‘ఓ కొత్త ఒరవడిలో సాగే ప్రేమకథ ఇది. ఇందులో శ్రీహరి నటన అద్భుతం. 
  
  ఆయన పాత్రే ఈ సినిమాకు వెన్నెముక. సుమన్, ఆమని పాత్రలు కూడా ఆకట్టుకుంటాయి. ఈ నెలాఖరున పాటలను, వచ్చే నెలలో చిత్రాన్ని విడుదల చేస్తాం’’ అని తెలిపారు. ఈ చిత్రానికి సంగీతం: కాసర్ల శ్యామ్, కెమెరా: జీఎల్ బాబు.