సాక్షి, అనంతపురం: టీడీపీ మాజీ ఎంపీ జేసీ దివాకర్‌రెడ్డి తనయుడు జేసీ పవన్‌ అత్యుత్సాహం ప్రదర్శించారు. ‘30 యాక్ట్’ అమల్లో ఉన్నా.. జేసీ పవన్‌ బైక్‌ ర్యాలీ నిర్వహించడంతో పోలీసులు అడ్డుకున్నారు. దీంతో జేసీ వర్గీయులు దురుసుగా ప్రవర్తించారు. పోలీసు జీపులపై ఎక్కి జేసీ వర్గీయుల హంగామా సృష్టించారు. నిబంధనలను పాటించని జేసీ పవన్‌ను పోలీసులు అరెస్ట్‌ చేశారు. (చదవండి: టీడీపీలో ‘చిచ్చు’ బుడ్డి) శాంతి భద్రతల విషయంలో కఠినంగా వ్యవహరిస్తున్న పోలీసులు.. 30 యాక్ట్‌ అమలులో ఉందని ముందస్తు హెచ్చరికలు జారీ చేసిన కానీ జేసీ పవన్‌ పెడ చెవిన పెట్టారు. గతంలో కూడా కడపలో ఆయనపై నిబంధనలు ఉల్లంఘన కేసు నమోదయిన విషయం తెలిసిందే. తాడిపత్రి పోలీస్‌స్టేషన్ల పరిధిలో కూడా పలు కేసులు గతంలో ఆయనపై నమోదయ్యాయి. (చదవండి: ఏపీ అప్రమత్తం: దూసుకొస్తున్న నివార్..) చట్టాన్ని చేతుల్లోకి తీసుకుంటే సహించం: డీఎస్పీ డిజాస్టర్ మేనేజ్‌మెంట్ చట్టాన్ని ఉల్లంఘించినందుకు జేసీ దివాకర్ రెడ్డి తనయుడు జేసీ పవన్ కుమార్ రెడ్డి సహా 15 మందిని అరెస్ట్ చేశామని అనంతపురం డీఎస్పీ వీరరాఘవరెడ్డి వెల్లడించారు. చట్టాన్ని చేతుల్లోకి తీసుకుంటే సహించేది లేదని, కోవిడ్ నేపథ్యంలో ప్రతి ఒక్కరూ నిబంధనలు పాటించాలని ఆయన హెచ్చరించారు.


 
 ఒలంపిక్‌ సంఘం రాష్ట్ర ప్రధాన కార్యదర్శి జేసీ పవన్‌కుమార్‌రెడ్డి
 
 గార్లదిన్నె: మండల పరిధిలోని మిడ్‌పెన్నార్‌ (ఎంపీఆర్‌డ్యాం)లో బోటింగ్‌ శిక్షణ అకాడమి ఏర్పాటుకు కృషి చేస్తామని  ఒలంపిక్‌ సంఘం రాష్ట్ర ప్రధాన కార్యదర్శి జేసీ పవన్‌కుమార్‌రెడ్డి అన్నారు. సోమవారం మండలంలోని మిడ్‌పెన్నార్‌ డ్యాంను జేసీ పవన్‌కుమార్‌రెడ్డి పరిశీలించారు. ఈ సందర్భంగా యన మాట్లాడుతూ డ్యాం పరిసర ప్రాంతాల్లో దాదాపు 200 బెస్త కుటుం బాలు ఉన్నాయని, వీరికి బోటింగ్‌పై శిక్షణ ఎంతో అవసరమన్నారు.  క్రీడల పట్ల ఉత్సాహంగా ఉన్న ప్రతి ఒక్కరికి బోటింగ్‌పై శిక్షణ ఇచ్చే విధంగా భ విష్యత్తులో ఇంటర్నేషనల్‌ కోచ్‌ ఆధ్వర్యంలో బోటింగ్‌ శిక్షణ అకాడమిని ఏ ర్పాటు చేయాలని నిర్ణయించినట్లు తెలిపారు.  ఈ కార్యక్రమంలో కెనాయింగ్‌ రాష్ట్ర అధ్యక్షులు వినిల్‌రెడ్డి, ఉపాధ్యక్షులు రాజశేఖర్‌రెడ్డి, జిల్లా అధ్యక్షులు రవి ప్రకాష్, జిల్లా ఉపాధ్యక్షులు సత్యనారాయణరెడ్డి తదితరులు పాల్గొన్నారు.