టాప్‌ హీరోయిన్‌ జెన్నిఫర్‌ అనిస్టన్‌తో పని చేయడం నరకమని చెప్తున్నాడు హాలీవుడ్‌ స్టార్‌ జేక్‌ గైలెన్హల్‌. వీరిద్దరూ 2002లో వచ్చిన 'ద గుడ్‌ గర్ల్‌' అనే సినిమాలో కలిసి నటించారు. తాజాగా హోవార్డ్‌ స్టెర్న్‌ షోకు హాజరైన జేక్‌ ఆనాటి సినిమా విశేషాలను పంచుకున్నాడు. ఈ సందర్భంగా అతడు మాట్లాడుతూ.. జెన్నిఫర్‌తో కలిసి పని చేయడం టార్చర్‌ అని చెప్పుకొచ్చాడు. ఎందుకంటే ఆమె అంటే ఎంతో ఇష్టం ఉన్న అతడికి తనతో లవ్‌ సీన్లలో నటించడం కొంచెం ఇష్టం, కొంచెం కష్టంగా ఉండేదన్నాడు. పైగా సెట్స్‌లో 30 నుంచి 50 మంది వరకు మనల్ని చూస్తున్నప్పుడు ప్రేమ సన్నివేశాల్లో నటించడం ఇబ్బందిగా ఉండేదని తెలిపాడు. అయితే అప్పుడు పిల్లో టెక్నిక్‌తో కొన్ని అభ్యంతరకరమైన సీన్లను ఎలాగోలా షూట్‌ చేశామని పేర్కొన్నాడు. మా ఇద్దరి మధ్యలో దిండు పెట్టాలన్న ఐడియా కూడా జెన్నిఫర్‌దేనంటూ ఆమెకే క్రెడిట్‌ ఇచ్చాడు. కాగా జేక్‌.. జెన్నిఫర్‌ అంటే క్రష్‌ ఉందన్న విషయాన్ని 2016లో బయటపెట్టాడు. కొన్నేళ్లపాటు ఆమెను క్రష్‌గా ఆరాధించడమే కాక ఆమెతో కలిసి పనిచేసే అవకాశాన్ని కూడా కొట్టేశాడు. ఇదిలా వుంటే జెన్నిఫర్‌ ఆనిస్టన్‌.. 2000వ సంవత్సరంలో నటుడు బ్రాడ్‌ పిట్‌ను పెళ్లాడింది. 2005లో అతడికి విడాకులిచ్చేసిన అనంతరం జస్టిన్‌ థెరూక్స్‌తో కొత్త జీవితాన్ని ఆరంభించింది. అయితే ఆమె గతంలో సంగీతకరారుడు జాన్‌ మేయర్‌, నటుడు విన్స్‌ వేగన్‌తో కూడా డేటింగ్‌ చేసినట్లు కథనాలు వెలువడ్డాయి. 

ఆరు మెయిన్​ క్యారెక్టర్లు, పది సీజన్లు, 236 ఎపిసోడ్​లు​.. పదేళ్లపాటు స్నేహంలోని రకరకాల భావోద్వేగాలను అందించి నవ్వించింది ఫ్రెండ్స్ టీవీ సిరీస్​.  ఇప్పుడు మళ్లీ రీయూనియన్​ ఎపిసోడ్​తో సంచలనాలకు తెరతీసింది. ఫ్రెండ్స్​ : ది రీయూనియన్​ పేరుతో టెలికాస్ట్ అయిన ఎపిసోడ్​కి గ్లోబల్ వైడ్​గా భారీ స్పందన వస్తోంది. ఈ క్రమంలో ఫ్రెండ్స్​ పాత అల్లర్లను గుర్తు చేసుకుంటూ చాలామంది భావోద్వేగానికి లోనవుతున్నారు. 1994 నుంచి 2014 దాకా అమెరికన్లతో పాటు ప్రపంచవ్యాప్తంగా ఉన్న బుల్లితెర ప్రేక్షకులను అలరించింది ఫ్రెండ్స్​ సిట్​కామ్​(సిచ్యుయేషనల్​ కామెడీ). ఆరుగురు స్నేహితులు, వాళ్ల మధ్య లవ్‌‌ బ్రేకప్​, అల్లరి, గొడవలు.. అంతిమంగా స్నేహాన్ని నిలుపుకోవడానికి చేసే ప్రయత్నాలతో సరదాగా సాగుతుంది ఫ్రెండ్స్​. ఇప్పుడు పదిహేడు సంవత్సరాల తర్వాత ఫ్రెండ్స్​ టీం మళ్లీ ఆడియెన్స్​ ముందుకు వచ్చింది. జెన్నిఫర్​ అనిస్టన్​, కోర్టెనె కాక్స్​, లీసా కుడ్రో, మాట్​ లెబ్లాంక్​, మాథ్యు పెర్రీ, డేవిడ్​ ష్విమ్మర్.. అదే ఆర్టిస్టులు, అదే టెక్నికల్ టీం.. ఈ రీయూనియన్​ కోసం పనిచేశారు కూడా. గెట్​ టు గెదర్​గా వచ్చిన ఈ ఎపిసోడ్​ను ​బెన్​ విన్​స్టన్​ డైరెక్ట్​ చేశారు. మన దగ్గర జీ5 ఈ రీయూనియన్​ను టెలికాస్ట్ చేస్తోంది. ఇక సోషల్ మీడియా అకౌంట్లలో #FriendsReunion రికార్డు స్థాయి ట్వీట్లతో దూసుకుపోతోంది. ఆరుగురు లీడ్ క్యారెక్టర్లు ఆనాటి జ్ఞాపకాల్ని గుర్తు చేసుకోవడంతో ఎపిసోడ్ మొదలవుతుంది. సెట్​లో ఆనాటి జ్ఞాపకాలన్నింటిని ఉంచారు. బిహైండ్ సీన్స్​తో నవ్వులు విరిశాయి. అభిమానుల ప్రశ్నలకు సరదా జవాబులు ఇచ్చింది ఫ్రెండ్స్ టీం. ఇక  రీయూనియన్​ పట్ల ఆ ఆర్టిస్టులు భావోద్వేగానికి లోనుగాక.. అది చూసి అభిమానులు ఫీలవుతున్నారు. VIDEO: Lady Gaga performs “Smelly Cat” with “Phoebe” #FriendsReunionpic.twitter.com/Rf3pQkfNPU — GAGAIMAGES (@gagaimages) May 27, 2021 కళ్లు చెదిరే డీల్​ ఫ్రెండ్స్​ రీయూనియన్ ఎపిసోడ్​లో ఆరుగురు మెయిన్​ క్యారెక్టర్లతో పాటు పలువురు సెలబ్రిటీలు కూడా కనిపించారు. లేడీ గాగా, బీటీఎస్​, జస్టిన్ బీబర్​, డేవిడ్ బెక్​హమ్​, జేమ్స్​ కార్డన్​.. ఇలా కొందరు కనిపించారు. ఫ్రెండ్స్ టీంతో సరదాగా అల్లరి చేశారు. ఇక ఈ ఎపిసోడ్​ కోసం భారీగా డీల్ కుదిరినట్లు తెలుస్తోంది. 1996లో ఫ్రెండ్స్​ ఆర్టిస్టుల ఒక్కొక్కరి రెమ్యునరేషన్​ 22,500 డాలర్లు ఉండేది. ఇప్పుడు రీయూనియన్ కోసం ఒక్కొక్కరు మూడు నుంచి నాలుగు మిలియన్ల డాలర్లు తీసుకున్నట్లు హాలీవుడ్​ వెబ్​సైట్స్​ కథనాలు ప్రచురించాయి. అలాగే మొన్నటిదాకా నెట్​ఫ్లిక్స్​లో స్ట్రీమ్​ అయిన ఫ్రెండ్స్​ ఎపిసోడ్స్​ను 425 మిలియన్​ డాలర్ల చెల్లించి హెచ్​బీవో కొనుక్కుంది. ఈ రీయూనియన్ స్ట్రీమింగ్​లో మరెన్ని రికార్డులు నెలకొల్పుతుందో చూడాలి.

జస్టిన్‌ థారోస్‌తో జెన్నిఫర్‌ ఆనిస్టన్‌ లాస్ట్‌ మంత్‌ విడాకులు తీసుకున్న విషయం తెలిసిందే. మరోపక్క జెన్నిఫర్‌ ఫస్ట్‌ హస్బెండ్‌ బ్రాడ్‌ పిట్‌.. ఆంజెలీనా జోలీతో 2016లో డైవర్స్‌ తీసుకొని సింగిల్‌గా ఉంటున్నారు. థారోస్‌తో డైవర్స్‌ తర్వాత జెన్నిఫర్, ఆంజెలినాతో విడాకులు తర్వాత బ్రాడ్‌ పిట్‌.. ఇద్దరూ సింగిల్‌గానే ఉన్నారు, మళ్లీ కలిస్తే బావుండు అని ‘పిట్, జెన్నిఫర్‌’ అభిమానులు కోరుకున్నారు. కానీ సీను రివర్స్‌ అయింది. జెన్నిఫర్‌ సింగిల్‌గానే ఉన్నారు, కానీ బ్రాడ్‌ పిట్టే మరో అమ్మాయితో మింగిల్‌ అవుతున్నారట. ఎమ్‌ఐటీ ప్రొఫెసర్‌ నెరీ ఓక్స్‌మెన్‌తో  బ్రాడ్‌ పిట్‌ డేట్‌ చేస్తున్నారని హాలీవుడ్‌లో హాట్‌ టాపిక్‌. ఆర్ట్, ఆర్కిటెక్చర్‌ డిజైన్‌లో నెరీ ఓక్స్‌మెన్‌ రాక్‌స్టార్‌ అని చెప్పవచ్చు. ఎమ్‌ఐటీలో నెరీ గీసిన ఓ త్రీడీ పెయింటింగ్‌ చూసి ఫ్లాట్‌ అయ్యారట బ్రాడ్‌ పిట్‌. అప్పటినుంచి ఇద్దరూ చెట్టాపట్టాలేసుకుని తిరిగేస్తున్నారన్నది హాలీవుడ్‌ ఓపెన్‌ సీక్రెట్‌. సో జెన్నీఫర్, పిట్‌ మళ్లీ కలుస్తారనుకున్న అభిమానుల కోరిక నేరవేరనట్టే.

జెన్నిఫర్‌ ఆనిస్టన్‌ ఈ మధ్యే భర్త జస్టిన్‌ థెరోకు విడాకులు ఇచ్చి ఫ్రీ బర్డ్‌ అయింది. అంతకుముందు బ్రాడ్‌పిట్‌తోనూ ఆమె పెళ్లి నిలవలేదు. ఇప్పుడు రెండో పెళ్లీ బ్రేక్‌ చేసి, ఫ్రీ బర్డ్‌ అయ్యాక ఆమె ఒక వింత కోరిక బయటపెట్టింది. అదేమిటంటే.. కుర్రాడితో ప్రేమలో పడాలని. తన వయసున్న వారితో ప్రేమ, పెళ్లి బోర్‌ కొట్టిందట జెన్నిఫర్‌కు. ఇప్పుడిప్పుడే ముప్పైల్లోకి అడుగుపెడుతున్న, పాతికేళ్లు దాటిన కుర్రాళ్లైతే పూర్తిగా డిపెండ్‌ అవ్వరనీ, వారితో సరదాగా ప్రేమలో పడి లైఫ్‌ను కొన్నాళ్లు ఎంజాయ్‌ చెయ్యాలనుకుంటున్నట్లు జెన్నిఫర్‌ చెప్పింది. ఈ వయసు కుర్రాళ్లతో అయితే పూర్తిగా కమిట్‌ అవ్వాల్సిన అవసరం లేదని, వాళ్లైతే కొత్తగా ఆలోచిస్తారని, నాన్సెన్స్‌ కూడా చాలా తక్కువ ఉంటుందని జెన్నిఫర్‌ ఆలోచన. జెన్నిఫర్‌ వయసు ఇప్పుడు 49 ఏళ్లు. మరి ఆమె కోరిక ఎలా నెరవేరుతుందో చూడాలి!!

హాలీవుడ్‌ స్టార్‌ జెన్నిఫర్‌ అనిస్టన్‌ 49వ పుట్టినరోజు వేడుకలు జరుగుతున్నాయి. ఆమె ఫ్రెండ్స్‌ అంతా కలిసి పెద్ద ఎత్తున పార్టీ చేసుకుంటున్నారు. కానీ ఆ వేడుకలో ఆమె భర్త జస్టిన్‌ థెరో మాత్రం కనిపించలేదు. ఎందుకు కనిపించలేదంటే.. అక్కడున్న ఆమె ఫ్రెండ్స్‌కి తెలుసు. కానీ అక్కడున్న అందరికీ అయితే తెలీదు. తెలీదు కాబట్టి వాళ్లంతా పుకార్లు పుట్టిస్తారు. జస్టిన్‌ ఎందుకు లేడనే పుకార్లు. అంత దూరం ఎందుకు పోవడం అనుకుంది జెన్నిఫర్‌. జస్టిన్‌తో కలిసి ఒక కంబైన్డ్‌ స్టేట్‌మెంట్‌ ఇచ్చేసింది.. ‘అవును.. మేమిద్దరం విడిపోయాం!’ అని.  2015లో పెళ్లి చేసుకున్న జస్టిన్, జెన్నిఫర్‌ల బంధం మూడేళ్లు కాకముందే విడాకుల వరకు వెళ్లింది. నిజానికి 2017లోనే ఈ ఇద్దరూ విడిపోయినా ఆ విషయాన్ని ప్రైవేటుగానే ఉంచేద్దాం అనుకున్నారట. కాకపోతే, జెన్నిఫర్‌ బర్త్‌డే తర్వాత గాసిప్స్‌ వస్తాయన్న అనుమానం రావడంతో, ఎట్టకేలకు తాము విడిపోయినట్లు అనౌన్స్‌ చేసేశారు. ‘‘భార్యాభర్తలుగా కొనసాగలేం అని అనుకున్నాక ఇద్దరం విడిపోవాలనే నిర్ణయించుకున్నాం. అయితే విడిపోయాకా మేమిద్దరం బెస్ట్‌ఫ్రెండ్స్‌గానే కొనసాగుతాం’’ అని ఇద్దరూ కలిసి విడుదల చేసిన ప్రకటనలో తెలిపారు. గతంలో బ్రాడ్‌పిట్‌తో కూడా జెన్నిఫర్‌ ఇలా ఎలాంటి గొడవలు లేనప్పుడే సామరస్యంగా విడిపోయింది.

లాస్‌ఏంజిలెస్ ‌: హార్వీ, ఇర్మా, మారియా హరికేన్‌లు ఒకదాని తరువాత ఒకటి అమెరికాను కకావికలం చేసిన విషయం తెలిసిందే. ఈ వరుస విపత్తులతో వేలాదిమంది రోడ్డునపడ్డారు. కాగా వీరిని ఆదుకునేందుకు ప్రముఖ హాలీవుడ్‌ నటి జెన్నీఫర్‌ ఆనిస్టన్‌ భారీ విరాళాన్ని ప్రకటించి, తన దాతృత్వాన్ని చాటుకున్నారు. విపత్తుల్లో సర్వం కోల్పోయిన వారిని ఆదుకొని, వారి జీవితాలను నిలబెట్టేందుకు ప్యూర్టోరికో రిలీఫ్‌ఫండ్‌కు 10 లక్షల డాలర్లను జెన్నీఫర్‌ విరాళంగా ప్రకంటించారు. ఈ మొత్తంలో ఐదులక్షల డాలర్లను అమెరికన్‌ రెడ్‌ క్రాస్‌ సంస్థకు,  మరోక ఐదు లక్షలను సింగర్‌ రికీ మార్టిన్‌ పౌండేషన్‌కు అందజేయాలని సూచించారు. విరాళంపై సంతోషం వ్యక్తం చేసిన మార్టిన్‌.. జెన్నీఫర్‌కు కృతజ్ఞతలు తెలుపుతూ... 'ఈ మేలును ఎప్పటికీ మరువలేం. ఈ సాయం అనేకమంది జీవితాలను నిలబెడుతుందంటూ' ట్విట్టర్‌ ద్వారా తెలిపారు. కాగా ఇప్పటికే స్టార్ హీరో, అస్కార్ నటుడు లియోనార్డో డికాప్రియో, జెన్నీఫర్‌ లోపేజ్, నిక్‌ రోల్, స్టీఫెన్‌ కోల్‌బర్ట్‌ తదితర హాలీవుడ్‌ నటులెందరో తమ వంతుగా బాధితులకు సాయం అందించారు. 


 లాస్‌ ఏంజిల్స్‌: ఎక్కడికి వెళ్తున్నావ్‌ అంటే 'రెండో హనిమూన్‌కు' అని చెబుతోంది హీరోయిన్‌ జెన్నిఫర్‌ అనిస్టన్‌. నటుడు జెస్టిన్‌ థిరోక్స్‌తో వివాహమయ్యాక రెండేళ్లయినా గడవకముందే వీరి మధ్య చెడింది. తమ పెళ్లి గురించి వీరు గతంలో బాహాటంగానే అసంతృప్తి వ్యక్తం చేశారు. దీంతో వీరు విడిపోతున్నట్లే అని వార్తలొచ్చాయి.
 
 అయితే.. ఈ బీటలువారిన బంధానికి మళ్లీ పూతలు పూయాలని భావిస్తోంది జెన్నీ. భర్తతో కలిసి కొన్నాళ్లపాటు ప్రైవేటు ట్రిప్‌కు వెళ్తున్నట్లు ఇటీవల వెల్లడించింది. ఈ ట్రిప్‌తో అయినా వైవాహిక బంధం మళ్లీ బలపడుతోందని జెన్నీ ఆశలు పెట్టుకుంది. 2012లో కలిసిన ఈ జంట.. రెండేళ్లపాటు డేటింగ్‌లో ఉండి 2015లో పెళ్లితో ఒకటయ్యారు. అయితే.. జెన్నీ మాజీ భర్త బ్రాడ్‌పీట్‌ విషయంలోనే థిరోక్స్‌తో విభేదాలొచ్చాయని గాసిప్స్‌ గుప్పుమన్నాయి.


 హాలీవుడ్‌లోనే ప్రముఖ జంటగా పేరొందిన బ్రాడ్ పిట్, ఏంజెలినా జోలీ విడాకుల వార్త సహజంగానే ఇంటర్నెట్‌లో పెద్ద చర్చనీయాంశమైంది. భర్త బ్రాడ్‌తో విడాకులు తీసుకొనేందుకు కోర్టును జోలీ దరఖాస్తు చేసుకోవడంతో ఈ వార్తపై ఎన్నో కథనాలు వెలువడ్డాయి.
 
 అయితే, జోలీ-బ్రాడ్‌ విడాకులపై బ్రాడ్‌ మాజీ భార్య, హాలీవుడ్‌ నటి జెన్నిఫర్‌ అనిస్టన్‌ వ్యక్తం చేసిన అభిప్రాయాలు మాత్రం ఆన్‌లైన్‌ను కుదిపేస్తున్నాయి. ఆమె వ్యాఖ్యలపై ఎన్నో జోకులు వెల్లువెత్తుతున్నాయి. యూఎస్‌ వీక్లీ మ్యాగజీన్‌ కథనం ప్రకారం జోలీ-బ్రాడ్‌ విడాకులపై అనిస్టన్‌ తన సన్నిహితులతో స్పందించింది. ’కర్మ’ సిద్ధాంతం ప్రకారమే వారు విడిపోయినట్టు ఆమె పేర్కొంది. అంతేకాదు జోలీతో బ్రాడ్‌ విడిపోతుండటంపై ఆమె సంతృప్తి వ్యక్తం చేసింది.
 
 11 ఏళ్ల వైవాహిక జీవితం.. అరడజనుకుపైగా పిల్లలతో అన్యోన్యమైన జంటగా పేరొందిన బ్రాడ్‌-జోలీ మధ్య ఏదో జరుగుతుందని తనకు ఎప్పుడూ అనిపించేదని ఆమె సన్నిహితులతో పేర్కొంది. ’ బ్రాడ్‌కు జోలీ ఎంతమాత్రం సరిపోదని అనిస్టన్‌ ఎప్పుడూ భావించలేదు. కానీ సాదాసీదాగా ఉండే బ్రాడ్‌కు జోలీ చాలా సంక్లిష్టమైన జోడీ అని ఆమె భావిం‍చేది’ అని సన్నిహితులు పేర్కొన్నారు. తన మాజీ భర్త వైవాహిక జీవితంపై అనిస్టన్‌కు ఎలాంటి దురభిప్రాయాలు లేవని, వారు విడిపోవాలని కానీ, కలిసుండాలని కానీ ఆమె కోరుకోలేదని చెప్పారు.
 
 అయితే, బ్రాడ్‌-జోలీ విడిపోతుండటంపై ఆమె సంతృప్తిగా ఉందని వారు తెలిపారు. 2000 సంవత్సరంలో బ్రాడ్‌- అనిస్టన్‌ పెళ్లి చేసుకొని ఐదేళ్ల తర్వాత విడిపోయారు. అనంతరం 2011 నుంచి జస్టిన్‌ థిరౌక్స్‌తో డేటింగ్‌ చేసిన అనిస్టన్‌ 2015లో అతన్ని పెళ్లాడించింది. మరోవైపు పిట్‌-జోలీ విడాకులతో జెన్నిఫర్‌ అనిస్టన్‌ సంతోషంలో మునిగిపోయి పండుగ చేసుకుంటున్నదని ఆన్‌లైన్‌లో జోకులు వెల్లువెత్తుతున్నాయి.


 అందాన్ని ఆరాధించని వాళ్లు ఉండరు. అందాల రాణుల పోటీలు ప్రపంచవ్యాప్తంగా జరుగుతూనే ఉంటాయి. మరి ప్రపంచంలోనే అత్యంత అందగత్తె ఎవరో.. అసలు టాప్ 100 స్థానాల్లో ఎవరెవరు ఉన్నారోననే విషయాలు ఆసక్తి కలిగిస్తాయి కదూ. సరిగ్గా ఇదే విషయమై అమెరికాలో ప్రఖ్యాత పీపుల్స్ పత్రిక ప్రతియేటా నిర్వహించే తన సర్వే వివరాలను తాజాగా వెల్లడించింది.
 
 ఈ సంవత్సరం ప్రపంచంలో అత్యంత అందగత్తె కిరీటాన్ని జెనిఫర్ ఆనిస్టన్‌ (47)కు కట్టబెట్టింది. ఈ టైటిల్ దక్కడం పట్ల తనకు చాలా ఆనందంగా ఉందని ఆనిస్టన్ చెప్పింది. ఆమె తర్వాతి స్థానాల్లో వరుసగా రీస్ విదర్‌స్పూన్, సోఫియా వెర్గారా, కీక్ పామర్, సెలెనా గోమెజ్ ఉన్నారు. 1990 నుంచి ఇలా వరుసగా అందగత్తెల జాబితాను పీపుల్ పత్రిక వెల్లడిస్తోంది. ఇంతకుముందు కూడా ఒకసారి జెనిఫర్ ఆనిస్టన్‌కు ఈ టైటిల్ దక్కింది.