‘‘ఒకేసారి నాలుగైదు సినిమాల్లో కనిపించేయాలనుకోవడం లేదు. ఒక దాని తర్వాత ఒక సినిమా చేసినా నాకు నచ్చిన సినిమాలే చేయాలనుకుంటున్నాను. చేసే ఒక్కటి అయినా మంచి సినిమా చేయాలి.  స్క్రిప్ట్‌ నాకు ఎగ్జయిటింగ్‌గా అనిపించకపోతే సినిమా అంగీకరించడం లేదు’’ అని లావణ్యా త్రిపాఠి అన్నారు. నిఖిల్, లావణ్యా త్రిపాఠి జంటగా టీఎన్‌ సంతోష్‌ తెరకెక్కించిన చిత్రం ‘అర్జున్‌ సురవ రం’. తమిళ చిత్రం ‘కణితన్‌’కి ఇది తెలుగు రీమేక్‌. బి.మధు సమర్పణలో రాజ్‌కుమార్‌ ఆకెళ్ల నిర్మించారు. ఈ నెల 29న ఈ సినిమా రిలీజ్‌ కానున్న సందర్భంగా లావణ్యా త్రిపాఠి మాట్లాడుతూ – ‘‘మొదట ఈ సినిమాకు నో చెప్పాను. రీమేక్‌ సినిమాలో చేయడానికి ఏం ఉంటుంది? అనే ఉద్దేశంతో అలా అన్నాను. కానీ కథ వినగానే చాలా నచ్చింది. ఇందులో జర్నలిస్ట్‌ పాత్రలో కనిపిస్తాను. చాలా స్ట్రాంగ్‌ అమ్మాయిని. నకీలి సర్టిఫికెట్స్‌ మాఫీయా గురించి ఈ సినిమాలో చర్చించాం. దాని వల్ల టాలెంట్‌ ఉన్నవాళ్లు కూడా ఎలా నష్టపోతున్నారో చూపించాం. ఈ సినిమాలో కొన్ని రిస్కీ యాక్షన్‌ సన్నివేశాలు ఉన్నాయి. ఒక సన్నివేశంలో కారులో నుంచి బయటపడబోయేదాన్ని. కొంచెంలో మిస్‌ అయింది. ఆ రోజు రాత్రి నిద్ర పట్టలేదు. కానీ ఆ ఎక్స్‌పీరియన్స్‌ థ్రిల్లింగ్‌గా ఉంది (నవ్వుతూ). ‘అర్జున్‌ సురవరం’ రిలీజ్‌ ఆలస్యం కావడంతో సినిమా ఏమైనా అవుడ్‌ డేట్‌ అయిపోతుందా, స్టేల్‌ అయిపోతుందా? అనే ఆలోచన నాక్కూడా వచ్చింది. కానీ మా ట్రైలర్‌ని చూసినవాళ్లందరూ ఫ్రెష్‌గానే ఉంది అంటున్నారు. ‘ఈ మధ్య వరుసగా సినిమాలు చేయడం లేదేంటి?’ అని కొంతమంది అడుగుతున్నారు. సినిమా అవకాశాలు వస్తూనే ఉన్నాయి. కానీ నాకు నచ్చిన పాత్రలు రావడం లేదు. ఈ గ్యాప్‌లో నాకు నచ్చిన ప్రదేశాలకు వెళుతున్నాను. కొత్త డ్యాన్స్‌ నేర్చుకుంటున్నాను. జిమ్నాస్టిక్స్‌ చేస్తున్నాను. ఒక్క మాటలో చెప్పాలంటే నన్ను నేను కొత్తగా ఆవిష్కరించుకుంటున్నాను. నెక్ట్స్‌ చేయబోయే సినిమాలో హాకీ ప్లేయర్‌గా కనిపిస్తాను. దానికోసం డిసెంబర్‌లో హాకీ శిక్షణ ప్రారంభిస్తాను. కాలేజీ రోజుల్లో మా అమ్మగారు కూడా హాకీ ఆడేవారట’’ అన్నారు. ‘అర్జున్‌ సురవరం’ ప్రీ–రిలీజ్‌ ఈవెంట్‌కు ముఖ్య అతిథిగా చిరంజీవి హాజరు కానున్నారు. ఈ నెల 29న ఈ సినిమా విడుదల కానున్న సందర్భంగా ఈ చిత్రం ప్రీ రిలీజ్‌ ఫంక్షన్‌ను 26న  హైదరాబాద్‌లో ఏర్పాటు చేశారు. చిత్రబృందం తరఫున ఈ వేడుకకు చిరంజీవిని అహ్వానించారు నిఖిల్‌.  చిరంజీవి, నిఖిల్‌

విభిన్న చిత్రాలతో వరుస విజయాలు సాధిస్తున్న యంగ్ హీరో నిఖిల్ ఇటీవల కిరాక్‌ పార్టీ సినిమాతో ప్రేక్షకుల ముందుకు వచ్చిన సంగతి తెలిసిందే. కన్నడ రీమేక్‌గా తెరకెక్కిన ఈ సినిమా ఆశించిన స్థాయిలో ఆకట్టుకోలేకపోయింది. మరోసారి రీమేక్‌ సినిమాతో ప్రేక్షకుల ముందుకు వచ్చేందుకు రెడీ అవుతున్నాడు నిఖిల్. తమిళ్‌లో ఘనవిజయం సాధించిన కనితన్‌ సినిమాను తెలుగులో రీమేక్‌ చేయనున్నాడు నిఖిల్. ప‍్రస్తుతం ఈ సినిమాకు సంబంధించిన ప్రీ ప్రొడక్షన్‌ కార్యక్రమాలు జరుగుతున్నాయి. ముద్ర అనే టైటిల్‌ను పరిశీలిస్తున్నారు. ఠాగూర్‌ మధు నిర్మిస్తున్న ఈ సినిమా షూటింగ్ త్వరలోనే ప్రారంభం కానుంది. అయితే షూటింగ్ మొదలవటానికి ముందే ఈ సినిమా శాటిలైట్‌ రైట్స్‌ భారీ మొత్తానికి అమ్ముడయ్యాయి. స్టార్ మా సంస్థ ఈ సినిమా తెలుగు, హిందీ శాటిలైట్‌ హక్కులను 5.5 కోట్లకు సొంతం చేసుకుంది.

విభిన్న చిత్రాలతో విజయాలు సాధిస్తున్న యంగ్ హీరో నిఖిల్, ఇప్పుడు రీమేక్‌ సినిమాల మీద దృష్టి పెట్టాడు. ప్రస్తుతం కన్నడ సూపర్‌ హిట్ కిరిక్‌ పార్టీకి రీమేక్‌ గా తెరకెక్కుతున్న కిరాక్‌ పార్టీ సినిమాలో నటిస్తున్నాడు నిఖిల్‌. ఈ సినిమాను ఫిబ్రవరిలో రిలీజ్‌ చేసేందుకు ప్లాన్ చేస్తున్నారు. ఈ సినిమా తరువాత కూడా మరోసారి రీమేక్ సినిమాలోనే నటించనున్నాడు నిఖిల్. తమిళనాట సంచలన విజయం సాధించిన కనితన్‌ సినిమా  తెలుగు రీమేక్‌ లో నటించనున్నాడు. కోలీవుడ్ అధర్వ నటించిన పాత్రలో నిఖిల్ అలరించనున్నాడు. ప్రముఖ నిర్మాత ఠాగూర్‌ మధు నిర్మాణంలో తెరకెక్కుతున్న ఈ సినిమాను ఒరిజినల్‌ వర్షన్‌కు దర్శకత్వం వహించిన సంతోష్ డైరెక్ట్ చేయనున్నాడు. ఈ సినిమాలో నిఖిల్ సరసన కేథరిన్‌ థ్రెసా హీరోయిన్‌ గా నటించనుంది. ఇప్పటికే ఈ సినిమా ప్రారంభం కావాల్సి ఉండగా అనివార్య కారణాల వల్ల వాయిదా పడింది. ప్రస్తుతం స్క్రిప్ట్‌ పనుల్లో ఉన్న ఈ ప్రాజెక్ట్‌పై త్వరలో అధికారిక ప్రకటన వెలువడనుంది.


 వరుసగా ప్రయోగాత్మక చిత్రాలతో దూసుకుపోతున్న యంగ్ హీరో నిఖిల్ మరో ఇంట్రస్టింగ్ సినిమాకు ఓకె చెప్పాడన్న టాక్ వినిపిస్తుంది. ఈ శుక్రవారం రివేంజ్ డ్రామాగా తెరకెక్కిన కేశవ సినిమాతో ప్రేక్షకుల ముందుకు వస్తున్న ఈ యంగ్ హీరో త్వరలో కన్నడలో సూపర్ హిట్ అయిన కిర్రాక్ పార్టీ రీమేక్లో నటించనున్నాడు. ఆ తరువాత కూడా రీమేక్ సినిమా చేయడానికి ప్లాన్ చేసుకుంటున్నాడు నిఖిల్.
 
 తమిళ్లో అధర్వ హీరోగా తెరకెక్కిన గణితన్ సినిమాను తెలుగులో రీమేక్ చేసేందుకు ప్లాన్ చేస్తున్నాడు. బిబిసిలో రిపోర్టర్గా వర్క్ చేయాలనుకున్న ఓ కుర్రాడు అనుకోని పరిస్థితుల్లో ఓ మర్డర్ కేసులో ఇరుక్కోవటం, తరువాత ఆ కేసునుంచి ఆ యువకుడు ఎలా బయట పడ్డాడు అన్న కథతో ఈ సినిమాను తెరకెక్కించారు. కోలీవుడ్లో ఈ సినిమాను డైరెక్టర్ చేసిన టి ఎన్ సంతోష్ తెలుగులోనూ డైరెక్ట్ చేసేందుకు రెడీ అవుతున్నాడు. ప్రస్తుతం చర్చల దశలో ఉన్న ఈ ప్రాజెక్ట్ పై త్వరలోనే అధికారిక ప్రకటన వెలువడనుంది.


 టాలీవుడ్లో మాస్ సినిమాలకు కేరాఫ్ అడ్రస్గా మారిన సీనియర్ హీరో రవితేజ. ఒకప్పుడు టాలీవుడ్లో మినిమమ్ గ్యారెంటీ హీరోగా ఉన్న రవితేజ, ఇటీవల తన స్థాయికి తగ్గ సక్సెస్లు సాధించటంలో ఫెయిల్ అవుతున్నాడు. అయితే ఇటీవల రవితేజ హీరోగా తెరకెక్కిన బెంగాల్ టైగర్ కమర్షియల్గా ఆకట్టుకోవటంతో ఇప్పుడు వరుస సినిమాలకు కమిట్ అవుతున్నాడు. ఇప్పటికే కొత్త దర్శకుడితో రాబిన్హుడ్ సినిమా చేస్తున్న మాస్ మహరాజ్, మరో రీమేక్ సినిమాకు రెడీ అవుతున్నాడు.
  
 తమిళంలో ఘన విజయం సాధించిన కనిదన్ సినిమాను రవితేజ రీమేక్ చేస్తున్నట్టు వార్తలు వినిపించాయి. అయితే ఇప్పటివరకు అఫీషియల్గా మాత్రం కన్ఫామ్ చేయలేదు. తాజాగా కనిదన్ చిత్ర దర్శకుడు ఈ విషయాన్ని కన్ఫామ్ చేశాడు. రవితేజకు ఉన్న మాస్ ఇమేజ్కు ఈ సినిమా ఫర్ఫెక్ట్గా సూట్ అవుతుందని కితాబిచ్చాడు. అయితే ఈ సినిమా ఎప్పుడు సెట్స్ మీదకు వెళుతుందన్న విషయంలో మాత్రం క్లారిటీ ఇవ్వలేదు.


 మెగా హీరోలందరూ రీమేక్ సినిమాల మీదే దృష్టి పెడుతున్నారు. ఇప్పటికే రామ్ చరణ్ తమిళ సూపర్ హిట్ సినిమా తనీఒరువన్ రీమేక్ను సెట్స్ మీదకు తీసుకువచ్చాడు. ఇక మెగాస్టార్ చిరంజీవి కూడా రీమేక్ సినిమాతోనే రీ ఎంట్రీకి రెడీ అవుతున్నాడు. విజయ్ హీరోగా ఘనవిజయం సాధించిన కత్తి సినిమాను వినాయక్ దర్శతక్వంలో తెలుగులో రీమేక్ చేయడానికి రెడీ అవుతున్నాడు చిరు.
 
 ఇప్పుడు ఈ లిస్ట్లో మరో మెగా హీరో అల్లు అర్జున్ కూడా చేరనున్నాడట. ఇటీవల తమిళ్లో ఘనవిజయం సాధించిన కనిథన్ రీమేక్లో నటించడానికి బన్నీ ఇంట్రస్ట్ చూపిస్తున్నాడు. అధర్వ, కేథరిన్ థెరిస్సాలు జంటగా తెరకెక్కిన ఈ హై ఓల్టేజ్ యాక్షన్ ఎంటర్టైనర్ను బాలీవుడ్లోనూ రీమేక్ చేస్తున్నారు. యంగ్ హీరో అర్జున్ కపూర్ ఈ సినిమాలో నటించడానికి రెడీ అవుతున్నాడు.
 
 ప్రస్తుతం బోయపాటి శ్రీను దర్శకత్వంలో సరైనోడు సినిమాలో నటిస్తున్నాడు అల్లు అర్జున్. రకుల్ ప్రీత్ సింగ్, కేథరిన్ థెరిస్సాలు లీడ్ రోల్స్లో తెరకెక్కుతున్న ఈ సినిమా ఏప్రిల్ 22న రిలీజ్కు రెడీ అవుతోంది. సరైనోడు సినిమా రిలీజ్ తరువాత కనీథన్ రీమేక్ పై క్లారిటీ వచ్చే అవకాశం ఉంది.