సాక్షి, ముంబై: ఫుడ్‌ డెలివరీ సంస్థ జొమాటో మరోసారి వివాదంలో ఇరుక్కుంది. ప్రమోషన్‌లో భాగంగా  బాలీవుడ్‌ నటుడు హృతిక్‌  రోషన్, కత్రినా కైఫ్ నటించిన  రెండు ప్రకటనలను ఆగస్టు 26న విడుదల  చేసింది. దీంతో ఈ యాడ్స్‌పై సోషల్‌ మీడియాలో దుమారం రేగింది. జొమాటో డెలివరీ కార్మికుల పట్ల ఇంత అన్యాయమా అంటూ నెటిజన్లు జొమాటోపై విరుచుకుపడ్డారు. దీంతో జొమాటో స్పందించింది. ది అదర్‌ సైడ్‌ ఆఫ్‌ ది స్టోరీ అంటూ ట్విటర్‌లో ఒకపోస్ట్‌ పెట్టింది.  తమ తాజా ప్రకటనలను దురదృష్టవశాత్తు కొంతమంది వ్యక్తులు అపార్థం చేసుకున్నారం టూ జొమాటో ఒక ప్రకటన విడులల చేసింది. తమ ఉద్యోగులను హీరోలుగా నిలబెట్టడంతోపాటు, డెలివరీ భాగస్వాములతో గౌరవంగా మాట్లాడటం, డెలివరీ ఉద్యోగి గౌరవాన్ని పెంచడమే తమ లక్ష్యమని పేర్కొంది. ప్రతి కస్టర్‌ తమకొక స్టార్ అని పునరుద్ఘాటించడమే ముఖ్య ఉద్దేశమని అని కంపెనీ తెలిపింది.  బాలీవుడ్‌ స్టార్లు హృతికి రోషన్‌, కత్రినా కైఫ్‌తో యాడ్స్‌ వివాదానికి సంబంధించిన ప్రకటనలను పరిశీలిస్తే..హృతిక్ రోషన్ నటించిన జోమాటో యాడ్‌లో ఆర్డర్‌ను డెలివరీ చేసేందుకు జొమాటోబాయ్‌ కస్టమర్‌( హృతిక్‌) డోర్‌బెల్ బెల్‌ మోగిస్తాడు. హృతిక్ రోషన్‌ను చేసిన అతను ఆశ్చర్యపోతాడు. ఇంతలో బాలీవుడ్ స్టార్ అతడిని సెల్ఫీ కోసం వేచి ఉండమంటాడు. దీనికి డెలివరీ బాయ్‌ కూడా చాలా హ్యాపీగా ఫీలవుతాడు. కానీ ఇంతలోనే ఫోన్ రింగ్ అవుతుంది.  తరువాతి డెలివరీ చేయాల్సిన మరో ఆర్డర్‌కు సంబంధించి కాల్‌ అది. దీంతో రోషన్‌తో సెల్ఫీ  ఛాన్స్‌ వదులుకొని, మరో ఆర్డర్‌ డెలివరీకి బయలుదేరతాడు సంతోషంగా. "హృతిక్ రోషన్ హో, యా ఆప్, అప్నేలియే హర్ కస్టమర్ హై స్టార్ (హృతిక్ రోషన్ అయినా,మీరైనా, ప్రతీ కస్టమర్ జోమాటోకి స్టార్) అంటూ యాడ్‌ ముగుస్తుంది.(Suspicious Fever: వణికిస్తున్న వింత జ్వరం.. 32 మంది చిన్నారులు మృతి) కత్రినా కైఫ్ నటించిన యాడ్‌లో కూడా ఇలాంటి సందేశమే ఉం​టుంది. బర్త్‌డే కేక్‌ డెలివరీ ఇచ్చిన బాయ్‌ని కేక్ తిందువు ఉండమని అభ్యర్థిస్తుంది కత్రినా. ఇంతలో మరొక ఫుడ్ ఆర్డర్ కోసం నోటిఫికేషన్‌ వస్తుంది. ఇక్కడే జొమాటోకు ఎదురుదెబ్బ తగిలింది. ఉద్యోగుల పట్ల ఇంత అన్యాయమా, ఇలాంటి ఆనందాలనువారికి దూరం చేస్తారా అంటూ నెటిజన్లు మండి పడ్డారు. డెలివరీ బాయ్‌లకు నిమిషం వ్యవధి కూడా ఇవ్వరా అంటూమరికొంతమంది విమర్శించారు. అంతేకాదు వారికి సరియైన వేతనాలు చెల్లించడం కంటే కంపెనీ సెలబ్రిటీలతో ప్రకటనల కోసం డబ్బు ఖర్చు చేస్తుందని మరికొందరు ఆగ్రహం వ్యక్తం చేశారు. దీంతో జొమాటో స్పందించింది. చాలామంది తమ ప్రకటన పట్ల సానుకూలంగా స్పందించారని, అయితే కొంతమందికి మాత్రమే నచ్చలేదని తెలిపింది. ఇవి ఆరు నెలల క్రితం తయారు చేసినవని వివరించింది. అలాగే తమ డెలివరీ పార్టనర్ల చెల్లింపులపై త్వరలోనే ఒక బ్లాగ్ పోస్ట్‌ను ప్రచురిస్తామని తెలిపింది. తమ డెలివరీ పార్టనర్ నెట్ ప్రమోటర్ స్కోర్  10నుంచి 28 శాతానికి పెరిగిందని ఇది ఇంకా  పెరుగుతూనే ఉందని జొమాటో పేర్కొంది.  (taliban: మా నుంచి భారత్‌కు ఎలాంటి ముప్పు ఉండదు)   The other side of the story... pic.twitter.com/hNRj6TpK1X — zomato (@zomato) August 30, 2021

‘వన్‌ : నేనొక్కడినే’ కాంబినేషన్‌ (సుకుమార్‌– మహేశ్‌బాబు) వన్స్‌మోర్‌ రిపీట్‌ కానుందన్నప్పటి నుంచి ఇండస్ట్రీలో మంచి ఆసక్తి ఏర్పడింది. ఈ ప్రాజెక్ట్‌ ఎప్పుడు పట్టాలెక్కుతుందా? అని ఎదురు చూస్తున్నారు. సుకుమార్‌ కథ తయారు చేసే పని మీద ఉన్నారనే వార్త ప్రచారంలో ఉంది. తాజా సమాచారమేంటంటే సుకుమార్‌ కథ అవుట్‌లైన్‌ను తయారు చేసేశారట. అలాగే మహేశ్‌కు వినిపించడం కూడా జరిగిపోయిందట. ఈ కథ మహేశ్‌కు చాలా బాగా నచ్చిందని, ప్రాజెక్ట్‌ పట్ల చాలా ఎగై్జటింగ్‌గా ఉన్నారని టాక్‌. ప్రస్తుతం సుక్కూ కథ పూర్తి స్థాయి ప్రిపరేషన్‌తో పాటు ప్రీ ప్రొడక్షన్‌ వర్క్‌ పనులు మొదలెట్టారని సమాచారం. మహేశ్‌ కెరీర్‌లో మునుపెన్నడూ చూడనటువంటి కమర్షియల్‌ చిత్రంగా ఈ సినిమా ఉండబోతోందట. మైత్రీ మూవీ మేకర్స్‌ బ్యానర్‌పై రవిశంకర్, మోహన్‌ చెరుకూరి, నవీన్‌ యర్నేని నిర్మించనున్నారు. ఈ సినిమా రెగ్యులర్‌ షూటింగ్‌ జూన్‌ నెల నుంచి ప్రారంభం కానుందట. ఇందులో మహేశ్‌ సరసన బాలీవుడ్‌ భామ కత్రినా కైఫ్‌ నటించొచ్చనే ప్రచారం కూడా జరుగుతోంది. మహేశ్‌ ప్రస్తుతం ‘మహర్షి’ సినిమా షూటింగ్‌లో బిజీగా ఉన్న సంగతి తెలిసిందే. ఈ సినిమా ఏప్రిల్‌ 5న రిలీజ్‌ కానుంది. మే నెల హాలిడే తీసుకొని జూన్‌లో సుక్కూ సినిమా సెట్లో అడుగుపెడతారని ఊహించవచ్చు. సో.. వేసవి ముగిశాక కొత్త సినిమా షూటింగ్‌లో పాల్గొంటారన్నమాట.

‘నా ప్రియ స్నేహితుని కోసం ఈ సినిమా ఒప్పుకున్నాను’ అంటున్నారు అందాల ‘మల్లీశ్వరి’ కత్రినా కైఫ్‌. అలీ అబ్బాస్‌ జాఫర్‌ దర్శకత్వంలో, సల్మాన్‌ ఖాన్‌ హీరోగా ‘భారత్‌’ చిత్రం తెరకెక్కుతున్న సంగతి తెలిసిందే. అయితే ఈ చిత్రంలో తొలుత ప్రియాంక చోప్రాను హీరోయిన్‌గా అనుకున్నారు. కానీ అనుకోని కారణాల వల్ల ప్రియాంక చోప్రా ఈ చిత్రం నుంచి తప్పుకున్న విషయం తెలిసిందే. ప్రస్తుతం ప్రియాంక స్థానంలోకి కత్రినా కైఫ్‌ వచ్చారు. కత్రినా - సల్మాన్‌ జంటగా నటించిన చిత్రాల్లో ‘భారత్‌’ ఆరోది. ఇప్పటికే వీరిద్దరు జోడిగా ‘మైనే ప్యార్‌ క్యోం కియా’, ‘పార్టనర్‌’, ‘యువ్‌రాజ్’, ‘ఏక్‌ థా టైగర్‌’, ‘టైగర్‌ జిందా హై’ వంటి చిత్రాల్లో నటించారు. ‘భారత్‌’ చిత్రంలో నటించడం గురించి కత్రినాను అడగ్గా ‘డైరక్టర్‌ అలీ అబ్బాస్‌ జాఫర్‌ అంటే నాకు చాలా అభిమానం, గౌరవం. ఆయన నా ప్రియ స్నేహితుడు. అలీ సినిమాల్లో నటించడం చాలా బాగుంటుంది. గతంలో నేను అలీ దర్శకత్వంలో  కొన్ని చిత్రాల్లో నటించాను. అవన్ని మంచి విజయం సాధించాయి. అన్నింటికి మించి అలీ దర్శకత్వంలో పని చేయడం అంటే చాలా కంఫర్ట్‌గా ఫీలవుతాను. అందుకే ఈ చిత్రంలో నటించడానికి ఒప్పుకున్నాన’న్నారు. అంతేకాక ‘అలీ నాతో మాట్లాడినప్పుడు నీకో స్క్రిప్ట్‌ పంపిస్తున్నాను. చదివి, దానిపై నీ అభిప్రాయం చెప్పమని అడిగాడు. అలీ పంపిన స్క్రిప్ట్‌ నాకు బాగా నచ్చింది. ఈ చిత్రంలో నా పాత్ర చాలా బాగుంటుంది. ఎప్పుడెప్పుడు నన్ను నేను తెర మీద చూసుకుంటానా అని ఆత్రంగా ఎదురు చూస్తోన్నాను. ఇంత మంచి చిత్రంలో నేను భాగం అయినందుకు చాలా సంతోషంగా ఉందని’ తెలిపారు.

సాక్షి, సినిమా : సినీ ప్రియులంతా ఈ వేసవిలో రాబోయే బ్లాక్‌బాస్టర్స్‌ కోసం ఆత్రుతగా ఎదురుచూస్తున్నారు. వాటిలో కింగ్‌ షారుక్‌ ఖాన్‌ నటిస్తున్న చిత్రం ‘జీరో’ ఒకటి. ప్రస్తుతం నిర్మాణ దశలో ఉన్న ఈ చిత్రానికి సంబంధించిన ఏ చిన్న సమాచారమైన ప్రేక్షకులను వీపరితంగా ఆకట్టుకుంటుంది. ఈ చిత్రంలో షారుక్‌తో పాటు కత్రినా కైఫ్‌, అనుష్క శర్మ, అభయ్‌ డియెల్‌లు నటిస్తున్నారు. అయితే కత్రినా తప్ప మిగిలిన వారంతా వైవిధ్యమైన పాత్రలను పోషిస్తున్నారని సమాచారం. అందులో భాగంగానే షారుక్‌ ఈ చిత్రంలో మరుగుజ్జుగా కనిపించనున్నారు. అందుకు సంబంధించిన ఫోటోలను కూడా ఆయన పోస్టు చేశారు. మిగతా పాత్రలకు సంబంధించన విషయాలను మాత్రం చాలా గోప్యంగా ఉంచారు. తాజాగా కత్రినా పోస్టు చేసిన ఓ ఫొటో ఆమె పాత్రపై ఉత్కంఠ రేపుతోంది. సంప్రదాయ బెంగాలీ పెళ్ళికూతురి అలంకరణలో కత్రినా ఉన్నారు. బెంగాలీ పెళ్లికూతురు ధరించే బింది, మెడకు, చెవులకు భారీ ఆభరణాలు ధరించారు. అలానే బెంగాలీ వధువు ధరించే సంప్రదాయ ‘శంక పోలో’ను కూడా ధరించారు. ఈ ఏడాది చివర్లో విడుదల చేయాలని భావిస్తున్న ఈ చిత్రంలో శ్రీదేవి మరణానంతరం చిత్రీకరించిన సన్నివేశాలు కూడా ఉంటాయని సమాచారం.


 చాక్లెట్‌ బాయ్‌ రణబీర్‌ కపూర్‌ రిటైర్మెంట్‌ ప్రకటించారు. ఇది వినగానే, లేడీ ఫ్యాన్స్‌కి గుండె  ఆగినంత పనవ్వడం ఖాయం. అయితే రణబీర్‌ నటనకు కాదు.. నిర్మాణానికి రిటైర్మెంట్‌ చెప్పారు. అనురాగ్‌ బసు డైరెక్షన్‌లో రణబీర్‌ కపూర్, కత్రినాకైఫ్‌ జంటగా తెరకెక్కిన ‘జగ్గా జాసూస్‌’ చిత్రం వచ్చే నెల 14న రిలీజ్‌ కానుంది.
 
 దీనికి రణబీర్‌ కో–ప్రొడ్యూసర్‌ కూడా. ఈ సినిమా రిలీజ్‌ అనేకసార్లు వాయిదా పడింది. అందుకేనేమో  ‘‘ప్రొడక్షన్‌ సులువు కాదని తెలుసు కున్నా. ఇక పై ప్రొడక్షన్‌ చేయాలనుకోవడంలేదు. నిర్మాతగా ‘జగ్గా జాసూస్‌’ నా చివరి సినిమా. నటుడిగా హ్యాపీ. నాలాంటి బద్ధకస్తులు నిర్మాతలుగా రాణించలేరేమో’’ అన్నారు.