మంజునాథ్‌ హీరోగా నటించి, దర్శకత్వం వహించిన చిత్రం ‘మా ఊరి ప్రేమకథ’. తనిష్క్‌ తివారి కథానాయిక. శ్రీ మల్లికార్జునస్వామి క్రియేషన్స్‌పై లక్మిదేవి, మహేంద్రనాథ్‌ నిర్మించా రు. లక్ష్మిదేవి, మహేంద్రనాథ్‌ మాట్లాడుతూ– ‘‘లవ్‌ అండ్‌ యాక్షన్‌ ఎంటర్‌టైనర్‌గా గ్రామీణ నేపథ్యంలో నిర్మించిన చిత్రమిది. కథ, కథనాలు ఆకట్టుకుంటాయి. సెంటిమెంట్, యాక్షన్, ఎంటర్‌టైన్‌మెంట్‌.. ఇలా అన్నీ ఉన్నాయి. ఆగస్టులో సినిమాని రిలీజ్‌ చేయాలనుకుంటున్నాం’’ అన్నారు. ‘‘ఈ చిత్రంలో నీళ్ల ట్యాంకర్‌  డ్రైవర్‌గా నటించాను. నీళ్లు పట్టుకోవడానికి వచ్చిన ఒక అమ్మాయిని ప్రేమిస్తాను. డ్రైవర్‌ ప్రేమని ఆ అమ్మాయి ఒప్పుకుందా? లేదా? అనేది కథ. గ్రామీణ నేపథ్యంలో ఈ చిత్రాన్ని తెరకెక్కించాం. జయసూర్య మంచి మ్యూజిక్‌ ఇచ్చాడు’’ అన్నారు మంజునాథ్‌.


 విస్సుశ్రీ కథానాయకుడిగా లవ్ అండ్ యాక్షన్ ఎంటర్‌టైనర్‌గా తెరకెక్కనున్న చిత్రం ‘కత్తిలాంటి కుర్రాడు’. జంగాల నాగబాబు దర్శకత్వంలో భద్రాద్రి మూవీస్ పతాకంపై ఎన్.నాని నిర్మించనున్నారు. ప్రస్తుతం ప్రీ ప్రొడక్షన్ పనులు జరుపుకుంటున్న ఈ చిత్రం పాటల రికార్డింగ్ హైదరాబాద్‌లో ప్రారంభమైంది.
 
 ఈ సందర్భంగా దర్శక నిర్మాతలు మాట్లాడుతూ- ‘‘ప్రేమ, వినోదం, యాక్షన్ నేపథ్యంలో తెరకెక్కిస్తున్నాం. ఇప్పుడొస్తున్న చిత్రాలకు భిన్నంగా ఈ చిత్రం ఉంటుంది. కత్తిలాంటి కుర్రాడు ఏం చేశాడు? అనేది ప్రస్తుతానికి సస్పెన్స్. అన్ని వర్గాల ప్రేక్షకులకు నచ్చే సరికొత్త కథాంశంతో రూపొందిస్తున్న ఈ చిత్రంలో ఇద్దరుప్రముఖ హీరోయిన్స్ నటిస్తారు. వి.సత్యానంద్ సినిమాటోగ్రఫీ అందించనున్నారు’’ అన్నారు.