తమిళసినిమా: ఉదయనిధిస్టాలిన్, సూరి, సంగీత దర్శకుడు డీ.ఇమాన్‌ కాంబినేషన్‌ను తొలుత కలిపింది తానేనని దర్శకుడు గౌరవ్‌ నారాయణన్‌ అన్నారు. ఆయన దర్శకత్వం వహిస్తున్న తాజా చిత్రం ఇప్పడై వెల్లుమ్‌. ఉదయనిధిస్టాలిన్, మంజిమామోహన్‌ జంటగా నటిస్తున్న ఈ చిత్రంలో సూరి, డానియేల్‌ తదితరులు ముఖ్య పాత్రలు పోషిస్తున్నారు. డీ.ఇమాన్‌ సంగీతం అందిస్తున్న ఈ చిత్రాన్ని లైకా ప్రొడక్షన్‌ సంస్థ  నిర్మిస్తోంది. చిత్ర యూనిట్‌ గురువారం సాయంత్రం చెన్నైలో ఏర్పాటు చేసిన విలేకరుల సమావేశంలో దర్శకుడు గౌరవ్‌ నారాయణన్‌ మాట్లాడుతూ ఈ చిత్ర హీరో ఉదయనిధి స్టాలిన్, హాస్య నటుడు సూరి, సంగీత దర్శకుడు డీ.ఇమాన్‌ల కాంబినేషన్‌ను తొలిసారిగా కలిపింది తానేనని చెప్పారు. ఇప్పడై వెల్లుమ్‌ చిత్ర షూటింగ్‌ ప్రారంభం అయిన కొద్ది రోజులకే ఉదయనిధిస్టాలిన్‌ తన వద్దకు వచ్చి సార్‌ తాను రేపటి నుంచి వేరే షూటింగ్‌లో పాల్గొంటున్నాను అని చెప్పారన్నారు. తీరా చూస్తే సవరణన్‌ ఇరుక్కభయమేన్‌ చిత్రంలో ఉదయనిధిస్టాలిన్, సూరి, సంగీత దర్శకుడు డీ.ఇమాన్‌లు కలిసి పని చేశారన్నారు. ఆ తరువాత మరి కొన్ని రోజులకు వేరే చిత్రం చేస్తున్నానని ఉదయనిధి స్టాలిన్‌ చెప్పారన్నారు. ఆ చిత్రమే పొదువాగ ఎన్‌ మనసు తంగం అని చెప్పారు. ఈ చిత్రంలోనూ అదే కాంబినేషన్‌ అన్నారు. ఆ తరువాత తమ చిత్రం చేస్తున్నా, ఉదయనిధి స్టాలిన్‌ ఆ రెండు చిత్రాల గురించే మాట్లాడడంతో తాను ఈ చిత్ర నిర్మాతకు నెల రోజులు గ్యాప్‌ ఇచ్చి షూటింగ్‌ చేస్తానని చెప్పానన్నారు. అప్పటికి ఉదయనిధి స్టాలిన్‌ ఆ చిత్రాల మూడ్‌లోంచి బయట పడతారని భావించానన్నారు. అలా ఈ చిత్ర నిర్మాణంలో జాప్యం జరిగిందని ఆయన వివరించారు.   

తమిళసినిమా: నటుడు ఆర్‌కే.సురేశ్‌ తనను కొట్టేశారని అంటున్నారు మరో నటుడు ఉదయనిధిస్టాలిన్‌. ఆయన నటిస్తున్న తాజా చిత్రం ఇప్పడై వెల్లుమ్‌. లైకా సంస్థ నిర్మిస్తున్న ఈ చిత్రానికి గౌరవ్‌ నారాయణన్‌ దర్శకుడు. నటి మంజిమామోహన్‌ కథా నాయకిగా నటిస్తున్న ఇందులో ఆర్‌కే.సురేశ్, డేనియల్‌బాలాజి, రాధిక ము ఖ్యపాత్రలను పొషిస్తున్నారు. డి.ఇమాన్‌ సంగీ తాన్ని అందిస్తున్న ఈ చిత్ర ఆడియో ఆవి ష్కరణ కార్యక్రమం గురువారం సాయంత్రం స్థానిక ట్రిపుల్‌కేన్‌లోని కలైవానర్‌ ఆవరణలో ఘనంగా జరిగింది.  కార్యక్రమంలో నటుడు శివకార్తికేయన్‌ ముఖ్యఅతిథిగా పా ల్గొని చిత్ర ఆడియోను ఆవిష్కరించారు. అ నంతరం చిత్ర కథానా యకుడు ఉదయనిధిస్టాలిన్‌ మాట్లాడుతూ ఇప్పడై వెల్లుమ్‌ చిత్రం లో నటించడం మంచి అనుభవం అన్నారు. అయితే చిత్ర ఫైట్‌ సన్నివేశాల్లో నటుడు డేని యల్‌ బాలాజీతో నటించినప్పుడు ఎలాంటి సమస్య లేదుగానీ, నటుడు ఆర్‌కే.సురేశ్‌తో ఫైట్‌ చేసినప్పుడే దెబ్బలు తిన్నానని చెప్పా రు. ఆయన ఫైట్‌ సన్నివేశంలో నిజంగానే నన్ను కొట్టేశారని, ఈ విషయాన్ని ఫైట్‌ మాస్టర్‌కు చెప్పి నొప్పిపుడుతోందని ఏడ్చేశానని పేర్కొన్నారు. అయితే చిత్రంలో పోరాట సన్నివేశాలు సహజంగా రావాలని దెబ్బలు తింటూనే నటించేశానని అన్నారు. ఈ కార్యక్రమంలో ముందుగా చిత్రంలోని పాటలకు నృత్యకళాకారులు నర్తించి ఆనందపరిచారు. ఇక చిత్ర కథానాయకి మంజామా మోహన్‌ కూ డా ఆడేసి ఆహూతులను అలరించారు. అదే విధంగా శివకార్తికేయన్‌ ఉదయనిధితో కలిసి స్టెప్స్‌ వేయడంతో ఆ ప్రాంగణం ఈలలు, చప్పట్లతో మారు మోగిపోయింది.


 మమ్మల్ని అలా చూడాలనుకుంటున్నారనడం చాలా తప్పు అంటోంది నటి మంజిమామోహన్‌. అచ్చంయన్బదు మడమయడా చిత్రం ద్వారా సంచలన నటుడు శింబుకు హీరోయిన్‌గా కోలీవుడ్‌కు దిగుమతి అయిన కేరళా కుట్టి మంజిమామోహన్‌. మాతృభాషలో ఒరు వడక్కన్‌ సెల్ఫీ చిత్రంతో హీరోయిన్‌గా రంగప్రవేశం చేసిన ఈ అమ్మడు ఇప్పుడు తమిళంలో బిజీ నాయకిగా మారింది. ఈ భామను దర్శకుడు గౌతమ్‌మీనన్‌ ఏక్‌ ధమ్‌న తమిళం, తెలుగు భాషల్లో నాయకిని చేసేశారు. ప్రస్తుతం విక్రమ్‌ప్రభుకు జంటగా నటిస్తున్న క్షత్రియన్‌ చిత్రం త్వరలో విడుదలకు సిద్ధం అవుతుండగా, తాజాగా ఉదయనిధిస్టాలిన్‌తో ఇప్పడై వెల్లుమ్‌ చిత్రంతో నటిస్తోంది.
 
 ఈ అమ్మడికి ఫేస్‌బుక్‌లో అభిమానుల ఫాలోయింగ్‌ అధికంగానే ఉందట. అయితే అందరూ ఒకలా ఉండరుకదా ఒక తుంటరి హీరోయిన్లను నగ్నంగా చూడడానికే ప్రేక్షకులు ఆసక్తి చూపుతారనే అభిప్రాయాన్ని వ్యక్తం చేశాడట. అంతే అతని మాటలకు మంజిమామోహన్‌కు కోపం కట్టలు తెంచుకొచ్చిందట. అంతే అదే ఫేస్‌బుక్‌లో అతన్ని చెడామడా తిట్టేసిందట. దీంతో ఆ వ్యక్తి తన ఫేస్‌బుక్‌ అకౌంట్‌నే క్లోజ్‌ చేసేశాడట. దీని గురించి నటి మంజిమామోహన్‌ తెలుపుతూ ప్రేక్షకుడు హీరోయిన్లను నగ్నంగా చూడడానికి థియేటర్లకు వస్తారనడం చాలా తప్పు అని, అదే విధంగా అరకొర దుస్తుల్లో చూడాలని ప్రేక్షకులు కోరుకోరని అంది.
 
 మంచి కథా చిత్రాలను చూడడానికే వారు ఆసక్తి చూపుతారని పేర్కొంది. ఈ అమ్మడి అభిప్రాయాన్ని చాలా మంది అభిమానులు లైక్‌ చేస్తూ అవును మంచి కథా చిత్రాలను చూడాలనే తాము ఆశిస్తున్నామని, కథానాయికల్ని కురచ దుస్తుల్లో చూడాలనుకోవడం లేదని అంటున్నారట. మొత్తం మీద నటి మంజిమామోహన్‌ ఇలా కూడా ప్రచారం పొందేస్తోంది.


 రొమాన్స్  సన్నివేశాల్లో నటించడం చాలా కష్టం అనిపించిందన్నారు వర్ధమాన నటి మంజిమా మోహన్. మాలీవుడ్ నుంచి దిగుమతి అయిన మరో తాజా నటి మంజిమామోహన్. నటనా ప్రతిభ అన్నది ఏ నటికై నా నటుడికై నా ముఖ్యమే. అయితే ఆ విషయాన్ని అటుంచితే అదృష్టం చాలా అవసరం. ఇక నటనకు అదృష్టం తోడైతే వారు చేరుకునే స్థానం చాలా వేగంగా ఉంటుంది. నటి మంజిమామోహన్‌ను ఈ కోవకు చెందిన నటిగా భావించవచ్చు.అలాగని కథానాయకిగా పలు చిత్రాలు చేసిన అనుభవం ఆ బ్యూటీకి లేదు.అయితే పువ్వుపుట్టగానే పరిమళిస్తుందన్న నానుడిని గుర్తుకు తెచ్చే నటి మంజిమామోహన్.బాల నటిగా మాలీవుడ్‌లో కలియూంజల్ అనే చిత్రం ద్వారా పరిచయమైన ఈ భామ మధుదరనోంబరకట్టు అనే చిత్రంలో ఉత్తమ నటనకు గానూ కేరళా రాష్ట్ర ప్రభుత్వం నుంచి అవార్డును అందుకున్నారు.
 
 అలా అరడజనుకు పైగా చిత్రాల్లో నటించిన మంజిమామోహన్ ఆపై చదువుపై దృష్టి సారించి డిగ్రీ పూర్తి చేశారు. ప్లస్‌టూ వరకూ కేరళ, తిరువనంతపురంలో చదివిన మంజిమామోహన్ డిగ్రీ పట్టాను మాత్రం చెన్నై లోనే అందుకున్నారు.చెన్నైలోని స్టెల్లా మేరీస్ కళాశాలలో బీఎస్‌సీ మ్యాథ్స్ చదివిన ఈ భామకు మళ్లీ నటనపై మోజు పుట్టుకొచ్చిందట.అంతే ఒరు వణక్కన్ సెల్ఫీ చిత్రం ద్వారా కథానాయకిగా రంగప్రవేశం చేశారు.ఆ చిత్రం తరువాత కోలీవుడ్ అవకాశం వరించింది.అదే శింబుకు జంటగా అచ్చంయన్బదు మడమయడా చిత్రం.మంజిమామోహన్‌ను లక్కీగర్ల్ అని పేర్కొనడానికి కారణం ఇదే చిత్ర తెలుగు వెర్షన్ సాహసమే శ్వాసగా సాగిపోలోనూ నాగచైతన్యకు జంటగా నటించారు ఈ చిత్రం రెండు భాషల్లోనూ శుక్రవారం తెరపైకి రానుంది.ఈ సందర్భంగా ఈ మాలీవుడ్ బ్యూటీతో సాక్షీ చిన్న చిట్‌చాట్..
 
  ప్ర: నటి అవ్వాలన్న కోరికకు బలమైన కారణం ఏమైనా ఉందా?
  జ: మాది కళా నేపథ్య కుటుంబం. అయితే నేను బాల నటిగా పరిచయం అవడం యాదృశ్చికంగానే జరిగింది.ఆ తరువాత నటనను కంటిన్యూ చేయడానికి నాన్న ఒప్పుకోలేదు.ముందు చదువు పూర్తి చేయమన్నారు.అయితే అమ్మ ప్రోత్సాహం నన్ను నాయకిని చేసిందనే చెప్పాలి.
 
  ప్ర: అచ్చంయన్భదు మడమయడా చిత్రంలో అవకాశం ఎలా వచ్చింది?
  జ: నేను నటించిన మలయాళ చిత్రం ఒరు వడక్కన్ సెల్ఫీ చిత్రం చూసిన దర్శకుడు గౌతమ్‌మీనన్ తమ చిత్రంలో నటించడానికి అడిషన్‌కు పిలిచారు. అలా అచ్చంయన్భదు మడమయడా చిత్రంలో నటించే అవకాశం వరించింది.
 
  ప్ర: అచ్చంయన్భదు మడమయడా చిత్రం గురించి?
  జ: చిత్ర వివరాలను నేను ఇప్పుడు చెప్పలేను గానీ, ఇందులో నాది చాలా క్యూట్ పాత్ర.అందరి హృదయాలను దోచుకునే పాత్ర.
 
  ప్ర. తమిళంలో శింబుతోనూ, తెలుగులో నాగచైతన్యతోనూ నటించారు.ఆ అనుభవం గురించి?
  జ: చాలా వినూత్న అనుభవం అనే చెప్పాలి. శింబు వర్క్‌లో చాలా డెడికేటెడ్. నాగచైతన్య హర్డ్ వర్కర్.చాలా స్వీట్ పర్సన్.వారిద్దరితో నటించడం చాలా మంచి అనుభవం.
 
  ప్ర: ఎలాంటి సన్నివేశాల్లో నటించడం కష్టం అనిపించింది?
  జ: నిజం చెప్పాలంటే ఎమోషన్‌‌స సన్నివేశాల్లో నటించడానికి కూడా కష్ట పడలేదుగానీ, రొమాన్‌‌స సన్నివేశాల్లో నటించడం చాలా కష్టం అనిపించింది.తమిళ వెర్షన్‌లో సులభంగానే నటించాను.తెలుగు వెర్షన్‌లో నటించడానికి కాస్త శ్రమ పడాల్సి వచ్చింది.
 
  ప్ర: తమిళంలో ఇతర అవకాశాల గురించి?
  జ: ప్రస్తుతం విక్రమ్ ప్రభుకు జంటగా ముడిచూడ మన్నన్ చిత్రంలో నటిస్తున్నాను.అదే విధంగా గౌరవ్ నారాయణన్ దర్శకత్వంలో ఒక చిత్రం, పన్నీర్ సెల్వమ్ దర్శకత్వంలో మరో చిత్రం అంగీకరించాను.
 
  ప్ర: తెలుగులో అవకాశాలు వస్తున్నాయా?
  జ: అవకాశాలు వస్తున్నాయి కానీ, సాహసమే శ్వాసగా సాగిపో చిత్రం విడుదల కోసం ఎదురు చూస్తున్నాను.