భూదాన్‌పోచంపల్లి: కుటుంబ కలహాలతో వివాహిత ఇంట్లో ఉరేసుకొని ఆత్మహత్య చేసుకుంది. ఈ ఘటన సోమవారం మధ్యాహ్నం భూదాన్‌పోచంపల్లి మండలంలోని జిబ్లక్‌పల్లి గ్రామంలో చోటు చేసుకొంది. పోలీసులు, గ్రామస్తులు తెలిపిన వివరాల ప్రకారం.. జిబ్లక్‌పల్లి గ్రామానికి చెందిన కొండపల్లి నర్సింహ, చౌటుప్పల్‌ మండలం లక్కారం గ్రామానికి చెందిన తన మేనమామ కుమార్తె కప్పెర సంతోష(18)ను ప్రేమించి 8 నెలల క్రితం పెళ్లి చేసుకున్నాడు. కాగా సంతోష తల్లి మల్లమ్మకు ఈ పెళ్లి ఏ మాత్రం ఇష్టం లేదు. ఇదే విషయమై సంతోష తల్లిదండ్రులు తరచూ గొడవ పడుతుండేవారు. అంతేకాక కుమార్తె సంతోషకు తల్లి మల్లమ్మ ప్రతి రోజూ ఫోన్‌ చేసి భర్తను వదిలేసి వస్తే మంచి సంబంధం చూసి తిరిగి పెళ్లి చేస్తానని చెప్పేది. దీంతో తీవ్ర మనస్తాపానికి గురైన సంతోష సోమవారం భర్త నర్సింహ బయటికి వెళ్లగా, మధ్యాహ్నం సమయంలో ఇంట్లో చీరతో ఉరేసుకొని ఆత్మహత్య చేసుకుంది. చుట్టుపక్కల వారు గమనించి ఇంట్లోకి వెళ్లి చూడగా అప్పటికే ఆమె మృతిచెందింది. సమాచారం అందుకున్న పోలీసులు ఘటనా స్థలానికి చేరుకొని వివరాలు సేకరించారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ విక్రమ్‌రెడ్డి తెలిపారు. ముఖ్య గమని​క: ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com

గొల్లపల్లి(ధర్మపురి): కరోనా భయంతో వివాహిత ఆత్మహత్య చేసుకున్న ఘటన మండంలోని బొంకూర్‌ గ్రామంలో సోమవారం విషాదం నింపింది. వివరాలిలా.. గ్రామానికి చెందిన మాదాసు మల్లేశం–సత్తవ్వ దంపతులకు ముగ్గురు కూతుర్లు. చిన్న కూతురు నారా మేఘన(22) బీఫార్మసీ చదువుకుంది. ధర్మారం మండలకేంద్రానికి చెందిన నారా మధుసూదన్‌కు ఇచ్చి రెండునెలలక్రితం వివాహం చేశారు. పెళ్లింట్లో, తల్లి గారింట్లో ఎలాంటి గొడవలు లేవు. పెళ్లి అయిన కొద్దిరోజులకు హైదరాబాద్‌ వెళ్లారు. మేఘన ఫార్మసీలో ఉద్యోగం చేస్తుండగా ఆమె భర్త ప్రైవేట్‌ కంపెనీలో సూపర్‌వైజర్‌గా పనిచేస్తున్నాడు. (ట్విట్టర్‌ ద్వారా వెల్లడించిన బయోకాన్‌ ఎండీ) వారంక్రితం జ్వరంకాగా జగిత్యాలలోని ప్రైవేట్‌ ఆసుపత్రిలో చూపించాడు. కరోనా లక్షణాలు లేవనిచెప్పినప్పటికీ తల్లిగారింటికి  వెళ్లానని చెప్పడంతో భర్త బొంకూర్‌లో దింపి వెళ్లాడు. టైపాయిడ్‌ జ్వరంతో బాధపడుతున్న మేఘన కరోనా అనుమానంతో ఆదివారం రాత్రి ఇంట్లో అందరూపడుకుని నిద్రిస్తుండగా తెల్లవారుజామున ఉరివేసుకుని ఆత్మహత్య చేసుకుంది. కుటుంబసభ్యులు తెల్లవారు లేచి చూసే సరికి శవమై కనిపించింది. కరోనా వచ్చిందేమోననే భయంతో తన కూతురు ఆత్మహత్య చేసుకుందని మేఘన తండ్రి మాదాసు పెద్దమల్లేశం పోలీసులకు ఫిర్యాదు చేశాడు. తహసీల్దార్‌ నవీన్‌ పంచనామా నిర్వహించడంతో ఎస్సై జీవన్‌ కేసు నమోదు చేసుకుని దర్యాప్తు జరుపుతున్నారు. పెళ్లి అయిన రెండునెలలకే మేఘన ఆత్మహత్యకు పాల్పడడంతో రెండుకుటుంబాల్లో తీవ్ర విషాదం అలుముకుంది. కుటుంబసభ్యులరోదనలు మిన్నంటాయి. 

సాక్షి, తాడేపల్లి(గుంటూరు) : కన్న తల్లిదండ్రులు, తోబుట్టువులను కాదని ప్రేమించి పెళ్లి చేసుకున్న ఓ యువతి మంగళగిరి ఏపీఎస్పీ బెటాలియన్‌లో కానిస్టేబుల్‌  చేతిలో దారుణంగా మోసపోయిన ఘటన ఆలస్యంగా వెలుగులోకి వచింది. వంచన తట్టుకోలేక జీవితంపై విరక్తి చెంది ఆ యువతి మూడుసార్లు ఆత్మహత్యాయత్నం చేసింది. కడుపులో ఉన్న బిడ్డ కోసం చావలేక ఇంటింటికి తిరిగి అడుక్కుంటూ దయనీయమైన పరిస్థితిలో కొట్టుమిట్టాడుతోంది. న్యాయం చేయాలని మూడు నెలల నుంచి మంగళగిరిలో పోలీసుల చుట్టూ కాళ్లు అరిగేలా తిరుగుతున్నా ఎవ్వరూ తన మొర ఆలకించలేదని ఆవేదన వ్యక్తం చేసింది. అనంతపురం టౌన్‌లో హెడ్‌కానిస్టేబుల్‌గా పనిచేసే మారెప్ప రెండో కుమారుడు మూలుగుల మహేష్‌బాబు తన ఇంటి పక్కనే ఉండే లలితను 10 సంవత్సరాల నుంచి ప్రేమిస్తున్నానంటూ వెంటబడి 2018 అక్టోబర్‌ 5వ తేదీ కనకదుర్గమ్మ గుడిలో వివాహం చేసుకున్నాడు. వివాహం అనంతరం మంగళగిరి పట్టణ పరిధిలోని మిద్దె సెంటర్‌లో నివాసం ఉంటూ సంసార జీవితాన్ని సాగిస్తున్నారు. ఈ క్రమంలోనే 2019 మే 5వ తేదీన అనంతపురం వెళ్దామని లలితను తీసుకొని మహేష్‌బాబు బయలదేరాడు. అనంతపురంలోని ఒక లాడ్జిలో దిగాడు. ఇప్పుడే వస్తానని భార్య లలితతో చెప్పి మహేష్‌ వెళ్లి ఎంతసేపటికీ తిరిగి రాలేదు. దీంతో లలిత మహేష్‌కు ఫోన్‌ చేయగా ఎత్తలేదు. వాళ్ల అన్నయ్య ఫోన్‌ తీసి తన నోటికొచ్చినట్లు దుర్భాషలాడాడు. చావమని చెప్పి ఫోన్‌ పెట్టేసాడని బాధితురాలు వాపోయింది. అక్కడ నుంచి తన తల్లిదండ్రుల దగ్గరికి వెళ్లలేక తిరిగి మంగళగిరి వెళ్లాలని నిర్ణయించుకుంది. తన గోడును అనంతపురం రైల్వేస్టేషన్‌లో ఒక మహిళకు చెప్పగా మంగళగిరి చేర్చింది.  పట్టించుకోని బెటాలియన్‌ అధికారులు.... వెంటనే ఏపీఎస్పీ బెటాలియన్‌లో ఉన్నతాధికారులకు ఫిర్యాదు చేసినా, వారు ఏమీ పట్టించుకోలేదని తెలిపింది. మంగళగిరి పోలీస్‌స్టేషన్‌లో కేసు పెట్టినా మొదట ఎటువంటి చర్యలు తీసుకోలేదని పేర్కొంది. మంగళగిరి టౌన్‌ ఎస్సైకు, మరో కానిస్టేబుల్‌కు ఫోన్‌ చేసి రోజూ అడిగినా ఎటువంటి సమాధానం చెప్పడం లేదని వాపోయింది. చివరకు తన నెంబర్‌ సైతం బ్లాక్‌లిస్ట్‌లో పెట్టారని చెప్పింది. మూడు రోజుల నుంచి తనకు ఫిట్స్‌ వస్తున్నాయని, పక్కింటివారు ఆసుపత్రికి తీసుకువెళ్లారని తెలిపింది. తన గోడును ముఖ్యమంత్రికి విన్నవించుకుందామని వెళ్తుండగా, ఆటోలో ఫిట్స్‌ వచ్చి పడిపోయానని బోరున విలపించింది. అనంతపురంలో ఉన్న తమ తల్లిదండ్రుల దగ్గరకు వెళ్లాలంటే మొహం చెల్లడం లేదని విలపించింది. మహేష్‌ను నమ్మి వచ్చినందుకు నాకు అన్నం పెట్టే వారు కూడా లేకుండా పోయారని కన్నీరుమున్నీరయింది. రోజూ చుట్టు పక్కల మహిళలను అడుక్కొని పొట్టపోసుకుంటున్నట్లు తెలిపింది. కేసు నమోదు చేశాం...  జరిగిన సంఘటనపై ఎస్సై భార్గవ్‌ను వివరణ అడగ్గా... లలిత అనే మహిళ ఇచ్చిన ఫిర్యాదును స్వీకరించి, కేసు నమోదు చేసామని తెలిపారు. రెండు మూడు రోజుల్లో మహేష్‌ అనే ఏపీఎస్పీ కానిస్టేబుల్‌ పోలీస్‌స్టేషన్‌కు వచ్చి మాట్లాడతానని తమతో చెప్పాడన్నారు. 

మియాపూర్‌: మూడు రోజుల క్రితం అదృశ్యమైన ఓ మహిళ ఇంట్లోని సంపులో శవమై తేలింది. భర్తే ఆమెను హత్య చేసి ఉంటాడని మృతురాలి సోదరుడు ఆరోపిస్తున్నాడు. మియాపూర్‌ పోలీసులు అనుమానాస్పద మృతిగా కేసు నమోదు చేశారు. మియాపూర్‌ ఏసీపీ రవికుమార్, సీఐ వెంకటేష్‌ కథనం మేరకు వివరాలిలా ఉన్నాయి. పరిగి మండలం, నస్కల్‌ ప్రాంతానికి చెందిన తాజోద్దీన్‌ కుటుంబం నగరానికి వలస వచ్చి హఫీజ్‌పేట్‌ సాయినగర్‌లో నివాసముంటూ స్థానికంగా కిరాణం షాపు నిర్వహిస్తున్నారు. తాజోద్దీన్‌ ఎనిమిదేళ్ల క్రితం జగద్గిరిగుట్ట అంబేద్కర్‌నగర్‌కు చెందిన షాజియాబేగం(27)ను వివాహం చేసుకున్నాడు. వీరికి ముగ్గురు కుమారులు. గత కొన్ని రోజులుగా భార్యాభర్తల గొడవలు జరుగుతున్నాయి. ఈ నెల 21న షాజియాబేగం అదృశ్యం కావడంతో ఆమె భర్త తాజోద్దీన్‌  మియాపూర్‌ పోలీస్‌ స్టేషన్‌లో ఫిర్యాదు చేశాడు. పోలీసులు మిస్సింగ్‌ కేసుగా నమోదు చేసుకొని దర్యాప్తు చేపట్టారు. ఇందులో భాగంగా బుధవారం రాత్రి తాజోద్దీన్‌ ఇంట్లో తనిఖీ చేయగా ఇంటి ఆవరణలోని సంపులో షాజియాబేగం మృతదేహం లభ్యమైంది. మృతదేహాన్ని స్వాధీనం చేసుకున్న పోలీసులు పోస్టుమార్టం నిమిత్తం గాం«ధీ ఆస్పత్రికి తరలించారు. సాయినగర్‌లో ఉద్రిక్తత... షాజియాబేగం అదృశ్యంపై ఆమె పుట్టింటి వారు భర్త, అత్త మామలపై అనుమానం వ్యక్తం చేస్తున్నారు. బుధవారం రాత్రి సంపులో మృతదేహం లభ్యమైనట్లు సమాచారం అందడంతో ఆమె తరపు బంధువులు తాజోద్దీన్‌ ఇంటిపై దాడికి దిగడంతో ఉద్రిక్తత నెలకొంది. సమాచారం  అందుకున్న పోలీసులు సంఘటనా స్థలానికి చేరుకొని పరిస్థితిని అదుపులోకి తెచ్చారు.

మక్కువ : మండలంలోని మార్కొండపుట్టికి చెందిన బొంగు నీలిమ (20) గురువారం అనుమానాస్పదస్థితిలో మృతి చెందింది. పోలీసులు, కుటంబ సభ్యులు తెలిపిన వివరాల ప్రకారం... మక్కువ మండలం మార్కొండపుట్టి గ్రామానికి చెందిన బొంగు బాషా, సూరీడమ్మ దంపతుల కుమార్తె నీలిమకు పార్వతీపురం మండలంలోని నర్శిపురం గ్రామానికి చెందిన  కెంగువ సింహాచలం అలియాస్‌ బుజ్జితో 2017 మే నెలలో వివాహమైంది. భర్త సింహాచలం తాపీమేస్త్రిగా పనిచేస్తున్నాడు. పెళ్లయిన కొన్నాళ్లు బాగానే ఉన్నప్పటికీ, కొద్ది నెలలుగా భార్యాభర్తల మధ్య గొడవలు జరుగుతున్నాయి. దీంతో నీలిమ విసుగుచెందిన మూడు నెలల కిందట కన్నవారింటికి వచ్చింది. భర్త సింహాచలం మూడు రోజుల కిందట మార్కొండపుట్టి గ్రామానికి చేరుకుని నీలిమను కాపురానికి పంపించాలని అత్తమామలను కోరాడు. అయితే  మీ తల్లిదండ్రులను తీసుకువస్తేనే కుమార్తెను పంపిస్తానని నీలిమ తల్లిదండ్రులు అల్లుడు సింహాచలంనకు స్పష్టం చేశారు. దీంతో చేసేదిలేక సింహాచలం అత్తవారింటే ఉంటున్నాడు. ఈ క్రమంలో నీలిమ తండ్రి బాషా గురువారం మధ్యాహ్నం ఇంటికి చేరుకునే సరికి విగతజీవిగా పడి ఉంది. చున్నీతో గొంతు నులిమేసినట్లు ఉండడంతో ఆమె మృతిపై పలు అనుమానాలు వ్యక్తమవుతున్నాయి.   భర్తపైనే అనుమానాలు..? భార్యను తనతో పంపించకపోవడంతో సింహాచలమే కక్ష గట్టి మెడకు చున్నీ బిగించి నీలిమను హత్య చేసి ఉంటాడని అనుమానాలు వ్యక్తమవుతున్నాయి. విషయం తెలుసుకున్న ఏఎస్పీ దీపికపాటిల్, సీఐ సయ్యిద్‌ అలియాస్‌ మహ్మద్, ఎస్సై కృష్ణప్రసాద్‌ సంఘటనా స్థలానికి చేరుకొని మృతికి గల కారణాలను కుటుంబ సభ్యులు, గ్రామస్తులను అడిగి తెలుసుకున్నారు. అలాగే మృతురాలి భర్త సింహాచలంను విచారించారు. పోస్టుమార్టం నిమిత్తం మృతదేహాన్ని సాలూరు సీహెచ్‌సీకి తరలించారు. ఎస్సై కృష్ణప్రసాద్‌ కేసు నమోదు చేసి దర్యాప్తు చేస్తున్నారు.

అనంతపురం జిల్లా / కళ్యాణదుర్గం: పట్టణంలోని శంకరప్పతోట కాలనీకి చెందిన నందిని (23) అనే వివాహిత డెంగీ లక్షణాలతో బెంగళూరులో మంగళవారం తెల్ల వారుజామున మృతి చెందింది. భర్త టి.రవి, తల్లిదండ్రులు తిమ్మయ్య, రాజ్యలక్ష్మిలు తెలిపిన మేరకు... రెండు రోజుల క్రితం నందినికి జ్వరం రావడంతో పట్టణంలోని ఓ ప్రైవేట్‌ ఆస్పత్రిలో చికిత్స చేయించారు. పరిస్థితి విషమంగా ఉండడంతో అనంతపురంలోని ప్రైవేట్‌ ఆస్పత్రికి తీసుకెళ్లారు.  అక్కడ వైద్య పరీక్షలు చేసి డెంగీ లక్షణాలు ఉన్నట్లు చెబుతూ బెంగళూరుకు తీసుకెళ్లాలని సూచించారు. బెంగళూరులోని బ్యాప్‌సిస్‌ ఆస్పత్రికి తీసుకెళ్లారు. అయితే అప్పటికే ఆమె మృతి చెందినట్లు డాక్టర్లు నిర్ధారించారు. వైఎస్సార్‌సీపీ నియోజకవర్గ సమన్వయకర్త ఉషశ్రీచరణ్‌ ఆస్పత్రి వద్దకు వెళ్లి నందిని మృతదేహానికి నివాళులర్పించి కుటుంబ సభ్యులకు సానుభూతి తెలియజేశారు. మృతదేహాన్ని కళ్యాణదుర్గానికి తీసుకొచ్చాక మునిసిపల్‌ చైర్‌పర్సన్‌ బిక్కీ రామలక్ష్మి, ఆమె భర్త బిక్కీ గోవిందప్పలు నివాళులు అర్పించి కుటుంబ సభ్యులకు ధైర్యం చెప్పారు.  


 మృతదేహంతో భర్త ఇంటి ముందు ఆందోళన
 నాగోలు: అదనపు కట్నం కోసం భార్యను భర్త తీవ్రంగా కొట్టి చంపి ఉరివేసుకున్నట్లు చిత్రీకరించారంటూ మృతురాలి కుటుంబ సభ్యులు మృతదేహంతో ఆందోళన చేసిన ఘటన ఎల్‌బీనగర్‌ పరిధిలో శుక్రవారం చోటు చేసుకుంది. వివరాలు... మన్సురాబాద్‌కు చెందిన బొల్లు భిక్షమయ్య, లక్ష్మమ్మల కుమార్తె సంతోషి (24)ను ఇబ్రహీంపట్నం మండలం పోచారం గ్రామానికి చెందిన మైలారం సురేశ్, ఆండాళు దంపతుల కుమారుడు మధు స్వరూప్‌కు ఇచ్చి 2012లో వివాహం జరిపించారు. రూ.10 లక్షల నగదు, రూ.30 లక్షల విలువ గల ప్లాట్, ఇతర సామగ్రితో వివాహం జరిపించారు.
 
 అనంతరం అత్త, మామలతో కలిసి దంపతులు నగరానికి వచ్చి నాగోల్‌ వెంకటరమణ కాలనీలో నివాసం ఉంటున్నారు. స్వరూప్‌ ప్రైవేట్‌ స్కూల్‌ ప్రిన్సిపాల్‌గా పనిచేస్తున్నాడు. స్వరూప్‌ తండ్రి సురేశ్‌ అంబర్‌పేట ఏఎస్‌ఐగా విధులు నిర్వర్తిస్తున్నారు. సంతోషి, స్వరూప్‌లకు శ్రీహంక్‌ (4) కుమారుడు ఉన్నాడు. వివాహ అనంతరం స్వరూప్‌ ఉద్యోగ రీత్యా బోయినపల్లికి మారాడు. అప్పటి నుంచి మరో రూ.25 లక్షలు కట్నం తీసుకురావాలని సంతోషిని వేధించసాగాడు. రాఖీల పండుగ సందర్భంగా భిక్షమయ్య తన కుమార్తెను ఇంటికి తెచ్చుకున్నాడు.
 
 తరువాత అత్తగారింటికి వెళ్లకపోవటంతో మామ సురేశ్‌ వచ్చి కోడలు సంతోషినికి ఎలాంటి ఇబ్బందులు కలుగకుండా చూసుకుంటామని చెప్పి ఈ నెల 25న బోయినపల్లికి తీసుకువెళ్లారు. ఆ తర్వాత తన కుటుంబ సభ్యులకు సంతోషి ఫోన్‌ చేసి భర్త మారలేదని, వేధింపులు ఎక్కువయ్యాయని, వేరే మహిళతో సంబంధం ఉందని, తనను వదిలించుకోవడానికే స్వరూప్‌ సిద్ధంగా ఉన్నాడని ఆందోళన వ్యక్తం చేసింది. అనంతరం సంతోషి ఆత్మహత్య చేసుకున్నట్లు పక్కింటి వారు ఫోన్‌ ద్వారా ఆమె కుటుంబ సభ్యులకు సమాచారం అందించారు. దీంతో మృతురాలి కుటుంబ సభ్యులు బోయినపల్లి పోలీసులకు ఫిర్యాదు చేసి తన కుమార్తెను కట్నం కోసం చంపేశారని, ఆత్మహత్యగా చిత్రీకరిస్తున్నారని ఫిర్యాదులో పేర్కొన్నారు.
 
 గాంధీ ఆసుపత్రిలో పోస్ట్‌మార్టం అనంతరం మృతదేహాన్ని శుక్రవారం  నాగోలులోని వెంకటరమణ కాలనీకి తీసుకువచ్చారు. అప్పటికే స్వరూప్‌ కుటుంబసభ్యులు ఇంటికి తాళం వేసి పరారయ్యారు. బాధితులు ఇంటి తాళం పగులగొట్టి స్వరూప్‌ ఇంట్లో సంతోషి మృతదేహంతో ఆందోళనకు దిగారు. విషయం తెలుసుకున్న ఎల్‌బీనగర్‌ పోలీసులు ఘటనా స్థలానికి చేరుకుని కేస్‌ బోయినపల్లిలో అయినందున, అక్కడే పరిష్కరించుకోవాలని తెలిపారు. బోయినపల్లి పోలీసులు అప్పటికే స్వరూప్, మామ సురేశ్‌ను అరెస్ట్‌ చేసినట్లు సమాచారం. శనివారం సంతోషి అంత్యక్రియలు మన్సురాబాద్‌లో నిర్వహించారు.


  జీడితోటలో కొమ్మకు వేలాడుతున్న మృతదేహం
   భర్తే చంపాడంటున్న మృతురాలి తల్లిదండ్రులు
   తనకు తెలియదంటున్న భర్త
  
  దబ్బగుంట(శృంగవరపుకోట) :  నూతన సంవత్సర వేడుకలు ముగియకముందే ఓ మహిళ అనుమానాస్పద స్థితిలో మరణించింది. శృంగవరపుకోట మండలం దబ్బగుంట గ్రామంలో ఈ ఘటన జరిగింది. పోలీసులు, గ్రామస్తులు తెలిపిన వివరాల ప్రకారం... మండలంలోని మూలబొడ్డవర పంచాయతీ దబ్బగుంట గ్రామానికి చెందిన కొర్ర జమరాజు, ఎరుకులమ్మ దంపతుల మూడో కుమార్తె కన్నమ్మ(21)కు, వేపాడ మండలం కొండగంగుబూడి పంచాయతీ పరిధిలోని ఎస్.కోట సీతారాంపురం గ్రామానికి చెందిన కందుల రాముతో ఏడాదిన్నర క్రితం వివాహమైంది. నూతన సంవత్సర వేడుకల కోసం జమరాజు సీతారాంపురంలో ఉంటున్న తన కుమార్తె కన్నమ్మను గురువారం సాయంత్రం దబ్బగుంట తీసుకొచ్చారు.
  
   కన్నమ్మ భర్త రాము శుక్రవారం ఉదయం 11 గంటల సమయంలో అత్తారింటికి వచ్చాడు. అదే సమయంలో జమరాజు గ్రామంలోని తమ కుటుంబ సభ్యులు, బంధువులతో కలిసి పిక్నిక్‌కు వెళ్లి రాత్రి ఇంటికి వచ్చాడు. ఇష్టానుసారంగా పిక్నిక్‌లకు వెళుతూ డబ్బు ఖర్చు చేస్తున్నావంటూ రాత్రి 9 గంటల సమయంలో జమరాజుతో అల్లుడు రాము గొడవపడ్డాడు. ఇద్దరు పరస్పరం దాడి చేసుకున్నారు. దీంతో రాము తన భార్య కన్నమ్మను తీసుకుని వెళ్లిపోయాడు. అయితే రాము రాత్రి 11 గంటల సమయంలో జమరాజు ఇంటికి వచ్చి తన భార్య ఎక్కడుంది... పరిగెత్తుకు వచ్చింది.. మీరే దాచారు.. అంటూ మళ్లీ గొడవపడి వెళ్లిపోయాడు. ఆ రాత్రికి గ్రామంలోని తామల కన్నబాబు ఇంటి వద్ద నిద్రించాడు.
  
  కన్నమ్మ కుటుంబ సభ్యులు రాత్రంతా ఆమె కోసం వెదికినా కనిపించలేదు. శనివారం ఉదయం జమరాజు ఇంటి వెనుక వంద గజాల దూరంలో ఉన్న జీడితోటలో చెట్టు కొమ్మకు చున్నీతో వేలాడుతున్న కన్నమ్మ మృతదేహం ఆమె తల్లి ఎరుకులమ్మకు కనిపించింది. కుటుంబ సభ్యులు కన్నీరుమున్నీరుగా విలపిస్తుండగా... భర్త రాము పారిపోయేందుకు ప్రయత్నించాడు. అతడ్ని గ్రామస్తులు పట్టుకుని చెట్టుకు కట్టేసి చితకబాదారు. అనంతరం పోలీసులకు సమాచారం ఇచ్చారు.
  
  తమ కుమార్తెను రాము హత్య చేసి నమ్మించటం కోసమే రాత్రి గ్రామంలో బస చేశాడని కన్నమ్మ తల్లిదండ్రులు పోలీసులకు ఫిర్యాదు చేశారు. అయితే తాను భార్యను హత్య చేయలేదని, ఆమె తనతో సఖ్యతగా ఉండేదని రాము చెబుతున్నాడు. ఎస్‌ఐ రవికుమార్ ఆధ్వర్యాన కన్నమ్మ మృతదేహానికి శవపంచనామా నిర్వహించి పోస్టుమార్టం నిమిత్తం ఎస్.కోట ప్రభుత్వాస్పత్రికి తరలించారు. రామును పోలీసులు అదుపులోకి తీసుకుని విచారిస్తున్నారు. కుటుంబ గొడవల నేపథ్యంలో కన్నమ్మ ఆత్మహత్య చేసుకుందా.. హత్యకు గురైందా.. అనేది పోలీసుల విచారణలో తేలాల్సి ఉంది.  
  


 పెంట (బొబ్బిలి రూరల్) : మండలంలో పెంట గ్రామానికి చెందిన మర్రాపు జయలక్ష్మి (ప్రమీల) బుధవారం అర్ధరాత్రి అనుమానాస్పదస్థితిలో మృతి చెందారు. తన భార్య చున్నీతో ఉరి వేసుకుందని భర్త నాగభూషణరావు చెబుతుండగా, తమ కుమార్తెను భర్త, అతని కుటుంబ సభ్యులే అదనపు కట్నం కోసం హత్య చేశారని మృతురాలి తండ్రి జి. గౌరునాయుడు ఆరోపిస్తూ స్థానిక పోలీసులకు ఫిర్యాదు చేశారు. మృతదేహాన్ని డీఎస్పీ రమణమూర్తి, సీఐ రవి, ఎస్సై రవీంద్రరాజులతో పాటు తహశీల్దార్ మాసిలామణి పరిశీలించి వివరాలు నమోదు చేసుకున్నారు. శవపంచనామా నిర్వహించి పోస్టుమార్టం కోసం మృతదేహాన్ని బొబ్బిలి సీహెచ్‌సీకి తరలించారు.  భర్త, అత్త, మామ, మరిదిలను అదుపులోకి తీసుకుని కేసు నమోదు చేశారు.  
  
  వివాహం అరుున కొద్ది నెలలకే..
  పార్వతీపురం మండలం బంటువానివలసకు చెందిన జయలక్ష్మికి బొబ్బిలి మండలం పెం ట గ్రామానికి చెందిన నాగభూషణరావుతో 2015 ఫిబ్రవరి 25న వివాహం జరిగింది.  వివాహ సమయంలో 1,50,000 రూపాయల నగదు, తులంన్నర బంగారం వరకట్నంగా అందించారు. అరుునా అదనపు కట్నం తీసుకురావాలని భర్తతో పాటు అత్త శకుంతుల, మామ గోపాల, మరిది మోహనరావులు నిత్యం వేధించేవారని జయలక్ష్మి తల్లిదండ్రులు ఆరోపిస్తున్నారు. పెళ్లైన పది నెలలకే  తన కుమార్తెకు నూరేళ్లు నిండిపోయూయని వారు రోదిస్తున్న తీరు స్థానికులను కలచివేసింది.


  తీవ్రంగా కొట్టి, బ్లేడ్‌తో
  పీక కోసిన వైనం
  జంగారెడ్డిగూడెంలో ఘటన
  జంగారెడ్డిగూడెం రూరల్ : జంగారెడ్డిగూడెంలో ఓ వివాహిత హత్యకు గురైంది. దుండగులు ఆమెను తీవ్రంగా కొట్టి హతమార్చారు. వివరాలు ఇలా ఉన్నారుు. స్థానిక బుట్టాయగూడెం రోడ్డులో నివాసం ఉంటున్న రొంగల అప్పారావు, సుబ్బలక్ష్మి దంపతుల రెండో కుమార్తె రొంగల దివ్య (18)ను 2013లో టి.నరసాపురం మండలం అప్పలరాజుగూడెంకు చెందిన నీరుకొండ రాజేష్‌కు ఇచ్చి వివాహం చేశారు. కొంతకాలం క్రితం రాజేష్, దివ్యల మధ్య మనస్పర్థలు తలెత్తడంతో ఆమె పుట్టింట్లో ఉంటోంది. రెండు నెలల క్రితం రాజేష్, దివ్యలు విడాకులు తీసుకున్నారు. దివ్య తల్లిదండ్రుల వద్ద ఉంటూ జంగారెడ్డిగూడెంలోని ఒక దుకాణంలో పనిచేస్తోంది. దివ్య తల్లిదండ్రులు కాఫీ హోటల్ పెట్టుకుని జీవిస్తున్నారు.
  
   శనివారం రాత్రి షాపు నుంచి ఇంటికి వచ్చిన దివ్య భోజనం చేసి నిద్రించిందని, అయితే రాత్రి 1.30 గంటలకు లేచిచూడగా తన కూతురు కనిపించ లేదని ఆమె తల్లి సుబ్బలక్ష్మి తెలిపింది. దివ్య కోసం గాలిస్తుండగా ఆదివారం ఉదయం ఇంటి సమీపంలోని రైస్‌మిల్లు పక్కన ఉన్న ఖాళీ స్థలంలో శవమై కనిపించిందని తెలిపారు. సమాచారం అందుకున్న సీఐ శ్రీనివాసరావు, ఎస్సై ఎ.ఆనందరెడ్డి ఘటనాస్థలానికి చేరుకుని దివ్య మృతదేహాన్ని పరిశీలించారు. ముఖంపై గట్టిగా కొట్టినట్టు గాయూలను, పీకపై బ్లేడ్‌తో కోయడాన్ని గుర్తించారు. పథకం ప్రకారమే దివ్యను హత్య చేసి ఉంటారని పోలీసులు భావిస్తున్నారు. దివ్యను ఆమె భర్తే హత్య చేసి ఉంటాడని తల్లిదండ్రులు  అప్పారావు, సుబ్బలక్ష్మి అనుమానం వ్యక్తం చేస్తూ పోలీసులకు ఫిర్యాదు చేశారు. పోలీసులు హత్య కేసుగా నమోదు చేసి మృతదేహాన్ని జంగారెడ్డిగూడెం ప్రభుత్వాసుపత్రికి తరలించారు.  
  


  అంబారిపేట(శాలిగౌరారం) :అత్తింటి వేధింపులకు వివాహిత బలైంది. కల కాలం తోడుండాల్సిన భర్త, కంటికిరెప్పలా చూసుకోవాల్సిన అత్తమామలు ఆమె పాలిట కర్కశకులుగా మా రారు. అదనపు కట్నం తీసుకురమ్మని చిత్రహింసలు పెట్టడంతో తట్టుకోలేక పురుగుల మందు తాగి బలవన్మరణానికి పాల్పడింది. ఈ ఘటన శాలిగౌరారం మం డలం అంబారిపేటలో ఆదివారం వెలుగుచూసింది. పోలీసులు, గ్రామస్తులు తెలిపిన వివరాల ప్రకారం..అంబారిపేట గ్రామానికి చెందిన నూనె సోమయ్య, వినోద దంపతుల కుమారుడు నూనె శ్రీనుకు కట్టంగూరు మండలం అయిటిపాముల గ్రామానికి చెందిన మెండి లచ్చయ్య, రోషమ్మల కుమార్తె భవాని(21)తో నాలుగేళ్ల క్రితం వివాహం జరిగింది. వివాహ సమయంలో రూ.ల క్ష నగదు, 5 తులాల బంగారు, 40 తులా ల వెండి ఆభరణాలు కట్నకానుకల కింద ఇచ్చారు. ఏడాది వరకు సాఫీగా సాగిన వారి సంసారంలో కలతలు ప్రారంభమయ్యాయి.
  
  అదనపు వరకట్నం కోసం భవానిని వేధించసాగారు. ఈ క్రమంలో పలుమార్లు గొడవలు జరగడంతో ఇరుగ్రామాల పెద్దమనుషుల మధ్య రాజీకుదుర్చారు. రెండు సంవత్సరాల క్రితం భర్త శ్రీను ట్రాక్టర్ కొనుగోలు చేస్తానని డబ్బులు తీసుకురావాలని భవానితో గొడవపడ్డాడు. తల్లిగారి ఇంటికి వెళ్లిన భవాని వారిని ఒప్పించి  రూ.1.25 లక్షలు తీసుకువచ్చింది. కానీ ఇప్పటికీ ట్రాక్టర్ కొనుగోలు చే యలేదు. అయినప్పటికీ తీరుమారని అత్తింటివారు తరచూ అదనపు కట్నం కోసం వేధిస్తుండడంతో భవా ని కొన్ని నెలల క్రితం తల్లిగారి గ్రామమైన అయిటిపాములకు వెళ్లింది. నెల రోజులక్రితం గ్రామ పెద్దలు భవానికి నచ్చజెప్పి అంబారిపేటకు తీసుకువచ్చారు. అప్పటి నుంచి భర్త శ్రీనుతో పాటు అత్త వినోద, మామ సోమయ్య తిరిగి వేధించసాగారు.
  
  ఈ క్రమం లో శనివారం రాత్రి కూడా గొడవపడ్డారు. దీంతో భవా ని తీవ్ర మనస్తాపం చెంది పురుగుల మందుతాగింది. కొంత సమయం తర్వాత వాంతులు చేసుకోవడంతో గమనించిన కుటింబీకులు 108లో నకిరేకల్‌కు తరలిస్తుండగా మార్గమధ్యలో మృతిచెందింది. నకిరేకల్ ప్రభుత్వ ఆస్పత్రిలో ఉన్న భవాని మృతదేహాన్ని ఆది వారం నల్లగొండ డీఎస్పీ రాంమోహన్‌రావు పరి శీలించారు. శాలిగౌరారం తహసీల్దార్ ఇరుగు లక్ష్మయ్య పంచనామా నిర్వహించారు. మృతురాలి తల్లి రోషమ్మ ఫిర్యాదు మేరకు కేసు నమోదు చేసుకొని దర్యాప్తు జరుపుతున్నట్లు డీఎస్పీ తెలిపారు.ఆయన వెంట సీఐ రాఘవరావు, ఎస్‌ఐ మహేశ్ ఉన్నారు.
  
  పోలీస్‌స్టేషన్‌లో లొంగిపోయిన మృతురాలిభర్త, అత్త, మామ మృతురాలు  భవాని భర్త  శ్రీను, అత్త వినోద, మామ సోమయ్యలు ఆదివారం శాలిగౌరారం పోలీస్‌స్టేషన్‌లో లొంగిపోయారు. ఇదిలా ఉండగా వినోద మృతిపై గ్రామస్తులు పలు అనుమానాలు వ్యక్తం చేస్తున్నారు. భర్త అత్త మామలు భవానిని తీవ్రంగా కొట్టారని, కొన ఊపిరి ఉండగానే పురుగుల మందు ఆమె నోట్లో పోసి ఉంటారని అనుమానం వ్యక్తం చేస్తున్నారు.