‘‘నా నిర్మాతలు హరికృష్ణ, చందుగారు, జీవన్‌గార్లకు అభినందనలు. ఇంత మంచి సినిమా ఇచ్చిన నిర్మాతలకు మా నటీనటులు, సాంకేతిక నిపుణులు ఎప్పుడూ రుణపడి ఉంటాం. శివేంద్రగారు విజువల్స్‌ బాగున్నాయి. సాయికార్తీక్‌గారి సంగీతం, ఆర్‌ఆర్‌ సినిమాని మరో లెవల్‌కి తీసుకెళ్లాయి’’ అని హీరో దిలీప్‌ అన్నారు.దిలీప్, ఇషా, దీక్షాపంత్, సోనియా ముఖ్య పాత్రల్లో గోవింద్‌ లాలం దర్శకత్వంలో తెరకెక్కిన చిత్రం ‘మాయా మాల్‌’.
 
 కె.వి.హరికృష్ణ, చందు ముప్పాళ్ల, నల్లం శ్రీనివాస్‌ నిర్మించిన ఈ సినిమా ఈ నెల 21న విడుదలైంది. సోమవారం నిర్వహించిన సక్సెస్‌మీట్‌లో గోవింద్‌ లాలం మాట్లాడుతూ– ‘‘మేం పడ్డ కష్టాన్ని ‘మాయామాల్‌’ మార్నింగ్‌ షోతో మరచిపోయాం. చాలా చోట్ల హౌస్‌పుల్‌ కలెక్షన్స్‌ వస్తుండటంతో హ్యాపీగా ఉంది’’ అన్నారు. ‘‘ఆంధ్రప్రదేశ్‌లో హౌస్‌ఫుల్‌గా రన్‌ అవుతోంది. నైజాంలో థియేటర్స్‌ సరిగ్గా దొరకలేదు. ఇంత మంచి సక్సెస్‌ అందించిన ప్రేక్షకులకు కృతజ్ఞతలు’’  అన్నారు నిర్మాతలు.


 దిలీప్, ఇషా, దీక్షాపంత్ లీడ్ రోల్లో రూపొందుతున్న చిత్రం 'మాయామాల్'. హారర్ కామెడీ ఎంటర్ టైనర్గా తెరకెక్కుతున్న ఈ చిత్రం సెన్సార్ కార్యక్రమాలు పూర్తి చేసుకొని జులై 14న విడుదల కావాల్సి ఉండగా.. డిస్ట్రిబ్యూటర్స్ సలహా మేరకు చిత్రాన్ని ఒకవారం పోస్ట్ పోన్ చేసి జులై 21న విడుదల చేసేందుకు దర్శకనిర్మాతలు రెడీ అవుతున్నారు. గోవింద్ లాలం దర్శకత్వంలో తెరకెక్కుతున్న ఈ హారర్ ఎంటర్టైనర్ను కె.వి.హరికృష్ణ, చందు ముప్పాళ్ల, నల్లం శ్రీనివాస్ నిర్మిస్తున్నారు.
  
 ఈ సందర్భంగా చిత్ర నిర్మాతల్లో ఒకరైన హరికృష్ణ మాట్లాడుతూ.. 'జూలై 14న మా 'మాయా మాల్'ను విడుదల చేసేందుకు అన్నీ సిద్ధంగా ఉన్నప్పటికీ.. ఆ రోజున ఎక్కువ సినిమాలు విడుదలవుతుండటంతో.. అదేరోజు విడుదల చేస్తే సినిమా ఎక్కువమంది జనాలకి చేరువయ్యే అవకాశాలు తక్కువగా ఉన్నాయని మా డిస్ట్రిబ్యూటర్లు సూచించడంతో.. జులై 21కి విడుదలను వాయిదా వేయడం జరిగింది. అనుకున్నదానికంటే సినిమా ఔట్ పుట్ బాగా వచ్చింది. సినిమాలో విలన్ ఎవరనేది ఆసక్తికరమైన అంశం' అన్నారు.