ముంబై: దేశంలో మొబైల్ మెస్సెంజర్ సర్వీసు వాట్స్‌యాప్‌ను ఉపయోగిస్తున్న వినియోగదారుల సంఖ్య ఏడు కోట్లు దాటింది. ప్రపంచమొత్తం మీద వాట్స్‌యాప్‌ను వాడుతున్నవారిలో 10 శాతం మంది భారత్‌లోనే ఉన్నారు.
 
 నెలకు ఒక్కసారైనా వాట్స్‌యాప్‌ను వాడుతున్న క్రియాశీలక వినియోగదారులు 70 మిలియన్ల మంది ఉన్నారని ఈ మేరకు ఆదివారం వాట్స్‌యాప్ బిజినెస్ హెడ్ నీరజ్ అరోరా వెల్లడించారు.ఫేస్‌బుక్ టేకోవర్ చేసిన తర్వాత కూడా వాట్స్‌యాప్ తన ప్రత్యేకతను నిలుపుకొంటోందని, ప్రస్తుతం ఈ యాప్‌ను ప్రపంచవ్యాప్తంగా మొత్తం 60 కోట్ల మంది వాడుతున్నారని తెలిపారు.