మొగల్తూరు : తుందుర్రులో ఆక్వా పరిశ్రమను ఏర్పాటు చేయవద్దంటూ మత్య్సకారులు కళ్లకు గంతలు కట్టుకుని శనివారం వినూత్నరీతిలో నిరసన తెలిపారు. ముత్యాలపల్లి పంచాయతీ చింతరేవులో జరిగిన ఈకార్యక్రమంలో పలువురు మాట్లాడుతూ ఆక్వా పరిశ్రమ వద్దని గత రెండేళ్లుగా ఆందోళనలు చేస్తున్నా ప్రభుత్వం స్పందించక పోవడం దారుణమన్నారు. పరిశ్రమ స్థాపిస్తే గొంతేరు డ్రెయన్‌ కలుషితమై తాము వేటతోపాటు జీవనోపాధి కోల్పోతామని ఆవేదన వ్యక్తం చేశారు. ప్రభుత్వం తన ఉత్తర్వులను ఉపసంహరించుకోవాలని  డిమాండ్‌ చేశారు. కార్యక్రమంలో స్థానిక మత్స్యకారులు కొల్లాటి పెద్దింట్లమ్మ, సుభద్రమ్మ, తిరుమాని లక్ష్మి, వాటాల ధనలక్ష్మి, కొల్లాటి లక్ష్మి, గాడి మాణిక్యం పాల్గొన్నారు. 
  


 మొగల్తూరు : గోవును చంపారనే నెపంతో దళితులపై దాడి చేసిన నింది తులను కఠినంగా శిక్షించాలని కేవీపీఎస్‌ నాయకులు డిమాండ్‌ చేశారు. అమలాపురం మండలం సవరపుపాలెంలో దళితులపై దాడికి నిరసనగా మంగళవారం మొగల్తూరు గాంధీ బొమ్మల సెంటర్లో కేవీపీఎస్‌ ఆధ్వర్యంలో రాస్తారోకో జరిగింది. ఈ సందర్బంగా కులవ్యతిరేక పోరాట సంఘం నాయకుడు యడ్ల చిట్టిబాబు మాట్లాడుతూ.. చనిపోయిన ఆవుల కళేబరాలను తొలగిస్తుండగా కొంత మంది అకారణంగా దాడి చే సి దళితులను తీవ్రంగా గాయపర్చారని, అటువంటి నిందితులపై ఎస్సీ, ఎస్టీ అట్రాసిటీ కేసు నమోదు చేయాలని డిమాండ్‌ చే శారు. కార్యక్రమంలో బాలం సుందరావు, మోటూరి ఫణి, సోల్‌మన్, వంగా కమలాకర్, సురేష్, అశోక్, కొత్తపల్లి నాగరాజు, పుచ్చకాయల ముత్తేశ్వరరావు, సయ్యద్‌ అబ్దుల్, చదలవాడ ఫ్రాన్సిష్, కొడెల్లి సంజీవరావు, బెండులంక నాగరాజు పాల్గొన్నారు.