ధర రూ.41,999
 న్యూఢిల్లీ: మోటొరోలా కంపెనీ తన ఫ్లాగ్‌షిప్ మొబైల్, మోటొ టర్బోను సోమవారం ఆవిష్కరించింది. రూ.41,999 ధర ఉండే ఈ ఫోన్‌ను ఫ్లిప్‌కార్ట్ ద్వారా విక్రయిస్తామని కంపెనీ తెలిపింది. ఈ ఫోన్‌ను అత్యున్నత రక్షణనిచ్చే ప్రీమియం బాలిస్టిక్ నైలాన్‌తో రూపొందించామని కంపెనీ పేర్కొంది. వాటర్-రిపెల్టెంట్ కోటింగ్ రక్షణ ఉన్న ఈ ఫోన్ ఆండ్రాయిడ్‌లో తాజా వెర్షన్ లాలిపాప్ ఓఎస్‌పై పనిచేస్తుంది.  
 
 5.2 అంగుళాల డిస్‌ప్లే, 2.7 గిగా హెర్ట్స్ క్వాడ్-కోర్ క్వాల్‌కామ్ స్నాప్‌డ్రాగన్ 805 ప్రాసెసర్, 21 మెగా పిక్సెల్ రియర్ కెమెరా, 3,900 ఎంఏహెచ్ బ్యాటరీ, 3 జీబీ ర్యామ్, 64 జీబీ ఇంటర్నల్ మెమెరీ వంటి ప్రత్యేకతలున్నాయని కంపెనీ పేర్కొంది.