తెలంగాణ రాష్ట్ర సమితి పార్టీకి చెందిన ఎంపీటీసీల విహారయాత్రలో అపశ్రుతి చోటు చేసుకుంది. సదరు ఎంపీటీసీలు ప్రయాణిస్తున్న వోల్వో బస్సు మంగళవారం అనంతపురం జిల్లా గుత్తి సమీపంలో అదుపు తప్పి బోల్తా పడింది. ఆ ఘటనలో ఆరుగురు ఎంపీటీసీలు గాయపడ్డారు. వారిని గుత్తిలోని ఆసుపత్రికి తరలించి చికిత్స అందిస్తున్నారు. ఈ నెల 4వ తేదీన మండల పరిషత్ అధ్యక్ష ఎన్నికలు జరగనున్నాయి. ఈ నేపథ్యంలో తెలంగాణ రాష్ట్ర సమితి ఎంపీటీసీల బృందం విహారయాత్రకు బయలుదేరింది.