అంతరిక్షంలో అరుదైన ఘట్టం చోటుచేసుకోనుంది. ఆకాశంలో అత్యంత కాంతివంతమైన నక్షత్రం స్పైకా. భూమి నుంచి రాత్రిపూట స్పష్టంగా చూడగలిన ఈ నక్షత్రం నవంబర్‌ 27న దాదాపు గంటపాటు కనిపించదు. భూమికి, ఆ నక్షత్రానికి మధ్య చంద్రుడు వస్తుండటమే ఇందుకు కారణం. అమెరికా తూర్పు ప్రాంతంతో పాటు కెనడాలో దీన్ని చూడవచ్చని సైంటిస్టులు చెబుతున్నారు. 27న ఉదయం 5.50కు స్పైకా అదృశ్యమై గంట తర్వాత మళ్లీ దర్శనమివ్వనుంది. భూమి నుంచి 250 కాంతి సంవత్సరాల దూరంలో ఉన్న స్పైకా నీలం, తెలుపు కాంతులతో వెలిగిపోతూంటుంది. భూమి నుంచి నేరుగా చూడగలిగిన అతి పెద్ద నక్షత్రాల్లో ఇదొకటి. అంతరిక్ష వింతలపై ఆసక్తి ఉన్నవారిని నవంబర్‌ నెలలో మరో మూడు ఘట్టాలు ఊరిస్తున్నాయి. బృహస్పతి, శని, అంగారక గ్రహాలు రాత్రిపూట ఎంచక్కా దర్శనమివ్వనున్నాయి. అవి భూమికి సమీపంగా వస్తాయని టెలిస్కోపు లేకున్నా బైనాక్యులర్లతో వాటిని స్పష్టంగా చూడొచ్చని నాసా పరిశోధకులు తెలిపారు. – సాక్షి, నేషనల్‌ డెస్క్‌


 వాషింగ్టన్: ఆర్కిటిక్, అంటార్కిటిక్ సముద్రాల్లోని మంచు ఎన్నడూ లేనంత వేగంగా కరిగిపోతోందని నాసా పరిశోధకులు చెప్పారు. సముద్రాల్లోని మంచు నిల్వలకు సంబంధించి 1979 నుంచి ఉన్న డేటాను అధ్యయనం చేసిన నాసాలోని గోడర్డ్ స్పేస్ ఫ్లైట్ సెంటర్ పరిశోధకులు, ఈ ఏడాది అక్టోబర్‌లో ఎప్పుడూ లేనంతగా ఈ రెండు సముద్రాల్లోని మంచు కరిగిపోరుుందన్నారు.
 
 రికార్డు స్థారుులో మంచు కరిగిపోవడం ఆర్కిటిక్‌కు కొత్తేమి కాదని, కానీ అంటార్కిటిక్‌లో కరిగిపోవడమే ఆశ్చర్యానికి గురిచేసిందని శాస్త్రవేత్త వాల్ట్ మియర్ తెలిపారు. ఇంతలా మంచు కరిగిపోవడానికి వాతావరణంలో చోటుచేసుకుంటున్న పెనుమార్పులే కారణమన్నారు. ఈ రెండు ప్రాంతాల్లోని గాలి, నీరు కూడా చాలా వేడిగా ఉంటున్నాయని, మంచు కరిగేందుకు ఇవి కూడా ఓ కారణం కావచ్చని వారు అంటున్నారు.