కౌశల్ క్రియేషన్స్ పతాకంపై  భీమినేని శివప్రసాద్-తన్నీరు రాంబాబు సంయుక్తంగా నిర్మించిన చిత్రం "నేనెవరు". నిర్ణయ్ పల్నాటి దర్శకత్వంలో తెరకెక్కింది. లవ్... సస్పెన్స్ అండ్ క్రైమ్ థ్రిల్లర్ గా తెరకెక్కిన ఈ చిత్రం ఈరోజు (డిసెంబర్ 2) ప్రేక్షకుల ముందుకు వచ్చింది.  ఈ చిత్రం ప్రేక్షకుల్ని ఏమాత్రం థ్రిల్ కు గురిచేసిందో రివ్యూలో చూద్దాం.  కథేంటంటే..  క్రిష్ (కోలా బాలకృష్ణ), చిత్ర (గీత్ షా) ఇద్దరు ప్రేమించుకుంటారు. ఓ విషయంలో గొడవపడి విడిపోతారు. ప్రియురాలు దూరం కావడంతో క్రిష్‌ డిప్రెషన్‌లోకి వెళ్లిపోతాడు. ప్రేయసిని తలచుకుంటూ... తాగుడుకు బానిసై అందరితో గొడవ పడుతూ... కనిపించిన వారికి అంతా తన లవ్ స్టోరీ చెబుతూ తిరిగేస్తూ ఉంటాడు.  అయితే అదే సమయంలో  తన మేనత్త, మేనత్త కూతురు (తనిష్క్ రాజన్), జీకే(బాహుబలి ప్రభాకర్‌), మేనత్త అనుచరుడు నాయుడు వరుస హత్యలకు గురవుతారు. ఆ హత్యలకు కారణం ఎవరు? క్రిష్‌ జీవితంలోకి చిత్ర మళ్లీ వచ్చిందా లేదా? అనేదే మిగతా కథ.  ఎలా ఉందంటే..  ప్రేమతో ముడిపడిన క్రైం థ్రిల్లర్ మూవీ ఇది.  ఫస్ట్ హాఫ్ లో హీరోని భగ్న ప్రేమికుడిగా, తాగుబోతుగా చూపించి... ఆ తరువాత... మర్డర్ మిస్టరీని ఛేదించిన విధానం ప్రేక్షకుల్ని థ్రిల్ కి గురి చేస్తుంది. ముఖ్యంగా ప్రీ క్లైమాక్స్ నుంచి క్లైమాక్స్ వరకూ క్రైం అండ్ ఎమోషనల్ ఎలిమెంట్స్ ఆడియెన్స్ ను ఆకట్టుకుంటాయి. దర్శకుడు రొటీన్ జోనర్స్ ని టచ్ చేయకుండా... ఓ డిఫరెంట్ జోనర్లో ఈ మూవీని తెరకెక్కించాడు. కథ, కథనాల పరంగా చిన్న చిన్న లోపాలు ఉన్నాయి. వాటిని సరిదిద్దుకొని ఉంటే సినిమా ఫలితం మరోలా ఉండేది.  ఎవరెలా చేశారంటే.. హీరోగా నటించిన కోలా బాలకృష్ణ భగ్న ప్రేమకుడిగా... రివెంజ్ డ్రామా లో ... మాస్ ను మెప్పించే పాత్రలో చక్కని నటన కనబరిచాడు. అలానే అతనికి జంటగా ప్రేయసి పాత్రలో గీత్ షా... చక్కగా నటించింది. హీరోను ప్రాణానికి ప్రాణంగా ప్రేమించే యువతిగా... కాస్త సైకోలా బిహేవ్ చేసే పాత్రలో ఆకట్టుకుంటుంది. అలాగే హీరో మరదలిగా తనిష్క్ రాజన్ మెప్పించింది. ఆమె అమ్మగా లేడి దాధాగా నటించిన నటి కూడా బాగా చేసింది. ఇక పోలీస్ ఆఫీసర్ గా నటించిన సాక్షి చౌదరి తనదైన నటనతో ఆకట్టుకుంది. బాహుబలి ప్రభాకర్ జి.కె.పాత్రలో విలన్ గా. హీరో స్నేహితునిగా కమెడీయన్ సుదర్శన్  తమ పాత్రల పరిధి మేరకు నటించి ఆకట్టుకున్నారు. ఆర్.జి.సారథి అందించిన సంగీతం సీన్స్ ను ఎలివేట్ చేశాయి. సినిమాటోగ్రఫీ బాగుంది.  కోలా భాస్కర్ ఎడిటింగ్ పర్వాలేదు. నిర్మాణ విలువలు సినిమా స్థాయికి తగ్గట్టుగా ఉన్నాయి. 

రొటీన్ సినిమాలకు భిన్నంగా రూపొందిన "నేనెవరు" ఒక స్పెషల్ జోనర్ ఫిల్మ్ అంటున్నాడు యువ దర్శకుడు నిర్ణయ్ పల్నాటి. లవ్, సస్పెన్స్ అండ్ క్రైమ్ థ్రిల్లర్స్ ఇష్టపడేవాళ్ళందరూ "నేనెవరు" చిత్రంతో కచ్చితంగా కనెక్ట్ అవుతారని అన్నాడు. నిర్ణయ్ పల్నాటి దర్శకత్వంలో కౌశల్ క్రియేషన్స్ పతాకంపై  భీమినేని శివప్రసాద్-తన్నీరు రాంబాబు సంయుక్తంగా నిర్మించిన చిత్రం ‘నెనెవరు’. ప్రముఖ ఎడిటర్ స్వర్గీయ కోలా భాస్కర్ తనయుడు కోలా బాలకృష్ణ హీరోగా నటించాడు. సాక్షి చౌదరి హీరోయిన్ కాగా.. తనిష్క్ రాజన్, గీత్ షా, బాహుబలి ప్రభాకర్ ఇతర కీలక పాత్రలు పోషించారు. డిసెంబర్‌ 2న ఈ చిత్రం విడుదలవుతుంది. ఈ సందర్భంగా దర్శఖుడు నిర్ణయ్‌ మాట్లాడుతూ.. ఈ చిత్రం ఇంత అద్భుతంగా రావడం కోసం నిర్మాతలు భీమినేని శివప్రసాద్ - తన్నీరు రాంబాబు ఎంతో శ్రద్ధ తీసుకున్నారని, ప్రతి ఫ్రేమును ప్రత్యేక శ్రద్ధతో తీర్చిదిద్దామని  తెలిపాడు. హీరో కోలా బాలకృష్ణ కెరీర్ కి ఈ చిత్రం టర్నింగ్ పాయింట్ అవుతుందనే నమ్మకం వ్యక్తం చేశాడు. కోలా భాస్కర్ ఎడిటింగ్, ఆర్.జి.సారథి సంగీతం ఈ చిత్రానికి ముఖ్య ఆకర్షణలని యువ ప్రతిభాశాలి పల్నాటి తెలిపాడు.

‘నేనెవరు’ చిత్రం విడుదల కోసం చాలా ఆత్రంగా ఎదురు చూస్తున్నామని  ఈ చిత్ర హీరో-హీరోయిన్లు కోలా బాలకృష్ణ - సాక్షి చౌదరి తెలిపారు. ఈ చిత్రం తన తండ్రి (కోలా భాస్కర్) ఎడిటింగ్ చేసిన ఆఖరి చిత్రం కావడం వలన తాను చాలా ఎమోషనల్ గా ఫీల్ అవుతున్నానని కోలా బాలకృష్ణ అన్నారు. ఈ చిత్రం అద్భుతంగా రావడం కోసం నిర్మాతలు భీమినేని శివప్రసాద్ - తన్నీరు రాంబాబు ఎంత తపన పడ్డారో తాము ప్రత్యక్షంగా చూశామని, దర్శకుడు నిర్ణయ్ పల్నాటి ప్రతి ఫ్రేమును ప్రత్యేక శ్రద్ధతో తీర్చిదిద్దారని హీరో హీరోయిన్లు తెలిపారు. ఈ చిత్రానికి పని చేసిన సాంకేతిక నిపుణులకు చాలా మంచి పేరు తెస్తుందని సాక్షి చౌదరి పేర్కొన్నారు. ఈ చిత్రంలోని పాటలకు, టీజర్ మరియు ట్రైలర్ కు అనూహ్య స్పందన రావడం... "నేనెవరు" చిత్రం సాధించబోయే  విజయానికి సంకేతంగా భావిస్తున్నామని అన్నారు.నిర్ణయ్ పల్నాటి దర్శకత్వంలో కౌశల్ క్రియేషన్స్ పతాకంపై  భీమినేని శివప్రసాద్-తన్నీరు రాంబాబు సంయుక్తంగా నిర్మించిన ఈ చిత్రం డిసెంబర్ 2న ప్రపంచవ్యాప్తంగా విడుదలవుతోంది. లవ్ - సస్పెన్స్ అండ్ క్రైమ్ థ్రిల్లర్ గా రూపొందిన ఈ చిత్రానికి రాధగోపి తనయుడు ఆర్.జి.సారథి సంగీతం అందించాడు. 

ప్రముఖ ఎడిటర్ స్వర్గీయ కోలా భాస్కర్ తనయుడు కోలా బాలకృష్ణ హీరోగా తెరకెక్కుతున్న చిత్రం ‘నేనెవరు’. సాక్షి చౌదరి హీరోయిన్ కాగా.. తనిష్క్ రాజన్, గీత్ షా, బాహుబలి ప్రభాకర్ ఇతర ముఖ్య పాత్రలు పోషించారు. పల్నాటి దర్శకత్వం వహిస్తున్న ఈ లవ్ & సస్పెన్స్ థ్రిల్లర్ చిత్రాన్ని కౌశల్ క్రియేషన్స్ పతాకంపై భీమినేని శివప్రసాద్-తన్నీరు రాంబాబు సంయుక్తంగా నిర్మిస్తున్నారు. అన్ని కార్యక్రమాలు పూర్తి చేసుకున్న  ఈ చిత్రాన్ని డిసెంబర్ 2న ప్రేక్షకుల ముందుకు వచ్చేందుకు సన్నాహాలు చేస్తున్నారు. ఇటీవల విడుదలైన టీజర్ కు మంచి స్పందన లభిస్తుండగా... తాజాగా ఈ చిత్రం ట్రైలర్ విడుదల చేశారు. లవ్ - సస్పెన్స్ అండ్ క్రైమ్ థ్రిల్లర్ గా రూపొందిన ఈ చిత్రం కచ్చితంగా ప్రేక్షకులకు సరికొత్త అనుభూతిని పంచుతుందని దర్శకుడు నిర్ణయ్ పల్నాటి తెలిపారు. హీరో కోలా బాలకృష్ణ, దర్శకుడు నిర్ణయ్, సంగీత దర్శకుడు ఆర్.జి.సారథిలకు చాలా మంచి పేరు తెస్తుందని నిర్మాతలు భీమినేని శివప్రసాద్ - తన్నీరు రాంబాబు పేర్కొన్నారు.