తమిళసినిమా:  నటి నిక్కీగల్రాణి తనకు చెల్లెలు లాంటిదని అన్నారు నటుడిగా రంగప్రవేశం చేస్తున్న సంచలన క్రికెట్‌ కీడాకారుడు శ్రీశాంత్‌. ఈయన హీరోగా నటిస్తున్న తొలి చిత్రం టీమ్‌ 5. తమిళం, తెలుగు, హిందీ భాషల్లో తెరకెక్కుతున్న ఈ చిత్రాన్ని రెడ్‌ కార్పెట్‌ ఫిలింస్‌ పతాకంపై రాజ్‌ జక్కారియాజ్‌ నిర్మిస్తున్నారు.
 
 సురేశ్‌ గోవింద్‌ దర్శకత్వం వహిస్తున్న ఈ చిత్రంలో శ్రీశాంత్‌కు జంటగా నటి నిక్కీగల్రాణి నటిస్తున్నారు. ముఖ్య పాత్రలో మరాఠి నటుడు దేశ్‌పాండే నటిస్తున్న ఈ చిత్రానికి గోపీసుందర్‌ సంగీతాన్ని, సైజిత్‌ ఛాయాగ్రహణం అందిస్తున్నారు.చిత్రం గురించి కథానాయకుడిగా పరిచయం అవుతున్న శ్రీశాంత్‌ తెలుపుతూ ఈ చిత్రంలో తాను బైక్‌ రేసర్‌గా నటిస్తున్నానని తెలిపారు.అందుకోసం ప్రత్యేక శిక్షణ పొందానని చెప్పారు.
 
 తనకిది తొలి చిత్రం అని, నటి నిక్కీగల్రాణి 25 చిత్రాలకు పైగా నటించారని అందువల్ల నటనలో ఆమె తనకు చాలా నేర్పించారని చెప్పారు. నిక్కీగల్రాణి తనకు చెల్లెలు లాంటిదని అన్నారు. తను చిన్నతనం నుంచి తనకు తెలుసన్నారు.తన కుటుంబంలో అమ్మ, నాన్న, చెల్లెలు, అన్నయ్య అందరూ సినిమాకు చెందిన వారేనని తెలిపారు. తాను మాత్రమే క్రికెట్‌ రంగంలోకి వెళ్లానని, ఇప్పుడు మళ్లీ సినిమారంగంలోకి వచ్చానని అన్నారు.తనకు సినిమా, క్రికెట్‌ రెండూ ఇష్టమేనన్నారు. త్వరలోనే భారత క్రికెట్‌ జట్టుతో కలిసి క్రికెట్‌ ఆడనున్నట్లు చెప్పారు.తాను రజనీకాంత్, కమలహాసన్‌లను చూసి పెరిగిన వాడినని అన్నారు. విజయ్, అజిత్‌లతో కలిసి నటిస్తారా అని అడుగుతున్నారని, వారితో ఒక్క సన్నివేశంలో నటించడానికైనా సిద్ధమేనని శ్రీశాంత్‌ అన్నారు.


 ఇండియన్‌ మాజీ క్రికెటర్‌ శ్రీశాంత్‌ హీరోగా సురేష్‌ గోవింద్‌ తెరకెక్కిం చిన చిత్రం ‘టీమ్‌ 5’. నిక్కీ గర్లాని కథనాయిక. రాజ్‌ జకారియస్‌ నిర్మించిన ఈ చిత్రానికి గోపీ సుందర్‌ సంగీత దర్శకుడు. తెలుగు, తమిళ, మలయాళ భాషల్లో ఈ నెల 21న సినిమాను విడుదల చేయాలనుకుంటున్నారు.
 
 ఈ సినిమా ట్రైలర్‌ను  నిర్మాతలు దాము, రాజ్‌ కందుకూరి లాంచ్‌ చేశారు. పాటలు ‘మధుర’ ఆడియో ద్వారా మార్కెట్‌లోకి విడుదలయ్యాయి. రాజ్‌ జకారియస్‌ మాట్లాడుతూ– ‘‘ఐదుగురు స్నేహితులు, బైక్‌ రేసింగ్‌ పై నడిచే కథ ఇది. శ్రీశాంత్‌ యాక్టింగ్, డ్యాన్స్‌ సూపర్‌గా చేశారు’’ అన్నారు. ‘‘క్రికెటర్‌గా నన్ను అభిమానించినవారు, యాక్టర్‌గా కూడా ఆదరించాలని కోరుకుంటున్నాను. ఈ సినిమా ప్రేక్షకులకు మంచి సందేశం ఇస్తుంది’’ అన్నారు శ్రీశాంత్‌. ఈ చిత్రానికి సహ నిర్మాత: అన్సార్‌ రషీద్‌.


 ► నాని
 దర్శకరత్న దాసరి నారాయణరావుగారు ఈ రోజు మన మధ్య లేరు. సినిమా అన్నది హీరోది కాకుండా దర్శకుడిది కావాలన్నది ఆయన కల. ప్రస్తుత హీరోలందరూ ఆయన కలలో భాగమైతే ఆ కల నిజమైనట్లే’’ అని హీరో నాని అన్నారు. ఆది పినిశెట్టి, నిక్కీ గర్లాని జంటగా ఏఆర్‌కే శరవణన్‌ దర్శకత్వంలో రిషి మీడియా, శ్రీ చక్ర ఇన్నోవేషన్స్‌ నిర్మించిన సినిమా ‘మరకతమణి’. దిబు నైనన్‌ థామస్‌ స్వర పరచిన ఈ సినిమా పాటలను నాని విడుదల చేశారు. దర్శకుడు, హీరో ఆది తండ్రి రవిరాజా పినిశెట్టి మాట్లాడుతూ –  ‘‘ఈతరం హీరోలను చూస్తే అసూయగా ఉంటుంది.
 
 అందరూ భేషజాలు లేకుండా కలిసిపోతున్నారు. త్వరలో ఆదికి పెళ్లి చేయాలనుకుంటున్నాం’’ అన్నారు.  ‘‘ఈ చిత్రంలో కథే హీరో. ఇప్పటి వరకు నేను సీరియస్‌ పాత్రలే చేశా. తొలిసారి చేస్తున్న కామెడీ చిత్రమిది’’ అన్నారు ఆది. శరవణన్‌ మాట్లాడుతూ – ‘‘ఇండియన్‌ సినిమా అంటే బాలీవుడ్‌ అనుకునేవారికి టాలీవుడ్‌ ఇంకా పెద్ద ఇండస్ట్రీ అని నిరూపించిన ‘బాహుబలి’కి హ్యాట్సాఫ్‌. యూనివర్సల్‌ పాయింట్‌తో తెరకెక్కిన ‘మరకతమణి’ను తెలుగులోనూ చేద్దామని ఆది ముందు నుంచే ఎంకరేజ్‌ చేశారు’’ అన్నారు. హీరో ‘అల్లరి’ నరేష్, దర్శకులు కిషోర్‌ తిరుమల, కళ్యాణ్‌కృష్ణ, సంకల్ప్, రవికాంత్‌ పేరెపు, నటుడు తనికెళ్ళ భరణి, రచయిత కోన వెంకట్‌ తదితరులు పాల్గొన్నారు.