చైనా స్మార్ట్ ఫోన్ కంపెనీ వన్ ప్లస్ తన నూతన స్మార్ట్ ఫోన్ వన్ ప్లస్ 5ను ఈ సమ్మర్ లోనే తీసుకురాబోతుంది. ఈ విషయంపై కంపెనీ ఇప్పటికే స్పష్టతనిచ్చేసింది. ఈ ఫోన్ పై క్లారిటీ ఇచ్చిన వన్ ప్లస్, మరో బ్యాడ్ న్యూస్ కూడా తన బ్లాగ్ లో పేర్కొంది. మార్కెట్లో విశేష ఆదరణ కలిగిన వన్ ప్లస్ 3టీ  స్మార్ట్ ఫోన్ల  ఉత్పత్తిని ఆపివేయనున్నట్టు ప్రకటించింది. ఈ ఏడాది చివరి వరకే వన్ ప్లస్ 3టీ స్మార్ట్ ఫోన్ భారత్ లో అమ్మకానికి ఉంటుందని  కంపెనీ తెలిపింది. 64జీబీ, 128జీబీ వేరియంట్లలో ఇది మార్కెట్లో లభ్యమవుతోంది. మార్కెట్లో ఉన్న వన్ ప్లస్3, వన్ ప్లస్ 3టీ స్మార్ట్ ఫోన్లకు సాఫ్ట్ వేర్ అప్ డేట్ల సపోర్టును తీసుకొస్తుంటామని కంపెనీ చెప్పింది. కానీ ఎప్పడివరకూ ఈ సపోర్టు తీసుకొస్తుందో పేర్కొనలేదు.
  
 బ్లాగ్ పోస్టులో కంపెనీ పేర్కొన్న వివరాలు..''స్టాక్ అయిపోయే లోపలే వన్ ప్లస్ 3టీ కొనుగోలు చేయడండి. కంపెనీ వేర్ హౌజ్ లో ఇంకా కొన్ని యూనిట్లు మాత్రమే మిగిలిఉన్నాయి. ఇక ఈ ఫోన్లను తయారు చేయదలుచుకోలేదు '' అని స్పష్టంగా పేర్కొంది. వన్ ప్లస్ 3టీ  ఎక్కువగా విజయవంతమైన స్మార్ట్ ఫోన్లలో ఒకటి. ప్రపంచంలో బెస్ట్ స్మార్ట్ ఫోన్లలో కూడా దీనికి మంచి ర్యాంక్ ఉంది. 128జీబీ స్టోరేజ్ కలిగిన వన్ ప్లస్ 3టీ గన్ మెటల్ కలర్ ఆప్షన్ స్మార్ట్ ఫోన్ ను కంపెనీ అధికారిక వెబ్ సైట్ లో ఇప్పటికే లిస్టు చేయడం ఆపివేసింది.
  
 అమెజాన్ ఇండియాలో వన్ ప్లస్ 3 ఫోన్ 1000 రూపాయల ధర తగ్గింపుతో రూ.26,999 వద్ద అందుబాటులో ఉంది. 64జీబీ వెర్షన్ లో కేవలం సాఫ్ట్ గోల్డ్ వెర్షన్ స్టాక్ మాత్రమే ఉంది. వన్ ప్లస్ 3టీ స్మార్ట్ ఫోన్ కూడా 64జీబీ వెర్షన్ లో గన్ మెటల్ గ్రే, సాఫ్ట్ గోల్డ్ వెర్షన్లలోనే అందుబాటులో ఉన్నాయి. బ్లాక్ కలర్ ఆప్షన్ ఇప్పటికే అవుట్ ఆఫ్ స్టాక్. 


 మొబైల్స్ త‌యారీదారు వ‌న్‌ ప్లస్  త‌న నూత‌న స్మార్ట్‌ఫోన్ ....6 జీబీ ర్యామ్, 64 జీబీ మెమెరీ, డ్యాష్ చార్జింగ్ తో వన్ ప్లస్ 3 వచ్చేసింది. ప్రముఖ స్మార్ట్ ఫోన్ల తయారీ కంపెనీ వన్ ప్లస్, తన తర్వాతి తరం స్మార్ట్ ఫోన్ ను భారత మార్కెట్లోకి మంగళవారం అర్థరాత్రి ఆవిష్కరించింది. దీని ధర రూ.27,999గా ఉన్నట్టు కంపెనీ పేర్కొంది. ఈ ఫోన్ కోసం వినియోగదారులు వేచి చూడకుండా నేటి నుంచే ప్రముఖ ఈ-కామర్స్ పోర్టల్ అమెజాన్ ఇండియాలో ఎక్స్ క్లూజివ్ గా అందుబాటులో ఉంచుతున్నట్టు కంపెనీ తెలిపింది. ప్రస్తుతం గ్రాఫిక్ కలర్ వేరియంట్ లో ఈ ఫోన్ అందుబాటులోకి వస్తుందని, కొద్దికాలం అనంతరం సాప్ట్ గోల్డ్ వేరియంట్ ను మార్కెట్లోకి వస్తుందని చెప్పింది.
  
 వన్ ప్లస్ 3 ఫీచర్లు...
 క్వాల్ కామ్ స్నాప్ డ్రాగన్ 820 ఎస్ఓసీ
 6జీబీ ర్యామ్
 64జీబీ ఇన్ బిల్ట్ స్టోరేజ్
 ఆండ్రాయిడ్ 6.0.1 మార్ష్ మాలో
 డ్యూయల్ సిమ్ స్మార్ట్ ఫోన్(నానో సిమ్ కార్డులు)
 5.5 అంగుళాల డిస్ ప్లే అండ్ ఫుల్ హెచ్డీ రెసుల్యూషన్
 ఆప్టిక్ అమోలెడ్ డిస్ ప్లే విత్ గోరిల్లా గ్లాస్ ప్రొటెక్షన్
 ఫింగర్ ప్రింట్ సెన్సార్
 16 ఎంపీ వెనుక కెమెరా(సోనీ ఐఎమ్ఎక్స్ 298)
 8 ఎంపీ ముందు కెమెరా
 4జీ ఎల్టీఈ సపోర్ట్
 3,000 ఎంఏహెచ్ లిథియం పోలిమర్ బ్యాటరీ