తమిళసినిమా: మరో హర్రర్‌ కథా చిత్రంలో నటించడానికి నటి నయనతార రెడీ అవుతున్నారా? అవుననే టాక్‌ వినిపిస్తోంది. ఈ తారను లేడీ ఓరియెంటెడ్‌ కథా చిత్రాల నాయకిగా మార్చిన చిత్రం మాయ. ఇది హర్రర్‌తో కూడిన మిస్టరీ కథా చిత్రం. సంచలన విజయం సాధించిన ఈ చిత్రం తరువాత నయనతార రేంజే మారిపోయిందని చెప్పాలి. అయితే ఆ తరువాత నటించిన డోర చిత్రం నిరాశపరచినా, నయనతార కెరీర్‌కు పెద్దగా ఎఫెక్ట్‌ కాలేదు. ఇక ఈ మధ్య నటించిన అరమ్‌ చిత్రం నయనతారకు లేడీ సూపర్‌స్టార్‌ స్థాయినే తెచ్చిపెట్టింది. దీంతో  కోలీవుడ్‌లో నయనతారకు ఆ తరహా లేడీ ఓరియెంటెడ్‌ కథా చిత్రాలు వరుస కడుతున్నాయి. ఇప్పటికే కొలమావు కోకిల, కొలైయుధీర్‌ కాలం,  అరివళగన్‌ దర్శకత్వంలో చిత్రం అంటూ నటిస్తున్న నయనతార తాజాగా మరో హర్రర్‌ మిస్టరీ కథా చిత్రంలో నటించడానికి రెడీ అవుతున్నారని తెలిసింది. బాలీవుడ్‌లో సంచలన నటి అనుష్కశర్మ కథానాయకిగా నటించి సొంతంగా నిర్మించిన పరి అనే హర్రర్‌ కథా చిత్రం ఇటీవల తెరపైకి వచ్చి సక్సెస్‌ఫుల్‌గా ప్రదర్శింపబడుతోంది. దీనికి  ప్రాజిట్‌రాయ్‌ దర్శకుడు. ఆయనిప్పుడు పరి చిత్రాన్ని తమిళంలో రీమేక్‌ చేయడానికి సన్నాహాలు చేస్తున్నారని, ఇందులో నయనతారను అనుష్కశర్మ పాత్రలో నటింపజేసే పనిలో ఉన్నట్లు సమాచారం.  ఇదే విధంగా ఇప్పటికే  హిందీలో మంచి విజయాన్ని సాధించిన తుమ్హారి సులు చిత్రం తమిళంలో రీమేక్‌ కానున్న విషయం తెలిసిందే. హిందీలో నటి విద్యాబాలన్‌ పోషించిన పాత్రలో జ్యోతిక నటించడానికి రెడీ అవుతున్నారు. దీనికి రాధామోహన్‌ దర్శకత్వం వహిస్తున్నారు. ఇలా మన కథానాయికలు హిందీ చిత్రాల రీమేక్‌లపై ఆసక్తి చూపుతున్నారని చెప్పవచ్చు.

నటిగానే కాదు నిర్మాతగాను విజయవంతంగా దూసుకుపోతుంది బాలీవుడ్‌ ముద్దుగుమ్మ అనుష్క శర్మ. నిర్మాతగాను వైవిధ్యమైన కథలనే ఎన్నుకుంటుంది. ఈ బ్యూటీ నిర్మించిన మూడు చిత్రాలలో 'ఎన్‌హెచ్‌10' రోడ్‌ థ్రిల్లర్‌ కాగా, 'పిలౌరి' ఆత్మల నేపధ్యంలో సాగే కథాంశం. ఈ మధ్యే విడుదలయిన 'పారి' హర్రర్‌ చిత్రం. ఈ చిత్ర నిర్మాత, కథానాయకి కూడా అనుష్కే. దెయ్యం పట్టిన స్త్రీగా ఈ చిత్రంలో అనుష్క నటన విమర్శకుల ప్రశంసలు అందుకుంది. బాక్సాఫీస్‌ దగ్గర మంచి వసూళ్లు సాధించిన ఈ చిత్రాన్ని ప్రస్తుతం తమిళంలో రిమేక్‌ చేయనున్నట్లు వార్తలు వినిపిస్తున్నాయి. హర్రర్‌ కథలకు ఎప్పుడు మంచి డిమాండే ఉంటుంది. కాబట్టి సహజంగానే 'పారి' చిత్రం తమిళ నిర్మాతలను ఆకర్షిస్తోంది. 'పారి' చిత్రం హక్కుల కోసం పెద్దమొత్తంలో చెల్లించేందుకు సిద్ధంగా ఉన్నట్లు, అన్నికుదిరి ఒప్పందం ఫైనల్‌ కాగానే పూర్తి వివరాలు వెల్లడించనున్నట్లు సమాచారం.

ముంబై: భారత క్రికెట్‌ జట్టు కెప్టెన్‌ విరాట్‌ కోహ్లి.. భార్య అనుష్క శర్మను చూసి భయపడ్డాడట. ఇటీవలే అనుష్కను వివాహమాడిన కోహ్లి.. అప్పుడే ఆమెను చూసి భయపడటం ఏమిటా అనుకుంటున్నారా. ఇది రియల్‌ లైఫ్‌లో కాదులెండీ.. రీల్‌ లైఫ్‌లో.  అనుష్క శర్మ నటించిన తాజా చిత్రం పరీలో ఆమె హారర్‌ నటనను చూసి కోహ్లి జడుచుకున్నాడట. ఈ విషయాన్ని కుటుంబ సభ్యులతో కలిసి సినిమా వీక్షించిన తర్వాత కోహ్లి ట్విట్టర్‌లో పంచుకున్నాడు.' అనుష్క సినిమా పరీ చూశా. గతంలో ఎప్పుడూ చూడని నా భార్య యాక్షన్‌ను ఈ సినిమాలో చూశా. ఇది కచ్చితంగా ఆమెకు అత్యుత్తమ సినిమానే. నేను చూసిన సినిమాల్లో ఇదొక బెస్ట్‌ సినిమా. కాకపోతే ఆ సినిమాలో అనుష్క నటను చూసి భయపడ్డా. హారర్‌ సన్నివేశాల్లో అనుష్క విపరీతంగా భయపెట్టింది' అని కోహ్లి పేర్కొన్నాడు. గురువారం(మార్చి 2) నాడు పరీ సినిమా విడుదలైన సంగతి తెలిసిందే. Watched #Pari last night, has to be my Wife's best work ever! 🤩 One of the best films I've seen in a long time. Got quite scared but so very proud of you @AnushkaSharma️ — Virat Kohli (@imVkohli) 2 March 2018

సాక్షి, న్యూఢిల్లీ : తొలిసారిగా ప్రేక్షకులను భయపెట్టేందుకు వచ్చిన బాలీవుడ్‌ ప్రముఖ నటి అనుష్క శర్మ చిత్రానికి బ్రేక్‌ పడింది. ఆమె సినిమాను తమ దేశంలో విడుదల కానివ్వబోమంటూ పాకిస్థాన్‌ సెన్సార్‌ బోర్డు స్పష్టం చేసింది. ఈ చిత్రం తమ ముస్లింల మనోభావాలకు విరుద్ధంగా ఉందని, అనుష్క శర్మ చిత్రంలో చేతబడి, మంత్రశక్తులు వంటివాటిని ప్రమోట్‌ చేసేదిగా ఉందంటూ పాక్‌లో ఆమె సినిమాపై నిషేధం విధించారు. 'పరి కథ, మాటలు, కథా వరుస మొత్తం కూడా ఇస్లామిక్‌ విలువలకు వ్యతిరేకంగా ఉన్నాయి. ఈ చిత్రం కాన్సెప్ట్‌ మాకు సరిపడదు. ఈ సినిమా చూసేవారంతా కూడా బ్లాక్‌ మ్యాజిక్‌కు దగ్గరయ్యే ప్రమాదం ఉంది. మా మతానికి విరుద్ధంగా సిద్ధాంతాలను, భావజాలాన్ని ప్రమోట్‌ చేసేలా పరి చిత్రం ఉంది. అందుకే ఈ సినిమాను మా దేశంలో విడుదల కానివ్వబోము' అని పాక్‌ సెంట్రల్‌ బోర్డు ఆఫ్‌ ఫిల్మ్‌ సెన్సార్స్‌ తెలియజేసింది. ఇదే విషయాన్ని పాక్‌ చిత్రాల డిస్టిబ్యూటర్ల సంఘం కూడా సమర్థించింది. ఆ సంఘ చైర్మన్‌ చౌదరీ ఎజాజ్‌ కమ్రాన్‌ మాట్లాడుతూ 'ఇస్లామిక్‌ చరిత్ర, సంస్కృతికి విరుద్ధంగా ఉన్నా ఏ చిత్రాన్నయినా పాక్‌లో బ్యాన్‌ చేయాల్సిందే' అని చెప్పారు.

సాక్షి, ముంబయి : అనుష్క శర్మ ప్రధాన పాత్రలో తెరకెక్కుతున్న హర్రర్ చిత్రం ‘పరి’.. ఇప్పటికే ఈ సినిమా ట్రైలర్ విడుదలై సంచలనం సృష్టిస్తుండగా చిత్ర యూనిట్‌, అనుష్క శర్మలు కలిసి వరుసగా స్రీమర్ల పేరుతో చిత్రంలోని భయానక సన్నివేశాలు విడుదల చేస్తున్నారు. ఇందులో అనుష్క శర్మను చూస్తే కచ్చితంగా భయపడతారు. ఇప్పటి వరకు ఆరు స్క్రీమర్లను విడుదల చేసిన చిత్ర యూనిట్‌ సినిమా విడుదలకు ఒక్క రోజు ముందు మరో స్క్రీమర్‌(7వది)ను విడుదల చేశారు. ఇప్పటి వరకు విడుదల చేసిన చిన్నచిన్న సీన్‌లలో ఒక్కోసారి అమాయకంగా కనిపిస్తూనే.. అనూహ్యంగా భయానక రూపంతో ప్రేక్షకులను ఉలిక్కిపడేలా చేసింది. అయితే, తాజాగా విడుదల చేసిన స్క్రీమర్‌లో మాత్రం నిండుగర్బిణీగా ఉన్న అనుష్కశర్మను చూపించారు. అయితే, చిమ్మచీకటిలో రక్తపు వర్ణం కలిగిన నీరు ఉన్న బాత్‌ డబ్‌లో ఆమెను గొలుసులతో కట్టేసి ఉండగా అనూహ్యంగా తెరపై దెయ్యపు నీడ దర్శనం ఇస్తుంది. ఆ తర్వాత ఆమె గర్బాన్ని దెయ్యం పిల్ల చీల్చుకొని బయటకు వచ్చేందుకు ప్రయత్నిస్తున్నట్లు చూపించారు. అత్యంత భయానకంగా ఈ సీన్‌ ముగిసే సమయానికి దెయ్యం రేపే విడుదలవుతోంది అంటూ ముగించారు. బెంగాలీ దర్శకుడు ప్రొసిత్ రాయ్ దర్వకత్వంలో రూపొందిన ఈ చిత్రం మార్చి 2న విడుదల కానుంది. ఈ సినిమాను ఒక్కరే చూస్తే మాత్రం మరుసటి రోజు పగటి పూట కూడా ఆమె భయానక రూపాలు వెంటపడతాయేమో అన్నట్లుగా ప్రచార చిత్రాలు ఉన్నాయి.

మంగళవారం... నైట్‌ పదిన్నర టైమ్‌లో స్వీట్‌ డ్రీమ్స్‌ అంటూ బాలీవుడ్‌ హీరోయిన్‌ అనుష్కా శర్మ ఓ 18 సెకన్ల  వీడియోను సోషల్‌ మీడియాలో పోస్ట్‌ చేశారు. కొత్త పెళ్లికూతురు.. అది కూడా నైట్‌ టైమ్‌లో స్వీట్‌ డ్రీమ్స్‌ అంటూ క్యాప్షన్‌ ఇచ్చారు. అందుకని ఇదేదో రొమాంటిక్‌ వీడియో అయ్యింటుందని ఊహిస్తే పొరపాటే. ఎందుకంటే ఆమె పోస్ట్‌ చేసింది తన అప్‌కమింగ్‌ మూవీ ‘పరీ’కి సంబంధించిన వీడియో. ‘వామ్మో ఏంటిది?’ అంటున్నారు ఆ వీడియో చూసిన ప్రేక్షకులు. ఎందుకంటే అంతలా భయపెట్టారామె. ఇప్పుడామె ఈ  వీడియోను పోస్ట్‌ చేయడానికి ఓ రీజన్‌ ఉందండోయ్‌. అదేంటంటే ఈ సినిమా రిలీజ్‌ డేట్‌ను చేంజ్‌ చేశారు. ప్రోసిత్‌ రాయ్‌ దర్శకత్వంలో అనుష్కా శర్మ, పరమ్‌భట్‌ ఛటర్జీ ముఖ్య తారలుగా రూపొందుతున్న హారర్‌ చిత్రం ‘పరీ’. ‘నాట్‌ ఏ ఫెయిరీ టేల్‌’ అనేది ఉపశీర్షిక. అంటే.. అద్భుతమైన కథ ఏం కాదు అని అర్థం. ఈ సినిమాను తొలుత ఫిబ్రవరి 9న రిలీజ్‌ చేయాలనుకున్నారు. కానీ హోలీ సందర్భంగా సినిమాను మార్చి 2న విడుదల చేయనున్నట్లు చిత్రబృందం ప్రకటించింది. అయితే... ఇదే రోజున విశాల్‌ పాండ్య దర్శకత్వంలో ఊర్వశి రౌతేలా లీడ్‌ రోల్‌ చేసిన ‘హేట్‌ స్టోరీ 4’, తరుష్‌ మనుష్కాని దర్శకత్వంలో సుశాంత్‌సింగ్‌ రాజ్‌పుత్, జాక్వెలిన్‌ ఫెర్నాండెజ్, విక్రమ్‌ జిత్, సప్నా పబ్బి ముఖ్య తారలుగా రూపొందుతున్న ‘డ్రైవ్‌’ సినిమా కూడా విడుదలకు సిద్ధమవుతున్నాయి. మరి ఈ మూడు సినిమాలూ హోలీకి ట్రిపుల్‌ ధమాకా ఇస్తాయా? లేక ఏదైనా వాయిదా పడుతుందా? అనేది చూడాలి. ఎందుకంటే,  రీసెంట్‌గా చాలా హిందీ చిత్రాలు ఎనౌన్స్‌ చేసిన రిలీజ్‌ డేట్స్‌ను చేంజ్‌ చేసుకుంటున్నాయి. భాగీ 2, సంజయ్‌దత్‌ బయోపిక్, పద్మావత్, ప్యాడ్‌మ్యాన్, అయ్యారే సినిమాలు ముందు ప్రకటించిన రిలీజ్‌ డేట్స్‌ను మార్చుకున్న క్లబ్‌లోనే ఉన్నాయి. లేటెæస్ట్‌గా ఈ లిస్ట్‌లోకి ‘పరి’ చేరింది. 


 ముంబయి: బాలీవుడ్‌ నటి అనుష్క శర్మ ప్రధాన పాత్రలో నటిస్తున్న మూవీ ‘పారి’. ఈ మూవీని అనుష్క తన సొంత నిర్మాణ సంస్థలో తెరకెక్కిస్తున్నారు. అయితే మూవీ షూటింగ్ లో అపశృతి చోటుచేసుకుంది. మంగళవారం కరెంట్ షాక్ తో టెక్నీషియన్ ఎస్‌హెచ్ శాహబే అలాం మృతిచెందడంతో మూవీ యూనిట్ సంతాపం ప్రకటించారు. అతడు లైటింగ్ డిపార్ట్ మెంట్ లో భాగంగా పనిచేస్తున్నారు.
  
 ‘ప్రోసిట్‌ రాయ్‌ ఈ చిత్రంతో దర్శకుడిగా పరిచయం కాబోతున్న ఈ మూవీ షూటింగ్ మంగళవారం జరగుతుండగా దురదృష్టవశాత్తూ ఈ ఘటన జరిగింది. కరెంట్ షాక్ వల్ల లైటింగ్‌ డిపార్ట్‌మెంట్‌కు చెందిన మా సిబ్బంది శాహబేను కోల్పోయాం. వెంటనే చికిత్స అందించినా సహచరుడిని కాపాడుకోలేకపోయాం. కష్ట కాలంలో మూవీ యూనిట్, మేము బాధితుడి కుటుంబానికి అండగా ఉంటామని’  క్లీన్ స్టేట్ ఫిల్మ్స్ కో ఓనర్ కర్ణేశ్ శర్మ బుధవారం ఓ ప్రకటనలో పేర్కొన్నారు.


 బాలీవుడ్ బ్యూటీ అనుష్క శర్మ కొత్త సినిమా షూటింగ్ ఈ రోజు ప్రారంభమవుతోంది. పారి పేరుతో తెరకెక్కుతున్న ఈ సినిమాతో ప్రోసిత్ రాయ్ దర్శకుడిగా పరిచయం అవుతున్నాడు. ముంబై, కోల్కతాలలో షూటింగ్ను ప్లాన్ చేస్తున్నారు. సాధారణంగా పారి అంటూ డిస్నీ వారి కార్టూన్ క్యారెక్టర్ గుర్తుకు వస్తుంది. పెద్ద కళ్లు, చుట్టూ మెరుపులతో ఉంటే యువరాణి పారి. కానీ అనుష్క శర్మ పారి మాత్రం పూర్తి భిన్నంగా ఉంది.
 
 భయానకంగా ఉన్న అనుష్క లుక్స్ పై ప్రశంసలు జల్లు కురుస్తోంది. తాను స్వయంగా నిర్మాణ భాగస్వామిగా వ్యవహరిస్తున్న ఈ సినిమాలో మరోసారి చాలెంజింగ్ రోల్లో అలరించనుంది అనుష్క. ఇప్పటికే ఎన్హెచ్ 10, ఫిల్లౌరి లాంటి విభిన్న చిత్రాలతో నిర్మాతగానూ ఆకట్టుకున్న అనుష్క శర్మ, మరో డిఫరెంట్ సినిమాతో ఆడియన్స్ ముందుకు వస్తోంది.
  
 
 Pari...First Look @OfficialCSFilms @kriarj @paramspeak #PariFirstLook pic.twitter.com/GvO6YfjIjz
 — Anushka Sharma (@AnushkaSharma) 13 June 2017