రాంచీ: కోల్‌ ఇండియా లిమిటెడ్‌ (సీఐఎల్‌) చైర్మన్, మేనేజింగ్‌ డైరెక్టర్‌ (సీఎండీ) బాధ్యతలకు తెలుగు వ్యక్తి పోలవరపు మల్లికార్జున ప్రసాద్‌ ఎంపికయ్యారు. ప్రభుత్వ రంగ సంస్థల ఎంపిక వ్యవహారాల బోర్డ్‌ (పీఈఎస్‌బీ) ఏడుగురు అధికారులను ఇంటర్వ్యూ చేసి పీఎం ప్రసాద్‌ పేరును సిఫారసు చేసింది.  ఎఫ్‌ఎస్‌ఐబీ సిఫారసుకు ప్రధాని అధ్యక్షతన గల కేబినెట్‌ అపాయింట్‌మెంట్స్‌ కమిటీ ఆమోదముద్ర వేయాల్సి ఉంటుంది. ప్రసాద్‌ ప్రస్తుతం రాంచీ కేంద్రంగా పనిచేస్తున్న కోల్‌ ఇండియా అనుబంధ సంస్థ సెంట్రల్‌ కోల్‌ఫీల్డ్స్‌ లిమిటెడ్‌ (సీసీఎల్‌) సీఎండీగా పనిచేస్తున్నారు. 2019లో ఆయన భారత్‌ కోకింగ్‌ కోల్‌ (బీసీసీఎల్‌) సీఎండీగా కూడా ఎంపికయ్యారు. ఉస్మానియా విశ్వవిద్యాలయం నుండి బీఈ మైనింగ్‌లో గ్రాడ్యుయేటింగ్‌ తదుపరి 1984లో ఆయన సీఐఎల్‌లో తన కెరీర్‌ను ప్రారంభించారు. అటు తర్వాత అంచెలంచెలుగా విభిన్న హోదాల్లో పనిచేస్తూ,  కోల్‌ ఫీల్డ్స్‌లోని వివిధ రంగాల్లో అపార అనుభవాన్ని గడించారు.   


 న్యూఢిల్లీ: కొత్తగా ఎన్నికైన రాష్ట్రపతి రామ్‌నాథ్‌ కోవింద్‌కు కేంద్రం కొత్తగా సహాయక సిబ్బందిని నియమించింది. ఇందులో భాగంగా రాష్ట్రపతి కార్యదర్శిగా పబ్లిక్‌ ఎంటర్‌ప్రైజెస్‌ సెలెక్షన్‌ బోర్డు (పీఈఎస్‌బీ) చైర్మన్‌ సంజయ్‌ కొఠారీని, ప్రెస్‌ కార్యదర్శిగా సీనియర్‌ పాత్రికేయుడు అశోక్‌ మాలిక్‌ను కేంద్రం నియమించింది.
 
 గుజరాత్‌ కేడర్‌కు చెందిన సీనియర్‌ అటవీ శాఖ అధికారి భరత్‌ లాల్‌ను సంయుక్త కార్యదర్శిగాను నియమించింది. ఈమేరకు కేంద్ర వ్యక్తిగత సిబ్బంది, శిక్షణ విభాగం శనివారం నియామక ఉత్తర్వులు జారీ చేసింది. వీరి నియామకాన్ని ప్రధాని అధ్యక్షతన ఉండే కేబినెట్‌ నియామక కమిటీ కూడా వెంటనే ఆమోదించింది. కొత్తగా నియమితులైన వీరు రెండేళ్లపాటు ఈ పదవుల్లో కొనసాగనున్నారు.
  


 న్యూఢిల్లీ: సెయిల్ కొత్త చైర్మన్‌గా పీకే సింగ్ ఎంపికయ్యారు. దుర్గాపూర్ స్టీల్ ప్లాంట్ సీఈవోగా ఉన్న పీకే సింగ్‌ను పబ్లిక్ ఎంటర్‌ప్రైజెస్ సెలెక్షన్ బోర్డు (పీఈఎస్‌బీ) స్టీల్ అథారిటీ ఆఫ్ ఇండియా (సెయిల్) చైర్మన్‌గా ఎంపిక చేసింది. ఈయన దుర్గాపూర్ స్టీల్ ప్లాంట్ సీఈవోగా 2012లో పగ్గాలు చేపట్టారు. పీకే సింగ్ ఐఐటీ-రూర్కీ పూర్వ విద్యార్థి.  గతంలో సెయిల్ చైర్మన్‌గా సీ.ఎస్. వర్మ ఉండేవారు. జూన్ నెలలో ఆయన పదవీ కాలం ముగియడంతో ఆ బాధ్యతలను కొత్త చైర్మన్ నియామకం జరిగేంత వరకు స్టీల్ మంత్రిత్వ శాఖ కార్యదర్శి రాకేశ్ సింగ్ పర్యవే క్షించారు.