► నీతోనే డ్యాన్స్‌ అంటూ పొట్టి గౌన్‌లో రచ్చ చేస్తున్న శ్రీముఖి ► డిస్నీ ల్యాండ్‌లో ఎంజాయ్‌ చేస్తున్న హన్సిక మోత్వానీ ► ఫుల్‌ వర్షంలో  సూపర్బ్‌ ఫోటోలను షేర్‌ చేసిన కృతి శెట్టి ► జిమ్‌లో వర్కౌట్స్‌ సెల్ఫీలతో  అన్వేషి జైన్‌ ► కలర్‌ఫుల్‌ డ్రెస్‌ మెరిసిపోతున్న జాన్వీ క‌పూర్ ► అదిరిపోయే ఫోజులతో అందరి మనసుదోచే ఫోటోలు షేర్‌ చేసిన సోనాలి బింద్రే View this post on Instagram A post shared by Sonali Bendre (@iamsonalibendre) View this post on Instagram A post shared by Janhvi Kapoor (@janhvikapoor) View this post on Instagram A post shared by Anveshi Jain (@anveshi25) View this post on Instagram A post shared by Krithi Shetty (@krithi.shetty_official) View this post on Instagram A post shared by Nikki Tamboli (@nikki_tamboli) View this post on Instagram A post shared by Avika Gor (@avikagor) View this post on Instagram A post shared by Hansika Motwani (@ihansika) View this post on Instagram A post shared by sitara 🍓 (@sitaraghattamaneni) View this post on Instagram A post shared by Sanjay Dutt (@duttsanjay) View this post on Instagram A post shared by Dimple Hayathi (@dimplehayathi) View this post on Instagram A post shared by Sreemukhi (@sreemukhi) View this post on Instagram A post shared by Niharika Konidela (@niharikakonidela) View this post on Instagram A post shared by Hebah P (@ihebahp) View this post on Instagram A post shared by Nikita Dutta 🦄 (@nikifying) View this post on Instagram A post shared by Pranita Subhash (@pranitha.insta)

మహారాష్ట్ర ఉపముఖ్యమంత్రి దేవేంద్ర ఫడ్నవీస్‌ భార్య అమృత సోషల్‌ మీడియాలో పాపులర్‌. ఆమెకు ఎంతోమంది ఫాలోవర్స్‌ ఉన్నారు. జంతుప్రేమికురాలైన అమృత పాము, ఒకరకం బల్లితో దిగిన ఫొటోలు ట్విట్టర్‌లో వైరల్‌ అయ్యాయి. ఈ ఫొటోలకు... ‘అత్యంత ప్రమాదకరమైన, విషతుల్యమైన జంతువు మనిషి మాత్రమే’ అనే కాప్షన్‌ ఇచ్చింది అమృత. ‘ఫోటోల కంటే మీ కాప్షన్‌ అద్భుతంగా ఉంది’ ‘సాటిజీవుల పట్ల మనకు ఉండాల్సిన ప్రేమను అందంగా అద్దం పట్టిన ఫొటోలు ఇవి’... అంటూ నెటిజనులు స్పందించారు. తన ట్విట్టర్‌ ప్రొఫైల్‌ బయోలో బ్యాంకర్, ప్లేబ్యాక్‌ సింగర్, సోషల్‌ వర్కర్‌ అని రాసుకుంది అమృత.

రోజువారీ అలవాటుగా ఉదయం నిద్రలేస్తూనే ఫోన్‌ చూడటం మొదలుపెట్టింది కావ్య (పేరుమార్చడమైనది). సోషల్‌ మీడియా అకౌంట్‌ ఓపెన్‌ చేయగానే తన ఫొటోతో కనిపించిన ఓ నోటిఫికేషన్‌ చూసి, ఆశ్చర్యపోతూ యాక్సెప్ట్‌ చేసింది. అందులో తన వ్యక్తిగత ఫొటోలు కనిపించడంతో ఒక్క సారిగా నిద్రమత్తు వదిలిపోయింది. ఆ ఫొటోలు తను అప్‌లోడ్‌ చేయలేదు. కేవలం తను ఉన్న ఫొటోలతో మరో అకౌంట్‌ ఉండటం ఏంటో అర్థం కాలేదు. అసలు ఆ ఫొటోలు ఎవరి చేతిలోకి ఎలా వెళ్లాయో తెలియదు. తనెంతో ముచ్చటపడి తీసుకున్న ఫొటోలు, ఒంటరిగా ఉన్నప్పుడు తీసుకున్న ఫొటోలు. రెండేళ్ల క్రితం ఫొటోలు అవి. ఎప్పుడూ సామాజిక మాధ్యమాల్లో హుందాగా ఉండే కావ్యకు ఈ పరిస్థితి పెద్ద తలనొప్పిగా మారింది. ఆ ఫొటోలను, వీడియోలను చూసిన తన స్నేహితులు, బంధువులు ఫోన్లు చేసి, ‘ఏంటీ పిచ్చి పని?’ అంటూ అడగడం మొదలుపెట్టారు. తనకేమీ తెలియదని ఎంత చెప్పినా ఎవరూ వినిపించుకోలేదు. ‘నలుగురిలో పెట్టవలసిన ఫొటోలేనా ఇవి’ అంటూ కొందరు కావ్య పేరెంట్స్‌ కి ఫోన్‌ చేసి మరీ అడగడంతో ఇంటిల్లిపాదికి ఈ సమస్య పెద్ద భూతమైపోయింది. ఎప్పుడూ ఆ ఫోన్‌లోనే ఉంటావ్, ఏ ఫోటో పోస్ట్‌ చేయాలో, ఏ ఫొటో దాచుకోవాలో ఆ మాత్రం తెలియదా! ఇలా అందరిలో పరువు తీయాలని కంకణం కట్టుకున్నావా’ అంటూ కూతురినే తప్పు పట్టారు తల్లీదండ్రి. తనకేమీ తెలియదని కావ్య ఎంత మొత్తుకున్నా ఎవరూ వినిపించుకోలేదు. విషయాన్ని ఢిల్లీలో ఉంటున్న తన కజిన్‌తో పంచుకుంది కావ్య. ఈ సమస్యను పరిష్కరించుకునే మార్గం తెలియడం లేదని, బయటకు వెళ్లడానికే భయంగా ఉందంటూ కళ్లనీళ్లతో చెప్పింది. ‘నీ ఫోన్, ట్యాబ్‌.. వంటి పరికరాలు ఏవైనా ఎవరికైనా ఇచ్చావా’ అని అడిగింది కావ్య కజిన్‌. ‘లేదు’ ఏడుస్తూనే చెప్పింది కావ్య. ‘బాగా గుర్తు తెచ్చుకొని, మళ్లీ ఫోన్‌ చెయ్‌’ అంది కావ్య కజిన్‌. తీవ్రంగా ఆలోచించిన కావ్యకు ఏడాది క్రితం తన పాత ఫోన్‌ పాడైతే రిపేర్‌కు ఇచ్చిన విషయం గుర్తుకు వచ్చింది. ఆ ఫోన్‌ నుంచి తీసుకున్న ఫొటోలే ఇప్పుడు తన ఈ సమస్యకు అతి పెద్ద కారణం అన్నమాట... అనుకుంది. ఆర్నెల్ల క్రితం కొత్త ఫోన్‌ కొనుక్కొని, ఆ ఫొటోలన్నీ సిస్టమ్‌ స్టోరేజీలో కాపీ చేసుకుంది. ఫోన్‌ మాత్రం ఎవరికీ అమ్మలేదు. ఎప్పుడైనా అవసరం వస్తే వాడచ్చులే అని ఇంట్లోనే ఉంచింది. ఎక్కడ పొరపాటు జరిగిందో అర్థమైంది కావ్యకు. ఆ షాప్‌ మీద పోలీస్‌ కంప్లైంట్‌ ఇవ్వడంతో తన సమస్యకు పరిష్కారం దొరికింది. ఎవరు ఆమె ఫొన్‌లోని డేటాను తస్కరించింది, సోషల్‌మీడియాలో ఫేక్‌ అకౌంట్‌ సృష్టించి, ఫొటోలు ఎలా అప్‌లోడ్‌ చేసిందీ తెలిసింది. ► పాడైన డిజిటల్‌ పరికరాల డేటా మొత్తం కాపీ చేసుకొని, ఫార్మాట్‌ చేసి, అప్పుడు రిపేర్‌కు ఇవ్వడం శ్రేయస్కరం. ► తొందరపడి అనుచిత నిర్ణయాలు తీసుకోవడం కంటే నేషనల్‌ సైబర్‌ క్రైమ్‌ రిపోర్టింగ్‌ పోర్టల్‌ www.cybercrime.gov.in లో రిపోర్ట్‌ చేయడం లేదా 155260 కి కాల్‌ చేయడం వల్ల పరిష్కారం లభిస్తుంది. ► సోషల్‌ మీడియా ఖాతాను ఉపయోగిస్తున్నప్పుడు ప్రత్యేక అక్షరాలున్న పాస్‌వర్డ్‌లను ఉపయోగించడం, కాలానుగుణంగా మార్చడం వల్ల హ్యాక్‌ అవడం, డేటా తస్కరించడం వంటి వాటికి అడ్డుకట్ట వేయవచ్చు. ► సోషల్‌ మీడియా ప్లాట్‌ఫారమ్‌లలో గోప్యత కోసం జిపిఎస్‌ సెట్టింగ్‌లను కాన్ఫిగర్‌ చేయాలి. ► సోషల్‌ మీడియా ప్లాట్‌ఫారమ్‌లలో వ్యక్తిగతమైన సమాచారాన్ని ఎప్పుడూ షేర్‌ చేయవద్దు. ► తెలియని పరిచయాల నుంచి వచ్చే అనుమానాస్పద లింక్‌లను క్లిక్‌ చేయడం మానుకోవడం వల్ల వ్యక్తిగత డేటాకు సంబంధించిన సమాచారం మోసగాళ్ల చేతికి చిక్కకుండా చేయగలం. అలాగే, ఆర్థిక నేరాలకు అడ్డుకట్ట వేసినవారమవుతాం. ► మీరు ఇతరులకు షేర్‌ చేసే ఫొటో వెరిఫికేషన్‌ కోసం గూగుల్‌ రివర్స్‌ ఇమేజ్‌ ద్వారా చెక్‌ చేయచ్చు. లేదా www.tineye ని ఉపయోగించవచ్చు, అనీల్‌ రాచమల్ల, డిజిటల్‌ వెల్‌బీయింగ్‌ ఎక్స్‌పర్ట్, ఎండ్‌ నౌ ఫౌండేషన్‌

మనిషి ‘సోషల్‌’గా బతడకం ఈరోజుల్లో ప్రధానంగా మారింది. అయితే  సోషల్‌ మీడియా మాధ్యమాలు మనిషి మానసిక ఆరోగ్యంపై ప్రతికూల ప్రభావం చూపెడుతున్నాయా? అంటే.. అవుననే అంటారు మానసిక వైద్యులు. అయితే అందులో ఫొటో, వీడియో కంటెంట్‌ యాప్‌ల వల్ల టీనేజీ అమ్మాయిల మానసిక స్థితి మరింత దిగజారిపోతోందని సర్వేలు చెప్తున్నాయి కూడా.  గుజరాత్‌లో ఈమధ్యే ఓ టీనేజర్‌ విచిత్రమైన కారణంతో అఘాయిత్యానికి పాల్పడింది. ఏడాది క్రితం సోషల్‌ మీడియాలో తాను పోస్ట్‌ చేసిన ఫొటోలో రూపం.. ఇప్పుడు ఒకేలా లేవంటూ సూసైడ్‌ నోట్‌ రాసి మరీ ఆత్మహత్యకు చేసుకుంది. ఇది ఆ ఒక్క అమ్మాయి సమస్యే కాదు.. కోట్లలో మంది టీనేజర్లు ఇప్పుడు సరిగ్గా అలాంటి మానసిక రుగ్మతను ఎదుర్కొంటున్నారు. చాప కింద నీరులా విస్తరిస్తోంది ఈ సమస్య.  ఇందులో విశేషం ఏంటంటే..  ఇదంతా తెలిసి కూడా టీనేజర్లను ఆ కుంగుబాటు నుంచి బయటపడే దిశగా సోషల్‌ మీడియా ప్లాట్‌ఫామ్స్‌ ఎలాంటి చర్యలు చేపట్టకపోవడం.    సరదా నుంచి సీరియస్‌ సోషల్‌ మీడియా పవర్‌ఫుల్‌ ప్లాట్‌ఫామ్‌. అందులో ఎలాంటి అనుమానాలు అక్కర్లేదు. అందులో ఇన్‌ఫర్మేషన్‌, ఎడ్యుకేషన్‌, ఆర్ట్‌, మీమ్స్‌, అశ్లీలత.. ఇలా అవసరం ఉన్నవీ లేనివీ అన్నీ యూజర్లకు చేరవేస్తున్నాయి. అయితే టీనేజర్లలో.. అందులో అమ్మాయిల్లో  ఇది మానసిక సమస్యల్ని పెంపొందించే ప్లాట్‌ఫామ్‌గా మారుతోంది. 2019 నుంచి జరుగుతున్న దాదాపు ప్రతీ సర్వే ఈ విషయాన్ని వెల్లడించగా.. తాజాగా ఓ ప్రముఖ ఇంటర్నేషనల్‌ మీడియా హౌజ్‌ ఆ కథనాలన్నింటిని ప్రస్తావిస్తూ సమగ్రంగా ఓ రిపోర్ట్‌ను ప్రచురించింది.  ► ప్రతీ ముగ్గురిలో ఒక అమ్మాయి ఫొటో, వీడియో కంటెంట్‌ యాప్‌ ద్వారా మానసికంగా కుంగిపోతున్నారు ► బాడీ ఇమేజ్‌ ఇష్యూస్‌ను ఎదుర్కొంటున్నారు.. సెల్ఫ్‌ డ్యామేజ్‌ చేసుకుంటున్నారు ► సోషల్‌ మీడియా యాప్‌లు తమ పరిస్థితిని దిగజారుస్తున్నాయని 32 శాతం మంది టీనేజర్లు స్వయంగా ఒప్పుకున్నారు (కిందటి ఏడాది జరిపిన ఓ సర్వేలో) ► ఎదుటివాళ్ల కంటే ముందే సెల్ఫ్‌ బాడీ షేమింగ్‌ చేసుకుని బాధపడడం  ► ఈ లిస్ట్‌లో సోషల్‌ మీడియా ఇన్‌ఫ్లుయెనర్లు సైతం ఉండడం విశేషం.  ►  ఇతరులతో పోల్చుకుంటూ తాము తక్కువనే భావనను పెంపొందించుకోవడం.  ► ఈటింగ్‌ డిజార్డర్స్‌, డైటింగ్‌ పేరుతో అనారోగ్యాలు(2021 మేలో వెల్లడించిన ఒక రిపోర్ట్‌)   ► మెంటల్‌గా నెగెటివ్‌ ఆలోచనలు పెరిగిపోయి.. డిప్రెషన్‌లోకి కూరుకుపోవడం   ► ఆత్మనూన్యత భావం కలగడానికి ఫొటో, వీడియో కంటెంట్‌ బేస్‌ యాప్‌లు ప్రధాన కారణమని 43 శాతం అభిప్రాయం(జులై 2021 రిపోర్ట్‌)  ► ఈ పరిస్థితులన్నీ ఆత్మహత్య చేసుకోవాలనే ఆలోచనల దాకా చాలామందిని తీసుకెళ్తున్నాయట. ► 13 శాతం టీనేజర్లు బ్యూటీ ప్రొడక్టుల కోసం విచ్చలవిడిగా ఖర్చు పెట్టడం, అందులో 2 శాతం ముఖాన్ని పాడుచేసుకుంటున్నారట.   ► తమ ‘సోషల్‌’ ట్యాగ్‌ను నిలబెట్టుకోవాలనే ఆత్రుతతో దుస్తుల కోసం అతిఖర్చు.  ► అయితే 18 శాతం మంది మాత్రం ‘మా బాడీ మా ఇష్టం’ అనే స్లోగన్‌తో పాజిటివిటీని పెంపొందించుకుంటూ ముందుకెళ్తున్నారు.  కంపెనీలు చెప్తున్నా..  సోషల్‌ మీడియా వల్ల నెగెటివ్‌ కంటే పాజిటివ్‌ ఉందంటూ మార్క్‌ జుకర్‌బర్గ్ లాంటి వాళ్లు స్టేట్‌మెంట్లు ఇస్తుంటారు.  విశేషం ఏంటంటే.. ప్రతీ ప్లాట్‌ఫామ్‌ అంతర్గత సర్వేలో అవి చేసే డ్యామేజ్‌ల గురించి నివేదికలు వెలువడుతూనే ఉన్నాయి. ఉదాహరణకు..  మే 2021లో ఇన్‌స్టాగ్రామ్‌ చీఫ్‌ ఆడమ్‌ మోస్సెరీ.. టీనేజ్‌ యువతుల మానసిక స్థితిపై సోషల్‌ మీడియా నిజంగానే దుష్ప్రభావం చూపెడుతోందని ప్రకటన ఇచ్చారు.  ఇలా చేయడం బెటర్‌ ► పిల్లల సోషల్‌ మీడియా వాడకంపై తల్లిదండ్రుల పర్యవేక్షణ ► మంచి చెడుల గురించి పిల్లలకు వివరించి చెప్పడం.. అవసరమైతే కేసుల ఉదాహరణల్ని ప్రస్తావించడం ► మితంగా సోషల్‌ మీడియా వాడకం ► మొబైల్‌ డాటాను అవసరమైతేనే ఆన్‌ చేయడం ► సోషల్‌ మీడియాలో ఇతరుల్ని అనుకరించకపోవడం..  ఇతరులతో పోల్చుకోకపోవడం - సాక్షి, వెబ్‌స్పెషల్‌

సాక్షి, హైదరాబాద్‌: నా కొత్త చీర ఎలా ఉంది? ఈ రోజు డాటర్స్‌ డే..మా అమ్మాయిని దీవించండి.. మా యువ జంట ఎలా ఉంది? అంటూ రకరకాల చాలెంజ్‌లతో ఫొటోలు, సెల్ఫీలు అప్‌లోడ్‌ చేసి వాటికొచ్చే లైకులు, కామెంట్లు చూసి మురిసిపోతున్నారా? అయితే జర జాగ్రత్త. ఇలాంటి చాలెంజ్‌ల పేరుతో మీ కుటుంబసభ్యుల ఫొటోలు మీరే సైబర్‌ నేరగాళ్ల చేతుల్లో పెట్టి వారు వేధింపులకు గురయ్యేందుకు కారణమవుతున్నారని పోలీసులు హెచ్చరిస్తున్నారు. నమ్మడానికి కష్టంగా ఉన్నా ఇదే నిజమని చెబుతున్నారు పోలీసులు. ఇటీవల కపుల్‌ ఛాలెంజ్‌ పేరుతో చాలామంది సోషల్‌ మీడియాలో అప్‌లోడ్‌ చేసిన ఫొటోలను సైబర్‌ నేరగాళ్లు డౌన్‌లోడ్‌ చేసి వాటిని మార్ఫింగ్‌ చేసి ఆర్థిక, లైంగిక వేధింపులకు పాల్పడే అవకాశం ఉందని పోలీసులు చెబుతున్నారు. మార్ఫింగ్‌ చేసిన ఫొటోలను వాట్సాప్‌ గ్రూపుల్లో పెట్టి వాటిని తొలగించాలంటే..తాము సూచించినంత డబ్బులు పేటీఎం, గూగుల్‌ పేలో వేయాలని బెదిరింపులకు దిగుతున్నారని, ఫొటోలతో ఇతరులకు సైబర్‌ వలవేసి నేరాలలో ఇరికించిన ఘటనలు పోలీసుల దృష్టికి వచ్చినట్లు చెబుతున్నారు. కాబట్టి ఎవరికి వారు సోషల్‌ మీడియాలో స్వీయ జాగ్రత్తలు తీసుకోవాలని, ఇష్టం వచ్చినట్లుగా మహిళల ఫొటోలను అప్‌లోడ్‌ చేయవద్దని పోలీసులు కోరుతున్నారు.    

లాక్‌ డౌన్‌ కారణంగా తనకి, విష్ణు విశాల్‌కి  మధ్య ఏర్పడ్డ దూరాన్ని అయిష్టంగా భావిస్తున్నారు  బ్యాడ్మింటన్‌ క్రీడాకారిణి గుత్తా జ్వాల.  ‘‘మిస్‌ యు’’ అంటూ బాయ్‌ ఫ్రెండ్‌ విష్ణు విశాల్‌తో దిగిన ఫొటోలను  సోషల్‌ మీడియాలో పోస్ట్‌ చేశారామె. ఆ పోస్ట్‌కి స్పందిస్తూ.. ‘‘ప్రస్తుతం సామాజిక దూరం పాటించాలి’’ అని సరదాగా అన్నారు విష్ణు విశాల్‌.  తమిళ నటుడు విష్ణు విశాల్, గుత్తా జ్వాల ప్రేమలో ఉన్నారు. ఆ విషయాన్ని ఇద్దరూ అధికారికంగా చెప్పకపోయినా ఇలాంటి ట్వీట్లు చెబుతున్నాయి. ఈ ఇద్దరూ ఈ ఏడాది పెళ్లి చేసుకోబోతున్నారని టాక్‌.

త్రినేత్రుడు లాగా..మూడు కళ్ల  సర్పం  ఒకటి  నెటిజనులను ఆకట్టుకుంటోంది. ఆస్ట్రేలియాలో మూడు కళ్లు ఉన్న పామును గుర్తించారు. ఉత్త‌ర ఆస్ట్రేలియాలో వ‌న్య‌ప్రాణి అధికారులు  ఈ  పాము ఫోటోలను త‌మ ఫేస్‌బుక్ పేజిలో  పోస్టు చేశారు. దీంతో ఈ ఫోటోలు వైరలయ్యాయి. 8 వేలకు పైగా కమెంట్లను,  14వేలకు పైగా షేర్లను సాధించింది.  డార్విన్ స‌మీపంలోని అర్న్‌హెమ్ హైవేపై మొద‌టిసారి చూసిన ఈ సర్పాన్ని కార్పెట్ పైథాన్‌గా గుర్తించారు. మార్చి నెల‌లో ఇది అట‌వీ అధికారుల‌కు చిక్కింది. పాము త‌ల‌పై ఉన్న మూడ‌వ క‌న్ను కూడా ప‌నిచేస్తున్న‌ట్లు తొలుత వైల్డ్‌లైఫ్ అధికారులు గుర్తించారు. స‌ర్పానికి ఎక్స్‌రే తీసిన అధికారులు మ‌రో ఆశ్చ‌ర్య‌క‌ర‌మైన విష‌యాన్ని కూడా వెల్ల‌డించారు. పాము త‌ల‌లో రెండు పుర్రెలు లేవ‌నీ ఒకే పుర్రెపై మూడు కండ్లు ఉన్న‌ట్లు తేల్చారు. స‌హ‌జ‌సిద్ద‌మైన జ‌న్యు మ్యుటేష‌న్ వ‌ల్ల ఇలా మూడు కండ్లు వ‌చ్చి ఉంటాయ‌ని అంచ‌నా వేశారు. ఇది చాలా అసాధారణమైందని, వైకల్యంతోనే జీవిస్తూ ఆహారం కోసం ఇబ్బందులు పడుతూ, రోడ్డు మీదకు వచ్చిందని  ఫారెస్ట్‌ రేంజర్ రే చాటో తెలిపారు.  అయితే దురదృ​‍ష్ట వశాత్తూ గుర్తించిన కొన్ని రోజుల్లోనే ఇది చ‌నిపోయిన‌ట్లు చెప్పారు.


 గ్యాంగ్‌స్టర్ నయీం వ్యవహారం మరోసారి వెలుగులోకి వచ్చింది. తెలంగాణకు చెందిన అధికారులు ఎవరికీ అతడితో సంబంధాలు లేవని ఎంత గట్టిగా చెప్పినా.. ప్రతిసారీ ఏదో ఒక ఆధారం బయటపడుతూనే ఉంది. తాజాగా మరోసారి కొంతమంది పోలీసు అధికారులు నయీంతో అంటకాగినట్లు రుజువులు లభించాయి. సీడీఐ డీఎస్పీ మద్దిపాటి శ్రీనివాసరావు నయీంతో చర్చలు జరుపుతున్న ఫొటోలు సోషల్ మీడియాలో విస్తృతంగా ప్రచారం అవుతున్నాయి. వాళ్లిద్దరూ కలిసి ఓ రెస్టారెంటులో భోజనం చేస్తున్నట్లుగా ఉన్న ఫొటో బయటకు వచ్చింది. ఆయన గతంలో కీలకమైన విభాగాల్లో ఎస్ఐ స్థాయి నుంచి పనిచేశారు. నయీంతో ఆయనకు సన్నిహిత సంబంధాలున్నాయని అంటున్నారు. 
  
 ఎన్‌కౌంటర్ జరగడానికి కొంత కాలం ముందు నయీం హైదరాబాద్‌లో ఉన్నప్పుడు కూడా ఆయన ట్రాఫిక్ విభాగంలో పనిచేస్తూ, పోలీసుల సమాచారాన్ని నయీంకు అందజేస్తూ అతడికి రక్షణగా ఉండేవారని ఆరోపణలున్నాయి. నయీంకు సంబంధించిన వ్యక్తుల వివరాలను కూడా పోలీసుశాఖలో తన పలుకుబడి ద్వారా సేకరిస్తూ వాటిని నయీంకు చేరవేసేవారంటున్నారు. మద్దిపాటి శ్రీనివాసరావుపై గతంలో అనేక సందర్భాల్లో ఆరోపణలొచ్చినా, సరైన సాక్ష్యాధారాలు దొరకలేదు. ఇప్పుడు మాత్రం పూర్తిస్థాయిలో ఆధారాలు బయటకు రావడంతో ఇక ఉన్నతాధికారులు ఎలా స్పందిస్తారో చూడాల్సి ఉంది. ప్రస్తుతం సీఐడీలోనే ఇన్‌స్పెక్టర్‌గా విధులు నిర్వహిస్తున్న మరో వ్యక్తి ఫొటోలు కూడా సోషల్ మీడియాలో వచ్చాయి. ఆయన గతంలో నల్లగొండ జిల్లాలో పనిచేశారు. ఇంత స్పష్టమైన ఆధారాలు బయటకు రావడంతో మరోసారి నయీం తేనెతుట్టె కదిలినట్లయింది.