దిగజారుడు రాజకీయాలకు ఇప్పుడు ఏపీ కేరాఫ్‌ అయ్యింది. వైఎస్‌ఆర్‌సీపీ కీలక నేతను టార్గెట్‌ చేసుకుని ప్రత్యర్థి వర్గాలు నీచమైన చర్యలకు దిగాయి. ఈ క్రమంలో దేవాదాయశాఖ అసిస్టెంట్ కమిషనర్ పనిచేస్తున్న కే.శాంతిని బజారుకీడ్చే ప్రయత్నం చేశాయి. అయితే ఆమె ధైర్యంగా మీడియా ముందుకు రావడంతో.. సదరు ఛానెల్స్‌ గుటకలు వేస్తున్నాయి. మరోవైపు.. సదరు మీడియా సంస్థలను నెటిజన్లు ఏకిపారేస్తున్నారు. తాజాగా ఈ జాబితాలో..నటి పూనమ్‌ కౌర్‌ చేరారు. బీ బ్రేవ్‌ అంటూ బాధితురాలికి ధైర్యం చెబుతూ ఓ సందేశం ఉంచారు. 'టీవీ ఛానళ్లు బ్లాక్ మెయిలింగ్ సంస్థలుగా మారాయి. ప్రజల కోసం పనిచేస్తున్నామంటూ నేడు తమకంటూ ఒక ఎజెండాను ఏర్పాటు చేసుకున్నాయి. గిరిజనురాలైన శాంతి అనే అధికారిని రక్షించేందుకు ధైర్యంగా ముందుకొచ్చిన రాజ్యసభ ఎంపీ విజయసాయిరెడ్డి గారిని అభినందిస్తున్నాను. మీడియా ముసుగులో ప్రభుత్వ అధికారి శాంతిని కూడా ఇబ్బంది పెట్టేందుకు గతంలో మాదిరి ఒకటే ప్యాటర్న్ వాడారు. ప్రెగ్నెంట్ అని, డబ్బులు తీసుకుందని అంటూ తప్పుడు నిందలు మోపుతున్నారు. ఇంతకంటే వాళ్లు చేసేది ఏం ఉండదు. నేటి సమాజంలో టీవీ ఛానెళ్లు బ్లాక్ మెయిల్ చేసే వ్య‌వ‌స్థ‌ల్లా త‌యార‌య్యాయి. నేను ఆ మహిళకు ఒక్కటే చెప్తున్నా. నువ్వు ఏడిస్తే వాళ్లు గెలిచామని అనుకుంటారు. మీరు ఎలాంటి పరిస్థితుల్లో ఉన్నా కూడా ఇలాంటి వారి ముందు తల వంచకండి. ఆ ఎద‌వ‌ల కోసం నీ క‌న్నీరును వృథా చేసుకోకండి. నీకు తప్పకుండా న్యాయం జరగుతుంది.తప్పుడు రాతలు రాసే చెత్త మీడియా నుంచి మిమ్మల్ని, మీ గౌరవానికి రక్షణగా ఒక బలమైన వ్యక్తి అండగా నిలబడ్డారు. ఆ మీడియా కథనాల వెనకున్న కుట్రలను ఆయన తప్పకుండా వెలికితీస్తారు. వారికి తగిన శిక్ష పడేలా ఆయన చేస్తారు. నీ వెంట ఎప్పటికీ మేము ఉంటాం. ఎట్టి పరిస్థితుల్లో భయపడకండి. ధైర్యంగా పోరాడండి.' అని పూనమ్‌ తన ఎక్స్‌ ఖాతాలో పేర్కొన్నారు.Be brave ✊ pic.twitter.com/tB2JlsYMol— पूनम कौर ❤️ poonam kaur (@poonamkaurlal) July 15, 2024

‘‘నిర్మాత అక్షయ్‌ పూరి చాలా పాజిటివ్‌ పర్సన్‌. సినిమాను గ్రాండ్‌గా నిర్మించడమే కాదు.. మంచి బిజినెస్‌ కూడా చేసుకున్నారు. కునాల్‌ కోహ్లి డైరెక్ట్‌ చేసిన ‘హమ్‌ తుమ్, ఫనా’ చిత్రాలంటే నాకెంతో ఇష్టం. ఆయన దర్శకత్వంలో తమన్నాతో కలిసి ‘నెక్ట్స్‌ ఏంటి’ సినిమా చేయడం సంతోషంగా ఉంది’’ అని సందీప్‌ కిషన్‌ అన్నారు. తమన్నా, సందీప్‌ కిషన్, నవదీప్, శరత్‌ బాబు, పూనమ్‌ కౌర్, లారిస్సా ముఖ్య తారలుగా కునాల్‌ కోహ్లి దర్శకత్వంలో తెరకెక్కిన చిత్రం ‘నెక్ట్స్‌ ఏంటి’. రైనా జోషి, అక్షయ్‌ పూరి నిర్మించిన ఈ సినిమా రేపు విడుదలవుతోంది. ఈ సందర్భంగా హైదరాబాద్‌లో నిర్వహించిన ప్రీ రిలీజ్‌ ఫంక్షన్‌లో సందీప్‌ కిషన్‌ మాట్లాడుతూ– ‘‘ప్రేక్షకులను దృష్టిలో పెట్టుకుని నిజాయతీగా చేసిన ప్రయత్నం ‘నెక్ట్స్‌ ఏంటి’. సినిమాను బాగా తీశాం. ప్రేక్షకులకు నచ్చుతుంది’’ అన్నారు. ‘‘సాంగ్స్, ట్రైలర్‌ చూసిన తర్వాత కునాల్‌గారు తనదైన స్టయిల్‌లో సినిమాను ఎంత బాగా తెరకెక్కించారనే విషయం అర్థమవుతోంది’’ అన్నారు అక్షయ్‌ పూరి. ‘‘ఈ సినిమాపై పడ్డ ట్యాగ్స్‌ అన్నింటినీ బ్రేక్‌ చేసి, మంచి సినిమాగా అందరూ ఎంజాయ్‌ చేస్తారు. లియోన్‌ మంచి సంగీతం అందించారు. సందీప్, నవదీప్‌ చాలా కూల్‌ కోస్టార్స్‌’’ అని తమన్నా అన్నారు. ‘‘మంచి ఆర్టిస్టులు, టెక్నీషియన్స్‌తో పనిచేసే అవకాశం వచ్చింది. సినిమా అందరూ ఎంజాయ్‌ చేసేలా ఉంటుంది’’ అన్నారు రైనా జోషి. ‘‘మా చిత్రం పాటలు ప్రేక్షకులను అలరిస్తాయి’’ అన్నారు మ్యూజిక్‌ డైరెక్టర్‌ లియోన్‌. ఈ చిత్రానికి కెమెరా: మనీష్‌ చంద్ర భట్, అసోసియేట్‌ ప్రొడ్యూసర్‌ : సతీష్‌ సాల్వి, సంజన చోప్రా, ఎగ్జిక్యూటివ్‌ ప్రొడ్యూసర్స్‌: షాజహాన్, శివప్రసాద్‌ గుడిమిట్ల, రిలీజ్‌: శ్రీ కృష్ణ క్రియేషన్స్‌.

రోజు వారి జీవితంలో ప్రతి విషయాన్ని, ప్రతి నిమిషాన్ని ప్లాన్‌ చేసుకుంటాం. అలా ప్లాన్‌ చేసుకున్న ఒక్కో పని అయిపోగానే ‘నెక్ట్స్‌ ఏంటి’ అనుకుంటాం. ఇప్పుడు అదే పేరుతో ఓ సినిమా రూపుదిద్దుకుంది. తమన్నా, సందీప్‌ కిషన్‌లు నాయికా, నాయకులుగా నవదీప్, పూనమ్‌ కౌర్‌లు ముఖ్యపాత్రల్లో నటించిన చిత్రం ‘నెక్ట్స్‌ ఏంటి’. బాలీవుడ్‌ ప్రముఖ దర్శకుడు కునాల్‌ కోహ్లి దర్శకత్వం వహించారు. రైనా జోషి, అక్షయ్‌ పూరి నిర్మాతలుగా వ్యవ హరించిన ఈ చిత్రానికి లియోన్‌ జోన్స్‌ సంగీతాన్ని అందించారు. రొమాంటిక్‌ ఎంటర్‌టైనర్‌గా తెరకెక్కిన ఈ చిత్రం ట్రైలర్‌ను శుక్రవారం హైదరాబాద్‌లో విడుదల చేసింది చిత్రబృందం. ఈ సందర్భంగా చిత్రదర్శకుడు కునాల్‌ కోహ్లీ మాట్లాడుతూ– ‘‘ఈ సినిమా స్క్రిప్ట్‌ను మొదట నేను శరత్‌బాబుగారికి పంపాను. ఆయన ఎంతో థ్రిల్‌ ఫీలయ్యి నన్ను హైదరాబాద్‌ రమ్మన్నారు. శరత్‌బాబుగారు, తమన్నా తండ్రీకూతుళ్లలా నటించారు. ఈ పాత్రల మధ్య సీన్స్‌ చాలా బావుంటాయి. భారతదేశ సంప్రదాయాన్ని తెలిపే చిత్రం ఇది. సినిమాకి భాష ఇబ్బంది కాదు, కంటెంట్‌ బావుంటే ఏ భాషలోనైనా ఆడుతుంది’’ అన్నారు. నవదీప్‌ మాట్లాడుతూ– ‘‘తమన్నా ఈ సినిమా కోసం చాలా హార్డ్‌ వర్క్‌ చేసింది. ఆమె డబ్బింగ్‌ బావుంది. సినిమా ట్రైలర్‌లో ఉన్న కంటెంట్‌ వేరు.. సినిమాలో ఉన్న ఫీల్‌ వేరు. యూత్‌ని ఆకట్టుకోవటానికి ట్రైలర్‌ను అలా కట్‌ చేశారు’’ అని చెప్పారు. సందీప్‌ కిషన్‌ మాట్లాడుతూ– ‘‘ఫస్ట్‌ కునాల్‌ దర్శకుడు అనగానే హిందీ సినిమా అనుకున్నాను. తర్వాత తెలిసింది తెలుగు సినిమా అని. కథ వినగానే ఇంట్రెస్టింగ్‌గా అనిపించింది. మ్యూజిక్‌ చాలా బావుంది. నేను వర్క్‌ చేసిన ప్రొడ్యూసర్స్‌లో నాకు బాగా నచ్చిన నిర్మాత కిరణ్‌గారు.. ఆ  తర్వాత అక్షయ్‌గారు. తమన్నాతో వర్క్‌ చేయటం మంచి ఎక్స్‌పీరియన్స్‌’’ అన్నారు. తమన్నా మాట్లాడుతూ– ‘‘తెలుగు సినిమా రోజు రోజుకు మారుతోంది. తెలుగు సినిమాలు భారతదేశం మొత్తం తెలిసిపోతున్నాయి. నేను ముంబైలో పుట్టినా తెలుగు సినిమా నాకు చాలా ఇంపార్టెంట్‌. దర్శకుడు కునాల్‌గారికి తెలుగు ఇండస్ట్రీకి బిగ్‌ వెల్‌ కమ్‌ చెబుతున్నా. ఈ చిత్రంలో నా కేరక్టర్‌ నేనే ప్లే చేశానా అనిపించింది. డిసెంబర్‌లో సినిమా విడుదలవుతుంది, అందరూ ఆదరించాలి’’ అన్నారు.

తెలుగు చిత్ర పరిశ్రమలో సత్తా చాటిన దర్శకులు బాలీవుడ్‌ వెళ్లడం ఆనవాయితీ.. బట్‌ ఫర్‌ ఎ ఛేంజ్‌.. బాలీవుడ్‌లో తన ప్రతిభ నిరూపించుకున్న డైరెక్టర్‌ కునాల్‌ కోహ్లి తెలుగు చిత్ర పరిశ్రమకి వచ్చారు. ‘ఫనా, హమ్‌ తుమ్‌’ వంటి హిట్‌ చిత్రాలకు దర్శకత్వం వహించిన ఆయన తొలిసారి ఓ తెలుగు చిత్రాన్ని తెరకెక్కించారు. సందీప్‌ కిషన్, తమన్నా జంటగా కునాల్‌ కోహ్లి దర్శకత్వంలో తెరకెక్కిన చిత్రం ‘నెక్ట్స్‌ ఏంటి’. నవదీప్, పూనమ్‌ కౌర్‌ ముఖ్య పాత్రల్లో నటించారు. రైనా జోషి, అక్షయ్‌ పూరి నిర్మించారు. రొమాంటిక్‌ ఎంటర్‌ టైనర్‌గా తెరకెక్కిన ఈ సినిమా లండన్, హైదరాబాద్‌ ప్రాంతాల్లో చిత్రీకరణ జరుపుకుంది. ఫస్ట్‌ లుక్, టీజర్‌ని త్వరలో విడుదల చేయనున్నారు. డిసెంబర్‌లో సినిమా విడుదలకు సన్నాహాలు చేస్తున్నారు. శరత్‌ బాబు, లారిస్సా నటించిన ఈ చిత్రానికి సంగీతం: లియోన్‌ జేమ్స్, కెమెరా: మనీష్‌ చంద్రభట్, అసోసియేట్‌ ప్రొడ్యూసర్స్‌: సతీష్‌ సాల్వి, సంజన చోప్రా, ఎగ్జిక్యూటివ్‌ ప్రొడ్యూసర్స్‌: షాజహాన్, శివప్రసాద్‌ గుడిమిట్ల.

1. నితిన్‌ హీరోగా రాశీఖన్నా హీరోయిన్‌గా ‘శ్రీనివాస కళ్యాణం’ సినిమా రిలీజ్‌కు రెడీ అవుతోంది.  ప్రముఖ దర్శకులు కోడి రామకృష్ణ దర్శకత్వంలో 1987లోనే ఇదే పేరుతో సినిమా విడుదలైంది.     ఆ సినిమాలో హీరో ఎవరో తెలుసా? ఎ) నాగార్జున    బి) వెంకటేశ్‌  సి) బాలకృష్ణ     డి) అర్జున్‌ 2. ‘భాస్కీ’ అనే స్టైలిస్ట్‌ ఈ ప్రముఖ హీరోకి చిన్ననాటి స్నేహితుడు. ఆయన అసలు పేరు భాస్కర్‌.    ఆ హీరోకి ఇతను డిజైనర్‌గా పనిచేస్తాడు. ఆ ప్రముఖ హీరో ఎవరో తెలుసా? ఎ) రామ్‌చరణ్‌    బి) ఎన్టీఆర్‌    సి) ప్రభాస్‌   డి) మహేశ్‌బాబు 3. కె.రాఘవేంద్రరావు దర్శకత్వం వహించిన ‘పెళ్లి సందడి’ సినిమాలో ఓ హీరోయిన్‌గా తెలుగమ్మాయి రవళి నటించారు. మరో హీరోయిన్‌గా నటించిన బాలీవుడ్‌ ముద్దుగుమ్మ ఎవరో తెలుసా? ఎ) దీప్తీ భట్నాగర్‌ బి) సోనాలీ బింద్రే   సి) శిల్పా శెట్టి    డి) రవీనా టాండన్‌ 4. ‘ప్రతిధ్వని’ దర్శకునిగా బి.గోపాల్‌కు మొదటి చిత్రం.     ఆ చిత్రంలోని అతి ముఖ్యమైన ‘ఇన్‌స్పెక్టర్‌ ఝాన్సీ’ పాత్రను పోషించిన నటి ఎవరో తెలుసా? ఎ) వాణిశ్రీ           బి) శారద   సి) విజయశాంతి  డి) జయప్రద 5. ‘దాన వీర శూర కర్ణ’ చిత్రం లోని ‘చిత్రం భళారే విచిత్రం...’అనే పాటలో ఎన్టీఆర్‌తో కలిసి ఆడిపాడిన ప్రముఖ నటి ఎవరో తెలుసా? ఎ) కె.ఆర్‌.విజయ   బి) ప్రభ   సి) జయసుధ  డి) ఎల్‌.విజయలక్ష్మీ 6. నటుడిగా తన రెండో ఇన్నింగ్స్‌ ప్రారంభమైందని జగపతిబాబు చెప్పుకునే సినిమా ఏది? (ఆ సినిమాలో ఆయన ప్రతినాయకుడిగా నటించారు) ఎ) సింహా   బి) శ్రీమన్నారాయణ    సి) నాన్నకు ప్రేమతో    డి) లెజెండ్‌ 7. అక్కినేని, సావిత్రిలది హిట్‌ కాంబినేషన్‌ అని తెలిసిందే. వారిద్దరూ కలిసి ఎన్ని సినిమాల్లో నటించారో తెలుసా? ఎ) 36   బి)  30    సి) 29    డి) 32 8. మహేశ్‌బాబు కూతురు పేరు ‘సితార’. ఈ చిన్నారి బర్త్‌డే జూలై 22న. ఈ సంవత్సరం ఆ పాప ఎన్నో ఏట కాలు పెట్టిందో తెలుసా? ఎ) 5     బి) 6     సి) 4     డి) 7 9. ‘ఆర్‌ ఎక్స్‌100’ సినిమా మంచి కమర్షియల్‌ హిట్‌ సాధించింది. ఈ సినిమాతో దర్శకునిగా మంచి పేరు తెచ్చుకున్నదెవరో తెలుసా? ఎ) రాకేశ్‌ శశి   బి) అజయ్‌ భూపతి  సి) వెంకీ కుడుముల    డి) మహి.వి.రాఘవ్‌ 10. ‘ఉయ్యాలవాడ నరసింహారెడ్డి’ జీవిత కథ ఆధారంగా తెరకెక్కుతున్న చిత్రం ‘సైరా’. ఆ చిత్రంలో విలన్‌గా నటిస్తున్న కన్నడ నటుడు ఎవరో కనుక్కోండి? ఎ) ఉపేంద్ర      బి) సుదీప్‌   సి) శివ రాజ్‌కుమార్‌   డి) రవిశంకర్‌ 11. మోస్ట్‌ పాపులర్‌ డాన్సర్‌గా పేరు తెచ్చుకున్న ‘సిల్క్‌ స్మిత’ ఏ సంవత్స రంలో తనువు చాలిం చారో తెలుసా? ఎ) 1990     బి) 1998    సి) 1996     డి) 1992 12. 1983లో వచ్చిన ‘ఖైదీ’ చిత్రం ద్వారా కెరీర్‌లోనే బిగ్గెస్ట్‌ హిట్‌ను తన ఖాతాలో వేసుకున్న దర్శకుడెవరో తెలుసా? ఎ) ఎ. కోదండ రామిరెడ్డి    బి) కె. రాఘవేంద్రరావు    సి) కోడి రామకృష్ణ     డి) దాసరి నారాయణరావు 13. ‘గుండెల్లో గోదారి’ చిత్రంలో లక్ష్మీ మంచు లీyŠ  రోల్‌ చేశారు. మరో హీరోయిన్‌ కూడా ఈ చిత్రంలో ఉన్నారు. ఆమె ఎవరో తెలుసా? ఎ) తాప్సీ       బి) శ్రద్ధాదాస్‌    సి) హన్సిక     డి) స్నేహ 14. ‘అర్జున్‌ రెడ్డి’ చిత్రంలో హీరో విజయ్‌ దేవరకొండ నానమ్మగా కనిపించిన ప్రముఖ నటి ఎవరో తెలుసా? ఎ) లక్ష్మీ                   బి) కాంచన   సి) షావుకారు జానకి   డి) జమున 15. ‘విలేజ్‌లో వినాయకుడు’ చిత్రంలో హీరోయిన్‌గా నటించిన బ్యూటీ ఎవరో తెలుసా? ఎ) ఈషా రెబ్బా బి) శరణ్యా మోహన్‌ సి) సోనియా డి) పూనమ్‌ కౌర్‌ 16. ‘జగమంత కుటుంబం నాది.. ఏకాకి జీవితం నాది...’అనే పాట రచయిత ఎవరో తెలుసా? ఎ) సిరిÐð న్నెల      బి) చంద్రబోస్‌   సి) రామజోగయ్య శాస్త్రి    డి) అనంత శ్రీరామ్‌ 17. మిస్‌ యూనివర్స్‌ 2010లో రన్నరప్‌గా నిలిచిన ఈ బ్యూటీ మోడలింగ్‌ టు యాక్టింగ్‌కి వచ్చారు. ఎవరామె? ఎ) ప్రియాంకా చోప్రా  బి) కృతీ సనన్‌   సి) పూజా హెగ్డే    డి) ఆలియా భట్‌ 18. 1974లో విడుదలైన ‘దేవదాసు’ చిత్రానికి దర్శకత్వం వహించింది ఎవరో తెలుసా? ఎ) కృష్ణ         బి) విజయనిర్మల   సి) పి.సి. రెడ్డి    డి) కె.యస్‌.ఆర్‌. దాస్‌ 19. ఈ ఫొటోలోని నటి పేరేంటో తెలుసా? ఎ) ఫటాఫట్‌ జయలక్ష్మీ   బి) జయంతి    సి) గీతాంజలి    డి) రమాప్రభ 20. ఈ కింది ఫొటోలో ఉన్న పాప ఇప్పుడు బాలీవుడ్‌లో బిజీ నటి ఎవరో గుర్తించండి. ఎ) దీపికా పదుకోన్‌ బి) కత్రినా కైఫ్‌   సి) దిశా పటానీ    డి) సోనాలీ బింద్రే మీరు 6 సమాధానాల కంటే తక్కువ చెబితే... మీకు సినిమా అంటే ఇష్టం      10 సమాధానాల వరకూ చెప్పగలిగితే...   మీకు సినిమా అంటే ఇంట్రెస్ట్‌ 15 సమాధానాల వరకూ చెప్పగలిగితే... మీకు సినిమా అంటే పిచ్చి 20 సమాధానాలూ చెప్పగలిగితే...  ఇంకోసారి ఈ క్విజ్‌ చదవకండి! సమాధానాలు 1) బి 2) సి 3) ఎ 4) బి 5) బి 6) డి 7) ఎ 8) బి 9) బి 10) బి 11) సి 12) ఎ 13) ఎ 14) బి 15) బి 16) ఎ 17) సి 18) బి 19) ఎ 20) బి నిర్వహణ: శివ మల్లాల

హైదరాబాద్‌: ‘పవన్‌కల్యాణ్‌ అభిమానులు నాపై సామాజిక మాధ్యమాల్లో వ్యక్తిగత దాడులు చేస్తున్నారు. దీనిపై పవన్‌ స్పందిస్తాడని అనుకున్నాను. అయితే ఆయన కనీస చర్యలు తీసుకోకపోవడం బాధాకరం. తన అభిమానులనే అదుపు చేయలేని వ్యక్తి.. రేపు రాష్ట్రాన్ని ఎలా కంట్రోల్‌ చేస్తాడు?’అని సినీ విమర్శకుడు కత్తి మహేష్‌ ప్రశ్నించారు. పవన్‌ సిద్ధాంతాలకు సంబంధించి తాను పది ప్రశ్నలు వేశానని, వాటికి ఇంతవరకూ సమాధానం లేదని చెప్పారు. ఆదివారం సోమాజిగూడ ప్రెస్‌క్లబ్‌లో విలేకరుల సమావేశంలో కత్తి మహేష్‌ మాట్లాడుతూ.. పవన్‌ అభిమానులతో ముఖాముఖి కోసం తాను ఇక్కడికి వచ్చానని, తన ప్రశ్నలకు పవన్‌ జవాబు చెప్పాలని, పవన్‌ తాను చెబుతున్న అంశాలపై చర్చకు రావాలని చెప్పారు. ఇదే సమయంలో కత్తి మహేష్‌ ప్రశ్నలకు తాము సమాధానాలు చెబుతామంటూ తెలంగాణ జనసేన నాయకుడు పార్థీపూర్‌ నర్సింహతో పాటు పలువురు అభిమానులు నినాదాలు చేయడంతో సోమాజిగూడ ప్రెస్‌క్లబ్‌ ఆవరణలో ఉద్రిక్తత నెలకొంది. దీంతో పోలీసులు పవన్‌ అభిమానులను అరెస్ట్‌ చేసి పంజగుట్ట పోలీస్‌స్టేషన్‌కు తరలించి.. ఆ తర్వాత విడిచిపెట్టారు. అనంతరం కత్తి మహేష్‌ మాట్లాడుతూ.. తాను చర్చకు సిద్ధంగా ఉన్నానని, పవన్‌ అభిమానులే ఉన్మాదులుగా వ్యవహరిస్తున్నారని ఆరోపించారు. తన వెనక ఏ రాజకీయ పార్టీ, మీడియా లేదని, డబ్బు కోసం ఇదంతా చేస్తున్నాననే ఆరోపణలు అవాస్తవమన్నారు. నటి పూనమ్‌కౌర్‌ చేసిన వ్యాఖ్యలకు తాను ఆరు ప్రశ్నలు సంధిస్తున్నానన్నారు. పూనమ్‌కౌర్‌కు కత్తి మహేష్‌ సంధించిన ప్రశ్నలివే..  1. చేనేత బ్రాండ్‌ అంబాసిడర్‌ హోదా పూనమ్‌కౌర్‌కు ఎలా లభించింది?  2. తిరుమలలో పవన్‌ గోత్రం పేరుతో పూజ చేసింది నిజం కాదా?  3. పవన్‌ మోసం చేశాడని ఆత్మహత్యాయత్నం చేసింది నిజం కాదా? ఆస్పత్రి బిల్లు ఎవరు కట్టారు?  4. పూనమ్‌ తల్లిని కలిసిన పవన్‌ చెవిలో ఏం చెప్పాడు? ఏం ప్రామిస్‌ చేశారు?  5. దర్శకుడు త్రివిక్రమ్‌ అంటే ఎందుకు కోపం?  6. క్షుద్ర మాంత్రికుడు నర్సింగ్‌తో క్షుద్ర పూజలు ఎందుకు చేశారు? 


 రాయికల్‌(కరీంనగర్‌ జిల్లా): తెలంగాణ ఎన్నారై ఫోరం (టీఎన్‌ఎఫ్‌) ఆధ్వర్యంలోలండన్‌లో బోనాల పండుగను వైభవంగా నిర్వహించారు. ఈ సంబరాలకు సినీనటి పూనమ్‌ కౌర్‌ హాజరై బోనమెత్తారు. యుకే నలుమూలల నుంచి సుమారు 700 మందికి పైగా తెలంగాణ కుటుంబ సభ్యులు హాజరయ్యారు. ఈ వేడుకలకు తెలంగాణ రాష్ట్రం నుంచి రామచంద్రు తేజావత్ (రిటైర్డ్ ఐఏఎస్), స్థానిక ఎంపీలు వీరేంద్రశర్మ, సీమ మల్హోత్రా, బాలాజీ (ఇండియన్‌ హైకమిషనర్‌-లండన్‌) ముఖ్య అతిధులుగా హాజరై ప్రసంగించారు.
 
 రామచంద్రు తేజావత్ మాట్లాడుతూ ఉద్యమంలో ముఖ్య భూమిక పోషించిన ఎన్నారైలు తెలంగాణ అభివృద్ధిలో తెలంగాణ పెట్టుబడుల్లో భాగస్వామ్యులవ్వాలని పిలుపునిచ్చారు. విదేశాల్లో భారతీయ ఐక్యత చాటాలని పిలుపునిచ్చారు. స్వదేశంలో జరుపుకున్నట్టు సంప్రదాయ బద్దంగా అమ్మవారి ఆలయంలో పూజలు నిర్వహించి, లండన్ వీధుల్లో తొట్టెల ఊరేగింపును జరుపుకున్న తీరు ప్రవాస తెలంగాణ బిడ్డలనే కాకుండా స్థానికులను కూడా మంత్రముగ్దులని చేసింది.