సాక్షి, అమరావతి: టీడీపీ, జనసేన పొత్తును తట­స్థులే కాదు.. జనసేన కార్యకర్తలు కూడా వ్యతిరేకి­స్తు­న్నా­రని జలవనరుల శాఖ మంత్రి అంబటి రాంబాబు చెప్పారు. టీడీపీ, జనసేన పొత్తు అట్టర్‌ఫ్లాప్‌ అయ్యిందని తేల్చిచెప్పారు. సున్నా సున్నా కలిస్తే వచ్చేది సున్నానేనంటూ చంద్రబాబు, పవన్‌­కళ్యాణ్‌­ల కలయికను ఎద్దేవా చేశారు. తాడే­పల్లిలోని వైఎస్సార్‌­సీపీ కేంద్ర కార్యాలయంలో ఆది­వారం మంత్రి అంబటి రాంబాబు మీడియాతో మాట్లా­డుతూ.. అధికారంలో ఉన్నప్పుడల్లా ప్రభుత్వ ఖజానాను దోచేస్తూ.. వ్యవస్థలను మేనేజ్‌ చేస్తూ తప్పించుకు తిరుగుతున్న దొంగ చంద్రబాబు స్కిల్‌ స్కాంలో దొరికిపోయి జైలుపాలు కావడంతో ఇన్నాళ్లకు ధర్మం, న్యాయం గెలిచిందని ప్రజలు హర్షిస్తున్నా­రని చెప్పారు. చంద్రబాబు అరెస్టుతో సానుభూతి పొంది, తద్వారా రాజకీయంగా లబ్ధి­పొందాలనే నెపంతో టీడీపీ నేతలు కృత్రిమంగా చేపడుతున్న కార్యక్రమాలకు ప్రజలు స్పందించడంలేదన్నారు. పవన్‌కళ్యాణ్‌ జనసేన ప్రాణం తీయగలడేమోగానీ టీడీపీకి ప్రాణం పోయలేడంటూ సెటైర్లు వేశారు. సంక్షేమాభివృద్ధి పథకాలు, సుపరిపాలనతో సీఎం వైఎస్‌ జగన్‌ ప్రజల హృదయాలను గెలుచుకు­న్నా­రని.. ఆ ప్రజాబలంతోనే వచ్చే ఎన్నికల్లో టీడీపీ, జన­సేనలను బంగాఖా­ఖాతంలో కలిపి తిరుగులేని విజయం సాధిస్తారని తేల్చిచెప్పారు. అంబటి ఇంకా ఏమన్నారంటే.. టీడీపీ–జనసేన పొత్తు నిర్ణయాన్ని ఇప్పుడే తీసుకున్నామని పవన్‌ చెప్పడం పచ్చి అబద్ధం. తొలి నుంచి వారు కలిసే వస్తారని మేం చెబుతు­న్నాం. అదే నిజమైంది.  రాజకీయాల్లోనూ, వ్యక్తిగత జీవితంలోనూ నైతిక విలువల్లేనివాడు, నమ్మకూడని వ్యక్తి పవనే. బీజేపీతో పొత్తులో ఉంటూ ఆ పార్టీకి చెప్ప­కుండా టీడీపీతో పొత్తు ప్రకటించడం హేయం.   పోటీచేసిన రెండుచోట్ల ఓడి.. చంద్రబాబు మోచేతి నీళ్లు తాగుతున్న నువ్వెక్కడ? ప్రజా­బలంతో 151 సీట్లను గెలుచుకున్న సీఎం జగన్‌ ఎక్కడ? నువ్వెంత? నీ స్థాయి ఎంత పవన్‌? సీఎం జగన్‌పై పిచ్చిపిచ్చి మాటలు మాట్లాడొద్దు. ఎంపీడీ (మల్టిపుల్‌ పర్సనాలిటీ డిజార్డర్‌) అనే మానసిక వ్యాధితో బాధపడుతున్న నువ్వా  సీఎం జగన్‌పై మాట్లాడేది. మనోహర్‌ కొంగు పట్టుకుని సముద్రంలో కలవడం ఖాయం. 


 తమిళసినిమా: పొట్టు చిత్రం యూఏ సర్టిఫికెట్‌తో ప్రేక్షకుల ముందుకు రానుంది. భరత్‌ హీరోగా నటించిన తాజా చిత్రం పొట్టు. ఇందులో నటి నమిత, ఇనియ, సృష్టిడాంగే ముగ్గురు హీరోయిన్లుగా నటించారు. ఇతర ప్రధాన పాత్రల్లో తంబిమామయ్య, భరణి, నాన్‌కడవుల్‌ రాజేంద్రన్, ఊర్వశి, నికేశ్‌రామ్, షియాజీ షిండే, ఆర్యన్, స్వామినాథన్, పావా లక్ష్మణన్‌  నటించారు.
 
 ఇంతకు ముందు మైనా వంటి పలు విజయవంతమైన చిత్రాలను నిర్మించిన సాలోమ్‌ స్టూడియోస్‌ సంస్థ అధినేతలు జాన్‌మ్యాక్స్, జాన్స్‌ కలిసి నిర్మించిన చిత్రం పొట్టు. వడివుడైయాన్‌ కథ, కథనం, దర్శకత్వం వహించిన ఈ చిత్రం నిర్మాణ కార్యక్రమాలను పూర్తి చేసుకుని సెన్సార్‌ను ముగించుకుంది. హర్రర్‌ థ్రిల్లర్‌ కథాంశంతో తెరకెక్కిన ఈ చిత్రానికి సెన్సార్‌ సభ్యులు యూఏ సర్టిఫికెట్‌ ఇచ్చారని, త్వరలోనే చిత్రాన్ని విడుదల చేయడానికి సన్నాహాలు చేస్తున్నట్లు చిత్ర నిర్మాతలు వెల్లడించారు. పొట్టు చిత్రం ప్రేక్షకులకు సరికొత్త అనుభూతిని కలిగిస్తుందనే అభిప్రాయాన్ని వారు వ్యక్తం చేశారు.


 నటి నమితను ఇప్పటివరకూ కలల రాణిగానే భావిస్తారు అభిమానులు. అలా తనకే సొంతమైన అందాలతో యువతను గిలిగింతలు పెట్టిన ఈ సూరజ్‌ బ్యూటీ ఇప్పుడు తెరపై బీభత్సం సృష్టించడానికి రెడీ అవుతున్నారు. చాలా గ్యాప్‌ తరువాత నమిత నాయకిగా నటిస్తున్న చిత్రం పొట్టు. నటుడు భరత్‌ కథానాయకుడిగా నటిస్తున్న ఇందులో ఇనియ, సృష్టిడాంగే ఇతర కథానాయికలుగా నటిస్తున్నారు. తంబిరామయ్య, భరణి, నాన్‌కడవుల్‌ రాజేంద్రన్, ఊర్వశి మొదలగు పలువురు ముఖ్య పాత్రలు పోషిస్తున్న ఈ చిత్రాన్ని షాలోమ్‌ స్టూడియోస్‌ పతాకంపై జాన్‌మ్యాక్స్, జాన్‌ కలిసి నిర్మిస్తున్న చిత్రం పొట్టు. వడివుడైయాన్‌ కథ, కథనం, దర్శకత్వం బాధ్యతలను నిర్వహిస్తున్న ఈ చిత్రానికి అమ్రిష్‌ సంగీతం అందిస్తున్నారు.
 
 ఇందులో నటి నమిత ఆహార్యం, అభినయం విభిన్నంగా ఉంటాయి. అటు మృగం, ఇటు మనిషి కలిసిన ఒక వింత గెటప్‌లో కనిపించే నమిత వెండితెరపై బీభత్సం సృష్టిస్తారంటున్నారు చిత్ర దర్శకుడు విడివుడైయాన్‌. దీని గురించి ఆయన తెలుపుతూ పొట్టు పూర్తి హారర్‌ కథా చిత్రంగా ఉంటుందన్నారు. ఇందులో నటుడు భరత్‌ తొలిసారిగా అమ్మాయి వేషంలో కనిపిస్తారన్నారు. ఇక నమిత ఇప్పటి వరకూ నటించనటువంటి విభిన్న పాత్రలో నటిస్తున్నారని చెప్పారు. ఇందులోని అడి పోడీ సంఢాలి అనే పాటను ఇటీవల కేరళలోని అధిరంబిలి ప్రాంతంలో నదిలో చిత్రీకరించినట్లు తెలిపారు.
 
 ఈ చిత్రాన్ని తమిళం, తెలుగు, హిందీ భాషల్లో విడుదల చేయనున్నట్లు చెప్పారు. షూటింగ్‌ కార్యక్రమాలు పూర్తి చేసుకుని ప్రస్తుతం నిర్మాణ కార్యక్రమాలు జరుపుకుంటున్న ఈ చిత్రాన్ని తమిళంలో పొట్టు, తెలుగులో బొట్టు, హిందీలో బింది పేర్లతో త్వరలోనే విడుదల చేయడానికి సన్నాహాలు చేస్తున్నట్లు దర్శకుడు వెల్లడించారు.


 ప్రేమ చాలు.పెళ్లి అవసరం లేదు అంటున్నారు నటి నమిత. 2003లో ఎంగళ్ అన్న చిత్రం ద్వారా కోలీవుడ్‌లోకి దిగుమతి అయిన సూరజ్ బ్యూటీ నమిత. 13 ఏళ్లుగా తమిళంతో పాటు తెలుగు, మలయాళం, కన్నడం, గుజరాతీ, ఆంగ్లం మొదలగు ఆరు భాషల్లో నటిస్తూ అశేష ప్రేక్షకులను తన అందచందాలతో అలరిస్తూ వస్తున్నారు. ఇప్పటి వరకూ 45 చిత్రాల్లో నటించిన నమిత అన్నిటిలోనూ అధికంగా అందాలనే ప్రదర్శిస్తూ అభిమానుల కలల రాణిగా వారిని గిలిగింతలు పెట్టించారు. చిన్న గ్యాప్ తరువాత కొత్త అందాలతో వినూత్న కథాపాత్రలో ప్రేక్షకుల ముందుకు రావడానికి సిద్ధమయ్యారు.
  
  పొట్టు అనే చిత్రంలో అఘోరిగా నటిస్తున్నారు. భరత్ కథానాయకుడుగా నటిస్తున్న ఈ చిత్రం ఇటీవల ప్రారంభమైంది.ఈ సందర్భంగా చక్కనమ్మ చిక్కినా అందమే అన్నట్టు ఈ తరం కథానాయికలతో పోటీగా తయారైన నమిత ఏమన్నారో చూద్దాం. 13 ఏళ్లుగా నా మచ్చాన్‌గళ్( అభిమానులు) నా గ్లామర్‌ను ఆస్వాదిస్తూ వస్తున్నారు.అయితే తినగ తినగ గారెలు చేదైనట్లు  ఎప్పుడూ బిరియానీ తిన్నా మొఖంమొత్తడం ఖాయం.అందుకే విభిన్న పాత్రలు పోషించాలని కోరుకున్నాను. అలాంటి పాత్రను పొట్టు చిత్రంలో పోషించే అవకాశం వచ్చింది. ఈ చిత్రంలో నా శరీర చాయను నల్లగా మార్చుకుని నటించనున్నాను. ఇందుకోసం దుబాయ్ వెళ్లి ఒంటి రంగును మార్చుకోనున్నాను.
  
  అది మూడు నెలల వరకూ ఉంటుంది. ఆ తరువాత మళ్లీ అసలు రంగు వచ్చేస్తుంది.నేను కష్టపడాల్సిన విషయం ఏమిటంటే ఈ చిత్రంలో తరసు చుట్టలు తాగాల్సి ఉంది.నా అభిమానులతో తరచూ ట్విట్టర్‌లో మాట్లాడుతూ ఉంటాను. వారిలో చాలా మంది నన్ను పేమిస్తున్నానని అంటుంటారు. అలా వారి ప్రేమ చాలు.పెళ్లి అవసరం లేదు. జీవితాంతం నటిగానే కొనసాగాలను కుంటున్నాను.అందుకే 86 కేజీల బరువు పెరిగిన నేను ఇప్పుడు 73 కేజీలకు తగ్గాను. ఇంకా ఎనిమిది కేజీలు తగ్గుతాను. సాధారణంగా నాకు దెయ్యాలంటే భయం లేదు. దెయ్యం ఇతి వృత్తంతో కూడిన పొట్టు చిత్రంలో నటించనుండడం థ్రిల్లింగ్‌గా ఉంది.