రాజ్‌కిరణ్, రేవతి, ప్రసన్న, చాయాసింగ్‌ నటించిన పవర్‌ పాండి చిత్రం ద్వారా ధనుష్‌ దర్శకుడి అవతారం ఎత్తారు. తర్వాత నాగార్జున, శరత్‌కుమార్, శ్రీకాంత్, అతిథిరావు వంటి తారలతో ఒక చిత్రాన్ని రూపొందిస్తున్నారు. ధనుష్‌ గొప్ప నటుడనే విషయం అందరికీ తెలిసిందే. అదే సమయంలో ఇతను పరమ శివభక్తుడు అనే విషయం చాలా మందికి తెలియదు. ‘మగధీర’ తరహాలో ధనుష్‌ దర్శకత్వం వహిస్తున్న చిత్రం కూడా చారిత్రాత్మకమైనదే. తెలుగులో అనేక మంది ప్రముఖ దర్శకుల దర్శకత్వంలో చాలా చిత్రాల్లో నటించిన నాగార్జున.. ధనుష్‌ ఒకే రోజున అనేక సన్నివేశాలను అతి వేగంగా డైరెక్ట్‌ చేస్తున్న ప్రతిభకు ముగ్ధుడై మనసారా అభినందించారు. ఈ చిత్రం ప్రధానాంశం శివునిపై భక్తి ప్రపత్తులతో కూడింది కావడంతో ప్రతిరోజూ పూజలు, పునస్కారాలను ధనుష్‌ ఇంట్లోనే ముగించి  షూటింగ్‌ స్పాట్‌కు వస్తున్నట్లు సమాచారం.

ఈ ఏడాది నటుడిగా హాలీవుడ్‌ చిత్రం ‘ది ఎక్స్‌ట్రార్డినరీ జర్నీ ఆఫ్‌ ది ఫకీర్‌’, నిర్మాతగా మామ  రజనీకాంత్‌తో ‘కాలా’ చిత్రాలు చేశారు ధనుష్‌. ఇప్పుడు డైరెక్టర్‌గా తన సెకండ్‌ మూవీని స్టార్ట్‌ చేశారట ఈ మల్టీటాలెంటెడ్‌ హీరో. ‘పవర్‌ పాండి’ చిత్రం ద్వారా ధనుష్‌ దర్శకుడిగా మారిన సంగతి తెలిసిందే. ఈ చిత్రంలో ధనుష్‌ ఓ కీలక పాత్ర చేశారు. దర్శకుడిగా తన మలి చిత్రంలో కూడా కీలక పాత్రతో సరిపెట్టాలనుకుంటున్నారట ధనుష్‌. ఎందుకంటే డైరెక్టర్‌ ఈజ్‌ కెప్టెన్‌ ఆఫ్‌ ది షిప్‌ కదా. లీడ్‌ రోల్‌ కూడా చేస్తే డైరెక్షన్‌ డైవర్ట్‌ అయ్యే అవకాశం ఉందని ధనుష్‌ అనుకుంటున్నారట. నటుడిగా ధనుష్‌ చేసిన ‘ఎౖన్నై నోక్కి  పాయుమ్‌ తోటా, మారి 2 , వడ చెన్నై’ ఈ ఏడాది చివర్లో రిలీజ్‌ కానున్నాయి.

హీరోగా చేయబోతున్న 37వ సినిమాతో రెండోసారి మెగా ఫోన్‌ పట్టనున్నారు దర్శక–నటుడు–నిర్మాత ధనుష్‌. రాజ్‌ కిరణ్‌ లీడ్‌ రోల్‌ చేసిన ‘పవర్‌ పాండి’ చిత్రం దర్శకుడిగా ధనుష్‌కి మొదటి సినిమా. బాక్సాఫీసు వద్ద డీసెంట్‌ హిట్‌ తెచ్చుకున్న ఈ సినిమా సీక్వెలే దర్శకుడిగా ధనుష్‌కి రెండో సినిమా అవుతుందన్న ఊహాగానాలు కోలీవుడ్‌లో వినిపించాయి. అయితే.. ఆ ఊహాగానాలు తప్పని తేల్చేశారాయన. ‘‘నా దర్శకత్వంలో రూపొందబోయే సినిమా గురించి వస్తున్న రూమర్స్‌కు ఫుల్‌స్టాప్‌ పెడుతున్నాను. తేనాండాళ్‌ ఫిల్మ్‌ పతాకంపై నేను హీరోగా చేయబోతున్న సినిమానే నా రెండో డైరెక్షన్‌ ప్రాజెక్ట్‌’’ అని పేర్కొన్నారు ధనుష్‌. మరోవైపు రెండేళ్ల క్రితం వచ్చిన ‘మారి’ సినిమాకు సీక్వెల్‌ చేయనున్నారు ధనుష్‌.  బాలాజీ మోహన్‌ దర్శకత్వంలో ఈ సినిమా రూపొందనుంది. సాయి పల్లవిని హీరోయిన్‌గా తీసుకున్న ఈ సినిమా యూనిట్‌ లేటెస్ట్‌గా ఓ కీలక పాత్రకు వరలక్ష్మీ శరత్‌కుమార్‌ను ఎంపిక చేసినట్లు ఎనౌన్స్‌ చేసింది. అంతేకాదు.. పదేళ్ల తర్వాత ధనుష్‌ సినిమాకు మ్యూజిక్‌ డైరెక్టర్‌ యువన్‌ శంకర్‌ రాజా సంగీతం అందించనున్నారు.


 హ్యాపీ... హ్యాపీ... హ్యాపీ... ధనుష్‌ ఫుల్‌ హ్యాపీ. తల్లిదండ్రుల కేసు నిమిత్తం కోర్టుల చుట్టూ తిరగాల్సిన అవసరం లేదు. కోర్టులో కేసు కొట్టేయడంతో హ్యాపీ. దర్శకత్వం వహించిన తొలి సినిమా ‘పవర్‌ పాండి’ సక్సెస్‌ కావడం మరో హ్యాపీ. మామ రజనీకాంత్‌ హీరోగా తాను నిర్మించనున్న సినిమా షూటింగ్‌ ఈ వారంలో ప్రారంభం కానుండడం ఇంకో హ్యాపీ. ఈ హ్యాపీనెస్‌ల మధ్య ధనుష్‌ హ్యాపీగా ఇంకో స్టెప్‌ వేయడానికి రెడీ అవుతున్నారు.
 
 ఓ మలయాళం సినిమాకు సమర్పకుడిగా, 30 మంది కొత్త నటీనటులను పరిచయం చేస్తూ, మరో మలయాళ సినిమా నిర్మించడానికి రంగం సిద్ధం చేస్తున్నారు. ఇంకో వైపు హాలీవుడ్‌ సినిమాలో నటించడానికి రెడీ అవుతున్నారు. మొత్తం మీద ధనుష్‌ లైఫ్‌లో ఇప్పుడు నో వర్రీస్‌.


 కోలీవుడ్ స్టార్ హీరో ధనుష్, నటుడిగానే కాదు నిర్మాతమగా దర్శకుడిగానూ దూసుకుపోతున్నాడు. ఇప్పటికే నిర్మాతగా జాతీయ స్థాయిలో గుర్తింపు తెచ్చుకున్న ధనుష్ తాజా పవర్ పాండీ సినిమాతో దర్శకుడిగా సూపర్ హిట్ సాధించాడు. వయసు మళ్లిన ఫైట్ మాస్టర్ కథతో తెరకెక్కిన ఈ సినిమాలో రాజ్ కిరణ్, రేవతిలు ప్రధాన పాత్రల్లో నటించారు. పవర్ పాండి సూపర్ హిట్ కావటంతో ఈ సినిమాకు సీక్వల్ రూపొందించే ఆలోచనలో ఉన్నాడు ధనుష్.
 
 అయితే ఈ సీక్వల్లో రజనీకాంత్ను హీరోగా తీసుకోవాలని భావిస్తున్నాడట. ఇప్పటికే రజనీకాంత్ హీరోగా పా రంజిత్ దర్శకత్వంలో ఓ సినిమా ప్రారంభించిన ధనుష్. తరువాత తన దర్శకత్వంలో రజనీ హీరోగా సినిమా చేయాలని ప్లాన్ చేస్తున్నాడు. అయితే రాజ్ కిరణ్ చేసిన పాత్రలో రజనీ ఎంత వరకు సూట్ అవుతాడన్న అనుమాన్ అభిమానుల్లో వ్యక్తం అవుతోంది.  పవర్ పాండీ తెలుగు రీమేక్ రైట్స్ ను మోహన్ బాబు సొంతం చేసుకున్నారు.


 హీరోగా ఎన్నో విజయాలను అందుకున్న కోలీవుడ్ స్టార్ హీరో ధనుష్ ఇటీవల నిర్మాతగానే సత్తా చాటుతున్నాడు. అదే జోరులో తనలో ఓ దర్శకుడు కూడా ఉన్నాడంటూ ప్రూవ్ చేసుకునేందుకు రెడీ అవుతున్నాడు. ధనుష్ దర్శకుడిగా మారి తెరకెక్కించిన పవర్ పాండి షూటింగ్ పూర్తయ్యింది. ఒక పక్క నటుడిగా బిజీగా ఉంటూనే దర్శకుడిగా తన తొలి చిత్రాన్ని అనుకున్న సమయానికి పూర్తి చేశాడు ధనుష్.
 
 ఈ విషయాన్ని సోషల్ మీడియా ద్వారా ప్రకటించిన ధనుష్, సినిమాను పూర్తి చేయడంలో తనుకు సహకరించిన ప్రతీ ఒక్కరికీ కృతజ్ఞతలు తెలియజేశాడు. ధనుష్ స్వయంగా నిర్మిస్తున్న ఈ సినిమాలో రాజకిరణ్ ప్రధాన పాత్రలో నటిస్తుండగా గౌతమ్ మీనన్, ధనుష్ లు అతిథి పాత్రల్లో కనిపించనున్నారు. మార్చి 9న ఆడియోనే.. ఏప్రిల్ 14న సినిమాను రిలీజ్ చేసేందుకు ప్లాన్ చేస్తున్నారు.
  
 
 And that's a wrap for #powerpaandi .. so thankful and happy to be able to live my dream. Thank u all for all d encouragement. Spread love. 🙏
 — Dhanush (@dhanushkraja) 27 February 2017


 
 పవర్‌పాండి చిత్రం విడుదల తేదీ ఫిక్స్‌ అయ్యింది. స్టార్‌ నటుడు ధనుష్‌ తొలిసారిగా మోగాఫోన్‌ పట్టిన చిత్రం పవర్‌పాండి. దీన్ని తన వండర్‌బార్‌ ఫిలింస్‌ పతాకంపై నిర్మిస్తూ, ఒక కీలక పాత్రలో నటిస్తున్నారు ధనుష్‌. సినీయర్‌ నటుడు రాజ్‌కిరణ్‌ ప్రధాన పాత్ర పోషిస్తున్న ఈ చిత్రంలో నటి మరోనా సెబాస్టియన్, చాయాసింగ్, ప్రసన్న ముఖ్యపాత్రల్లో నటిస్తున్నారు. దర్శకుడు గౌతమ్‌మీనన్, విజయ్‌ టీవీ దైవదర్శిని ముఖ్య పాత్రల్లో కనిపించనున్నారు. పవర్‌పాండి చిత్రానికి షాన్‌ రోనాల్డ్‌ సంగీతం, వేల్‌రాజ్‌ ఛాయాగ్రహణం అందిస్తున్నారు.
 
 చిత్ర షూటింగ్‌ను సింగిల్‌ షెడ్యూల్‌లో పూర్తి చేయడానికి ప్రణాళికను సిద్ధం చేసిన ధనుష్‌ అదే విధంగా ఎలాంటి ఆటంకాలు లేకుండా చిత్రాన్ని తెరకెక్కిస్తున్నారు. చిత్రీకరణ తుది దశకు చేరుకుందని తెలిసింది. ఇది ఒక స్టంట్‌ కళాకారుడి ఇతివృత్తంతో తెరకెక్కుతున్న చిత్రం అని సమాచారం. పవర్‌పాండి చిత్రాన్ని ఏప్రిల్‌ 14న విడుదలకు సన్నాహాలు చేస్తున్నట్లు తాజా సమాచారం. ధనుష్‌ మరో పక్క గౌతమ్‌మీనన్‌ దర్శకత్వంలో తాను హీరోగా నటిస్తున్న ఎన్నై నోక్కి పాయుమ్‌ తోట్టా చిత్రం షూటింగ్‌లో చురుగ్గా పాల్గొంటున్నారు. ఈ చిత్రం షూటింగ్‌ చివరి దశకు చేరుకుందని కోలీవుడ్‌ వర్గాల సమాచారం.