‘‘ప్రేమ ఎంత మధురం ప్రియురాలు అంత కఠినం’ టైటిల్‌ చక్కగా ఉంది. టీజర్, ట్రైలర్‌ చూస్తుంటే సినిమా పెద్ద హిట్‌ అవుతుందనే నమ్మకం ఉంది. పాటలు చాలా బాగున్నాయి. గోవర్ధన్‌కి ఈ సినిమా మంచి పేరు తీసుకురావడం ఖాయం’’ అని నిర్మాత బెక్కెం వేణుగోపాల్‌ (గోపి) అన్నారు. చంద్రకాంత్‌ హీరోగా, రాధిక, పల్లవి డోరా హీరోయిన్లుగా గోవర్ధన్‌ గజ్జల దర్శకత్వంలో రూపొందిన చిత్రం ‘ప్రేమ ఎంత మధురం ప్రియురాలు అంత కఠినం’. రఘురామ్‌ రొయ్యూరు, శ్రీకాంత్‌ పద్మనాభం, గోవర్ధన్‌ గజ్జల నిర్మాతలు. నేడు విడుదలవుతోన్న ఈ సినిమా ప్రీ–రిలీజ్‌ వేడుకను హైదరాబాద్‌లో నిర్వహించారు. ‘‘అందమైన రొమాంటిక్‌ థ్రిల్లర్‌ చిత్రమిది. షూటింగ్‌ మొత్తం అమెరికాలో జరిగింది. మా చిత్రంలో నటించినవారు, పని చేసినవారు అమెరికాలోని తెలుగువారే కావడం విశేషం’’ అన్నారు దర్శకుడు. ‘‘మంచి సబ్జెక్ట్‌. అన్నివర్గాల ప్రేక్షకులకు నచ్చుతుందనే నమ్మకం ఉంది’’ అన్నారు చంద్రకాంత్‌.

‘‘సినిమా మీద ప్రేమతో మంచి ఉద్యోగాన్ని వదులుకున్నాను. కలను సాకారం చేసుకునేందుకు లాస్‌ ఏంజిల్స్‌లో ఫిల్మ్‌మేకింగ్‌ కోర్స్‌ నేర్చుకున్నాను. నేను తీసిన షార్ట్‌ ఫిల్మ్స్‌కి వచ్చిన ప్రసంశలు, ప్రోత్సాహంతో ఈ సినిమాను రూపొందించా’’ అన్నారు దర్శక–నిర్మాత గోవర్థన్‌ గజ్జల. చంద్రకాంత్, రాధికా మెహరోత్రా, పల్లవి డోరా ముఖ్య పాత్రల్లో మిత్రుల సహకారంతో ఆయన స్వీయ దర్శకత్వంలో నిర్మించిన సినిమా ‘ప్రేమ ఎంత మధురం... ప్రియురాలు అంత కఠినం’. తనికెళ్ళ భరణి, తులసి, ‘జెమిని’ సురేశ్‌ నటించిన ఈ చిత్రం ఈ నెల 17 విడుదల కానుంది. గోవర్థన్‌ మాట్లాడుతూ– ‘‘కొందరు సినిమా ప్రముఖులకు, సన్నిహితులకు సినిమా చూపించాను. బాగుందని మెచ్చుకున్నారు. లవ్‌లో సక్సెస్‌ అయ్యేందుకు అమెరికా వెళ్లిన ఓ కుర్రాడి జీవితంలోకి మరో అమ్మాయి వస్తుంది. అప్పుడు అతని జీవితం ఎలాంటి టర్నింగ్స్‌ తీసుకున్నది అన్నదే చిత్రకథ. ఇది ట్రయాంగిల్‌ లవ్‌స్టోరీ కాదు. ఈ సినిమా విడుదల విషయంలో నిర్మాత బెక్కం వేణుగోపాల్‌ అందించిన ప్రోత్సాహానికి రుణపడి ఉంటాను. ఈ సినిమా కోసం వృత్తిపరంగా, వ్యక్తిగతంగా చాలా త్యాగాలు చేశాను. అవుట్‌పుట్‌ చూశాక నేను పడిన కష్టాలన్నింటినీ మరచిపోయాను’’ అన్నారు.

చంద్రకాంత్, రాధిక మెహరోత్రా, పల్లవి డోరా ముఖ్య తారలుగా  రూపొందిన చిత్రం ‘ప్రేమ ఎంత మధురం ప్రియురాలు అంత కఠినం’. రఘురామ్‌ రొయ్యూరుతో కలిసి గోవర్ధన్‌ గజ్జల స్వీయ దర్శకత్వంలో నిర్మించారు. జితిన్‌ రోషన్‌ స్వరపరచిన ఈ సినిమా పాటలను నిర్మాతలు సి.కళ్యాణ్, కిరణ్‌ విడుదల చేశారు. ఈ నెల 15న ఈ సినిమా విడుదల కానుంది. గోవర్ధన్‌ మాట్లాడుతూ– ‘‘సరిగ్గా సంవత్సరం క్రితం ఈ సినిమా కోసం అమెరికాలో ఉద్యోగం వదులుకొని శ్రీకారం చుట్టా. అమెరికాలో అందుబాటులో ఉన్న నటీనటులు, సాంకేతిక నిపుణులతో అధిక భాగం అక్కడే షూటింగ్‌ జరుపుకొన్న ఈ చిత్రం ప్రేక్షకులను అలరిస్తుందనే నమ్మకం ఉంది’’ అన్నారు.

చంద్రకాంత్, రాధికా మెహరోత్రా, పల్లవి డోరా ముఖ్య తారలుగా రఘురాం రొయ్యూరుతో కలిసి గోవర్ధన్‌ స్వీయ దర్శకత్వంలో నిర్మించిన సినిమా ‘ప్రేమ ఎంత మధురం ప్రియురాలు అంత కఠినం’. ఈ సిన్మా టీజర్‌ను హీరో నారా రోహిత్‌ విడుదల చేశారు. ‘‘టీజర్‌ చాలా ఆసక్తిగా ఉంది. ప్రేక్షకులను థ్రిల్‌కు గురి చేసే అంశాలున్నాయి. సినిమా మంచి హిట్టవ్వాలని మనస్ఫూర్తిగా కోరుకుంటున్నా’’ అన్నారు నారా రోహిత్‌. ‘‘ఇదొక అందమైన రొమాంటిక్‌ థ్రిల్లర్‌ మూవీ. ఈ వారంలో పాటల్ని, ఈ నెల 15న చిత్రాన్ని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నాం’’ అన్నారు గోవర్ధన్‌. చంద్రకాంత్, రాధికా మెహరోత్రా, పల్లవి డోరా తదితరులు పాల్గొన్నారు.