కేయూ క్యాంపస్‌: తెలంగాణలో ఎంబీఏ, ఎంసీఏ కోర్సుల్లో ప్రవేశానికి ఈ నెల 18న నిర్వహించిన టీఎస్‌ ఐసెట్‌– 2017 పరీక్ష ఫలితాలను ఈ నెల 31న విడుదల చేయనున్నారు. తొలుత 30నే ఫలితాలు వెల్లడించనున్నట్లు షెడ్యూల్‌ ప్రకటించినా.. చివరి నిమిషంలో మార్పు చేశారు. 31న సాయంత్రం 4కు రాష్ట్ర ఉన్నత విద్యామండలి కార్యాలయంలో ఫలితాలు విడుదల చేయనున్నట్లు టీఎస్‌ ఐసెట్‌ కన్వీనర్‌ ప్రొఫెసర్‌ ఓంప్రకాశ్‌ ఆదివారం తెలిపారు.
 
 టీఎస్‌ఐసెట్‌కు 71,172మంది అభ్యర్థులు హాజరయ్యారు. 21న ప్రాథమిక కీని విడుదలచేశారు. 27వరకు అభ్యంతరాలు స్వీకరించగా 60నుంచి 70వరకు అభ్యంతరాలు వచ్చాయని సమాచారం. 


 కేయూ క్యాంపస్: తెలంగాణ రాష్ట్రంలో ఎంబీఏ, ఎంసీఏ కోర్సుల్లో ప్రవేశానికి ఈ నెల 19న నిర్వహించిన ఐసెట్-2016 ప్రవేశ పరీక్ష ఫలితాలను మంగళవారం విడుదల చేయనున్నట్లు ఐసెట్ కన్వీనర్ ప్రొఫెసర్ ఓంప్రకాశ్ వెల్లడించారు. హైదరాబాద్‌లో తెలంగాణ రాష్ట్ర ఉన్నత  విద్యామండలి చైర్మన్ ప్రొఫెసర్ టి.పాపిరెడ్డి, కేయూ ఇన్‌చార్జ్ వీసీ టి.చిరంజీవులు మంగళవారం సాయంత్రం 4:30 గంటలకు ఫలితాలను విడుదల చేస్తారని తెలిపారు. పరీక్ష అనంతరం అదేరోజు ప్రాథమిక కీ విడుదల చేసి అభ్యంతరాలు స్వీకరించామని తెలిపారు. మంగళవారం ఫలితాలతో పాటు ఫైనల్ కీ విడుదల చేస్తామన్నారు. అనంతరం అభ్యర్థులు డబ్ల్యూడబ్ల్యూడబ్ల్యూ.టీఎస్‌ఐసెట్-2016.ఓఆర్‌జీ వెబ్‌సైట్ ద్వారా మార్కుల వివరాలు తెలుసుకోవచ్చని సూచించారు.


 నిమిషం ఆలస్యమైనా నో ఎంట్రీ
 
  కేయూ క్యాంపస్: రాష్ట్రంలో ఎంబీఏ, ఎంసీఏ కోర్సుల్లో ప్రవేశాలకుగాను టీఎస్ ఐసెట్ -2016కు అన్ని ఏర్పాట్లు పూర్తిచేశారు. గురువారం జరిగే పరీక్షకు 72,474 మంది అభ్యర్థులు రాయబోతున్నారని ఐసెట్ కన్వీనర్ ప్రొఫెసర్ ఓంప్రకాశ్ తెలిపారు. రాష్ట్రంలోని 16 రీజినల్ సెంటర్ల పరిధిలో 127 పరీక్ష కేంద్రాలను ఏర్పాటు చేశామన్నారు. నేడు ఉదయం 10 నుంచి మధ్యాహ్నం 12:30 వరకు పరీక్ష నిర్వహిస్తామని, నిర్ణీత సమయూనికి నిమిషం ఆలస్యమైనా అనుమతించేది లేదని స్పష్టం చేశారు.
 
 ఐసెట్‌కు తొలిసారిగా బయోమెట్రిక్ విధానాన్ని అమలు చేస్తున్నట్లు చెప్పారు. పరీక్ష నిర్వహణకు 127 మంది చీఫ్ సూపరింటెండెంట్‌లు, 32 మంది స్పెషల్ అబ్జర్వర్లు, 140 మంది లోకల్ అబ్జర్వర్లను నియమించామని పేర్కొన్నారు. పరీక్ష కేంద్రాలకు ఎలక్ట్రానిక్ పరికరాలు, సెల్‌ఫోన్‌లు తీసుకురావద్దని సూచించారు.


  సాక్షి, హైదరాబాద్/కేయూ క్యాంపస్: రాష్ట్రంలో ఎంబీఏ, ఎంసీఏ కోర్సుల్లో ప్రవేశాలకు గురువారం (19న) నిర్వహించనున్న టీఎస్ ఐసెట్-2016కు ఏర్పాట్లు పూర్తి చేసినట్లు ఐసెట్ కన్వీనర్ ప్రొఫెసర్ కె. ఓంప్రకాశ్ మంగళవారం వెల్లడించారు. ఉదయం 10 నుంచి మధ్యాహ్నం 12:30 గంటల వరకు పరీక్ష జరుగుతుందన్నారు. నిమిషం ఆలస్యమైనా పరీక్షకు అనుమతించబోమని.. పరీక్ష ప్రారంభానికి గంట ముందు నుంచే పరీక్ష కేంద్రాల్లోకి విద్యార్థులను అనుమతిస్తామన్నారు. కాకతీయవర్సిటీ ఆధ్వర్యంలో నిర్వహించనున్న ఈ పరీక్షకు 72,474 మంది అభ్యర్థులు ఆన్‌లైన్ ద్వారా దరఖాస్తు చేసుకున్నారని తెలిపారు.
 
 రాష్ట్రంలోని 16 రీజినల్ సెంటర్ల పరిధిలో 127 పరీక్ష కేంద్రాలను ఏర్పాటు చేశామని, అన్నీ ప్రభుత్వ విద్యాసంస్థలేనని తెలి పారు. పరీక్ష కోసం 127 మంది చీఫ్ సూపరింటెండెంట్‌లను, 32 మంది ప్రత్యేక పరిశీలకులను, 140 మంది లోకల్ అబ్జర్వర్లను నియమించామని, ఐసెట్‌కు తొలిసారిగా బయోమెట్రిక్ విధానం అమలు చేస్తున్నామని ఓంప్రకాశ్ వివరించారు. ఇందుకోసం ప్రతి పరీక్ష కేంద్రంలో బయోమెట్రిక్ ఇన్విజిలేటర్లను నియమించామన్నారు. వారు అభ్యర్థుల వేలిముద్రలతోపాటు డిజిటల్ ఫొటోలనూ తీసుకుంటారన్నారు. అభ్యర్థులు హాల్‌టికెట్లతోపాటు పూర్తి చేసిన అప్లికేషన్ ఫారం, బ్లూ లేదా బ్లాక్  పెన్నులు తెచ్చుకోవాలని సూచించారు. అభ్యర్థుల కోసం గతేడాది ఐసెట్ ప్రశ్నపత్రం, ‘కీ’ని www.tsicet.org వెబ్‌సైట్‌లో పొందుపరిచామన్నారు. పరీక్ష కేంద్రాలకు సెల్‌ఫోన్‌లు, ఇతర ఎలక్ట్రానిక్ పరికరాలు నిషేధమన్నారు. ఈ నెల 21న ప్రాథమిక ‘కీ’ని విడుదల చేస్తామని, 24 వరకు అభ్యంతరాలను స్వీకరించి 31న తుది ‘కీ’తోపాటు ఫలితాలను వెల్లడిస్తామన్నారు.