న్యూయార్క్‌ : చిన్నతనంలో తనపై జాతి వివక్ష వ్యాఖ్యలు చేసిన ఓ స్నేహితుడి ముక్కు పగులగొట్టానన్నారు అమెరికా మాజీ అధ్యక్షుడు బరాక్‌ ఒబామా. బ్రూస్‌ స్ప్రింగ్స్‌టీన్‌తో జరిగిన ఆడియో ఇంటర్వ్యూలో ఈ విషయాన్ని వెల్లడించారు. ఈ ఇంటర్వ్యూకు సంబంధించిన ఎపిసోడ్‌ మంగళవారం విడుదలైంది. 13 నిమిషాల ఆ ఆడియో ఇంటర్వ్యూ ఎపిసోడ్‌లో స్నేహితుడితో జరిగిన గొడవ గురించి ఒబామా మాట్లాడుతూ.. ‘‘ నేను స్కూల్లో చదువుతున్న సయమంలో నాకో ఫ్రెండ్‌ ఉండేవాడు. మేమిద్దరం కలిసి ఫుట్‌బాల్‌ ఆడేవాళ్లం. ఓ రోజు మా ఇద్దరి మధ్యా గొడవ జరిగింది. ఆ సమయంలో అతడు నాపై జాతి వివక్ష వ్యాఖ్యలు చేశాడు.  ఓ పదం అంటూ నన్ను కించపరిచేలా మాట్లాడాడు. అసలతడికి ఆ పదానికి అర్థం కూడా తెలియదు. ఆ పదం ప్రయోగించి నన్ను బాధపెట్టాలనే ఉద్ధేశ్యం తప్ప. దీంతో నాకు విపరీతమైన కోపం వచ్చింది. మూతి మీద గట్టిగా కొట్టాను. అతడి ముక్కు పగిలిపోయింది. ఇంకోసారి నన్నలా పిలవొద్దని గట్టిగా వార్నింగ్‌ ఇచ్చాను.’’ అని చెప్పుకొచ్చారు. చదవండి : నేపాల్‌ ప్రధానికి సుప్రీం షాక్‌ అమెరికాలో రోడ్డు ప్రమాదం.. టైగర్‌ వుడ్స్‌కు తీవ్ర గాయాలు 


 న్యూయార్క్: న్యూజెర్సీలోని ఎడిసన్ మేయర్ పదవికి పోటీ పడుతున్న భారత సంతతి అభ్యర్థులు జాతి విద్వేషాన్ని చవిచూశారు. ప్రచారం కోసం ఏర్పాటు చేసిన సైన్‌బోర్డులపై కొందరు గుర్తు తెలియని వ్యక్తులు స్వస్తిక్ గుర్తులతో పాటు ‘నెవర్ ఇన్ ఎడిసన్’ అంటూ విద్వేషపూరితమైన రాతలు రాశారు. ఎడిసన్ మేయర్ పదవికి పోటీ పడుతున్న సుధాంశు ప్రసాద్‌తో పాటు ఈ ఎన్నికల్లో ఇతర పదవుల కోసం భారత సంతతి అభ్యర్థులు షీలా ఆంగాలెట్, మోహిన్ పటేల్, స్టీవెన్ నాగెల్, సింథియా దోహర్తీలు పోటీచేస్తున్నారు.